دكتوره وتاخذ واحد شهادته ثنويه ؟ رايكم يهمني

[اشلون يعني &]

فيها رياجيل كبار رتبهم بالشركة وحريمهم معاشاتهم ولا شيء ويخليها تتحمل المسؤوليه
هي مو على كثرت وقلة المعاش هي على المرجله

 

[mf6nt el3lat]

شفيهم عيال الثانوي يا زينهم ويا حلاااتهم

 

[قلب طفـــله]

شدخل !! انتي بتتزوجينه ولابتتزوجين شهادته ياماما الحين البنات يدرون الريل دواره وبعضهم تاخذ متزوج تبي الستر دام اخلاقه وسمعته اوك وافقي لاتعنسين !! من تواضع لله رفعه واذا طلب منج فلوس مافيها شي انتي مرته وحلالكم واحد لازم تساعدينه وموكل الرياييل نفس بعض مايصرفون على حريمهم الحين انتي تفكيرج الشهاده ومعاششج الله يهديج استخييري وان شاء الله خير

 

[مهندسة جنوبية]

لاتوافق احسن يعني شنو ماكو رجاجيل؟؟اصلا ااذا اخذته كل دراستها وشهادتها رح تروح خاااااااااااالي بلاش

 

[Freakya]

اللي ما يقدر على دراسة شلون بيقدر على زواج؟

دام بيكمل دراسته خل يخلص ويتوظف ذيك الساعة يفكر يخطب بنات الاوادم

كفاءة الرجل مطلوبة ومهمة للزواج لان هو راح يكون مسؤول عنها والبيت والعيال

والرسول عليه الصلاة السلام قال: من استطاع منكم الباءة فليتزوج

واللي معندوش ما يلزموش ولا يغربل بنات العالم

وجهة نظري!

 

[Om_Ksha]

لا توااافق طبعا مافي تكافؤ

الحين اذا جامعيه بتاخذ واحد ثانوي واللللللللله تاااااااااااااااااااافهه و بس يتفسلف و ماعنده هدف بالحياه فما بالج دكتوره :\

صج اهم شي الشهاده مشكله لما يكون الريال مخه فاضي :\و همن شهاده الثانويه ماراح تفتحله بيت !

 

[modern]

اذا كان ناجح بحياته و طموح و عقله مو متحجر ما اعتقد في مشكلة

 

[كليه البنات]

انا اشوف انه الجامعه تبني وايد شغلات بالانسان ماكانت موجوده
ماتوقع بيكون في تكافؤء حتن لو اتفقو بالبدايه .. مستقبلا راح تنصدم من شغلات
الدراسه عمرها ماكانت علم ولا شهاده بس ..
في شغلات نتعلمها بحياتنا اكثر من الجانب العلمي ..
وانا اقارن هالشي بالعايله .. وللاسف جدا صحيحه ..
عالاقل دبلوم .. حتن لو كان ناوي يكمل الدراسه
النقاش عالتفكير و قياس المشاكل مو عالمعاش والمصرف

 

[PuPa^^SWeeT]

وايد ترا ياخذون رياييل ماعندهم شهادات



مافيها شي




التكافؤ بالعمر و الوسط الاجتماعي


واهي تقعد وياه قبل الملجة و اتكلمه و اتشوف تفكيره




ولا تخلط بين الشغلات اللي يحبها و اللي مايحبها


وبين انه رجعي ولا يغار ولا مو واثق




يعني قالها ماحب كثر الطلعات ومابي صديقاتي و صديقاتي



هذا مو رجعي هذا واحد طبعه جذي



تقعد واتشوووف كلامه عدل و تعابير ويهها

 

[al-musk]

الشهادة مالها علاقه بالطبع والاخلاق والعشرة .. ومدام بيكمل ليش لا تساعده وتوقف معاه..وليش يطمع بمعاشها هي من البداية تكون واضحه واذا هوزين معاها مافيها شي اذا ساعدته ترا الحياة مو فلوس ..مو يمكن هو وده ياخذ وحده بنفس مستواها التعليمي يكشخ فيها ويتفاخر فيها وتربي عياله احسن تربية ..

