خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

[^^دموع الكويت^^]

السلام عليكم ورحمة الله وبركاتة ،،،


شلونكم خواتي عساكم بخير ؟


حبيت اناقشكم باللي قاعد يحصل بالدوام ... طبعاً احنا دوامنا مختلط (( حريم و رياييل ))


المهم لاحظت تصرفات بعض البنات اللي يهديهم مع الشباب اللي معانا انه كلشي عادي وماكو حدود ابد تصرفاتهم كالتالي :


1- عادي يقولها حبيبتي


2- يشرب من عقبها الماي


3- تتبخر جدامه وتتعطر وتتمكيج


4- صوتها وصوت ضحكتها عالي جدامه


ملاحظة : طبعا كلهم متزوجين سواء الحريم او الرياييل




اشرايكم بهالتصرفات ؟؟؟

 

[صمت الهدوء]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

و الله جزاج الله خير هذا الموضوع باط جبدي و جنه عادي والله توني متوظفه صار لي شهرين دوامي خلط ،

المهم الللي شفته من اول يوم داومته ان الشباب يقعدون مع البنات مع انه دوامنه بارتشنات ويسولفون بسوالف

تبط الجبد والله اني انصدمت قلت شسالفة ولا يقلون ادبهم و كل واحد حاطين له لقب ، المهم والله انا عندي انه

البنات اهم اللي لازم تحترم نفسها وتحافظ عليها لان البنات سمعة وتمثل عائلتها في الشغل ولا اهم شعليهم

عادي راح يستانسون

 

[طوق البنفسج]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))



من صجج الله يهيدهم

شنو هالتصرفات وين قاعدين في ادب و حيا و اذا كانوا ما يعرفون هالشي فا عالاقل في احترام حق المكان الي اهم قاعدين و حق مشاعر الناس الي معاهم حتى لو متزوجين هذا مايمنع انه يكون في احترام بينهم و

الله يستر انا دوامي شهر 9الله يعيني اذا طلع جي

 

[شجووون]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

مشكوره اختي علي طرحج حق هذا الموضوع
الحين في وقتنا هذا صار الخلط عادي وفي اغلب الاماكن بس الرك علي الوحده او الواحد ان كان سنع ولا مو سنع ان كانت سنعه فراح تحترم نفسها والمكان الموجوده فيه يعني انا اشتغل في مكان كلا برتشنات وخلط بس كل واحد فينا محترم ونفسه والشباب هم كذلك يزاهم الله خير حاشمين عمرهم اما اللي بتقط عمرها علي الرياييل واطيح الميانه فالريال ماراح يقول لها لاء شئ يايه عالزاهب.
ما قول الا الله يهديهم ويصلحهم ان شاء الله

 

[سحيله_الحلوه]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

امبيييييييييه من صجج دموع ؟؟؟؟؟؟؟؟؟؟؟؟ قويه !!!!
انا اشوه ادارتي كلها بنات بس الطباع مصري مالنا شغل فيه والمدير ريال لا يعطي ولا يثبت الحمدلله

 

[زيـنـه]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

هالتصرفات غلط .. بس انا من رايي السالفه ترد على الحريم لان الريايل بطبعهم جريئيين و هم اللي يبتدون بالشي و ان شافوا الحريم اللي جدامهم متقبلين و راضين استمروا و زادوا الطين بله ..

يعني يعتمد على الحريم اهما اللي يحطون الحواجز و يخلون كل واحد يوقف لحده ..و حتى لو اهم متزوجين ضمني انه ازواجهم و زوجاتهم ما يدرون بسوالف الدوام و الا جان ما صاروا جذي

و الله يعينج على دوامج .. و يهديهم هالرياييل و الحريم اللي معاج .

 

[عمري الكويت]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

والله إنج صاجه أنا دوامي جذي أستغرب من البنات إلى جذي وهم بعد متزوجين البنات بس ليش يعني ما كو حدود ما كو أدب حياء

 

[طير الحب]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

بعد هذه قله الادب بعينها وعلمها الله لا يبلانا

 

[^^دموع الكويت^^]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

هلا وغلا خواتي



اي والله انا متضايقه من هالشي ما تعودت اني اشوف البنت عادي تكلم الريال وتضحك وتتغشمر معاه وميانة بينهم




تتوقعون لو زوجاتهم يدرون عادي عندهم والعكس لو ازواج الحريم يدرون بيرضون بهالوضع ؟؟؟


حمدالله والشكر لك يا رب

 

[*الحالمه*]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

هذا فيض من غيض

انا دشيت وزاره من وزارات الدوله

البنات معلين عالمسجله جنج داشه ديسكو مو مكان عمل !!

