هلا بنات اشلونكم
انا باجر مراجعتي و ان شالله ابشركم و اسمع النبض بإذن الله
رشا حبيبتي ما قصرتي و قلبي معاج
جيمي حبيبتي انا معاج في بعض الكلام اللي قلتيه صح الوحده لا تحط امل كبير انها حامل و مو شرط الاعراض و الاحاسيس تثبت انج حامل لان اعراضنا و الاشياء اللي نمر فيها متشابه بسبب العلاج اللي ناخذه و انا كنت رايحه حق الدكتوره قبل العمليه و كنت اخذ كورس سوبر فاكت و اقولها احس بلوعه و صداع جان تقولي ان ابر الهرمونات و المقويات تخليج اتحسين نفس احساس الحمل والنساة ,,,,,
جيمي كتبت هالكلام علشان تقولكم لا تحطون امل كبير و اخر شي تصابون بالاحباط و الزعل القوي ,,,,
مربى و قيمر حبيبتي انا اول عملية سويتها و حملت في بنتي اللحين عمرها ثلاث سنوات عسى ربي يخليها و يكرمني باخوان لها كان عندي الهرمون الحليب مرتفع و تري شي بسيط جدا مع حبوب التنشيف باسبوع ينزل و يصير تحت الصفر لان حبوب التنشيف حيل قويه والله يرزقج يارب
