دار الشفاء أو رويال حياة؟ شنو بتختارين

[حلا vip]

مستشفى دار الشفا حسبي الله عليهم وانا لي قبل شهر بس كنت امدحه الله لايوفقهم قالو قيصريه وولدت قيصري وانا مافيني شي قصوا على زوجي قالو تبرز برحمها البيي اذا ماوافقت على العمليه راح يموت او يصير معاق ولا انا قبل اجيهم كل شي كان طبيعي حسبي الله عليهم عساهم مايتهنون بفلوسهم واولهم صاحب المستشفىطبعا بعد ماولدت سمعت انه مشهور بالعمليات ووحده ولدوها قيصري وكانت تجيب طبيعي بالعدان وبعد القيصري راحت لهم لما حملت قالو طبيعي اخر شي ماتحملت ولدوها قيصري وصار خياط فوق وتحت لاحول ولاقوة الابالله واخت رفيجتي قالوا لزوجها وقع ع العمليه بسرعه نفس ماقالوا حق زوجي بالظبط بس زوجها قال لا طلعوها بوديها العدان قالوا شوي بس بنشوفها ردوا جان يقولون لاخلاص راح تولد طبيعي شفتو انهم مايخافون الله. وانا لما رحت حق طيبه بعدها كنت اراجع عندهم قالتلي الدكتوره حراااام ماكان فيج شي ليش رحتي. بس قدر الله وماشاءفعل. *انصحج تكفين لاتروحين لهم روحي لو العدان او الولاده بس لاتروحين لهم صج كمامهم حلو بس ماينفع. يكفي اللي حرقوا قلبها على ولدها عسى الله يحرق قلوبهم

 

[Talyan Rose]

صباح الورد

س1 : جوابي بلا شك رويال حياة لو يودوني الاعدام ما اروح المقصب عفوا الي اسمة دار الشفا
س2: كاسعار رويال اغلى بس اذا تبين عنايه حقج وحق البيبي طبعا رويال لانه اذا انتي ما تدرين عن دار الشفا انه غرفه الاطفال جنها غرفة حراي ماعندهم غير غرفه وحده والسسترات ما يلحقوون ماشالله
والسسترات يالله النفسيه بالخشم غصب يكلمونج لانهم تعقدو من البشر الي ايونهم
س3: طبعا وايد تجارب فاشله صارت بدار الشفا واخرها بنت عمي ولدوها سسترات تخيلي ودكتورتها اساسا من دار الشفا مو من برا وما يتها خير شر
وبغو بفتحون بطنها بس بنت عمي عاندت وقاالت مابي والسسترات بس يحنون سوي سيزيريان ماما 
لي اسم الله عليها ولدت روحها طبيعي تخيلي السسترات يقولون لها دونت بوش واهيا تعاند تسوي بوش لي طلعت بنوتتها فديتها
طبعا غير الي اعرفها ولدت طبيعي وما قالولها انه الياهل مختنق ةفيه نقص اكسجين ويا فرحه ما تمت يومين ما طول الياهل يعيش اسم الله علينا وعليكم
الخ من التجارب الفااااااشلة والمزريه
غير انه المستشفى جنه حراي تحت وزحمة وكله يهال يراكظون جنه قاعدين في ملاهي
ةغير وغير وغير

رويال اول ما فتح كان فيه بعض التجارب الفاشله
بس حاليا غيرو ستاف السسترات كلللله ودكاترتهم واااايد زينين ويهبلون واذا سمعت احذ ذم المستشفى يكون من الدكتورة الي يايبينها من برا
يعني العيب مو من المستشفى
وانا اهلي جربو كل المستشفيات وقابو احسن عنايه وخدمة حق البيبي والام رويال حياة
الشفا من زمان حاطين عليه اكس


واي استفسار انا حاظرة

 

[opera]

اول شي خلي ببالج السهاله والعساره بالولاده من الله مو من المستشفى ولا من الدكتور

يعني لو كانت ولادتج سهله لو تولدين بالبيت بتقولين راحه مابعدها راحه ولو ولادتج متعسره لو تولدين بيد احسن دكتور بتقولين حسبي الله عليه .. صح ولا لا ؟؟



1- لو خيرتج دكتورتج بين مستشفين حياة رويال او دار الشفا ايهو تختارون؟
رويال حياة لاني جربتها من قبل


2- جم اسعارهم بالولادات؟
ولدت في 2008 قيصريه وانا اشوف اسعارهم معقوله للي يبي ياخذ الغرف العاديه اما اللي بياخذ اكبر غرفه يتحمل

