دوانيه شلة منتظرات نتيجه عملية اطفال الانابيب والحقن المجهري

[احلامي الامومه]

أنا اسبحت بعد الترجيع باسبوع ورد الياسمين هلاعمري مشكوره انتي وكل البنات ثنايا شخبار البيبي سويتي سونار؟؟

 

[احلامي الامومه]

ثانيا شفيج ليش شصار معاج ظيقتي خلقي؟؟؟

 

[مربى و قيمر]

السلام عليكم ورحمة الله وبركاته
شلونكم بنات عسى الله يحقق امانيكم ويسعدكم بشوفة اعيالكم يارب ويرزق الى ماحملت بالحمل السليم يارب
عندى استفسار بسيط تحاميل السيكلوجست تحطونها مهبليه او شرجيه ًًوشنو الأحسن الى يفضلونها الاطبه أنا ترى موقفه اعلاج الحين بس افكر أسوا طفل أنبوب عن منصور العرف
وجزاكم الله خيرا

شدعوه بنات محد رد على سؤالي

 

[احلامي الامومه]

مهبليه افضل مربى وقيمر

 

[ثنايا الورد]

احلامي حبيبتي ربي ماكتب لي استمرار الحمل وماثبت ومن 3 ايام طلح وربي يعوضني انشالله شكلج ماشفتي موضوعي

مشاعر حبيبتي الحمد لله صرت احسن بس عوار الظهر وااايد يضيق الخلق

حبيبتي مربى وقيمر انا من زمان رديت على سؤالج يمكن ماشفتيه بالمهبل احسن طبعا بس اذا لاسمح الله نزل البني او دم تحطينها
بالشرج لين يوقف الدم ترجعين تحطينها بالمهبل

الله يوفقكم ويتمم عليكم حملكم يارب طمنونا عليكم دوم

 

[*عهد*]

بناات انا التحميله بااالشرج

 

[*عهد*]

بناات صارلي 8ايام من الترجيع يصير احلل الحين حدي مستعجله

 

[ورد ياسمين]

هلا مربي وقيمر انا مهبليه

 

[مربى و قيمر]

أحلامى الامومه جزاج الله خير والله يثبت حملج ويتمم عليج يارب
ثنايا الورد الله يعوض عليج ويرزقك بالذريه الطيبه عاجلا غيراجلا يارب العالميين
ورد ياسمين جزاك الله خيروالله يرزقج بالذريه الطيبه عاجلا غير اجلا يارب العالميين

التحميله أنا احطها شرجيه حاولت مهبليه بس تطييح احسها ماتدخل الشرجيه اسهل
الله يرزقنا بالذريه الطيبه من غير اعلاج يارب

 

[فتاة حالمة]

فتاة حالمه انتي وين بتسوين العمليه
كني قد قريت لك انك بتسوينها في السعوديه في مستشفى حكومي

صحيح عزيزتي

راح اسويها بالرياض في فيصل التخصصي

 

[ورد ياسمين]

مربي وقيمر الدكتور هو اللي يحكم وبعدين لازم تحطينها وتنامين عليها اقل شي ساعة وتحطين تحت ارجولج مخده علشان ماتنزل

 

[سمسومه الحبوبه]

صحيح عزيزتي

راح اسويها بالرياض في فيصل التخصصي

أنا ان شاءالله راح اسويها في مدينة الملك فهد الطبيه
بس قالوا لي ان السحب راح يسونه ببنج موضي فخفت شوي
مدري انتي قد جربتي الموضعي

 

[نونه الزعفرانه]

نونه بما انج معاي شمسويه ما تسبحتي ما طلعتي شمسويه يقلبي

انا طلعت من اليوم الخامس بس بالسياره مع زوجي
او اروح بيت اهلي اقعد معاهم ما اتحرك وايد
تسبحت عقب اسبوع بدون تفريك طبعا
لان شعري دهن ما تحملت

 

[احلامي الامومه]

ياعمري يا ثنايا إحنا صج نزعل بس أكيد الله سبحانه يعرف الاخير لنا والي في مصلحتنا بس شنو كانت الأسباب شنو قال الطبيب والله يعوضج خير بداله ماي الورد احس الايام سنين مو راضيه تمر لين الموعد سمسومه انا اول مره اسمع بنج موضعي بالسحب .....،

 

[ورد ياسمين]

السلام عليكم
شلونكم بنات

 

[سمسومه الحبوبه]

اي والله ياأحلامي قالت لي الدكتوره بنج موضعي مدري وين بيعطوني الأبره فيه وقالت ترى بعض الحريم يألمهم مررره وبعضهم يتحملون 

 

[ماي الورد]

بنات شنو مسويين مع هالبررد القارص

احلامي صاجة والله الايام ما تمر كلش الله يمررها على خير
التحاميل احسها مهبليه احسن حسب كلام الدكاترة
ثنايا ربي ماراح ينساج وان شاء الله راح يعطيج والله يهون عليج مصيبتج
سمسومه اول مرة اسمع موضعي كلنا سوينا بنج كامل بس يمكن هم طريقتهم ثانية

 

[نونه الزعفرانه]

انا اليوم التاااااسع من الترجيع احس بعوااار العاده ومغص العاده وكل اعراض العاده طلعت 
هل هذا شي طبيعي ؟

باجر اليوم العاشر فهل يبين اذا سويت باجر تحليل دم هرموني بلييييييز جاوبوني الله يخليكم

 

[ماي الورد]

نونه اصبررري صبرتي الكثير وما بقى الا القليل

يمكن ما يبين وتزعلين ويكون في حمل الدكاترة ما يعطون التحليل يوم 14 الا لغرض معين من رايي لا تستعجلين

 

[نونه الزعفرانه]

انزين اليوم ١٤
ابدا احسب من نفس يوم الترجيع
والا احسب من اليوم اللي ورا يوم الترجيع