دعــوة للنقــاش بكــل محبة ... إذكري لنا مســاويء المجتمع الحريمي

[**فديت عيونه**]

روووعه موضوعج

 

[**فديت عيونه**]

مثل ماقالوا البنات

حسد غيره نفاق كذب نغزات من تحت ليتحت

الا من رحم ربي
















وابشركم صرت مثلهم كنت ع نياتي وتالي من كثرمايدقوني ويحقدون صرت نفسهم

حسبي الله ونعم الوكيل كنت ع نيتي احبهم واتمنى كل خير لكل وحده واساعد واي معلومه ما ابخل واي شي جديد اقوله الحين صرت نفسسسسهم انا مارتحت لهاطبايع مادري شلون ينامون مرتاحين


اللهم اصلح لنا النيه والذريه

 

[F.Strawberry]

واااايد ..

الحسد
الغيره
الحش
التكبر و رفعة الخشم
القرقة الزايده ( طبعن على حسب الشخصيه )
وايد وااايد يتشيحطوون
و مثل ما قالو البنات : النفااق و النغزاات و كل شي

الله يهديهم و يخفون شوي ..
لو كل شخص يحمد ربه عاللي عنده
و يذكر الله لما يشوف شي يعجبه جان احنا بخير :icon30:

 

[M2REOOM...]

شقول ولاشخلي بحر من المساوئ حش غيره نفاق جذب تصنع اما الحش فهاذا موضوع اخر

 

[تعويذة]

يعطيــكم العافيــة بنات ...

ورد فاخر !
اسمحوا لي برد عليها بالبدايـــة ... حبيبتي بقولج شغلـــــة ترى ما كان المفروض تزعلين على نفسج من ردة فعلها هذي ما عندها غيرج واضح إنها مركزة بس فيج مبين حيــاتها فاضية ... و تشوفج أفضــل منها بالعكس إنتي ربي عطاج العقل و الخير و الاسلوب الراقي كافي كان ردج بارد مــجرد ابتســـامة ...؟

إحنا بموضوعنا هــذا حبينا نسلـــط الضــوء على هالفئة ... إللي تخلينـــا كنســاء و حريم نكره و بقووة مجتمع الحريم
بس إحنا أقــوى .... لأنا الناس بالأخير بتقعـــد مع الشــخص المتزن الفاهم مو المخبول أو الخبل ...

نصيـــحتي لج من قلب هالتصرف ... إللي طلع منها و من غير سبب لا توقفين عنــده و يخليج تتسائلين بالعكس تجاوزيها بعدم حتى النقاش عنها ... أو الاحتكاك خلج أبرد من قبل معاها ...

و الله معاج يارب و يشفيج و ما فيه مرض يضحك أو ما يضحك ... بس كل الأمراض تنتهي و لها فترة و علاج المهم نفسج و إختلطي و عيشي مع ناس طبيعية مو إللي مخها تعبان .... و أشكرج من كل قلبي على هالمشــاركة الطيبة​

 

[تعويذة]

فديــت عيوونه إنتي إللي أروع نورتِ ​

 

[فتوشه كويتيه]

الله يهديهم لا ينسون انه اغلب اهل جهنم من النساء بسبب النميمه والحش

 

[عيوني شقااقيه..]

بالنسبه لي
كله اتغاظى عنه
خل يحسدون. قريت اذكاري وواثقه ان ربي حافظني.
الغيرة.. ههههه وناسه اذا شفت بنات غيرانات مني دليل انهم ناقصات ..
الحش ماحشت إلا محتره وترجع الحشه لسبب رئيسي عقدة النقص .
النغرات هي اسلوب الجُبنْ تلاقينها ماتقدر تواجهج ومحتره ف تنغر هههههه .
كله كله كله ممكن اطننششششه ومارد عليه ..

بس الشي البشع المؤلم
(( الشماته)) وايد تجرحني.
المشكله يشمتون في شي من أمر الله !!
مثال :
المرض!
انا بتكلم عن سين من الناس
كنت اللاحظ عليها كل الصفات الي ذكرتها فوق
وكنت يشهد الله مارد عليها بالمثل
اتجنبها قدر الامكان ..
وهي هات يا نغزات .. هات يا حش وعقار ....^*.
ماكنت ارد عليها ..
مو ضعف مني
بس احس انها تافهه جداً
وحسوده وحقوده بدرجه مقززه اشمئز منها ..
واتحاشى حتى الكلام معها..
سلام عليكم السلام ..
مع انها كبيره اكبر مني
بس مخها تافهه وسطحي ..

أذن ربي بمرضٍ ما واصابني
والحمد لله

عرفت سين بمرضي .. وهي كانت اتابع اخباري

والمرض كان غريب بالنسبه لي اول مره اسمع عنه او اعرف عنه

شدراها ماعرف

المهم ..

اول ما شافتني بعد مرضي

شفت فيها نظره ما انساها..

وابتسامة احتقار وتشفي
صاكه على اسنانها من التشفي والمتعه ونظره اول مره فحياتي اشوفها في عين آدمي ههههه

قالت لي :
سلامات يقولون انك مريضه؟

قلت الحمد لله بخير.

