دعــوة للنقــاش بكــل محبة ... إذكري لنا مســاويء المجتمع الحريمي

[تعويذة]

بســـم الله الرحمن الرحيـــــم ...\​

​

إلــى بنات و شبات و آنســـات و سيـــدات المجتمع ... إلى كـل بنوتة صغيرة و شابة بمنتدانا .. حابة أطرح و بكل شفافيــــة مســـاويء المجتمع الحريمي ..... و بطريقة مهذبـــة بعيــــدة كُل البعــد عن الإســفاف و الذم نرحب فيكم و بآرائكم ... ​

بإعتقادكم شنــــو إللي ما تحبيـــنه من صـــفات بمجتمع الحريم و ليش و شلون بإعتقادج نقدر نغيــره ؟؟
نبي منكم راي و حل إذا ممكن ... ​

أنا بكتب لكم جـــم مثال بس عقب ما أقرأ آرائكم .... :eh_s(7):
و شـــكرا مقــدما ً .....​

إهي دعوة للمناقشة والتغيير بكل محبـــة لأن مجتمعنا قاعد يتغير و يتطور
أنا من رأيي لو أي بنت إكتسبت فايدة من الموضوع لو وحدة بس هاذي تكفيني ... ​

​

و راح أناقشكم و أحط لكم نماذج ... بس بعد ما أستمع لكم :eh_s(15):​

.​

تعـويذة​

 

[دلوله 111]

(النغـــزااات)

 

[عسل سل]

اذا غارو طلعو كلام ويألفووون خخ مادري شكووو
الغيره اولا واخيرا
والخزززز ماادري ليش يعني اتوقع الي عندها عندج بس لا الا تشووف شنو لابسه شنو مسويه هذا شي حلو صراحه خخخ اما الغيره موضوع ثاني

 

[Patcholli]

الحش ..

وماتوقع في علاج للحشش لان وحده تجر الثانيه

 

[مدمنة كوفي]

يوم كنت صغيرة كان ابوي يوديني مجلس تسمونه بالكويتي ديوانية خاص بالرجال يا حلوهم ضحك ولعب وغشمرة واذا واحد فيهم اشترى تلفون او سيارة او اي شي ما يحسدونه ويباركون له

للاسف احس ان الرجاجيل تغيروا من الحريم اذا وحدة شرت لها سيارة او تلفون جديد او فستان بدل ما يباركون لها من وين لج , بل انتي تشترين سيارة عاد تقدرين على الاقساط , عليج اقساط تشترين تلفون جديد واخر موضة من وين لج هالفستان والى اخره

حسد مو طبيعي غيبة نميمة قليل اللي يباركون ويمكن تبارك وقلبها اسود ودها هالنعمة اللي عندج عندها بالذات اللي بالخير ونعمة يحسدون الفقير هذا اللي شفته

فلانة تطلقت فلانة تزوجت صار لها مدة ما حملت وهالواتس اب ينقلون فيه اخبار الناس وبلاش
تلاقين وحدة تحبب فيج وتسلم عليج بحرارة ومن تطلعين تتكلم عليج

مو كل النسوان بس الاغلبية صايرين جذي باختصار المجتمع الحريمي غيبة حجي على الناس سؤاء بالصج لو الجذب , غيرة

 

[مِتحَديه نفسِيْ]

المجتمع الحريمي = حش+غيبه+حسد+نفاق+خز+شوفة نفس+حقد+بغض+غيرة
​

 

[يستفزني غلاك]

اللي حيل يضايقني صارو الرفيجات بس يتزوجون يغارون من بعض طيب ليييه؟
و اخر شي الغيره تنقلب الى كره
يعني شافت فلانه كاشخه خلاص كرهتها
ليييش ! لانها حلوه و كشيخه


و الشغله الثانيه
الطيبه و اللي ما تحش و اللي تخاف ربها
صارت هي المسكيينه و اللي ماتعرف بالموضه
ياسسسسلام شي يقهر الصراحه




وووو اممممممممم سلامت قلبج
تقبلي مروري

 

[سندس 90]

