][ ! دنياي بدونك يا الغالي بعتها بلي فيها ! ][

[rayona]

الـــبــارت الــتــاســع عــــشــــر


بيوم كانت شهد توها طالعه من الحمام متسبحه و راحت وقفت جدام المنظره تنشف شعرها و تمشطه ما تشوف إلا امها دشت عليها و فتحت الباب حتى بدون ما اطقه ..

شهد اخترعت : يمه .. شفيج ؟؟

ام شهد راحت قعدت على الفراش : تعالي قعدي بكلمج ؟؟

شهد بقلبها الله يستر ويها ما يبشر بخير و راحت قعدت : و كاني قعدت .. قولي شنو شفيــ.. ما كملت كلمتها الا امها شدت شعرها حييل

شهد : آآآي آآي يما شفيج ...

ام شهد : و صمه .. انتي شمسويه هاا .. شمهببه .. اثاريج لمن نسافر تطلعين مع حبيب القلب .. أشوفج أنا ليش لمن نقولج بناخذج ما ترضين و كله تبين تقعدين في البيت بروحج هااا .. من ويين تعرفين هالجلب و طقتها طرااااااق

شهد مسكت خدها و دموعها قامت تنزل : منو !! منو الي اعرفه ..!!

ام شهد : لا تسويين روحج بريئه .. هاج شوفي و عطتها ظرف

شهد افتحت الظرف و شافت فيه صورها مع جاسم كذا صوره و كانت الصور يوم ما كانوا يطلعون مع بعض و تقريباً بكل طلعاتهم مصورينهم

ام شهد طقتها طراق ثاني و قالت : هاا تكلمي يا الجــ-----

شهد قطت الظرف على الأرض : و قعدت تبجي بصوت عالي

ام شهد : تكلمي منو هذا و من وين تعرفينا و من متى تعرفينا ..

شهد :ز يـ ـن .. هذا واحد اسمه جاسم و يصير اخو رفيجاتي و معاي بالجامعه و يما والله والله انه قصده شريف و يبي يخطبني بس ناطر يخلص آخر سنه و بعدها يخطبني .. والله ..

ام شهد : من ولده و منو خواته ؟؟؟

شهد : ولد الــ--- و خواته شيخه و فجر الي قتلج عنهم

ام شهد : مممم .. سمعي شهوود الي يبييج اييج من الباب مو من الدريشه ووو دامه شاريج .. خل يخطبج ..


شهد : يما والله بيخطبني .. بس يخلص آخر سنه و بعدها بيخطبني .. يما هاج هاج تلفوني كلميه و سألييه والله يما جاسم غير عن كل الصبيان و ما شفت عليه شي غلط .. أدري الي سويته غلط بس أنا ما غلطت معاه بشي قوي

ام شهد : ليش ناويه يعني تغلطيين .. غير هالغلطه أصلاً مجرد ما تقبلين تكلمينه فهذا أكبر غلط

شهد : بس يمه حـ ـبـ ـيـ ـتـ ـه و قامت تبجي أكثر

ام شهد حست ببنتها و لمتها و شهد لمت امها حيييييييييل

شهد بقلبها آآآآآآآآآه يا يمه مشتاقه حق حظنج و لمتج ..

ام شهد : شهد أدري انج ما غلطتي و فاهمتج و عارفه انج اتحبينه و القلب لا حب مستحيل يتخلى عن الي احبه .. و أنا مرييت بنفس تجربتج مع أبوج عشان جذي حاسه فيج و بمشاعرج اتجاهه بس زمانه قبل غير ألحين .. ألحين الشباب ينخاف منهم .. و ماراح أقولج قطعي علاقتج فييه للأبد بس كل الي ابيي منج ما تكلمينه ولا تطلعين معاه لحد ما يخطبج

شهد حست روحها بتطلع منها لمن قالت هالحجي : بس يمــ

ام شهد : تبينه تحبينه .. تتحملين .. و اهوا اذا صج احبج و شاريج .. بس يفهم قرارج هذا و ينطر لمن يتخرج و اييج من الباب يخطبج ..

شهد زاد بجيها بس الي مخفف عنها انه امها فاهمتها و ما خلتها تقطع علاقتها كلش

ام شهد : و شهد من يوم و رايح قلبج أبيج تفتحينه لي مابيج تخشين شي عني .. و جاسم الحين بس اطلع تكلمينه و تقوليله الي قلته و مابي أسمع انج مكلمته او طالعه معاه ... اوكي

شهد هزت راسها بإي و للحين مصدوومه من الي صار و من الصور و من كل شي .. للحين مو مستوعبه الي امها قالته بتنطر سنه كامله ما تكلم ولا تشوف حبيبها و لا تعرف عن أخباره شي .. لحد ما يتخرج و ايي يخطبها ..

