خوفني الشيخ رشيد بالخفجي

[Tulips]

انا اللي اعرفه انه في شيخ بالخفجي مادري اذا اهو اللي تتكلمين عنه ولا لا

بس قالو انه مو خالي بس للامانه دايما اسمع ان الناس تتشافى على ايده

والله الشافي و العالم

 

[ترانيم القصيم]

إن كانت الأمر كما ذكرتِ فـ تشخيصه لحالتك قد جانب الصواب بالمرة

لا يستطيع أي راقٍ معرفة مُصاب المريض إلا من بعد إجراء عدّة جلسات معه و تنفيذ عدة اختبارات على حالته الصحية

فأعراض المس تُشابه أعراض السحر تُشابه أعراض العين , و الرابط المشترك بينهم جميعًا كثرة المنامات المتعلّقة بالقطط

و مطاردتها للشخص المصاب ,,

أختي العزيزة أوصيك و نفسي باللجوء إلى الله داائمًا ثم باللجوء إلى مجهودك و الإستعانة بالله ثم بنفسك و ابدأي مشوار رقيتك بنفسك و ابتعدي عن المشايخ و الرقاة

و تذكري حديث النبي صلى الله عليه و سلم :

( يدخل الجنة من أمتي سبعون ألفًا بغير حساب هم الذين لا يسترقون ولا يتطيرون وعلى ربهم يتوكلون )

و قد قال ( لا يسترقون ) أي الذين لا يطلبون الرقية كـ حال من يذهب إلى الرقاة و غيرهم ..

كذلك أنصحك بعدم الذهاب لئلا تتوهي بينهم فليس كل من ادعى إجادة الرقية كان راقٍ و ليس كل من ادعى المعرفة في حيثيات الطب صار مُطببًا

ابتعدي عن هذا و عن غيرهـ و لا تلجأي إليهم إلا في حالة تفاقم المرض و انتقاله من الحالة الإعتياديّة إلى الحالة الحرجة

بحيث يصعب عليه علاج نفسك بنفسك ,,

وفقك الرحمن و بارك في مسعاك ..

احترامي و تقديري

ترانيم القصيم

 

[" ام حمود "]

كلاام فاضي استغفر الله
الله يشفيج يارب واقري سوره البقره 3 مرات وان شاءالله مافيج
الا كل خير

 

[عاالية]

الله يشافيج ويعافيج
ماكو الا الخير انشاءالله

 

[*غرور انثى*]

الحين مرض الخبيث يحتاج تحاليل دم واشعات معينه وكذا مراجعه وياخذ عيينه من الورم وبالاخر يقول لج الطبيب

اما الاخ قصر دشداشته شبر وطول لحيته شبر وقام يشخص للناس من سؤال واحد الحين انتي مصدقه بالله عليج هذا تشخيص؟؟

هذا اذا كان قصده الخبيث المرض ( اسم الله علينا كلنا منه)

وحتى لو قصده شي ثاني اسمه ,, عين او مس او سحر ,, اول مره اسمع بانه يتسمى بالخبيث ؟؟

نصيحتي لج ريحي راسج مافيج الا العافيه كلنا تيينا برودة مفاصل ودوخه وغيره وغيره اقري على روحج بالبيت ابرك لج والله

وماتشوفين شرر

 

[ام سيف الامارات]

انا اختي ستوى اللي نفس شيء صح جاء واحد مطوع وقال نفس الكلام وقرا علي قران بس والله يا اختي عليج بسورة البقرة والاذكار المساء والصباح والاستغفار وتوكل على الله

 

[(توته مربربه)]

حبيبتي ارقي نفسج ولاتوسوسين وتخافين شدراج ان كلامه صحيح يمكن صح ويمكن غلط واذا حدج خايفه سوي تحاليل بالمستشفى وانشالله مافيج الا الخير والعافيه​

 

[Miss Cherry]

الخبيث ما يقصد فيه سرطان .. الخبيث ممكن يكون الجن او إبليس كلمة خبيث مو مقترنه بالسرطان


رشيد انا جيته أكثر من مره من زمان كمرافقه ماشوفه يتعامل مع الجن ما يسأل شنو اسم امج او مواليدج ولا يشخص بس يقرا على الموجودين كلهم بالبداية واللي فيها سحر او مس تقوم ترجع او تصارخ يجون مساعداته يعطونها كرت انها حالة خاصة
بعدين يقرا على وحدة وحدة ويبدا بالحالات الخاصة

 

[memo 7loa]

الله يطمنكم بالي يسركم وربي اني ارتحت بنام شوي والصبح بروح المستشفى


الله يسعدكم ويوفقكم ويأجركم على كل حرف كتبتوه


ربي مايحرمني من قلوبكم الطيبة يابنات

 

[بـ ع ـثرة آحاسيس}~]

الله يشفيك يآرب

ارقي نفسك واهتمي بالرقيه الشرعيه وقراءة القران والاستغفار ومافيك الا العافيه ....

اللهم اشفها انت الشافي المعافي يارب..

 

[شهرزاد الحكاية]

طمنينا عليج وان شاء الله ماعليج الا العافية يارب ..
وذكري الله وخلي عنج الوسواس ..

 

[memo 7loa]

اللهم لك الحمد كما ينبغي لجلال وجهك وعظيم سلطانك

امس رحت للمستشفى من غير علم اهلي ومهيأه اني اسمع الخبر لاسمح الله


وبعد مادخلت خبرت الدكتورة بشكي ان فيني ورم خبيث ورفضت اني اعمل اشاعه وبعد الفحص السريري يارب لك الحمد مافي اي شي وتقولي تطمني

الخلية السرطانية هي خلية تغفل عن ذكر الله < يعني يابنات اكثرو من ذكر الله


حمانا الله واياكم من كل شر

اشكركم بنت بنت وبفضل الله سبحانه ثم بفضل دعواتكم الطيبة ربي طمن بالي وأسعدني بهذا الخبر .

