دوانيه شلة منتظرات نتيجه عملية اطفال الانابيب والحقن المجهري

[rachaaa]

انا بعد مثلكم عند مصطفي وانا بعد العلاج الطويل
بس انا للحين في تاني يوم الدورة

 

[حبي راشد]

الله يرزقكم ويرزقني امين قلبي معكممم

 

[عسل حدي]

اللهم اني اشهدك واشهد حملة عرشك وملائكتك
وجميع خلقك اني رضيت بك اله لا شريك لك
وان محمدا عبدك ورسولك
.
اللهم لك الحمد والشكر حتى ترضى
ولك الحمد والشكر اذا رضيت
ولك الحمد والشكر بعد الرضا
ما شاء الله تبارك الله

 

[i_no00ra]

i nora

حبيبتي حمدالله على سلامتج
يارب يفرح قلبج وقلبي هالشهر ويفرح بنات هالتجمع بالضنى الصالح
لاتحاتين العوار يخف شوي شوي وثاني يوم بتكونين احسن

قالج متى الارجاع ؟ انا احتمال الاربعا
واختار لي علاج طويل المدى

الله يسلمج ياقلبي
عقبال مانفرح مع بعض قولي امين
قالي احتمال الخميس او الجمعه
استخدم معاي العلاج الطويل
بس ترا موفاهمة شي بالعلاج
عطاني تحاميل وحبوب لمده 18يوم

 

[last piece]

لاست امس ما عرفت انام كله اقوم من النوم احس في شي يقرصني ببلعومي من الاحتقان والحين احس بثقل بارحامي والم خفيف ممتد لرجولي
والعطاس يروح ويجيني فجأة وبقوة حاسة ان هالعملية فشلت استغفر الله العظيم امس بالليل قااعدة ابكي خايفة تفشل هالمرة بعد تعبت نفسيتي خساير من كل صوب الدوام مطنشته وكله خصومات ووزني زاد وجسمي اخترب من المتن والضعف ونفسيتي تعبت ما اقول اللا حسبي الله ونعم الوكيل
اللهم اصلح لي شأني كله ولا تكلني الى نفسي طرفة عين

حياتي اذا ليلحينج تعبانه روحي الطبيب وقوليله عشان يشوفولج حل ربي يشافيج ويعافيج ويرزقج بالذرية

وما الومج اذا توترتي لاني نفسج متوتره لاني مو حاسه بشي واحس روحي عاديه مافيني شي حتى امس طلعت مع انه كان ثالث يوم بعد الترجيع.
الله يستر ويرحمنا برحمته

 

[last piece]

بنات كل اللي مسوين السحب لا تاخذون اي ادويه او اعشاب ولا حتى بندول
واذا حسيتوا بالم اشربوا ماء بكثره راح تلقونه يخف العوار

 

[i_no00ra]

بنات ايام الترجيع عادي اشرب عصير تفاح واكل تفاح والا ممنوع؟؟

 

[i_no00ra]

بنات كل اللي مسوين السحب لا تاخذون اي ادويه او اعشاب ولا حتى بندول
واذا حسيتوا بالم اشربوا ماء بكثره راح تلقونه يخف العوار

انا الدكتور وصفلي تحميله لومكسين 1000 عشان الحرقان اللي احس فيه
وحطيتها اليوم وبكره ابلش بتحاميل المثبتات

 

[last piece]

التفاح من المثبتات باذن الله والخيار والسفرجل


وبالنسبة للدكتوره اذا اكتبتلج لومكسين عشان تضمن اذا سوت الترجيع مافي بكتيريا
وهذا التحميله يوم واحد بس لاتاخذين ادويه غيرها اذا اذا الدكتور كتبلج

لان في بنات ياخذون بندول ومسكنات لانهم ما يتحملون العوار

 

[عسل حدي]

ربي لا تذرني فرداً و أنت خير الوارثين

 

[ayisha]

