دكتوره وتاخذ واحد شهادته ثنويه ؟ رايكم يهمني

[ALTaf.m]

السلام عليكم

شلونكم بنات عساكم بخير*

حابه ادش بالموضوع على طول*

شنو رايكم لو دكتوره توها صغيره بداية العشرينات ومتقدمها واحد شهادته فقط ثنويه بس اخلاق وسمعه طيبه واهله والنعم فيهم وعنده نيه يدرس ويكمل **

لو انتي مكانها توافقين ولا لا ؟؟ وليش ؟؟*

محتاره وابي رايكم يالمتزوجات*

انا من رايي احس مافي تكافؤ بين الاثنين واكيد معاشها اكثر ومع الوقت راح يخليها تتكفل بأمور البيت بقصد ان معاشه شويه ومايكفي مصاريف اليهال*

صج الحياة موبس فلوس بس احس المبدأ غلط وممكن يتقدملها واحد احسن منه بما ان توها صغيره وموناقصها شي*

رايكم يهمني

 

[مولاي الفرج]

والله انا اهم شي عندي اخلاقه وعقله وطريقه تفكيره

ودام له وظيفه فليش التفرقه لازم يكون متفهم انها دكتورة واهي تشرح له عن الخفارات وهالاشياء

عشان ماتصير شهادتها مشكله

وبس

 

[Patcholli]

لا طبعاً ماكو تكافؤ وماراح يفهمون على بعض ..!!!!
حتى الاسلوب اللي يتكلمون فيه اتوقع انه راح يكون مختلف ..

 

[جذابه بنت ذيابه]

بالعكس اهم شي اخلاقه


استخيري .. و ادعي بقيام الليل و ان شاء الله ربي يسهل عليج موضوعج

 

[hend6363]

مو لهالدرجة عادي شفيييها
و يمكن هو يكون شهادته ثانوية بس عنده مشرووع يربح دبلاات الدبلاات الي تربحه هي و الي مثلها
المهم طريقة التفكير و الاخلاق

 

[ام رينـاد]

لاطبعا ماكو

مادام انه يشتغل وعنده وظيفه ويقدر يوكل ويشرب عياله
ويقدر على مصاريف البيت ..عادي ليش لا..يعني لازم دكتور او مهندس عشان تتزوجه

 

[ALTaf.m]

لا طبعاً ماكو تكافؤ وماراح يفهمون على بعض ..!!!!
حتى الاسلوب اللي يتكلمون فيه اتوقع انه راح يكون مختلف ..

هذا الي انا بعد حسيته
مشكوره على مشاركتج حبيبتي

 

[ALTaf.m]

لاطبعا ماكو

مادام انه يشتغل وعنده وظيفه ويقدر يوكل ويشرب عياله
ويقدر على مصاريف البيت ..عادي ليش لا..يعني لازم دكتور او مهندس عشان تتزوجه

لاموشرط دكتور او مهندس بس الي اقصده ماتتوقعون يطمع في معاشها مع الوقت ،، يعني مثلا بيخليها تدفع بحجة ان اهو ممكن يقول ماعنده ،، ماامنع ان الزوجه تشارك الزوج في مصاريف البيت بالعكس مثل مااهو بيته هم اهي بيتها بس يمكن يكلفها اشياء المفروض تكون عليه اهو

 

[بنك بااستا]

اهم شي اخلاقه قبل كل شي والابيكمل ليش لا بابااتي

 

[ماكواسم2]

اذا هامج بس الراتب اقولج على حسب الريال وماله شغل بقيمة الراتب

 

[ام الدرر]

حبوبة عمرها ماكانت الشهادة مقياس
انا اعرف من الاهل شهادته متوسط وخذاله دكتوره وماشالله الله يتمم عليهم
ياما اصحاب شهادات ودكاترة عقولهم صغيرة ومايتحملون يفتحون بيوت
حياتي تستخير وتقعد وياه
وعسى الله يكتب اللي فيه الخير ​

 

[رتو الكيوت]

لا لاتوافق

الجامعيه خريجه التربيه ماتبلع خيج الثنوي ولا العسكريه فمبالج الدكتوره !!!!!!!!!!!!!


ع تجربه ماكو زي الجامعي الثانوي واقل تحسين بسماجه وسفاهه بسوالفه وتصرفاته وهياطه

غيررر لاجاج يبيي يكسر خاطرج انتي دكتوره وانا لا

وسالفه بيكمل هاذي سالفه كل الشباب ولاصار العرس كمل دراسته بالدوانيه =)

 

[ALTaf.m]

لا لاتوافق

الجامعيه خريجه التربيه ماتبلع خيج الثنوي ولا العسكريه فمبالج الدكتوره !!!!!!!!!!!!!