ماكملت كلامي ردت بتحدي ونبرة حاده ..
لا وضحكة بصوت ضحكة شماته ..
قالتلي(( يقولون معك مرض اعصاب ))وشفتوا الحركه مالت المينون الي ب ايده ؟
هذي الحركه ههههه الي تحط ايدها على الجبهه على جنب فوق الاذن وتدور يدها ههههههه يعني مجنون؟

جي سوت لي وحطت ريل على ريل. وضحكة ضحكة رنت في اذني ..

انزين ليه؟
عشان شنو؟
انا شسويت لج.؟


انا ابتسمت ومشيت ..
شنو المفروض كان ارد عليها؟؟؟
لهدرجه حقد تشمت في مرض؟؟

ما انسى هاليوم .. زعلت على نفسي اني ماسويت لها شي عشان هالتشفي كله !!
والله اني صحت ولي الحين لتذكرت اني اصيح. بال لهدرجه حقد؟؟
خاطري افهم ليه؟


وبس كله يهون عقار حسد نغزات كله عادي
بس التشمت لا لا مؤلم. يعور وايد يجرح. يحز بالنفس ..

هذا امر الله في عبده
العبد مو بيده شي ليه يشمتون فيه؟؟



في فئه مريضه قلبها وروحها مريضه
الله لا يبتلينا ..
الحمد لله الذي عافانا والله هذي مصيبه اذا نفس الانسان مريضه ..


وبس خواتي


الموضوع حلوووو وايد







​

صراحه حركتها تحر قطيعه و صج التشمت يعور القلب و يضيق الخلق بس صدقيني باجر الله بيبلاها بشي اسوأ يا بمرض فيها يا باحد تحبه و تموت فيه و تعزه قبل وحده من معارفنا كانت تعيب علي و تتطنز على امي بنتج عبده بنتج عبده كلنا عبيدلله أنا سمره بس سماري عادي و حلو عجيب والحمدلله أنا واثقه منه صارت فيني اكزيما بوجهي و قعدت تعيب علي و تقول لامي وييه يا فلانه بنتج عبده و فيها مرض من بياخذها جان تقول لها امي لون البشره خلقه ربي و الاكزيما هم من ربي و بنتي ان شاء الله بتتزوج و سبحان الله مرت السنين و دارت وانا صار لوني فاتح صرت حنطاويه بس مو بيضه و تعالجت عند دكتوره و مستمره على العلاج و الترطيب و تقريبا راحت الاكزيما ولله الحمد و صرت مملوحه والحمدلله الكل يقول واهي اللهم لا شماته الله رزقها ببنت سمممممره حيييل و لما صار عمرها 7 سنين قبت فيها الصدفيه بكل جسمها لا و شتقول كللله من عين فلانه و بنتها احنا شكو هذا من الله الزبده هذولي فئه من الناس مريضه نفسيا و فيها نقص ما تطالع اللي عندها تشوف اللي عند غيرها قطع الله يسامحها والحمدلله الله رزقني زوج يحبني و يموت فيني و جته فتره متغير علي و صاير مع بنت اختها يمشي و سوالف و بلاوي الله يستر علينا طلعت ساحرته حسبي الله ونعم الوكيل و الحمدلله الحين تعالج و بس واسفه طولت عليج

 

[عيوني شقااقيه..]

اتفق معاكم ثلاث ارباع المجتمع النسائي حش و غيبه و تاليف و نفاق و غيره..
بقول لكم موقفين من اللي شفته والباقي اعظم الله لا يبلانا.:-

الموقف الاول:-
وحده من جماعتنا على قد حالها اهي و زوجها المره هذي حملت و جابت ولد الله يخليه لها ان شاء الله بطلاعتها من الاربعين زوجها شرى لها جنطه ماركه عشان تكشخ فيها وشكلها حلو وكل من يسال عنها عاد ذاك اليوم كنت زايره وحده مقربه لها وهذي كلها ماركات من فوق الى تحت و كشييخه شافت المره لابسه جنطتها و كاشخه فيها تخيلوا هدت عليها شنو هذا منين لج هالجنطه و منو شاريها لج و من وين حشى تحقيق اللي يضحك بالموضوع الله لا يبلانا ان المره الكشيخه عندها نفس الجنطه بس بلون ثاني راحت و شرت نفس جنطه ها المره شدعوا مو من صجها والله استغفر الله قمنا نضحك عليها