والله أنا من زماااان عن قعدات الحريم
لكن الحين بديت ادخل فيه

اعوذ بالله

والحمد لله داااايم ساااااكته لان ماابي احش واذا سكتهم قالو فتااانه وتنقل حجي

وحسسسد حيييل

وصج إذا كشختي خلااااااااااااص صرتي العدو اللدود حقهم

والتعيب على كل شي بخلقة الله على عيالج على زوجج عليج على اخوج او اختج
ولو ودها هم على أمج وأبووج

وفوووق هذا كلله

الــــكـــــذب
صواااااريخ وعلى شغلااات تافهه ماتستاااهل الكذب فيها*


وأنامااقول إني كااامله
اكييييد لي أخطااء
والله يصلح الجميع

 

[أسرار الجمال]

هذا المجتمع الحريمي ولو تكلمنا مني ليباجر هذا هو قال نغير قال

 

[شــــــــــــــوقــــه]

اللقافة

كل شي يبون يعرفون و اذا ما درو يزعلون و يتدخلون بشي ما يخصهم

 

[granted]

الفضووووول والحش
التفكير التيبيكال الوحدة نفس امها نفس يدتها

 

[نونه المنكوشه]

حش نفاق جذب حسد غيره كل عله ومستعله بمجتمع الحريم اله ماهدا الله

 

[muhrat uboha.]

حسد
غيره
نفاق
ومن تحت لي تحت:eh_s(14):

 

[ليدي بجد]

طول عمري كنت اتمنى اكون. ر جااال والسبب كرهي لمجتمع النسائي لنفس الأسباب الي ذكروها البنات بس. كأني اخر كم سنه بديت أحاول اتبلعه هالمجتمع وأعصر على نفسي ليمونه طبعا لضروره أحكام
.


بس الي مستوقفني هاليومين. ان فعلا المجتمع الرجالي قالب على نسائي هالايام يعني عندهم نظام النغزات بقووه ونظام الحسد موجود بس ردود الفعل له اقل حده منا الحريم حتى الحش موجود ولكن يقتصر على فئات. وهذي الفئات اسوء نوعيه من نوعيات الرجال وووع
الزبده المجتمعين في طريقهم لتوحيد الطبع بناء على المفاهيم والأسس النسائيه مو قربت القيامه وكل شي في طريقه يكون للاسوء وهذا شي طبيعي


صراحه مادري شكتبت فوق دايخه وبالسرير اكتب. اعذروني تصبحون على خير

 

[اسينات]

نفاااااااااااااااااااااااااااااااااق الغيبه والحش حتى بليس مايرحمونه خخخ الحقد التنغغز الحسد

 

[Kocheko]

النفاق .. الحسد .. التشوش.. الغيييييره ... وتخريب البيوت

 

[ملكة الكلمه]

طبعا كل شي من حسد وغيبه وسب ونفاق ............ والخ كل شي ماهو زين من صفات تلقيها عند بعض الحريم
الله يهديهم وانا اكره جلسه مع حريم والعجايز جالسه معهم تكسب الواحد ذنوب وسيئات هو في غنى عنها
طبعا لا لا لا نسى ان اكثر جهنم من النساء '، نعوذ بالله لي ولكم من عذاب جهنم .....

 

[مشتطـه]

شكثر ششغلات ما راح نخلص منها

آخ موضوعج عالجرح !!!!

 

[*مطبخ الذواقة*]

اغلب مجالس الحريم هذي صفاتها :

"الا من رحم ربي طبعا "

الكذب


الغرور


الغيبه



النميمه


الحسد


طوله اللسان


النفاق



و .. و... و...



لذلك تخيروا مجالسكم واعرفو من تخالطون ..

فالمرء على دين خليله











​

 

[baby lotion]

اكره تجمع الحريم لوايد اسباب اذكروها البنات

و اللي تحسد وتنظل ولي يا حد تكلم عن شي (زيـــن ) يخصها تززززعل !!

واللي لو رحتي لها مهلقه تسولف معاج واذا كشختي تحقد عليج ماتكلمج ؟ هذيل اتوقع يبيلهم علاج وموضوع لحاله

الزبده : حسد - غيره - تخلف