3- المستشفى اللي تختارينها وضحي السبب ليش ؟
اول شي دكتورتي ماتولد الا برويال او دار الشفا او الهادي .. وانا اخترت رويال لاني بالجابريه .. وبعد مازرت المستشفى و شفت الغرف اعجبوني واسعارهم تناسبني ..فكان اختياري مبدئيا عالشكل .. لانه دار الشفا نظام اجنحتهم غرف داشه ببعض يعني الملكي ولا كأنه ملكي غرفه المريض صغيره وعيبها مافيها حاجز يفصلها عن الناس يعني تخيلي اذا في احد قاعد والدكتور ياي يبي يفحص او النيرس بتغيرلج لازم كل هالناس يقومون او انتي تقومين !!

هذا من ناحيه الشكل

اما الرعايه .. طبعا قل لا اولد سمعت اشكثر اشياء مو زينه عن رويال حياة
بس سألت دكتورتي قالتي صح هالكلام اول ما افتحوها بس الحين غير ياييبين سسترات خبره وماخذينهم من السلام و الهادي يعني يعطونهم عروض اقوى ويحولونهم عندهم

يعني سسترات خبره

وفعلا لمن ولدت شفت الرعايه بعيني .. شلون يعاملونج جنج اميييره و يحوفونج حوووف يخافون عليج شوي و يشيلونج من الارض

وهدوء مو طبيعي .. ومن اول ماتطقين الجرس تلاقينهم واقفين عندج

واذا دخلت عليج النيرس بلليل مثلا بتجيك عالدرب او شي ماتحسين من كثر هدوئهم



4- صارلج او احد موقف من قبل مع المستشفى اللي ماتفكرين تروحيله؟
لا ما صار اي موقف بس ما احبه لانه زحمه و مثل ماقتلج غرفه ماتعجبني لانه داشين ببعض مو نظام غرفه كبيره مفتوحه ..

وترا حتى دار الشفا غاليه .. يعطونج سعر الباكيج للولاده وبعدين تشوفين اشياء وايد مو من ظمن الباكيج .. مثلا اللي بيدش معاج الولاده تعالي دفعي 50 دينار مادري جم و اذا تبين ابره ظهر تعالي دفعي واذا واذا

يعني بالاخير الحسبه وحده

انا اشوف رويال حياة صريحين من البدايه حاطينلج اسعارهم.. ماتنصدميين بعدين بالفرق


بعدين ماعليج من اللي يقولج رويال حياة حق المهايط ومن هالحجي .. لانه الحين الكل يقدر يولد فيه والله يعافي العروض و الخصومات ..

واللي ماجرب مايقدر يحكم

 

[Lady-_-fushia]

ويه صراحه قبي قام يعورني على تجارب اللي فقدوا عيالهم الله يعوضهم عنكم بالف خير ان شاء الله و يشفعون لكم بالاخره يارب
انا دكتورتي فوزية القطان و اهي وايد وايد زينه و امينه حيل الله يحفظها ان شاء الله و يبارك فيها بس انا مادري يعني المشاكل اللي صارت من دكاتره المستشفى ؟ ولا شلون
مادري وايد خرعتوني وانا شفت اسعار اللي حاطتتها وحده من اللي ردوا يزاها الله خير بالصفحه الاولى عن دار الشفا والله هم غاليه نوعا ما

انا مايهمني الغرفه جناج ملكي او اي شي لاني ماراح اسوي استقبال بالمستشفى هذا من سابع المستحيلات بس يعني مابي غرفه محكر حمام و اهم شي عندي يكون في اجهزه ومعدات مو يوهقوني وقت اللي اولد فيه
صراحه اذا ولادتي مو مبجره راح اخليها تولدني بس مادري لي الحين باي مستشفى منهم واذا مبجره مالي غير الولاده ولا العدان على قولتكم عاد انا بمبارك الكبير
والله ضاق خلقي مادري شسوي حتى لو ان كل هالاشياء سابقه لاوانها وكل شي بيد الله بس احب اكون بالصوره
مادري شسوي

ولا وحده عندها اسعار رويال حياة؟ تحطلنا اياهم نقارن عالاقل بينهم

 

[Lady-_-fushia]

om_saleem
دآنة آلرشآيده
سمبتيكة
Om-Bashaar
"*آآآنؤؤؤقهـ*"
الفنانه79


شكراااا يا حلوين على ارائكم و تجاربكم ان شاء الله كل وحده مثلي تستفيد منهم واللي رفعوا الموضوع الله يرفع من شانكم ان شاء الله

 

[Lady-_-fushia]