الموقف الثاني:-
هالموقف صار جدام عيني في بنتين قريبين لي اقارب من الدرجه الاولى..البنت الكبيره ما تزوجت و البنت الصغيره جاها خطاب والاهل وافقوا امهم الله يرحمها متوفيه من زمان وعندهم مره ابوهم مسويه فيهم النون وما يعلمون طبعا الله يسامحها ماخذه جزء من المهر الله يسامحها و رافضه تشتري للبنت اللي انخطبت شي معودتهم من المدرسه للبيت و من البيت للمدرسه حتى جامعه فرت مخ ابوهم و امنعتهم منها والسبه اهما احلى من بنتها و بنتها فاشله دراسيا مسكينه راحت مرة عمها واللي كانت تصير لامهم الله يرحمها تجهزها راح تقولون وين الخوال امهم وحيده امها و ابوها وامها و ابوها شياب وباجي العايله محد يقدر يسوي شي من عوابه ابوهم ومرة ابوهم راحت مرة عمهم جزاها الله خير و قعدت تجهز البنت ليما خلصت جهازها وساعات كانت اهي تروح و تشتري للبنت على ذوقها لان مرة ابوها تحبسها بالغرفه اهي واختها و تعيب على الكبيره يالعانس يالعانس ومن هالالفاظ وسبحان الله بحفله البنت الصغيره تنخطب البنت الكبيره لواحد ارمل وما عنده عيال و سبحان الله عاشوا ثنتينهم معززات مكرمات ومره عمهم صايره جنها امهم تسنعهم وتنصحهم و تقول لهم و بنت مره ابوهم قعدت و ما تزوجت اللهم لا شماته و مره ابوهم فيها الشين الله لا يبلانا


لا حول ولا قوه الا بالله هذا حال الدنيا الحين من سيء الى أسوأ و اسفه طولت عليكم بس هوايل من هالحريم يمممه

 

[مشتطـه]

عيوني الشقاقية المفروض الواحد يخاف من ربه ويحط ف بال ان الدنيا دوارة سبحان الله

 

[تعويذة]

شـــكرا لكل العضـــوات إللي شاركوا و زاروا الصفحة ... حقيقة المرأة الغيورة الحاســدة ... إللي ما تخاف الله هاذي لازم نوقفها عند حدها أنا شخصيا عانيت من رئيسات أقسام ثنتين لا و القرادة رفيجات طلعوا يعرفون بعض ... بدوون أي أسباب منطقية يحبون يحبطون مني و من شغلي مع إني أشتغل بمكان حساس أشتغل بمستشفى و مع مرضى ..... المهم !! حاليا قررت أنتقل لمكان ثالث و السبة إنها مرة كبيرة و ما أعرف والله شنو السبب إللي عندها حتى لو كان سلبي أنا ما أعرف بالضبط شنو المشكلــة عموما مشاكل الحريم عاد ببيئة الدوام ما تخلص و دائرة كبيرة الحمدالله أنا عن نفسي صراحة إكتشفت الحل بإنكم تقطعونهم مرة وحدة !!​

 

[مزيونة الخبر]

اي والله حسد والغيرة وادا كشختي خلاص شايفه نفسج كله مجتمع غريب عجيب

 

[مزيونة الخبر]

مثل موقف تو صاير خالتي له خمس سنين تقول بنتكم لولدي بس علشان انا رفضت ولدي خالتي الثانيه لانه فاشل ومايصلي ويشرب حقدت على امي بس هم خوات من الام بس راحت امس ملكت ولده على وحده بعيده مع انا احنا موافقين على ولده لانه زين ومتعلم وصالح لانه متاكدة ماراح نرفض سوت هالحركه ماندري انه احنا ماتدرينا عن ولده يحسب الواحد رزقها عندهم مادرو ان الرزق عند الله ولو الرزق عند البشر محد عطى احد حتى ساعات يتكلمون علي من وراي يقلون خلوة تعجز محد ماخده حرام تكسر الخاطر جهال تزوجو وهي لا

 

[Huda alotaibi]

مساء الخير
" إعتقادكم شنــــو إللي ما تحبيـــنه من صـــفات بمجتمع الحريم و ليش و شلون بإعتقادج نقدر نغيــره ؟؟"

الاشاعات والحشششششششششششش

 

[تعويذة]

شكرا للكل االلي علـــق بنات ردودكم عن الحش و الغيـــرة و المقارنة و إن المجتمع النســـائي غير عن الرجالي الرجال أطيب
بنات الحل :


بصراحة يبيلها موقف قوي و صريح و إن كلمه الحـــق لا تخشـــونها بدوها
علشــــــان الناس إللي عايشة على الأدوار الشيطانية إللي من ورى الكواليس قاعدة تألف و تفلم و هي بحقيقتها كارهه لشخصج تتمنالج الفشل و الشر ’ الحل ببســــــــــاطة هو مكافحكة هالفئة بالتأديب نقول كلمة الحق و نواجه لا نأجل علطول و بعد مو بس بوقت المشاكل نتكلم حتى بوقت الرخاء ...... نتكلم بوجود المرة بالخير نقول و الله فلانه ما شاء الله عليها راعية واجب مثلا ..... المهم نشهد لها بشكل صريح و جدامها نحط الكلمة بمحلها و وضعها الصح لا نبالغ و لا نقصر لا تكون بخيل بالكلمة الحلوة تعلموا تشجعون و تذكرون أهل الخير و العمل الطيب بحضورهم جدام الكل تعلموا لغة التكريم و الإحترام

صدقوني لا طبقتوا هالشيء بيقل عندها جو الأمراض الاجتماعية بجذي راعية الأفلام ماراح تعيش بينا

 

[تعويذة]

.............

شكرا لكل البنات اللي كتبوا برقي ....