صباح الخير كويتيات
بغيت استفسر عن شغله انا بعد موعدي مع الطبيب للحين مانزلت الدوره تقول الدكتوره
تركي التحاميل وبتنزل وحدي بموت من الم ظهري ماني متحملته
وهم في شغله بسال عنها الحين التحليل الهرموني الرقمي شلون طريقته؟

انا اللي سوه لي كان نفس تحليل المنزلي صغير حيل ويحطون دم فيه ويبين انا طلع
بس خط واحد وقالت مافي معقوله هذا تحليل رقمي وهم تقول مودين عينه للمختبر ونشوف
شنو ليش ماضبط
بليز علموني شلون التحليل الرقمي جذي بجهاز صغير ولا شنو

 

[last piece]

هلا عايشه صباح الخيرات
عايشه مو شرط اول ما تتركبن التحاميل تنزل الدوره
وبالنسبه للفحص اللي قلتي عنه ما اعرفه بس هذا طريقته مثل فحص السكر مو مار علي من قبل
عشان تتطمنين اتصلي فيهم باجر الصبح وسئليهم عن نتيجة المختبر
ربي يرزقج بالذريه الصالحة السليمة المعافاه

 

[سمو النفس]

عايشه ربي يعووضج لا تيآسين انا اول مره مانجحت وربي عوضني بالثانيه اللهم لك الحمد



البنات اللي منتظرات النتيجه اقروا سوره البقره يوميآ وصلاه الوتر والدعاء والتوكل علئ الله اولا واخيرا وربي يرزقكم يارررب

 

[rachaaa]

بنات شلونكم اليوم
ابس اسال لزام الابرة كل يوم بنفس الوقت ​

 

[حبي راشد]

انا مو نفس الوقت بضرؤف نوني

 

[حبي راشد]

:eh_s(7):نومي

 

[i_no00ra]

صباح الخير ..
متئ يتصلون المشفى عشان الاجنه ؟؟؟
بنات شنو يعني اجنه من الدرجه الاولى والدرجه الثانيه
ممكن وحده تفهمنا

 

[last piece]

صباح الخير بنات

رشا الابر لازم بوقت محدد لان هرمونات بس يعني اذا تأخرتي يوم واحد ماعليه بس حاولي تنتظمين فيها .


عايشه انتي وين سويتي التحليل ؟؟
لان الصباح مايطلعون النتيجة بنفس الوقت يقولولج روح البيت واحنا ندق عليج عقب ساعتين
استغربت من التحليل اللي سواج اياه !!

 

[last piece]

صباح الخير ..
متئ يتصلون المشفى عشان الاجنه ؟؟؟
بنات شنو يعني اجنه من الدرجه الاولى والدرجه الثانيه
ممكن وحده تفهمنا

بالنسبة للسؤال الاول المفروض يتصلون ثاني يوم من السحب واذا ما اتصلوا اتصلي انتي فيهم وسئليهم جم بويضه سحبوا وجم بويضه تلقحت منهم

السؤال الثاني بالنسبة للدرجات
بعد مايتم تلقيح البويض بالحيوان المنوي يصير اسمها اجنه
والاجنه تتصنف الى 4 انواع حسب انقسامها طبعا افضل الاجنه هي الاكثر انقسما
وهي تعتبر من اجنة الدرجة الاولى اذا وصلت عدد معين من الانقسامات اعتقد ٨
والترجيع يكون من ثاني يوم الى خامس يوم من السحب
وتعتبر افضل اجنه اللي تستمر الى اليوم الخامس لانها تكون فرصتها اكبر
وسبحان الله مرات اجنه الدرجة الثانيه والثالثه والرابعه تثبت والاولى ماتثبت
كلا بيد رب العالمين
اتمنى اني اكون فدتج بشرحي حسب ماقرأت .

 

[الورده المتلئله]

بنات انا اليوم رابع يوم الترجيع مابحس بشي غير شد بالضهر وان شاء الله كلنا حوامل يارب