خيآنة زوجي في موقع تعآرف~

[المد الجميل]

رايي :
فاتحيه واحكي قصتك على أنها حصلت لوحدة ثانية مع زوجها وتطلب المشورة منج
وخذي رايه وواصلي كلامج معه وراح يفهمها هو ان الكلام يسري عليه

 

[Tom ♥ Jerry]

’

انا اقول واجهيه بس خلج بارده وياه باسلوبج و طريقتج
الرياييل يموتون حيره و بيشتعل اذا حس انج مآتغارين عليه و مو هامج
(6)

 

[شامخة بطموحها]

حبيبتي انصحيه بطريقة غير مباشرة يعني مثلا احكي قصة سمعتيها عن عاقبة هالشيء وذكريه بالله وبالموت وان الدنيا فانية بس نصيحة تخيري وقت مناسب للنصيحة ولا توضحين كانك عارفة شيء وتوكلي على ربك وادعي كثيرواستغفري وراجعي نفسك
توبي لله ترى المعاصي سبب هالابتلاءات قال تعالىإن الله لايغير ما بقوم حتى يغيروا مابأنفسهم).​

 

[نـعـومـه]

يقوووولهاااااا احبك وساكته !!'رر

صارحيه قوليله انج دريتي واذا قال ليش نبشتي قوليله لاتضيع الموضوع

 

[وش تبي]

صدقيني اذا قلتي له بيقول مو انا هذا رفيجي

 

[نتفه..]

’

انا اقول واجهيه بس خلج بارده وياه باسلوبج و طريقتج
الرياييل يموتون حيره و بيشتعل اذا حس انج مآتغارين عليه و مو هامج
(6)

معاااهااا :rerrerek:

 

[دانة_ دبي]

يوم بتعبث بالتلفون قولي له
اشفيك كله تلعب من التلفون اغار ليتني مكانه
و دايما اسأليه انا مقصرة !!!!
وقولي بس عشان ضميري عن الحلال و الحرام
و بيني له انج ما تشوفين غيره و تعزيه و بها الطريقة
عاد مو كلها ف يوم ع ايام عشان ما يشك
يعني تلميح بسيط جدا




بعدها بفترة قولي امبيه رفيجتي تطلقت لان زوجها خانها
الله يهديه يعني هي تصونه وما تشوف غيره و كل ما تكون معاي تمدحه و هاي النتيجة



بس خليها ع فترات بعيدة انتبهي عشان ما يشك بس صدقيني ها الجملة تمشي معاهم و بيخاف




و انتي عارفة ريلج اكثر ،، بعدين لو ما فاد معاه
قعدي معاه بدون صراخ و قولي له عطيتك مرة فرصة و هاي المرة الثانية و اخر مرة و احلفي انها اخر مرة << بس لا تكونين عصبية خلج جااااااااااااااااااااااااااااااادة جدا جدا و باردة يعني سوي نفسج مب معصبة بس عطيه انذار قولي له هاي اخر مرة



اخاف ما تقولين له و بعدين تندمين و يتمادى و اخاف تفاتحينه بالموضوع يتضارب معاج و يقول ليش نبشتي

 

[عزيز قلبي]

والله مادري شقولج ياربي علي هالرياييل مايترس عينهم الا التراب

لكن بنفس الوقت انا مستغربه شلون شفتي وقريتي بعيونج وقدرتي تسكتين

ومادام انج قدرتي تتمالكين اعصابج نصيحه سكتي لانج ماراح تاخذين منه حق ولا باطل

لكن اذا حسيتي انج خلاص بتنفجرين صارحيه وحسسيه انج علي استعداد تبيعين اذا تكررت

والله يصلح الحال

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[جوك احلى جو]

صوري المحادثه وواجهيه شلون وحده بترضي تشوف زوجها يخونها وتسكت هذي كرامه الزواج علاقه مقدسه اذا ما احترم علاقتج فيه تسكتين وليش واجهيه بشده خل يعرف مدي خطورته التصرف الي تصرفه موضوع مثل هذا مايمر علي سلام وهذا رايي

 

[Shinexo]

آذآ آنتي مصره توآجهين لآزم تعرفين كم شي قبل !