MissChoco
ShoOog el3YoOoN
علياء الحسن
باربي لكويت
لاتغرك الضحكه
حلا vip
Talyan Rose
opera

مشكورين على رايكم و مروركم و تجاربكم و قصصكم
صراحه نصهم عوروا قلبي خاصه باربي الكويت و حلا vip وtalyan rose الله يعوضكم واهلكم خير ان شاء الله ويسهل ولاداتكم هالمره ويسهل ولادات كل اللي ردوا و شاركوا

عاد هذا بجري وقبل حملت و طيحت من الله يعني من اول شي باول شهر ونص طاح بروحه البيبي لما رحت اسوي سونار ماكان موجود البيبي و قبلها كان حايشني نزيف
والحين حمدلله حملت وسليم حملي بس ما تخيل اخسر ضناي وقت اللي متشفقه انه يي و انا اولد بس كل شي بيد الله سبحانه لو وين والده يتراوالي لو ربي يبي يطيح الطفل راح يطيح الطفل حتى لو كنتي باحسن مكان بالدنيا

بس حسبي الله عليهم اللي مايخافون الله بالناس والله اكيد بيحاسبهم بس لو مكانكم يعني اعتقد ترفعين دعوه عالمستشفى وقتها و ان يا ينطرد الدكتور او السستر اللي اهيا السبب لا حول ولا قوة الا بالله


ان شاء الله اللي عندهم تجارب اكثر يقولون لنا وصراحه مادري بس يمكن يفرق اذا
دكتورتج من برا او من داخل واذا قيصريه او طبيعيه
انا ماعرف بهالسوالف بس مادري شلون تنامون و تقومون وماتحسون بالولاده يمكن قيصريه قصدكم؟
مافهمت لان اللي اعرفه لازم تكون الوحده شوي صاحيه عشان تدز البيبي

 

[(ام سارا)]

اختي يعطيج العافيه عالموضوع عاد انا نفسج محتاره بينهم >>بس انا ابي دكتوره ناهده وقالوا ماتولدج الا بالشفاء ولارويال
وكنت ناويه على الشفاء بس من الردود شكلي بهوون
اوبرااا حبيبتي رويال العمليه كانت على اي اساس سوها لج يعني من قبل مقررين عليج ولاحزه الولاده
بصراااااحه الي مخوفني من الخااص العمليه القيصريه ولادتي بحكومي والحمد لله كلها طبيعي بس اخاف هالمره اروح خاص ويقولون لي عمليه
ومن كلامج ارتحت لرويال منو كانت دكتورج تنصحيني فيها اوبرا انا ابي وحده خيااطه حلو وعنده امانه ماتسويلي عمليه الا اذا صج الوضع خطير مو نهب فلووس

 

[Petite]

مشكورين بنات على التجارب

صراحه كنت محتاره بين رويال حياة ودار الشفا

مع ان رفيجتي ولدت بدار الشفا وبنتها توفت بعد قلبي بس ماتوقعت من المستشفى !

شلت من راسي دار الشفا خلاص !

 

[really cat]

رفع

 

[أحـلام * ورديـة]

واااي بنات حجيكم رعب

ترى صح كلام البنات انا بعد كان عندي حمل خارج الرحم وصار فيني نزيف داخلي

ودار الشفا قالو حق اهلي انه فيني توام واثنينهم زينين اول مره

بس بعدين اكتشفو انه واحد منهم خارج الرحم ومافيه نبض ومنفجر جيس البيبي

يعني كنت اعاني مدة اسبوعين ومحد يدري اشفيني

وبعدين لما ولدت ولدي عقب العمليه شافو ايده فيها اعاقه

فطلعو لي ستين الف عله فيه اسم الله عليه

قالولي قلبه تعبان ورئاته ما ادري اشفيهم

تعبو نفسيتي بس الحمدلله ولدي طلع مافي الا العافيه

بس قلبه كان فيه فتحه واغلب اليهال ينولدون بهالفتحه ومع الوقت تتسكر

بس احلى شي فيهم انه كمامهم ما تحسين بشي نهااااائيا

 

[Lady-_-fushia]

ام سارا

حياج الله حبيبتي و مشكوره على مشاركتج
صراحه انا ابي نستفيد لان اللي صاير الحين اغلب الدكاتره اللي برا المستشفيات يعني عندهم عياداتهم الخاصه شكلهم يولدون
باحد هالمستشفيين يمكن عشان التجهيزات او عقود بينهم فمايقدر يروح على كيفه
المهم اتمنى نستفيد مو على بو احنا واثقين من دكتورتنا نروح للمقصبه بريلنا

