دار الشفاء أو رويال حياة؟ شنو بتختارين

[ليان]

بإختصار شديد

ولا واحد​

 

[(أم نونو)]

الله يهون عليج


انا افضل السلام بس لوخيروني بين دار الشفا و رويال حياة راح اختار رويال حيات لانه غرفهم احلا للاستقبالات

 

[awsha]

بدوون تردد رويال حياه كفخامه و كاهتمام

 

[انجبر قلبي]

انا بختار دار الشفا لان اسعارهم معقوله بالنسبة لرويال حياه وايد غالي مع انهم شطار بس دار الشفا مدام مدحوه لي رفيجاتي انشالله بختاره والله يسهل
السهالات من الله

 

[sweet fashion]

بصرآحه آنا مآجربت آلاثنين بس آسمع صديقاتي يمدحون رويآل حيآه من نآحيه آلنظافه آلسيرفس آلدكاتره آلسسترآت كآفي رآحه نفسيه تحسين نفسج بفندق وبآلنسبه للآسعآر اهمآ نزلوآ آسعآرهم وآصبحت معقوله حآلها حآل بآقي آلمستشفيآت ومو خسآره عليهم
دآر آلشفا آنا سمعت عليه مشآكل وآدارته سيئه فآ مآانصحج فيه آبتعدي عنه آفضل لج وآختاري رويال حياة وآتكلى علي الله وآستخيري ربج وآن شاءالله خير

 

[كلاسيكال]

اب اب اب لعيووونج انا بجرية ابي استفيد

 

[om_3azoz]

الصراحه دار الشفاااا روعه روعه روعه انا ولدت بجري فيهااا والحين بعد بولد فيها ولا ا فكر اغيره الصراحه كلش

بالولاده ماحسيت بولاشي ولدت وانا مرتاحه لا عوار ولا صراخ الحمدالله كمامهم عجيييييييييب تغنيج عن ابره الظهر والخرابيط اللي هابين فيها هل وقت

وعنايه ممتازه كل شويه سستر ادش تجيك عليج وحتى الحمام تكرمين اتيلج بين فتره وفتره توديج وجذي وايد ممتاز

واسعارهم مناسبه الصراحه

والله يتمم عليج يااارب ويتمم علي ويسهل ولادتناا يارب

 

[ام احلى خلودى]

طبعااا رويال مايبيله سؤال ....... اهتمام ونظافه ومعاملتهم تينن ماجنج بمستشفى وهدوء مو لويه وازعاج نفس باجى المستشفيات .....واسعارهم معقوله مو وااايد غالى ...... ويعلمونج شلون تمسكين البيبى وشلون تسبحينه وشلون ترضعينه اذا كنتى بجر ....ونفسيتهم حلوة والله يسهل على وعليج ياااارب

 

[Lady-_-fushia]

مشكورين بنات كلكم وعلى مشاركاتكم و دعواتكم الحلوة
الله يعين والله ضايق خلقي عالسالفه بس حمدلله على كل حال
انا اكيد ابي الافضل وماراح اسوي استقبال بالمستشفى
ماني فاضيه ومالي مقاقه صراحه توني والده و الناس داشه و طالعه
وازعاج مستحيــــــــــــــل
لي طلعت بالسلامه بسوي الاستقبال ببيتي وانا مرتاحه و اكون طلعت من الاربعين
والناس تكون لها علم كلها ويمديها تستعد للاستقبال
اما شغل استقبال مستشفى ماخوذ خيره
لان الناس ماتقدر فجاة تيي بيوم واحد وعقب هم راح ييونلج ببيتج و يدوخونج فمره وحده بالبيت احسن


انا اهم شي عندي ابي دكتورتي مابي احد ثاني خاصه ان ولادتي في احتمال تكون لها مشاكل يعني او متعسره
انا مو قاعده احاول اكون متشائمه بس هم ابي اكون بالصوره من جميع الزوايا و ان شاء الله مايصير شي من
هالشغلات والسهالات من رب العالمين

انا بسالها بمراجعتي اليايه شنو تنصحني باي من المستشفيين و بعد بقولها عن قصص البنات اللي قالوها
هني عن دار الشفا

وبشوف شنو تنصحني

هم بعد اذا ولاتي كانت مبجره راح تنلغي كل هالخطط و بروح حكومه اذا كان البيبي بيقعد بالمستشفى مده طويله

حمدلله على كل حال و مشكورين وايد الله يسهل على كل الحوامل ان شاء الله بولاداتهم

 

[ضحكت حبيبي]

أنا جربت الاثنين بس نفس الدكتورة لانها من بره

وايد ارتحت من رويال وأسعارهم متقاربه

وحولي زحمه وفيني طلق ناطره دوري عشان الدكتورة تفحصني لين نزل علي دم بالحمامات اللي تحت

اما رويال حطوني بويل جير من للسياره وصعدوني باصانصير خاص وكل شي كان روعه

وبالنسبه للغرف رويال وايد احسن حتى حمام غرفتج راهي أنا بالشفا مأخذه ملكي وحمامها نتفه

وسسترات رويال احسن واايد والكمام نفس الشي بالمكانين

الله يسهل عليج وعلينا وعلى كل حامل يارب*

 

[ام عفاف الكويت]

انا جربت دار الشفا
بس مو طبيعي كنت قيصريه ودكتورتي ناهده العلي لو تعرفينها
وايد حبيت المستشفى والعنايه اللى فيها

 

[Lady-_-fushia]

ضحكت حبيبي
مشكورة حبيبتي على مشاركتج لنا بالموضوع
جم كلفتج الولاده اذا ما تمانعين سؤالي
انا مابي اسوي استقبال بس ابي راحتي
بالمعقول يعني بسال دكتورتي جم بتكلف ولادتي برويال
واشوف رايها ماكو غير جذي
مع ان تو الناس بس عشان استعد و اكون ميمعه حق الولاده ما انصدم يومها

 

[Lady-_-fushia]

ام عفاف الكويت

مشكورة حبيبتي على مشاركتج بالموضوع حياج الله