* آنتي شكلج مب مقصره آصلآ ومعطته كل آهتمآمج وهذآ آكبر غلط ممكن تسوينه عمرج لآتثقين برجآل حتى لو زوجج لآنه ب آي وقت يقلب آنسآن ثآني يفكر بمخه مو بقلبه نفسنآ آحنآ آلحريم ف حآولي آنج مآتعطينه كل شي , آنآ مآقولج قصري بس لآتحطينه آول شي آنتي آول ب حيآتج عقب آهو

* طبيعة آلريآل من آلآف آلسنين هو آللي كآن يطلع عشآن يصيد له فريسه , آلريآل عمره مآحب آلبنت آلي تقدم كل شي حتى لو زوجته بآلعكس يحب آلغآمضه آللي مآتعطيه كل شي آللي تحب نفسهآ قبل كل شي .. عمرج مآ سآلتي نفسج ليش آلرجآل ممكن يحط علاقته آلآسريه ب خطر و يتعرف على مموس ؟ لآن آلزوجه تسوي كل شي في سبيل آرضآء آلزوج و آلمموس تسوي كل شي في سبيل آرضآء نفسهآ , بتطلع ويآه عشآن هي تستآنس بتتعشى ف آلمطعم آللي هي تختآره وآلعلآقه بينهم عشآنهآ هي مب عشآنه هو من جذي تلآقينه يرآكض ورآهآ ..

آذآ بتوآجهينه حآولي تكون عندج صوره آلي دزهآ و كآبجر آلمحآدثه , روحي له قولي له يآ فلآن فآعلة خير من آلآهل < عشآن ينقص ويهه آن من آلآهل , يآتني وقآلت لي " يآ فلآنه في بنيه بآلدوآم تتفآخر آنهآ على علآقه مع وآحد وتتكلم عنه و روتنآ صوره وآلمحآدثآت وآنآ آنصدمت ومآقدرت آسكت " قولي له آنج آنتي تفشلتي يوم عرفتي آن هذي حركآته وآنتو توكم متزوجين و آنتي سآمحتيه مره ومب معنآته يلعب ب ذيله حآولي تبين له آبرد مآعندج تحممملي تنزل دمعه جدآمه لآيحس آني ذليله ومكسوره , آنتي كلمي آخوج متفهم ومآيطلع آلسآلفه برع وخليه يكون موجود عشآن يستحي ع ويهه شوي , و بلغيه آنج بتوصلين حق آلبنت وبتبلغين آهلهآ بعد . آلريآل بيخآف لآن مآيبي مشآكل !

آلله يسخره لج آنشآلله

 

[غرام القمة]

الله يعين ويهدي شباب وبنات المسلمين هالاجهزة سببت دمار شامل للمسلمين

 

[مشاعلksa]

وصلي له رساله من غير ماتصارحينه يعني جيبيها سالفه قولي صديقتي مسكت على زوجها بجواله مسجات بينه وبين بنات وقالت لي وش رايك قلت لها عطيه فرصه وحده يايتعدل ياانفصلي عنه لانه مو كفوو مووو رجال اللي ينزل نفسه لهالمستوى
هووو بيعتفس وبيوصله المسج بس لاتصارحينه خليه على اعصابه ينجن يقول هي صديقتها او هي كفشتني بيحرق روحه وبيخاف ويمكن يلحق على روحه ويترك هالشغله جربي مو خسرانه تهديد بطريقه غير مباشره

 

[فيلسوفة قلبي]

بنااااااااااااااااااات ..~

طبعا أنا متابعة كل وحدة حطت هني رد أشكرها من قلب ,,

بس أنا فضلت الموآجهة لأني أدري بطبيعة ريلي يحبني وما يبي يخسرني

بخبركم شنو سويت ..

يوم الأربعاء رحت أشتري فستان من النوع المفضل عنده وعملت جو رومانسي مع أني كنت متضايقة منه بس ما بينت له ..~

وتعدلت وكشخت وصار شكلي متغير 100% أنا ملامحي بيبي ف حطيت ميكب و أبرزت أنوثتي..

المهم ليمن شافني أنبهر .. وما قبل صوب تلفونه ذيك الليلة وقعد يصور حركات الورود والشموع ...

