دليل اكلات كتبعي حميه د. دشتي

[اوملييتا]

مرحبا بنات هذي اول مشاركه لي في القسم و اتمنى تعجبكم و تشاركون معاي

بنات انا ودي اسوي ريجيم البروتين ( ريجيم دشتي )

خلونا نيمع طبخات تنفع حق هالريجيم


ببدي انا باول اكله

المسقعة

المقادير : باذنجان مقطع حلقات - لحم مفروم - بصل - ثوم - بهار - ملح - فلفل اسود - معجون طماط - جبن موزاريللا

1- تقلى شرائح الباذنجان بالزيت و ترص في طبق

2- يحمر البصل المقطع في قليل من الزيت ثم يضاف اللحم المفروم و الملح و البهار و الفلفل و يترك حتى يتغير لون اللحم ثم يضاف كميه متوسطه من معجون الطاطم و يترك حتى ينضج

3- يسكب اللحم فوق شرائح الباذنجان

4- يرش الوجه بطبقة من الجبن

5- يحمر بالفرن





و اتمنى تشاركوني​

 

[فطووومة]

مشكورة اختي على الموضوع ان يبت لج ملاحظات هامة اتمنى انهم يفيدون الجميع

ملاحظات هامة:
1/يجب الإكثار من شرب الماء (2ـ3)لتر في اليوم.
2/عند سلق الخضار يجب عدم إستخدام ماجي وممكن إضافة الملح والبصل والثوم والبهارو ليمون وخل وبقدونس.
3/عدم إستخدام الجزر والبرغل.
4/يجب ممارسة رياضة المشي أو التمرينات الرياضية.
5/تناول الطعام ببطء وعدم النوم مباشرة بعد الأكل.
6/عند الشعور بالجوع يمكن تناول صنف واحد طول اليوم من الخس أوالخيار أوالجبن أوالبيض,مع مراعاة مرور ساعتين من الوجبة الأساسية.
بالاضافة الشاي والشاي الأخضر والنسكافية بدون كافيين.

بس اعتقد المسقعة قوية شي ؟؟؟؟

 

[اوملييتا]

مشكوووره فطومه

 

[اوملييتا]

لا المسقعه كلها بروتين ما في خبز و لا نشويات ريجيم دشتي يعتمد على الابتعا عن الكربوهيدرات

 

[دار الشيخه]

لايوقف

 

[بنت الفقيد]

مشكووووووووووووووووووره حبيبتي

 

[اوملييتا]

ها ينات لا حس و لا خبر نبي وصفات كلها بروتين

 

[جارة القمر]

مشكورييييييييييين

 

[NoWay2know]

يعطيج العافية

 

[Snow angel]

انا معك يا الغاليه بديت انا وزوجي بريجيم دشتي من امس الحمدلله ونزلنا اثنينا 1 كيلو الحمدلله

وان شاء الله بنزلكم اختراعاتي بالاكل وكل يوم ايش اكلنا

 

[Snow angel]

اليوم الأول ونزلنا 1 كيلو الحمدلله

الفطور قهوه مع كفي ميت المبيض وحبة سكرينه المحلي
الغدا سمك فيليه مقلي ودايت كولا
العشا مرتدلا ديك رومي مدخن نوعية حلواني احلا شيء وجبنة بيضا فرنسية ماعز وكم حبة زيتونه

وشوية رياضه لاني عجازه يمكن ما كملت حتى 10 دقايق نعمه الايام الجايه اكثر سبور

 

[Snow angel]

اليوم الثاني اللي هو اليوم اللي خلص على خير

الفطور نفس الشيء
الغدا يمي يمي سويت إختراع خيال وزوجي انجن عليه ولحس الصحن كله وخلصه عني