 

[كويتيه شماليه]

يعني توها بداية العشرينات الفرص جدامها اقول لو تنطر احسن لان مافي تكافؤ بالمره لو اهو عالاقل جامعي ممكن بس مادري الله يكتب اللي فيه الخير

 

[FoFa stylish]

انا دايم ابوي يقول اهم شي ماخذ الثانوية العامه ما يهمه اعلي من العامه
رفيجتي جامعية زوجها شهادته 4 متوسط يعني ثامن حتي ما أخذ تاسع و تقول عادي كافي يشتغل و عنده معاش
و هو لما تقدم لج قال ابي دكتورة أو وحده عندها شهاده ...

الحق ينقال اذا تقدم و عقبها درى انج دكتورة أو اقله اختارج قبل ما يعرف شهادته مو طمعان
و دام ما قال ابي شرط دكتورة أو جامعيه معناه مو طمع ؟؟

ليش تفكيرج جذي هذا نصيب

 

[LuLiTa]

اسمحيلي .. بس شنو يعني دكتورة ؟ زايدة ايد و لا ريل ؟؟

حبيبتي الاسلوب و التفكير له علاقة بالتربية و بالمحيط العائلي ,, الشهادة مالها شغل بالأسلوب و مستوى التفكير ,,, ياما ناس قواطي و ما عندهم أسلوب و وصارو دكاترة و مهندسين ,, و الله يعز جامعات مصر و الدول الثانية اللي يدخلها ما يطلع إلا معاها ماجستير و دكتوراه بأي مجال ينقيه مو بكالوريوس طب بروحه لوووووول

الناس مخابر مو مناظر ,,,و هاللي تتخرج دكتورة و عبالها الناس طمعانة فيها .. اسمحيلي بهالكلمة ترا تفكيرها سطحي و تافه .. الناس صارو يطلعون ألاف من مشاريع صغيرة و يدرون الناس اللي مثلهم ,, الدكتورة فوق الخفارة و اللعوزة راتبها ثابت كل شهر ...


عموما لازم البنت تقعد مع الريال و تشوف اسلوبه و تفكيره .. الواحد مو من اول مرة يحكم ,,, و الاهم الاستخارة و بالتوفيج

 

[اميره^_^بحلآها]

والله انا اعرف وحدهه دكتورهه و زوجهـا ثانوي و الحمدالله مرتاحهه مع زوجها و تقول بعكس احس مافي فرق بينا
اذا كان الرجل اخلااق و مافي شي ليش تقول لا ..!! الحمدالله وشكر صراحهه

 

[رحيل المرافيء]

لاتوافقين حبيبتي هو ريال مايعيبه شي انتي الخسرانة
اي دكتورة تتمناه ولا تدفع له المهر وكل شي البنات يدورون الريل دوارة الحين وانتي قعدي تشرطي
لاياج بدون تركضين وراه لامعاش ولاشهادة وانتي تحطين له بيت وتراكضون بالمعاملات من وزارة لوزارة
وشباب البلد تقعدون تتشرطون عليهم نبي ونبي
اغلب الطبيبات معنسات قاعدين بدون زواج

وبعدين شهادتج شنو ومنين ؟؟؟
واغلب الشهادات الحين فالصو من مصر والفلبين والاردن

 

[ALTaf.m]

لاتوافقين حبيبتي هو ريال مايعيبه شي انتي الخسرانة
اي دكتورة تتمناه ولا تدفع له المهر وكل شي البنات يدورون الريل دوارة الحين وانتي قعدي تشرطي
لاياج بدون تركضين وراه لامعاش ولاشهادة وانتي تحطين له بيت وتراكضون بالمعاملات من وزارة لوزارة
وشباب البلد تقعدون تتشرطون عليهم نبي ونبي
اغلب الطبيبات معنسات قاعدين بدون زواج

وبعدين شهادتج شنو ومنين ؟؟؟
واغلب الشهادات الحين فالصو من مصر والفلبين والاردن

اسلوبج ابدا مومنطقي

الي اقصد بشهادة الثنويه ان معاشه مايتعدا ال 800 دينار ،، شلون بيصرف على بيت وعيال ؟؟ واهو ماعنده مدخول ثاني

عن نفسي ماابي مصروف انا شايله نفسي الحمدلله بس الي اقصده بيقعد يقولي دام عندج معاش قوي انتي صرفي على البيت والعيال ؟؟ اوكي اصرف ماعندي مانع هذا بيتي بس لي متى؟؟

والحمدلله شهادتي مومن الفلبين ولا من الاماكن الي ذكرتيهم شاكره مرورج

 

[ALTaf.m]

مشكورين بنات جميعا عالمرور والله يكتب الي فيه الخير