بس اطلعت امها خذت فونها و دقت بسرعه على جاسم

جاسم : هلا واللله بحياتي

شهد بس كانت تبجي حتى مو عارفه تقول كلمه

جاسم : شهد شفييج !!

شهد : جـ ـا سـ ـم بـ ـمـ ـوت

جاسم اخترع : حياتي شفيييج سمله عليج من الموت هدي و قوليلي شفيج

شهد سكتت شوي و حست نفسها شوي هدت بس للحين شوي تبجي : جاسم ... و قالتله كل الي صار

جاسم انصدم سكت

شهد : جاسم انت معاي ..

جاسم : ا ـي

شهد : جاسم بموووت والله بمووت تعرف شنو يعني أنطر سنه كامله ما اشوفك فيها ولا شي ولا اكلمك

جاسم بدى صوته يتغير مثل المخنوق : عـ ـارف

شهد : جاسم تكلم قول شي خفف علي شوي ..

جاسم : آآآآآآآه يا شهد .. بعرف منو الي مسوي الي سواه منوو

شهد : مـ ـا دري .. جاسم لا تخليني

جاسم : حياتي .. ماراح أخليج .. بس لازم نحترم راي أمج و نسويه و نتحمل .. سنه سنه ننطر نطرنا واايد يت على سنه صج بنتعب و نتعذب بس آآآآآخ شقول ..

شهد قامت تبجيي

جاسم : قلبي لا تصحيين لا تقطعين قلبي .. حياتي مسحي دموعج .. والله والله الي سوو هالشي حسبالهم بفرقونا ماراح يقدرون

شهد : بـ ـس جـ ـا سـ ـم قدروا

جاسم : قدروا صح بس سنه .. و من بعدها بس تخلص هالسنه راح اييييي أخطبج على طووول .. و لا تقوليلي ابوي ما ابوي إنشاءالله كل شي ينحل و بخاذج و تصيرين حلالي يا عمري انتي

شهد : أحـ بـ ـك والله

جاسم خنقته العبره بس قالت هالكلمه : يا بعد قلبي والله و أنا احبج أعشقج أهواج . اموت عليج .. انتي الهوا الي اتنفسه و بدونج ما اقدر أعيش و اكمل حياتي ..

شوي جان ادش عليها امها تأشرلها صكري التلفون وطلعت

شهد : جاسم أنا الحين لازم اصكره

جاسم : أوكي .. حبيبتي ديري بالج على نفسج

شهد : إنشاءالله و انت بعد دير بالك على نفسك .. راح أشـ ـتـقـ ـلـك
بباي .. على طول صكته حتى بدون ما تسمع شنو بقول و قطت روحها
على الفراش و مسكت مخدتها حييييييل و نزلوا دموعها

شهد : آآآآآآآه يا جاسم ويين بقدر أتحمل فرقاك .. آآخ يا قلبي ليش ليش كل ما أحس الدنيا حلوه و أحس اني سعيده بحياتي يصير شي يخرب كل هاللحظات الحلوه .. ليش اللحظات الحلوه تخلص بسرعه .. و الحزينه تم العمر كله .. منو هالشخص الي يبي يعذبني ..آآآآه يا ربي لا تحرمني من جاسم يارب يا حبيبي انك تستجيب لدعائي و ما تفرقنا عن بعض ..

بعد فتره .. ححست إنها متخدره و غمضت عينها و غفت


ببيت جاسم


جاسم قاعد بغرفته على الفراش و يفكر بشهد

جاسم (( آآآآخ يا شهد ما أقدر على فراقج ...< و نزلت دموعه كانت اول مره تنزل دموعه على مره غير امه> .. بس هالشي مكتوبلنا و لازم نتحملله .. دامنا حبينا بعض نتحمل العذاب .. بس لو أووصل حق الي سوا هالشي والله ما أخلييه الله يسامحهم .... ))


مسح دموعه و حاول ينام بس كانت صورة شهد تطري على باله .. و قعد يذكر أيامه مع شهد و طلعاتهم .. غمض عينه و اهو يحاول يشيل صورتها من باله .. وو بعدها ناااام


بعد أسبوعين

ببيت شهد

شهد طول الأيام الي طافت ماتاكل عدل مالها خلق أحد دايماً تقعد بدارها بروحها كل ما تفكر بجاسم دموعها تنزل .. مشتاقتله ودها تروحله ودها تعرف أخباره .. بس للأسف ما تقدر تسوي شي لانها وعدت امها ما تكلمه و لا شي لحد ما تخلص سنه و يخطبها ..

