دوانيه شلة منتظرات نتيجه عملية اطفال الانابيب والحقن المجهري

[عسل حدي]

اب اب اب

 

[ayisha]

هلا شموووخه حبيبتي اي الاعراض اللي احسها اللام دوره قويه اقوا من المها غير الم اسفل ظهري يموووت
وكله احس الحين يتنزل واحس بشي ينزل واخاف دم لارحت اشوف بس افرازات شفافه مع ابيض خفيف
ومن اليوم منسده نفسي مصدعه مالي خلق شي يمكن عشان بكرا موعدي احاتي
والبول تكرمين تغير لونه حيل وفيه مثل الخيوط البيضا قلت يمكن صار معاي التهاب اول مره جذي
يارب تفرجها انشاءالله ادعولي بنات تطلع نتيجه الهرمون مرتفعه واكون حامل يارب

 

[ماتغير شي]

عايشه ان شالله يارب حامل وتبشرينا انا حاسه انج حامل

 

[ayisha]

الله يسمع منج ماتغير شي انا موعدي مبجر تعرفين الصباح لازم التحاليل الصبح مبجر
عشان يطلعون النتيجه ع ١٠ او ١١

ادعولي بنات ان ربي يثبت اجنتي ويرزقني يارب

 

[شمووووخة]

أسأل الله العظيم رب العرش العظيم ان يرزقج يا عايشة بالحمل السليم في هالشهر وييعد قابج ويغرج عليج ويلبسج لباس الصحة والعافية ااااامين يارب العالمين

 

[شمووووخة]

بنات انا جاني امس احتقان وزكام وكله اعطس بشكل قوي احس ان روحي بتطلع وقاعدة اكثر من الحليب الحار
عادي واللا الشغلات الحارة مضرة ع ثبات الاجنة
الله يثبتلي اجنتي ويحفظهم بحفظه ااااامين يارب

 

[rachaaa]

يارب خيرررر
عائشة حبيبتي حليلي وطمنيني الله يخليج

 

[ayisha]

صباح الخير بنات شلونكم
الحمدالله ع كل حال العمليه ماضبطت وقالت لي وقفي التحاميل عشان تنزل الدوره
وعطوني موعد جديد انشاءالله شهر مايوو
ربي يكتب لي اللي فيه الخير انشاءالله ويعوضني خير

 

[rachaaa]

الله يعوض عليكي عائشة ياااااااارب ربي يعوضك

 

[شمووووخة]

عايشة قدر الله وماشاء فعل الله يعاوضج خير يارب ويرزقج من حيث لا تحتسبين لازعلين ربج كريم خلي باسج قوي وكرريها لين تنجح وان شالله ربي بيرزقج بتوأم يفرحونج يااارب

 

[last piece]

last الله يعينك اخ من هالدوام مايقدرون ابدا

اي والله مايقدرون يارشا
بس ربج مايضيع تعب احد

 

[last piece]

صباح الخير بنات شلونكم
الحمدالله ع كل حال العمليه ماضبطت وقالت لي وقفي التحاميل عشان تنزل الدوره
وعطوني موعد جديد انشاءالله شهر مايوو
ربي يكتب لي اللي فيه الخير انشاءالله ويعوضني خير

ربي يعوضج خير وياجرج ياعايشه
قلبي معاج
عيديها يقولج سبحان الله فالاعاده تكون نسبة النجاح اعلى وكل شي بيد رب العالمين
احنا نتوكل على الله ونتخذ بالاسباب

بس نصيحة اذا بغيتي تعيدين العمليه اخذي الشهر اللي قبلها رويال جل + فيتامين e
عشان تكون جودة البويضات عاليه واذا قدرتي حتى زوجج خلي ياخذ ووقفيها لم تبدين بالتنشيط
ربي كتبلج الذريه الصالحة

 

[last piece]

بنات انا جاني امس احتقان وزكام وكله اعطس بشكل قوي احس ان روحي بتطلع وقاعدة اكثر من الحليب الحار
عادي واللا الشغلات الحارة مضرة ع ثبات الاجنة
الله يثبتلي اجنتي ويحفظهم بحفظه ااااامين يارب

لا ماينفع اشياء حاره
حاولي تشربين عصير برتقال عشان يخف
والحليب اشربيه دافي

 

[Pink_Roses]

انا راح انضم لكم بهالتجمع انا راجعت دكتورتي وقالتلي ايي بيوم الواحد وعشرين من الدورة عشان اسوي تحليل دم للهرمونات ووعلى حسب النتايج راح تكتبلي بخاخ سوبر فاكت

في احد منكم جربة ؟؟؟ لان شفت اكثر من وحده استعملت ابر الدبيكتيل فهل البخاخ له نفس المفعول والا غير؟؟؟؟

 

[ماتغير شي]

عايشه معوضه ياعمري لاتيئسين كرريها والله يكتب لج الخير

 

[شمووووخة]

قوة بنات
لاست والوردة ها شنو تحسون فيه بعد الترجيع خلونا نشارك بعض

 

[شمووووخة]

:yaaaaaarb:الله يستر ألحين الدور علي

 

[الشمعة المضيئة]

مرحبا بنات
حبيبتي عايشه ربي يعوضك .... ان شاء الله ربي يرزقك الحمل من دون علاج
وان شاء الله تبشرينا بحملك شموخه

 

[شمووووخة]

الشمعة المضيئة تسلمين ياقلبي وعسى الله يسمع منج واحمل هالشهر

 

[i_no00ra]

بكره عمليتي وميته خووووف بنات
شنو تنصحوني لان الساعه 12 بصوم

ردوا علي عفيه