ع تجربه ماكو زي الجامعي الثانوي واقل تحسين بسماجه وسفاهه بسوالفه وتصرفاته وهياطه

غيررر لاجاج يبيي يكسر خاطرج انتي دكتوره وانا لا

وسالفه بيكمل هاذي سالفه كل الشباب ولاصار العرس كمل دراسته بالدوانيه =)

عدل كلامج

انا بعد حسيت ان بيكون في فرق بالتفكير ،، الدرااسه مو بس شهاده والسلام ،، الدراسه تبني شخصية الواحد ،، هل يستوي الذين يعلمون والذين لايعلمون صدق الله العظيم

 

[مشتطـه]

عادي حالها حال الجامعية اللي خذت متوسط
اقل منها بمرحلتين دراسيتين


شنو يعني ماتتزوج عشان اهو ثانوي


لا والله دام كل شي زين خل تاخذه

واذا يعني صرفت على عيالها
لا توقف نصيبها

اهم شي الاخلاق وسمعة اهله زينه

باجر اييها جامعي مو خلوق
او عايلته مو ذاك الزود
او مو من ثوبهم وتتحسف على هذا


وخل يكمل الله يعافي جامعات مصر

 

[RowTow]

شكو ماكو توافق و ما تقدر تتكلم معاه؟
شدخل الدراسه بأسلوب الكلام؟
الإنسان من نفسه يكون عقله مفتح و يعرف يتكلم أو أسلوبه زفت, ياما دكاتره بالجامعه و أسلوبه يخليج ودج ترقعينه بالطوفه.

و عن الفلوس الغنى غنى النفس. ممكن يكون معاشه دبلين معاشها و يحط عينه على فلوسها.

آنا جامعيه و زوجي شهادة متوسط و معاشي أكثر من معاشه. أسلوبه أسلوب إنسان فاهم و مثقف. و عن الفلوس سيارتي شاريها من حسابه قبل لا يشتري له اهو سياره, و كاهو مقصطها على ظهره ما قال لي شيلي قصط سيارتج عني.

الناس مخابر, و اللي يفكر بهالأسلوب و اللي تفكر إن لأنها دكتوره فإهي أحسن من الناس و تعرف تتكلم و الكل طمعان بفلوسها هاذي ما عندها سالفه.

 

[ملگه]

حبیتي الرسول قال من اتگم من ترضون دینه وخلقه فزوجوه ماقل مدرسته اهم شي الاخلاق ودین ثم عاد الوظیفه اذا وظیفته زینه خلهاا تستخیر وتوافق

 

[غلآ نوآف]

اشوف ان مافيها شي لو هو فعلا صادق وراح يكمل دراسته ومعزم ع هالشي اذا كان شخص اخلاق وعقل واهله طيبين وسمعتهم زينة
لكن تشترط عليه يكمل اولا الجامعة بعدين يجي يخطبها مرة ثانية
يعني مو انه يقعد بالبيت ويقول راح اكمل دراسه
لا خليه يسجل ويبدي يدرس ويتقدم لها اذا هو صادق وخل تستخير وان شاء الله خيره
المهم شخصية الرجال وعقله
وفكرة اليهال ياجلونها لين يخلص جامعة ضروري
حتى مايتكلفون بمصاريف وهو وضعه مومستقر ومومكون نفسه
وعلشان بعد ماتقعد هي تصرف ع اليهال
ويتعود ع هالطبع وياخذها بالطويلة وياها

 

[عذبة السجآيآ]

لاحبيبتي عمر الشهاده ماصارت مقياس للرجال او المره

عندج انا حمااي ماكمل المتوسط وزوجته مهندسه بالنفط مشاءالله تبارك الرحمن واهو شايل مسؤليه البيت وبيت حمولتي وحتى شغل عمي او متكفل فيه ويصرف عالكل مشاءالله واذا يبون شي مايستشيرون الا اهو لان مشااءلله عساني ما ضره فاهم وحكيم من خبره الحياه

لاتقوليلي الشهاده بتعلم الانسان الاسلوب والذرابه والتكافؤ عمر عالشي ماراح يصير الانسان مو بشهاده


الانسان بتربيته واسلوبة واخلاقه ودينه ,,

وبخصوص منو بيصرف اضن مافيها شي لا صارت بينكم مساعده لان هذا بيتج وبيت عيالج والحياه الزوجيه مبنيه على التفاهم والاتفاق والحب والموده مو على الشهاده والمعاش

والله يكتب لج اللي فيه الخير

 

[noooor2012]

والله تاخذ لها اخلاق اهم من الشهاده اهي ضامنه اذا اخذت دكتور يكون اخلاق ومحترم والريال مايعيبه شي بالعكس

 

[حبيبي مالكني]

الشهادة مو مقياس
اهم شي اخلاقه و طبايعه وثقافته
انا صراحه عادي عندي اتزوج واحد مستواه الدراسي اقل مني على صعيد الشهاده
بس اهم شي يكون فاهمني وانا فاهمته
بعطيج مثال
انا شهادتي جامعيه وريلي اقل من ثانوي
بس ريلي ما شاء الله يفهم بلامور دنيويه اكثر مني بوايد واحسه اهو الي يحتويني ويفهمني الدنيه
وعلى سالفة انه بيعتمد على معاشج ماله دخل عدم التكافؤ التعليمي بهالشي
هالشي يعتمد على طبايع الريال
وانتي فكري عدل وستخيري
وتر ى هالسبب كلش مو مقتع عشان ترفضين ريال زين وخايف الله