كانت شهد قاعده على فراشها ماسكه ورقه و تكتب فيها شعر


قلبي تعب من كثرة الهموم ...
و بالي حييل فييك يا فلان مشغول ....
أبييك ودي أجييك إنت الوحيد الي تقدر تشيل هموم قلبي ..
آآآآه .. بس وين أقدر أجييك ...
ودي تجي تشوف حالي من بعد فرقاك ..
تدري بفراقاك الي دام بس جم اسبوع ..
تدري يا حبيبي وش حصل فيني ..
قلبي تقطع ..
العين دايم تدمع ..
وعلى البال دايم صورتك تطري ..
العقل مشغول فيك .. وده يعرف وش هي علومك و أخبارك ..؟؟
آآآخ يا حبيبي ..
حييل مشتاقتلك ..
ويينك .. أبيييك ... تراني حيل تعبان ببعادك ..

أحبك ..


كتبت شهد آخر كلمه و بعدها مسحت دموعها الي طول ما اهيا تكتب و دموعها تنزل ما وقفت كلش ...
شهد : آآه يا ربي تعببببببببت تعبببببببببببببببببببت ...


بعدها قامت و دشت الحمام تغسل ويها و طلعت

شهد : شسوي ألحين ملييت من القعده في البيت و طلعه مالي خلق أطلع .. مممم خل أشبك من زمان مو قاعده على الاب ... و يمكن أشوف ايميل من جاسم اطمني عليه ...


ببيت جاسم

جاسم ما كان يطلع من البيت و كله قاعد بداره و إذا نزل وقت الغذا و العشا بس .. و إذا طلع راح البحر .. و خواته مستغربين منه

كانوا فجر و شيخه قاعدين بالصاله يشوفون تلفزيون

فجر : اقول شيوخ ..

شيخه : هلا

فجر : ما تلاحظين على جاسم شي

شيخه : لا

فجر: شيوخ يعني ركزي معاي و خلي الفون شوي و طالعيني

شيخه : يعني شفرقت طالعت و انتي تتكلمين و لا لا كله واحد بالأخير بسمع و برد عليج

فجر سحبت من ايدها الفون : انا قاعده أكلمج جد

شيخه حست في شي : يلا تكلمي ؟؟

فجر : جاسم صارله أسبوع وأكثر بعد من أسبوع متغير .. لا يطلع و إذا قعد معانا على الغدا كله سرحان ماله خلق .. و أغلب أوقاته بالدار ما يطلع .. واايد مثل قبل ... و نادر ما نشوفه يضحك

شيوخ : اوله اوله كل هذا لاحظتي و انا ويني ما لاحظت

فجر : مادري ..

شيوخ : فجور يمكن يتهيألج

فجر : ما أعتقد

شيوخ : والله مادري تدرين جسوم حتى لو نسأله ماراح يرد علينا و يسكب فينا و بقول مافيني شي

فجر : ممم

شيوخ : فماله داعي تشغلين روحج الحين بالتفكير يعني بلي في أخوج .. يا خبر اليوم بفلوس باجر ببلاش ... يلا عطيني فوني خل أكمل

فجر : هاج .. زين شيخوو ما مليتي من كثر القعده و تنشوف تلفزيون ..

شيوخ : امبلاً بس في شي ثاني نقدر نسويه .. إذا فيه قولي

فجر : مافي .. مم شرايج نقعد شوي بالحديقه برا نشم هوااا

شيوخ : الله والهوا عاد حر رطوبه لوعة جبد .. بس يلا امشي


راحوا برا بقعدون على الكراسي جان يشوفون واحد قاعد على الكرسي و منزل راسه

شيوخ : جيكي منو ؟؟ اهناك ؟؟

فجر : مادري .. ما اشوف من بعيد عدل .. امشي نقرب و نشوف منو

شيوخ : يلا سرينا

قربوا شوي من المكان

فجر و شيخه : جسوووووووووووووووووووووووومممم

جاسم نقز من مكانه اخترع من صراخهم خزهم خزه و رد لف ويها و رفع الزقاره و حطها بحلجه

اهني فجر و شيخه انصدموا اول مره يشوفون جاسم يدخن

فجر : جسووم من متى ادخن

مارد عليها راحوا سحبوا كرسين و قعدوا قباله

شيوخ هزت جتوفه : جسوم قاعدين نكلمك ..

جاسم دزها حييل : نــــــــــــــــــــــــــــــــــــــــــــعـــــــــــــــــــــــــــــــــم!!!

شيخه تعورت من دزته و دموعها نزلوا ..

فجر : ليش جاسم شسوتلك الي ادزها و لمت شيخه

جاسم كسرت خاطره شيخه جان يقول : شيخه آســـ...

فجر : لا تكمل قومي حبيبتي ندش داخل الظاهر غلطنا لمن يينا اهني ..

