خيآنة زوجي في موقع تعآرف~

[فيلسوفة قلبي]

​

آلسلام عليكم أخواتي الطيبات ~

بدش بالموضوع على طول ..

من كم يوم فتحت تلفون ريلي طبعا ما الشك أشتغل مشاغله

كنت كل مرة أقرب منه يصكر صفحة تلفونه ...

صار الشك يقتلني ... المهم قبل كم يوم فتحت تلفونه وفتحت موقع التعارف (آي بودي)

ولقيت دردشات وفيه دردشة شدتني مع وحدة قعدوا يسولفوا وقالها أحبك وهي تقول له عيب وكذا

المهم ما قدرت أكمل الدردشة كلها لأني أنصدمت هالشئ يطلع منه وهو اللي مسوي لي الناصح

مأأدري شو تشوورون علي ؟؟!!!

أفاتحه بالموضوع وأقول له أني فتحت فونه ؟؟

لأن نفسيتي تعبت وأنا أحبه وهو يحبني بس ماأدري ليش هالحركات

شوروا علي الله يخليكم ..~​

 

[M!SS.LOBY]

الله يهديه لج ويبعده عن الحرام
لا تفتحين الموضوع وتهدمين بيتج صبري شووي

 

[فيلسوفة قلبي]

آشلون أصارحه ماأبي أسكت

كتبت هالموضوع حتى تشورون علي شو أقول له

أخاف أسكت ويتمادى

ولا الله يهديه مطرش صوره لها

والله تعبت أبي أصارحه بس اشلون

 

[فيلسوفة قلبي]

الله يهديه لج ويبعده عن الحرام
لا تفتحين الموضوع وتهدمين بيتج صبري شووي

وأخليه يتمادى بالغلط !!!!!!!!!!


خوفي يتبادلون الأرقام :eh_s(2):

 

[فيلسوفة قلبي]

ليش السكوت على المنكر ​

فاتحيه وقلبك قدك ​

لا تهابين الا من الله ​

بس أشلون أفاتحه أخاف يقول ليش تنبشين من ورأي

لأني بديت أشك فيه خلاص تعبت من الشكوك لأنها وترت حياتي وخلتني أنحف من التفكير

 

[طيبة83]

تعبنا واحنا انقول لا تتعبثون بتيلفونات ازواجكم

هذا انتي تعبثتي وانقهرت

انتي لمحيله لا تقولين له بصريح العبارة

قوليله "اشفيك كلا تتعبث بفونك" "لا يكون تكلم بنات" ترا والله ما اقعدلك لحظة بالبيت" "انت حبيبي لي انا بس" "ما ابي اشاركك مع غيري"

قطي عليه نقزات عن الدين والبنات وجذي

 

[رنيم الروح]

الله يهديه لك ويكون بعونك ان شاءالله البنات مايقصرون

 

[فيلسوفة قلبي]

تعبنا واحنا انقول لا تتعبثون بتيلفونات ازواجكم

هذا انتي تعبثتي وانقهرت

انتي لمحيله لا تقولين له بصريح العبارة

قوليله "اشفيك كلا تتعبث بفونك" "لا يكون تكلم بنات" ترا والله ما اقعدلك لحظة بالبيت" "انت حبيبي لي انا بس" "ما ابي اشاركك مع غيري"

قطي عليه نقزات عن الدين والبنات وجذي

:eh_s(2):

طيب شكيت فيه أموت بقهري بس قلت أتأكد وتعبثت

بحاول أمثل عليه عسب أبين له

 

[ناتشوو]

زين واذا قلتي
انج شكيتي من كثر مايتعبث بالتلفون
وطلع شكج في محله
ولا تخلينه يضيع السالفة
ليش تفتشين
قولي مو هذي القضية
اشلون توصل تطرش صورتك


الله يعينج
ويهديه
من كثر ماقريت هالسوالف
احس الوحدة
يبيلها قلب بارد
وتتذكر ان له رب يحاسبه
ليش تتطلق وتغير حياتها
فقط لانه مايخاف الله
خاصة ان الحريم
مايحبون الخيانه مو خوفا ع الزوج من الحساب
لا
احساسها انها تملكه
انا شخصيا
ماعمري شفت وحدة تكره الخيانة
خوفا من الحلال والحرام

 

[نوف الصقعبي]

واجهي بكل قلب قوي
وتذكري
الساكت عن الحق شيطان أخرس


وصلت يطرش صورته هذا نسى نفسه عالآخر معاها شبقى بعد

اى حب اللى يخونج ؟
الحب مافى خيانه

الحب وفا واخلاص

وقفي عند حده ولاتخافين لو اهو اللى طايح عليج بيسكت

خايفه من شنو

كلميه وقوليله اذا بتم بهالطريج كل واحد يروح بسبيل حاله وننفصل​

 

[نوف الصقعبي]

محد هادم البيوت الحين الا


من ورا أجهزة البلاك بيري
ومواقع التعارف القذره واللى متروسه ساقطات بل أي فون

يعطونج جهاز متروس مواقع تعارف وزنا وفلوس وخربطه

هوز هير
وربعه

اللى كلهم بنات يطلعون بفلوس

وهالشي سبب لكثير من حالات الطلاق بالكويت​

 

