انا خذيت حبوب تنشيف الحليب قبل العمليه بشهر
فشلت عمليتي بس ماتوقع في علاقه الرزق عندربج
وسبحان الله شلون عندكم عيال وهم تسون انابيب والله
تعطوني امل انه ممكن احمل باي لحظه لان مو شرط الي مايابت
عيال كلش اهي الي تسوي وتعاني فمشكورين عالامل
حبيبتي جيمي عسى ربي يرزقج العيال ووقتها صج راح يعورج قلبج لما اتشوفين ولدج او بنتج يشوفون عيال الناس عندهم اخوان و اهو وحيد يبي اخوان يلعب معاهم و يكونون معاه طول الوقت و راح تحترين اكثر لما اتشوفين ضناج يزوق قلبه لما يشوف الياهال
عسى ان شالله اتشوفين هاليوم و يكون عندج ياهل و تكونين وقتها حامل يارب و تخوانيهم ورا بعض يارب
المال و البنون زينة الحياة
و ملح حبيبتي انا نفسج عندي بنت عمرها ثلاث سنوات من اطفال انابيب و يبتها عقب خمس سنوات من زواجي يعني جربت كل العلاجات من الصفر الى اطفال الانابيب و الحمدلله هذا اللي ضبط معاي
و عقبها بسنه و نص سويت العمليه مره ثانيه و انجحت ولله الحمد و حملت بتوأم بس للاسف ولدت ولادة مبكرة وتوفوو و كررت العملية عقب الولادة بست شهور بترجيع اجنة مجمده و حملت و اجهضت عقب اسبوعين و لله الحمد
و هذي تعتبر رابع عمليه يارب يثبت و افرح بشوفة اخوان و خوات لبنتي يكونون سند وعون لها بهالدنيا عقب عيني ,,,,,
ابشركم اليوم رحت موعدي و الحمدلله الدكتوره شافت الجيس و قالت الحمل زين و النسبه زينه بس للحين النبض راح يبين بعد اسبوعين يعني على الموعد الياي و قالتلي لحد اللحين مبين معاها جيس بيبي واحد و تتوقع يكون في ثاني بس للحين مو مبين الا واحد .,,,,,
الله يرزقنا و اياكم ياااااارب