جاسم كان ممنزل راسه .. بس شافهم قاموا رفع راسه و مسك ايد فجر
و كانت دموعه تنزل على خده : قعدوا ترى الي فييني مكفيني

فجر و شيخه انصدموا اكثر لمن شافوا دموع جاسم
شيخه بس شافت شكله هدت ايد فجر و راحت لمت اخوها

شيخه : جاسم شفييك ؟؟؟

فجر قامت تبجي ما تدري ليش

جاسم مسح دموعه : ولا شي

شيخه هدت جاسم وو قعدت على الكرسي : لا تقول ولا شي .. احنا خواتك إذا فيك شي قول .. إذا ما قلتلنا بتقول حق منو ..

فجر تمسح دموعها و راحت قعدت يم شيخه و قالت : اي جاسم إذا عندك مشكله مستعدين نوقف معاك إذا ما وقفنا معاك عيل نوقف مع منو إذا ما وقفنا مع اخونا الوحيد نوقف مع منو هااا قولي رد علي

جاسم يطالع خواته و فرحان فيهم بقلبه يقول الله لا يحرمني من طيبة قلبكم : ايييييييييه شقولكم..

فجر : قول كل الي فييك .. لا تسكت .. لا تخلي شي بقلبك ..

شيخه : و قط الزقاره من ايدك ..

جاسم قط الزقاره و داس عليها

فجر : جاسم من متى ادخن ؟؟

جاسم : من أول يوم ابتعدنا فيه عن بعض

فجر شيخه : شنو .؟؟

جاسم : تعبت من فراقها .. تعذبت .. أسبوعين جذي صار فيني عيل لو أكثر شصير فيني ..

فجر : جاسم تقصد انت و شهد صح

جاسم : اي

شيخه : لييييييييييييشششششش؟؟؟ ليييش افترقتوا شصار

جاسم : فراق بس مو العمر كله سنه كامله .. بس آآه على ما تمر هالسنه إلا انا منتهي

شيخه : زين قولينا الي صار بالتفصيل عشان نفهم و يمكن نقدر نساعدك

جاسم : ما تقدرون .. تسوون شي .. بس بقولكم

فجر شيخه : قوول

و قعد جاسم اقولهم الي صار




أحــداث الــبـــارت الــيــاي

قولي من اليوم لي باجر حسبي الله عليج ماراح يأثر ؟؟
شهد شفيييج ؟؟؟
جسوم ليش ما تخطب شهود الحين؟؟
يويلج إذا سويتيها والله العظيم ازعل؟؟

أتمنى يعجبكم هالبارت وناطره توقعاتكم ...:sfg:

:bye22:

 

[rayona]

اي نزليييه بليييز :wqedqw:

NazLta 7abibtii enshallah y3jbich

 

[rayona]

رد: رد : ][ ! دنياي بدونك يا الغالي بعتها بلي فيها ! ][

اي اي نبي بارت ! بسرعه قبل لا يعلق المنتدى !
غصب تتبطل الصفحه عندي

ka 7yati nazlta ee wallah 7tan ana '3a9eb tetba6aL 3ndi el 9af7a .. Ma 3lina enshallah y3jbich el part oo ma tngraain :eh_s(22):

 

[Miss.blue berry]

رد : ][ ! دنياي بدونك يا الغالي بعتها بلي فيها ! ][

ثيــــــــــــــنكيو ريوون على البارت الحلووو ~~
امم و التوقعات :
قولي من اليوم لي باجر حسبي الله عليج ماراح يأثر ؟؟
امم اتوقع جووود
شهد شفيييج ؟؟؟
اممم وحده تسال شهد يمكن شيخه اة بنات خالاتها ردو من السفر
جسوم ليش ما تخطب شهود الحين؟؟
اممم وحده من خواته يكلمونه
يويلج إذا سويتيها والله العظيم ازعل؟؟
امم احد يكلم شهد اكيييييييد
واااااااااي اكيييييد كل هذا من جودون الملييييييييقه ~~~
وااي مساكين الله يعينهم ~~
حرااام و الله عورو قلبي بغرف شبصير ~~
ريون في بارت ثاني اليوم و لا باجر ؟ ~~

 

[MiSs-GnGn]

والله بعد جبدي يا ريون

:hjy5jewf:

وحسبي الله عليهم والله ياخذهم وان شاء الله ترد عليهم والله اقهروني الملاقه السخافه

:yaaaaaarb:​

والله يعورررون القلب شهوده وجسووم​

:eh_s(11):​

 

[so_what]

يسلموو على البارت ، الله يستر على ما تمر هالسنه

 

[الحلوه اوصلت]

ابي بااااااااااااااااااااااااااااااااااااااااااارت او ثانكس ريونه على البارت بس بليز حاولي اتنزلين بسرعه تكفين

 

[الحلوه اوصلت]

ريون تكفين اذا تقدرين نزلي الحين لاني صارلي الحين 6 مرات قاريه البارت

 

[rayona]