بس عقب التفكير انا لاحظت اغلب البنات اللي صارتلهم مشاكل يقصدون دكاترة المستشفى
يعني اكيد يفرق لما تكونين يايبه دكتورتج اللي انتي واثقه فيها و تراجعين وياها من اول حملج يعني حتى قبل لا تحملين
ماراح تهول فيج ان شاء الله والسهالات من رب العالمين حتى مساله موت البيبي الله يحفظ لنا اطفالنا و يعوض اللي فقدوا اطفالهم
انا خالتي تشتغل بالمطار تسولف ذاك اليوم عن وحده بنتها صغيرونه توها رضيعه يعني بالمهاد واهي نازله من الطياره جدامها شرقت البنت و ماتت بيدها يعني هالامور بيد رب العالمين يمكن نولد بالسلامه و ربي ما يكتب لنا اطفالنا

بس هم الواحد ياخذ حذره اكيد
اتمنى اللي لهم خبرات بالموضوع يعطونا بعد ارائهم ان شاء الله نقتنع بشي و جان زين اللي عندها اسعار رويال حياة تحطهم لنا
وصراحه سمعت بسالفه العروض بس مادري يعني متى يسوونهم انا اول تجربه لي يعني بحمال سليم وانا البجر يعني ماعندي خوات قبلي استفيد منهم

 

[Talyan Rose]

حبيبتي اسعار رويال
على حسب اذا دكتورتج من المستشفى او من برا

والعروض ما تصير الا على غرف ليلي و كاميليا اما الباجي ما عليهم عرووض
والاسعار في موضوع هني بالمنتدى مانو حاطين الاسسعار وعموما عروض رويال ما تتغير وايد نفسها يعني

 

[Lady-_-fushia]

Petite
حياج الله حبيبتي بالمشاركه وان شاء الله تستفيدين مثلنا

really cat
رفع الله من شانج حبيبتي شكرا عالمشاركه

احلام وردية
اي والله القصص والتجارب تخرع بس التساهيل من الله
وشكلي انا بشيل دار الشفا من راسي بعد ماقدر اجازف
والله يسهل علينا وعلى كل البنات ان شاء الله

 

[Lady-_-fushia]

Talyan Rose

مشكورة حبيبتي
بدور عن الموضوع بالبحث يمكن القاه
مادري صراحه عن اسعار ماولدت من قبل
بس اتوقع هذيلا اغلا غرفتين ؟
مشكورة مرة ثانيه عالمشاركات

يالله بعد بنات اللي لها تجارب تفيدنا

 

[Talyan Rose]

بالعكس ليدي كاميليا وليلي اصغر غرفتين
بس اذا بتسوين استقبال كاميليا تكفي وتوفي
الي اذكرة انه ليلي ليلتين ب٧٠٠

 

[زين ودلال]

دار الشفا معاملتهم واسعارهم وااايد زينه

 

[NODA 2]

والله جربت رويال حياة روعه و حلو الصراحه والسسترات ممتازين انا دكتوري من المستشفي وواسعارهم طبيعي شويه اغلا
علشان خدمتهم فندقيه بس واااايد مريح وإن شاءالله هالمره ولادتي هم عندهم الله يسهل علي كل حامل

 

[اسأل ضميركـ]

منو قال رويال حياة حق المهايط؟؟؟!!!!!!!



بالعكس انا ولدت فيه عشان دكتورتي نداء انتقلت الهم وانا بالتاسع




والحين ما افكر بغيره يكفي كمامهم اقوى كمام ومعروف اقوى كمامين موجودين بالهادي ورويااال حياااة ..




والسيرفس مو طبيعي والسستر على طول رايحه راده عليج ..




يعني تقطين فلوسج وانتي مرتاحه




كلفتني الولاده لان دكتورتي بالمستشفى 635




وكنت ماخذه غرفه ليلي اقل غرفه وعلى انها اقل غرفه الا انها رهيه وشرحه بعد

 

[ام أحمدووه]

انا ولدت برويال حياة قبل 20 يوم
قمة بالراحة والاهتمام والهدووووء والنظافة
رووووعة
بس الاسعار غالية يمكن لاني سويت استقبال بالجاردينيا فوق حسابي 730 دينار زيادة

بس لو تولدين وتاخذين الليلي حسابج مايتعدى 800 دينار

 

[المهجنه]

ما كو على دار الشفا عجييييييييييييييييييب ولد عندهم ولاده قيصريه عند دكتور اسامه صالحه بالعمليلت السسترات فوق راسج ود كتور البنج قاعد يمج ويسولفون معاج يلهونج ليمن تولدين لا يعلا عليه