توقعت أني بسوي هالحركة عشان أنسيه لاااا كنت أبيه يحس أني مو مقصرة معه بشئ

ويوم قمنا صباح الخميس دش هو يسبح وأنا سويت نفسي حزينة ومتضايقة شافني وحاول يعرف شو فيني

قلت له بــ/نبرة كلها جد وضيق وأنا مسوية نفسي مشغولة بالأفطار فتحت تلفونك أبي أشوف صور الأمس بس لقيت محادثة >>لأنه لما دشيت أنا أسبح هو قعد على برنامج (آي بودي ) وما غلق الصفحة بس قفل فونه من طلعت ..

المهم قلت له ما قصدت أنبش بس صدمتني المحادثة والله أعلم شو كنت المحادثات اللي قبل ّ ..

إذا أنا سامحت مرة هذا ما يعني تستغفلني وع بالك ما أفهم كنت شاكة بس قلت هذا حبيبي وزوجي ومستحيل يخونني

بنات والله جمد في مكانه وحاول يبرر أنه يراسل شاب ,, قلت له من أصير غبية تعال بصدقك بس للأسف أنت تعرف أنا من أي نوع~ \

طلع من المطبخ ورجع بعد 5دقائق يعتذر ويبوسني ووعدني أنه ما راح يعيد هالحركات وحلف, وقال لي أنه بيغير تلفونه لتلفون عادي طبعا ما سامحته ع طول خليته يحترق مثل ما حرقني قلت أنا مو مستعدة أنبش من ورأك بس ربي سبحانه كشف لي خيانتك .. وإذا أنت تبي تستمر ع هالشئ

ف أهلي للحين يبوني وأما ما لي نفس أعيش مع وآحد مو معطي لعلاقتنا أحترام ~

في ذاك اليوم كانت زوارة في بيت أهلي قبل المهم رتبت أغراضي بروح عندهم لأني متعودة كل خميس عندهم ..

وقف هو ع الدرج ومسكني وحضني وتم يبكي ويبكي يقول ماأدري أنا بخليج هاليوم بيت أهلج يمكن يصير لي شئ ف الطريق

ف سامحيني لأني قصرت وووو واايد قال لي وسامحته ^^

...

هذا اللي صار وأشكر كل وحدة عطتني حل لأني وايد أستفدت فضلت الموآجهة بس بطريقة مختلفة ~

والحمدلله ريلي هالأيام بالفعل حاس بغلطته و مو مقصر بإهتمامه ..

وعسى ربي كل وحدة يسخر لها ريلها ويبعده عن فتن النساء.​

 

[ناتشوو]

الحمدلله

الله يهديه ويثبته يارب

 

[طيبة83]

الحمدلله زين طمنتينا

الله يسخره لج

 

[فيلسوفة قلبي]

وأي وحدة قالت لي أطنش ..~

ف أعذريني لأني ماأعتبره حل بتاتا ,، خآصة للي تحب ريلها ~

تسوي المستحيل حتى تسترجعه..

وكل اللي نصحتني أكلمه بطريقة غير مباشرة ما فادتني هالطريقة ^_^ ..

​

 

[manoooram]

المواجهة انسب حل
الله يسخر لج زوجج ويهديه ويثبته

 

[ناتشوو]

فيلسوفة
اذا لا سمح الله
صدتيه للمرة الثالثة
شنو بتسوين ؟
بتنهارين بتنصدمين
هل حاسة انج رديتي ثقتج فيه؟

 

[فيلسوفة قلبي]

فيلسوفة
اذا لا سمح الله
صدتيه للمرة الثالثة
شنو بتسوين ؟
بتنهارين بتنصدمين
هل حاسة انج رديتي ثقتج فيه؟

الله لا يجيب هاليوم غلاتي :eh_s(2):

هو وعدني و حلف لي أنه ما راح يكررها ..<< حبيبتي ترا ريلي ما كان جذيه أبداً ويستحي من الحريم واااااااايد بس تقدري تقولين كان يتسلى بالموقع ~

بس لو صار بــ/خبر أخواني لأنه وايد يحبهم وما يبي يطيح من عينيهم << بس ثقتي بربي أنه ما راح يكررها

أممممم فقدت جزء من الثقة فيه بس الله يقدرني أني أقدر أسترجعها~:bbbiu: ..