رد: رد : ][ ! دنياي بدونك يا الغالي بعتها بلي فيها ! ][

ثيــــــــــــــنكيو ريوون على البارت الحلووو ~~
امم و التوقعات :
قولي من اليوم لي باجر حسبي الله عليج ماراح يأثر ؟؟
امم اتوقع جووود
شهد شفيييج ؟؟؟
اممم وحده تسال شهد يمكن شيخه اة بنات خالاتها ردو من السفر
جسوم ليش ما تخطب شهود الحين؟؟
اممم وحده من خواته يكلمونه
يويلج إذا سويتيها والله العظيم ازعل؟؟
امم احد يكلم شهد اكيييييييد
واااااااااي اكيييييد كل هذا من جودون الملييييييييقه ~~~
وااي مساكين الله يعينهم ~~
حرااام و الله عورو قلبي بغرف شبصير ~~
ريون في بارت ثاني اليوم و لا باجر ؟ ~~

welcome 7abibtiii .. oo enshallah bt3rfen she9er bl part el yay .. oo el part etha tabon el yom ma 3ndi mane3 bss tan6ronii ??

 

[rayona]

والله بعد جبدي يا ريون

:hjy5jewf:

وحسبي الله عليهم والله ياخذهم وان شاء الله ترد عليهم والله اقهروني الملاقه السخافه

:yaaaaaarb:​

والله يعورررون القلب شهوده وجسووم​

:eh_s(11):​

uuf ee wallah 7adhom sa5afa .. Oo mshkora 7ayati 3La mrorich

 

[rayona]

يسلموو على البارت ، الله يستر على ما تمر هالسنه

allah yslmich 7abibtii .. ehya mu sena b'9b6 bs ga9dhom y3ni el sena eli bajytlah bl jam3a oo etha 5ala9 jam3a eb y56bha .. tab3ini oo bt3rfen kil shaii enshallah

 

[rayona]

ابي بااااااااااااااااااااااااااااااااااااااااااارت او ثانكس ريونه على البارت بس بليز حاولي اتنزلين بسرعه تكفين

ريون تكفين اذا تقدرين نزلي الحين لاني صارلي الحين 6 مرات قاريه البارت

ya 7yatii entay wallah fditich iL3aFoo 7abibtii .. oo enshallah anzlich part thani mn 3yonii .. bs n6rinii 3aD mu etnameeen

 

[so_what]

نااااااطرين :eh_s(9)::eh_s(9)::eh_s(9):

 

[الحلوه اوصلت]

مو اتطولين اخاف اقعد لي وقت اطول او اخذ زفه بليييييييييييييييييييييييييييز

 

[rayona]

نااااااطرين :eh_s(9)::eh_s(9)::eh_s(9):

enshallah 7abibtii shway oo anzla 3eday mn 1 lee el 10 oo etlagena jahez

 

[rayona]

مو اتطولين اخاف اقعد لي وقت اطول او اخذ زفه بليييييييييييييييييييييييييييز

La enshallah ma a6aweL 3lich wla ta5then zafa 5l9ta ana bs al7en bnzlaah

 

[الحلوه اوصلت]

من متى لي متى ؟؟

 

[الحلوه اوصلت]

اوكي ثانكس

 

[rayona]

الــبــارت الــعــشــرون


ببيت شهد
كانت شابكه بالفيس بوك و كانت حاطه حالتها بالفيس بوك I am sad
جان ادش عليها ليال
LayaL :
هــاي .. عسى ماشي ؟؟ واي يو آر ساد ؟؟

Shahad :
NOTHING

شهد : شتبي هذي بكل شي تتدخل

LayaL :
عـادي فتحيلي قلبج يمكن أقدر أساعدج

Shahad :
سوري بقولج بكل صراحه .. ما احب أجاامل واايد ..أنا ناس ما أعرفهم من زمان صعب أثق فيهم و افتحلهم قلبي

LayaL :
لووووووووووووووووووووووووووووووووووووووووووووووووووووووول

شهد : شفيها هذي

Shahad :
اختي ينيتي !!!

LayaL :
لا بس بغييت أقولج مبروك .. فراقكم بيدي حصل

شهد مو مستوعبه شي قعدت تقرا الجمله مره مرتين ثلاث بس مو قادره تستوعب شلون هالبنيه الي ماصارها واايد تعرفها تعرف هالشي ..

شهد : شلوووووووووووووووون عرفتتتتتتتتتت

Shahad :
آي فــراق !!!