اول شيء قليت بصل شرايح لمن يشقر <<<<<<<<<<<= اهم شيء واختراعي وسري في نكهة الاطباق اللي فيها كريمه يجيكم الطريقه صبر شوي
وبعدين حمست بصل شرايح مع دجاج فيليه مقطع شرائح كبيره شوي وبعدها الفطر وفلفل بارد شرايح وزهره وشوية ملح وفلفل اسود وحطيته في بايركس ورشيت شوي من البصل المقلى وصفيت فوقه باذنجان مقلي شرايح وبعدين بالخلاط حطيت علبة كريمة خفق 200مل والبصل المقلي وهو سر الطعم وملعقة كبيره جبن كاسات وبيضه وشوية فلفل اسود وملح وصبيته على الصينية ودخلتها الفرن لمن شقرت وصارت طبق مجنون جنني انا وزوجي وقلنا بالاسبوع مره اسويه على شان ما نمل منه ونكرهه
العشا شاي بالحليب اللي هو مبخر يعني زي ابو قوس وبوني عرفتوه؟؟؟ المهم ومعه جبنة فرنسية ومرتدلا وبس

 

[الحراير]

هلا حبيبتتي مشاءالله ريجيم دشتي حلو وانا حيل ضعفت عليه ......سلطة الشمندر طماط وخس وشمندر وفلفل اخضر بارد ونحط نص ليمون وملعقتين مايونيز وابشري جبن شيدر معاه وعلي فكره الحليب ممنوع

 

[الحراير]

هلا حبيبتتي مشاءالله ريجيم دشتي حلو وانا حيل ضعفت عليه ......سلطة الشمندر طماط وخس وشمندر وفلفل اخضر بارد ونحط نص ليمون وملعقتين مايونيز وابشري جبن شيدر معاه وعلي فكره الحليب ممنوع

 

[Snow angel]

ايوا صادقه اعرف ان الحليب ممنوع لكن اتصلت عليه وحده في البرنامج على قناة الكويت قبل سنتين تقريبا وسمعتها تسال عن الحليب لانها ما تستغني عن الحليب بالشاي قالها اشربي بس الحليب المبخر اللي بعلب وقصده بوني وابو قوس وهالطقه ومشيت عليه قبل فتره ونجح معي كل يوم انزل كيلو والحين رجعت سويت ريجيم على شان زدت 7 كيلو عن الطبيعي بسبب المنشطات اللي كنت اخذها للحمل ولا ربي كتب وصار فوقها عندي تكيس والله كريم

 

[اوملييتا]

مشكورين حبايبي
و ناطرين الباجي
يشاركون

 

[غلطة حياتي]

يسلموووووووووووو

 

[غلطة حياتي]

انا طبختي المفضله واللذيذه لرجيم دشتي

سمك شعوم حبه متوسطه الحجم املحها واعصر عليها ليمون واخليها وبعدين انظف الخضره اشبنت ونسيت اسم الخضره ههههههههه اموت على خضرة السمج طبعا احط شدتين من كل نوع واغسله وافرمه مو وايد نص ونص طبعا بعد غسله، وبعدين ابشر بصل حبه كبيره وثوم تقريبا راس اموت على الثوم ولما اخلص ،اغسل السمج وابهره واخليه على جنب ، اسوي المرقه الثقيله احمس البصل احمره وبعدين الثوم واحط شويه ابهارات مع مكعبين ماجي واحط الخضره لين تذبل وبعدا معجون الطماط وبعدين احط كزبره حب وليمون اسود وورق الغار و مسمار ولما تثقل المرقه اكون قليت السمك واحطه على المرقه خمس دقايق عشان لا تتفتت السمكه وبعدين اشيل السمج بماعون واصب فوقها المرق والخضره واطيحله بالخمس

 

[Snow angel]

ماشاء الله يمي يمي

اليوم الخامس
انا اليوم فطوري مويه ما اشتهيت اكل
وغداي حمسة هوت دوق
والعشاء ما جا وقته بس اكيد جبنه ومرتدلا

الثالث
كان فطوري شاي
وغداي شيش طاووق
والعشا ما اشتهيت غير شاي

الرابع
نفس الشيء عشا وفطور بس الغدا تونه

مع ان اكلي مره قليل بس مو راضي ينزل هالاسبوع بس 2 كيلو مع ان اول يوم 1 كيلو فجأه علق في 4 ايام 1 كيلو الحمدلله والشكر يستهبل شحمي

 

[6yoOoba]

يعطيج العافيه