[فيلسوفة قلبي]

زين واذا قلتي
انج شكيتي من كثر مايتعبث بالتلفون
وطلع شكج في محله
ولا تخلينه يضيع السالفة
ليش تفتشين
قولي مو هذي القضية
اشلون توصل تطرش صورتك


الله يعينج
ويهديه
من كثر ماقريت هالسوالف
احس الوحدة
يبيلها قلب بارد
وتتذكر ان له رب يحاسبه
ليش تتطلق وتغير حياتها
فقط لانه مايخاف الله
خاصة ان الحريم
مايحبون الخيانه مو خوفا ع الزوج من الحساب
لا
احساسها انها تملكه
انا شخصيا
ماعمري شفت وحدة تكره الخيانة
خوفا من الحلال والحرام

لأني أحبه وتعبت من اللي قاعد يسويه
الله يهديه

 

[ناتشوو]

يعني سبق وواجهتيه بسوالف ثانية
ولا استفدتي؟

 

[فيلسوفة قلبي]

صدته قبل كان يراسل موظفة معه بالدوام ..

وواجهته وزعلت ووعدني ما يكررها

وحذف الرقم بس دش مواقع للتعارف

 

[شادن33]

خلاص أانتي نبشتي وماراح انقولج ليش تنبشين

اللي عليج بطريقه غير مباشره اتقولين له حبيبي أنا مقصره بشي معاك واذا سال ردي عليه ماكو عن الحلال والحرام اخاف مقصره وخاطرك بشي
وما لقيته عندي عادي قول جود يحس بتأنيب الضمير
والدعاء لاتنسينه الله المستعان

 

[ناتشوو]

زوجج
مبتلي بالنساء وفتنة النساء
مو مركز ع وحدة
يبي يلعب

الحل
انت تغيري

ماراح اقول قصي شعرج ولبسي
لا

فكري بنفسج اول
تبين الطلاق؟
هل هو لمصلحتج الشخصية؟
اكيد لا
فكري بايجابيات زوجج
وانه يحبج
( ع فكرة الرجال يخونون بشهواتهم مو قلوبهم)
تذكري
مو انت بروحج بهالهم
والكثيرات
عانو او مازالو يعانون
من الخيانات
واخيرا
كثرة العتب او التشره ماراح تغير زوجج
اذا في شي ممكن تغيرينه
فهو الدعاء
والتقرب من الله
ولا شئ سواه
واخيرا
ابتعدي
عن التعبث بتلفونه
دام حتى مو لصالحج المواجهه

الصبر الصبر الصبر
انشغلي بنفسج

 

[احلا المزايين]

تعبنا واحنا انقول لا تلعبون دور المباحثالمواجهة مو حل ابد يعني بيحلفلج ويخط خط ثاني ةيسوي اللي يسويه
الرجال مايهتدي لين الله يهديه انتي مابيدج شي
حتا لو زعلتي راح ياخذ راحته اكثر واكثر
الحل اتبردين قلبج واتعيشين حياتج والاهم اتحبين نفسج
لازم انتعلم ماانتعلق بازواجنا تعلق مرضي
لانهم مالهم امان
حطي في بالج شغلة انه ذنبه علا جنبه فوقه رب يحاسبه
ولا تكتئبين واتنفسين ماراح تستفيدين الا نفوره منج
لانه مهما كان اي رجال يحب المره الفرفوشة اللي اتدور وناستها
خلج ريلاكس وطنشي وعيشي لنفسج
مثل مازوجج واغلبية الازواج عايشين لنفسهم

 

[نوف الصقعبي]

كلامج فى من المنطق شوي لاكن السؤال​

والخوف​

اذا زوج خان زوجته بمعاشرة مومس
ونقلت له عدوى مرضيه جايده​

منو اللى بيعض اصابع الندم ساعتها
الزوجه اللى طنشت طيش زوجها من اجل لاينهدم بيتها على راسها​

ترى هم هذا موحل​

 

[احلا المزايين]

ليش انتي اشدراج انه بيعاشر مو مسان عاشرها ماراح تدري عنه زوجته
الرجال يقدر يسوي كل شي من ورا زوجته
هل تنصحين انه المرة اتلاحق زوجها بالسيارة والا اتنبش تلفونه
اصلا الرجال اذا حاط اباله ماراح يخلي زوجته اتحس
يحط تلفون من وراها
واذا طلع من البيت واهم اكثر وقتهم برا البيت يكلم صديقته
الرجال يخون بكل سهولة والتكنلوجيا سهلت هالشي
وبالاخير مايصيبنا الا ماكتب الله لنا
انك لا تهدي من أحببت ولكن الله يهدي من يشاء
اسأل الله انه يهدي ازواجنا ويبعد عنهم الفتن

 

[نعم نعم شنو]

صح كلامج ناتشوو كلامها جدا منطقي

حبيبتي فتن الدنيا تغيير بني آدم خاصة اذا كان الشخص بعيد عن ربه

والحل الوحيد الدعاء ثم الدعاء و ربي ان شالله يغيره للافضل

قولي اللهم استودعك زوجي فأحفظه من فتن الدنيا وغض بصره عن الحرام

عسى ربي يآلف بين قلوبكم يارب