LayaL :
فراقج انتي و جـــاسم

شهد بس قالت اسمه دموعها خانتها و نزلت معنها حاولت تمسك روحها و ما تبجي بس ما قدرت

LayaL :
هــا شرايج فيني .. مو قدها و قلتلج فراقكم قرب .. كاهو صار مبروك .. عشان تعرفين لا حطت جود شي براسها تسوييييييييييييه

شهد : جووووووووووووووووووووووووووود أيا الحقيييره

Shahad :
يا الجـ-------- .. يا بنت الـ----- .. شتبييييين شتبييين فيني شسويتلج انا .. هاااااا .. آثاريج تبين تسويلي آد بالفيس بوك عشان تبوقين صوري و انا اقول في اصور فيها شي غلط آثاريج ماخذه الصور من اهني و مركبتها يالحـ------- ... انتي شنو ما تخافين ربج .. حسبي الله عليح انشاءالله تذوقين العذاب مثل ما عذبتيني .. حسبي الله عليج يالخـ-------

LayaL :
لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول اي اي سويتلج آد عشان أبوق صورج و نص الصور تركيييب دزيت ناس تصورج و تصور جاسم و ركبت الصور .. لوووووووووووووووووووووووووووووووووووووووووووووووووووووووووووووووووووووووووووووووووووووووول .. قولي من اليوم لييي باجر حسبي الله عليج ماراح تأثرين فيني .. يالله تتتتتتتتتتتتتت

فصلت جود و خلت شهد تبجي قامت توون بصوت عالي .. تبجي بجي وحده متعذبه وحده ميت لها أحد ..

شهد : آآآآآآآآآآآآآه آآآآآآآآآآآآآآآآآآآآآه يا رب اتردلي حقي .. يارب توريها العذاب الي شفته ... حسبي الله علييج ... آآآخ ..

صرخت صرخه
جاااااااااااااااااااسسسسسسسسسسسسسسسسسسم أبيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييك


يا بُعد قلي شيلي سويته .. تبِ تاخذ أغلى إنسان حبيته
يا بُعد والله شفت الموت من دونه .. يا ليته يرجع لحظة يا ليته
والله أحبه و بعده ذابحني .. يا بُعد ما أقدر أكمل دونه افهمني
يا بُعد تكفه طالبك أرجوك .. خذ مني روحي و رجعه لحضني
يا بُعد ليه ترضى تشوف إنسان يدور بين هالبيبان .. مكسور الخاطر ولهان و انت بيدك ترده
ليه ترضى يشوف الهم و يعاني الظلم .. و قلبه دوم يبجي دم .. و فاقد أغلى ما عنده
http://www.4shared.com/audio/RxMjuOZc/___.htm


جان ادش عليها امها

ام شهد : شهد شفيييج ؟؟؟

شهد : وخرووو .. كلكم أكرهكم .. محد يحبنيي .. محد يحس فيني .. محد يدري بهمومي الي بقلبي .. محد حاس بالتعب الي حاسته .. محد حاس بالعذاب الي فيني .....آآآآآآه يا يمه ..

ام شهد قامت تبجي على حال بنتها

شهد : ليش ليش تبجيين ترى محد وصلني ليي هالحال الا انتو اي اييي انتوووووووووووووو انتو الي خليتوني أحب جاسم .. كله لاهين عني ما تسألوني إذا كنت مضايقه تعبانه .. لين لقيت جاسم و فتحلي قلبه و فتحتله قلبي و حس فيني حس بهمومي .. اشتكتله و ريحني بكلامه .. شال هموميييييييييي .. معاه يا يمه ما أحس إني إنسانه تعبانه مهمومه .. دايماً معاه أحس اني اسعد إنسانه بالدنيا .. آآآآآآآخ بس .. يما كنت كنت أضايق ودي ودي اتيني تلميني .. ودي أشكيلج اهمومي بس وين وينن ما أقدر .. ما كنتي قريبه منيي .. حسبالكم لا يبتولي أحلى الهدوم و السيايير و بالفلووس بكون انسانه سعيده و فرحانه لا لاااااااا الي أبي ابي قلب يحس فيني .. أبي ناس من عيوني تعرف ال فيني من صوتي تعرف إذا مضايقه ولا لا . ابي ناس تقولي فتحلينا قلبج نقدر نساعدج و ننسييج همومج .. آآآآآآآآآآآه يا يمه تعبت تعبتتت والله تعبت ...

ام شهد راحت و لمت بنتها حيييييل و حست صج انها مقصره مع بنتها و ماكنت قريبه منها وو غلطها إنها حبت جاسم منهم من اهمالهم .. و كل كلمه قالتها شهد صح ..

شهد لامه امها حيييييل و تبجي ... كانت تقول بقلبها وينج يوم ما كنت محتاجه هالحنان و هالحظن الدافي وينج ...

ظلت شهد لامه امها لييين ما داخت و غفت .. قامت ام شهد سدحتها على الفراش و غطتها و حبت راسها ..

و صكت الليت و قبل ما تطلع من الدار لفت على بنتها و قالت : آسفه يا بنيتي على تقصيري .. واطلعت ..