 

[زود الغلا]

الحمدلله على سلامتك والذكر الله لازم نرطب فية لسانه ..والشيخ الخفجي ماعندة سالفة نفس سالفتك صارت مع رفيجتي قالها انت عندك التهاب في البوم والكلى ...استغفر الله اشلون يعرف هالاشياء الطبيه من غير فحص .

 

[memo 7loa]

زود الغلا شفتي شلون المفروض نسمية الشيخ المرعب .. الله يصلح الحال ويشفي الجميع من كل شر

 

[شموخ العز ^]

الله يشفيج ويمن عليج بثووب العافيه
انا كنت مصابه بالعين نفسج وكنت اخاااف اذا قررب مني المطوووع وقلبي يدق حيل وكان يجيني البيت ويقراء علي وكان يسالني انتي ليش خايفه وارد ما ادري وكان لمن يقراء علي اتحرك واصرخ واحط ايدي على اذني ما ابي اسمع قران و كنت اطيح بالمدررسه وكرهتها ودووم ابجي بدوون سبب وهمن فجئ احس بعوور بكل جسمي واذا سمعت صوورة البقرره اذني تعوورني وكان يقوولي لا تيئسين وحتى خالتي كانت تعالج بالندن ردت و ما فرحت لاني احس انا مو انا بس بفضل الرحمان تشافيت واخر مره ياني البيت طبعن بووجوود ابووي واخووي عشان يمسكووني اذا تحركت كان قريب ويقرا ما كانن يجيني الخووف ولا اتحرك من مكان بالعكس استغفرر اي صج بعد قالي ابتعدي عن العروووس والمجمعات والاماكن الزحمه وبعد عن الملابس الضيجه والعاريه والجينزات والحين ما البس الا الدراريع وتنانرير والنفانيف الطوال وانصحج تقرين اية البقره بستمرام وان يكوون بغرفتج مسجل فيه صوورة البقره اكيد راح تتضايقن لان مو انتي الي فيج ما يحب ذكر الله فاذا سمعتي وذكرتي الله راح يتعبب ويطلع والاذكر بكل ووقت معاج وادعي الله ان يشفيج وقوومي بالليل وصلي وادعي واقري والله كنت اقعد بالمستشفى اكثرر من بيتنا من المهدئات والانعاش الله لا يعيد هالايام

والمطووع الي ترووحينا ما ادري الان المطووع الي كان يجينا البيت كان يقوول اسئل الله العظيم ربي العرش العظيم ان يشفشك ما ادريي اذا مو مرتاحتلها لا ترووحين له ولاززم ابووج او اخووج معاج لاي مطووع ترووحين له

يارب تشفيها يارب تشفيها يارب انا ما اعرف بس انت تعرررفها يارب هي محتاجتلك يارب اخرج ما فيها مثل ما اخرجت نبينا من بطن الحوووت اللهم امين امين امين

انا رااح ادعيلج غلاي ويا بنات تكفوون ادعوولها لان الي فيها ما يعلم فيه الا الله من جرربه يارب تشفيها يارب

غلاي اذا تبين اي شي انا موووووجووده ولا تترددين اذا تبين تسائليني على شي راسلين ع الخااص حياتي

 

[!الجادل الصعب!]

ليش مآ سآلتيه ..؟
آنا صح اني اؤمن بالعلآج بالقرآن ..بس مآحب احط نفسي في دوآمات الشيوخ والقرآئين ..!
الله يشفيج يآرب ..

 

[ڕۆۆحــي ڣــڍااگ]

مححدً يمدحهً هالشيخً مؤدريً وحدهً اعرفهاً تقؤلً هوً عطىً اخوهاً اعشابً يشربهمً مؤدريً شسالفتهمً الموهيمً تقؤلً اخوهاً ماشربهمً الاً مرهً وحدهً ويؤمً راحلهً مرهً ثانيةً قالهً هالشيخً انتً شربتهمً مرهً وحدهً ؟؟ شدراهً بعدينً اخوهاً قالً شدراكًً ولاً يقلبً عليهً الدنياً ولاً يقؤلهً قؤلً عنيً كاهنً وساحرً قؤلً واللهً واناً منً يؤمهاً غاسلةً ايديً منً عقبً ماترفتً هالسالفةً وبعدينً ان شاءاللهً ماكوً الاً كلً خيرً لاتوسسينً توكليً علىً اللهً

 

[عروس مطيريه]

هآلشيخ مآ آحد يمدحه كلش

 

[۩۩ الجـــــود ۩۩]

اتكلى على الله
راحو له اثنين من ربع زوجى

الطيب اللى مافيه شى قاله انت مسحور بسحر شاربه فى بطنك والرجال مافيه الا العافيه
والثانى المريض قاله طيب ما فيك شى

 

[عيون القرناس]

قسم بالله هالشيخ سبب ازمات نفسيه بحريم عايلتنا

كل من دشت عليه قالها اعوذ بالله من شر اللي فيج
وانتي فيج سححر الخمول وانتي فيج توابع
وانتي فيج مس حسسني ان الحريم مافيهن الصاحي....
وانا خااااصه قالي الله يكفيج شر اللي فيج وانا مافيني الا العافيه ولله الحمد
والله ان اللي راحوله عاشو بصراع مع الحاله النفسيه والوسوسه وهم مافيهم شي

وبس اقطعوا عنه صاروا طبيعيات

ماعليج منه ومافيج شر ان شاء الله ولا توسوسين