ببيت جاسم

جاسم قالهم كل شي و شيخه و فجر كانوا مصدومييييييين و ضايق خلقهم على حال أخوهم و شهد

شيخه : أخيييييه حبيبتي شهد أكييد ألحين متعذبه إذا انت مره اسبوع ما كلمتك شوف شصار فيها فمابالك سنه كامله

جاسم : اييييييييه و هذا الي قاعد أحاتييه مابيها تكون مهمومه كافي الي فيها ..

فجر : والله ما تستاهل هالشهد .. بس منو هالشخص الي كارهكم و يسوي كل هذا ؟؟؟

جاسم : آآآخ مادري مادري لا تسألوني

شيخه : مممممممم .. ماكو غيرها

جاسم و فجر : منو

شيخه : تذكر إلي قلتلي مره عنها الي مسوتلكم فيلم آكشن شسمها نسييت ؟؟

جاسم : مم جمانه مادري ج ج .. تصدقين نسيت اهوا اسم بحرف الجيم

فجر : مممممم ايييييي جوووود

شيخه : ايي هذي الجلبه ماكو غيرها

جاسم : تعالوا شلون راحت هالخبله عن بالي .. بس شلون دزت الصور ..

شيخه : ما دري

جاسم : ادري ما تدرين انتي الثانيه

شيخه : لا يعني انت سألت فحسبالي قاعد تكلمني .. ههه

جاسم : انزين بس جب ..

شيخه : الله لو بس اطييح بيدي هالجود والله لعذبها

جاسم : اييييييييييييه الله يسامحها ..

فجر : شنو الله يسامحها .. تعذبكم و تقول الله يسامحها

جاسم : والله اول ما عرفت بالسالفه كنت بموت و اعرف منو كنت بنتفه بعذبه بوريه الي عمره ما شافه .. بس قلت ليش أوصخ ايدي بهالأشكال الوصخه الي ما عندها شغل غير أذية الناس .. مردها بتشوف شي بحياتها و ربنا ما يضيع حق أحد

فجر : والنعم بالله .. بس همن هذي الحقيره لازم أحد اوقفها عند حدها ...

شيخه : جسوم ما ادل بيتهم شي شهود ما ادل بيتهم

فجر و جاسم فتحوا عينهم : ليش بتسويين ؟؟؟؟؟

شيخه : اشفيكم .. ماكو بس بحط هالمفعوصه بأقرب جيس زباله و بخليي عمال النظافه يشلونها .. بسيارتهم .. مكانها اهناك مو اهني على الارض مكانها بالزباله

جاسم : كااااااااااااااااااااك الله يخسج شيخوو عليج أفكار مو طبيعيه

فجر : اي والله من وين يايبه هالأفكار

شيخه : شي طبيعي من مخي ..

جاسم : كاااااااااااااااك ضحكتني و انا مالي خلق اضحك

شيخه : يبا اضحك .. شلكم بالحزن .. فرفش صج الي فيك ما يسمحلك تفرفش بس شتسوي هذا المقدر و المكتوب

جاسم : ايييييه يلا ما عليه

سكتوا مده جان فجاه فجر تتكلم

فجر : مم اقول جسوم ليش ما تخطب شهود الحين ؟؟

جاسم : لا

فجر : ليش لا

شيوخ : شنو ليش لا .. اكيد جسوم يبي يتقدملها و اهوا قادر انه يعيشها بمكان سنع و يكون عنده فلوس من وظيفته و يبي لمن يتقدملها و يسألونه امها و ابوها شنو تشتتغل اقولهم وظيفه تشرف و ترفع الراس مو اقولهم قاعد ادرس شضممنهم اهلها بأنه هالولد بكمل دراسته و يخلص و يعيش بنتهم احسن عيشه

جاسم : بللللللللللل علييييييييج قاريه افكاري

فجر : لا شيوخ حلفي .. الحين انا قاعده اكلم جسوم انتي شكو تتليقفين هااااااا

شيوخ : لا يعني قاعده اقولج الي بقوله اوفر على اخوي تعبان ما يبي يتحجى واايد مو مو مو جسوم

جاسم : كاااااااااك خبله والله .. فجر يعني انتي حطي روحج مكان شهد و يه وااحد بيتقدملج للحين يدرس صح على قوله شيوخ شضمنا هذا الولد بخلص دراسته و بيشتغل و يصير عنده معاش تقدرون منه تعيشون يعني ابوج ماراح يصرف عليكم .. و انا مابي هالشي أبي اروحلها و انا كامل دارس عندي شهاده .. و مستلم وظيفته ترفع الراس ..

فجر : ممم زين فكر يعني بالموضوع .. إذا على السكن فسهله في فوق شقتين ابوي مسويهم يعني كان حاط بباله إأجرهم على ناس بس ماصارت انت ولده و تقدر تاخذهم و بعدين ابوي اكيد بعيشك عنده اذا تزوجت و ماراح تطلع من البيت صح

جاسم : اوكي السكن و موجود .. بس في مشــ...

فجر : لحظة خل أكمل .. و إذا على المهر فأبوي ماراح اخليك تدفع ولا فلسسسسسسس حق المهر و كله اهوا بيتكفل بكل شي بالعرس بالمهر بكل شييييييييي ..

جاسم : صح أدري .. بس أنا ابي ادفع همن شنو كله ابوي

فجر : إذا تبي شهد و مو قادر على فراقها فلازم ترضى بهالشي و تكلم ابوي تقوله بتزوج و بتشوف ابوي ماراح اعارضك ..

شيوخ : ممم أنا اقتنعت بكلام فجور .. جسووووم تحبها

جاسم : آآخ أحبها .. لو في كلمه أكبر من أحبها جان قلتها .. شيوخ شفتي الأكسجين الي اتنفسه هذا شهد .. و إذا الكسجين راح ماراح اقدر اعيش صح

شيوخ : اخيييييييه على اخوي صار شاعر

جاسم : يلا عاد جب

شيخه : شسوي أغير لك الجو يعني أحلييييه بدال الهم

جاسم : يلا ما عليه

شيخه : زين جسووووم تقدر على فراقها ؟؟

جاسم : شهالأسئلة الغبيه ؟؟

شيخه : جاوب و بس

جاسم : لا والله ما أقددر

شيخه : خلاااااااااااااااااااااااااااااااص توكل و روح كلم ابوي لا انا الحين اقو م و اروح اقوله ترى عادي اسويها

جاسم : ادري فيح تسوينها .. لا بس شيوخ .. يويلج إذا سويتيها والله العظيم ازعل إذا انا حسييت إنه ابي اتكلم راح اروحله و اتكلم من نفسي مابي ولا وحده فيكم تتحرك و تقوله ..

شيخه و فجر طالعوا بعض

جاسم : هااا من نظراتكم عرفت انكم كنتوا بسوونها صح؟؟

شيخه و فجر هزووا راسهم بايي

جاسم : أيااااا ...

شيخه : حاسب حااااااسب ما تكملش الكلام السيئ الي عايز تؤوولوو

جاسم و فجر بس قعدوا يضحكون على اختهم و طريقه كلامها

شيخه : شفيكم تضحكون ؟؟

جاسم : كاااااااااااااااااااااااااااااااااااااااااااااااااااااااااااك لا سلامتج ...

شيخه : يلا عادي .. المهم ترى يعت

جاسم : وليين أنا اقوم واايد احسن

شيخه : وين رايح .. انت الي بتطلبلي ..

جاسم : بعرف مكتوب على ويهي أكل الي كل ما شفتيني قلتي يوعانه

فجر : الظاهر

جاسم : لا يعني مادري شقولج

شيوخ : قول تامرين آمر اختي أي مطعم تبين ؟؟

جاسم : لا والله ... روحي قولي حق الخدم يسوولج عشا

شيوخ بصوت ياهل : مابي  جسومي حبيبي والله ترى من زمان مو طالبين و ماكلين من مطعم ..

فجر : يلبي على أختي الخبله .. و تقرصص خدودها

شيوخ : آآآيي

جاسم : زين شتبون من أي مطعم

شيوخ : كيفك أي شي المهم أكل

جاسم : كاااااااااك .. اوكي يالآفه بس أوصل عند المطعم أدق عليكم

شيوخ : بتروح جذي منت مبدل

جاسم : ليش شايفتني مفصخ .. لابس شورت و بلوزه يعني عادي

فجر : امبيه شيوخ مادري وين رايح كلها مطعم و برد

جاسم : اي والله يلا سلااام .. خلو تلفوناتكم يمكم عشان لمن ادق عليكم تردون موو ما تردون ترى والله عادي ارد بوجبه بس حقي

شيوخ : تسويها .. نذل

جاسم : شنوو ؟؟ جنه أحد سبني

شيوخ : لااااا خلاص نسحبها بس تكفه روح بطني قام يطلع اصوات

جاسم : زيين


راح جاسم و ظلوا شيخه و فجر قاعدين
شيخه قاعده تخز فجر جنها تفكر بشي




تتوقعون بشنو قاعده تفكر شيخه !!!
شنو ممكن يصير بالبارت الياي !!!
نطروني بتعرفون كل شي .. و مشكورين حبايبي والله على تشجيعكم و ردوردكم الي تشجعني والله اني اكتبلكم ..

:bye22:

 

[rayona]

من متى لي متى ؟؟

اوكي ثانكس

Welcome 7abibtii oo ka el part nazlta enshallah y3jbich oo atmana maakon 6awalt 3licch