الغلط باختصار عالبنات سواء في الموقف اللي قلتيه او اللي انا ذكرته او غييييييييييييير هالمواقف

اللي تبط الجبد

لو اهي محترمه نفسها و محترمه زوجها او اهلها جااااان ما تجرأت تطيح الميانه مع الموظفين

ما نقول الا الله يستر علينا و يهديهم

 

[رفرف]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

والله يا دموع يعتمد على الوحدة واخلاقها سواء كانت متزوجة او لا اهيه اللي تحط حدود للتعامل ونفس الشي بالنسبة للريال بس انا الوم الحريم اكثر لأن الريال ان شاف المرة محترمة نفسها بيحط حدود


وعموما اغلب الدوامات المختلطة جذي لأن يشوفون بعض كذا ساعة باليوم فتطيح الميانة


اشوه ان دوامي كله حرييييييييم

 

[شاهة]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

اوة هذي مرة سالفة صارت صج وحدة موظفة دش عليها زوجها الدوام واهي مع مديرها توكلا بايدها علي بو ان الميانة طايحة معاه وتقوله " اخر وحدة بس هذي " طبعا كفخها ما قدر يستحمل بالعقال " والله شي مو طبيعي يصير بالدوامات والله يستر علي الجميع

 

[^^دموع الكويت^^]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

اوة هذي مرة سالفة صارت صج وحدة موظفة دش عليها زوجها الدوام واهي مع مديرها توكلا بايدها علي بو ان الميانة طايحة معاه وتقوله " اخر وحدة بس هذي " طبعا كفخها ما قدر يستحمل بالعقال " والله شي مو طبيعي يصير بالدوامات والله يستر علي الجميع

معقولة توكله بأيدها زين يسوي فيها مال يحرقها مو بس يطقها

 

[^^دموع الكويت^^]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

هذا فيض من غيض

انا دشيت وزاره من وزارات الدوله

البنات معلين عالمسجله جنج داشه ديسكو مو مكان عمل !!

الغلط باختصار عالبنات سواء في الموقف اللي قلتيه او اللي انا ذكرته او غييييييييييييير هالمواقف

اللي تبط الجبد

لو اهي محترمه نفسها و محترمه زوجها او اهلها جااااان ما تجرأت تطيح الميانه مع الموظفين

ما نقول الا الله يستر علينا و يهديهم

صاجه اختي بكل كلمة اكيد البنت اذا حطت حد عمره الريال ما يتجرأ عليها


الله يهديهم

 

[أميرة الورد]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

ويييه هالسالفه عاديه بما اني بوزارة الله يزيد النعمه ههههه والزمن حدي اروح هناك فوايد أشوف هالأشكال ييعني ترا عادي تمرن بمكتب اطلين تلاقين شباب وبنات قاعدين وزقاير وهذي تمز منها وتعطيها حق ابو الشباب اللي يمها عااااااادي سليمه تصكهم بس ترا الرك على الوحده الحمدلله والله انا مو مدحا بنفسي بس كله بمكتبي قاعدة واحتكاكي قليل لزوم الشغل واللي بايع عمره ايي ييتفشمر معاي مسميني نفيسه ليش ما أقعد مع هالشلل الحمدلله والشكر بس الرياييل المحترمين يدرون انه هالبنت محترمه والله والله البنت اهي اللي تحدد نوعيه المعامله يعني انا اصلا لما اييون يكلموني نظرتهم نظيفه وكلها احترام بس خل يروحون يكلمون وحده من هذول تلاقينهم ضحك وغشمرة جنه طبيعي وسوالف عمى بعينهم خايسه ما كو حيا الله لا يبلانا

 

[^^دموع الكويت^^]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

والله يا دموع يعتمد على الوحدة واخلاقها سواء كانت متزوجة او لا اهيه اللي تحط حدود للتعامل ونفس الشي بالنسبة للريال بس انا الوم الحريم اكثر لأن الريال ان شاف المرة محترمة نفسها بيحط حدود


وعموما اغلب الدوامات المختلطة جذي لأن يشوفون بعض كذا ساعة باليوم فتطيح الميانة


اشوه ان دوامي كله حرييييييييم

صاجه اختي رفرف ... يعتمد على الوحده واخلاقها وفعلا الريال شي طبيعي من تعطينا ويه ما يصدق على الله يطيح الميانه معاهم .


الله يهديهم

 

[الأصيله]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

اتذكر من شهرين تقريبا كان دوامي بوزاره التربيه

طبعا أول يوم أنا قاعده على طرف بعدي عنهم انصدمت يا بنات

شفت البنات والشباب يتريقون مع بعض و يسوولفووون عن اشياااء حيل خاصه فيهم جدام بعض عادي



وشغل الابتسامات والبلوتوثات القذره اللى يتداولونها بين بعض ما تسمعين إلا الأصوات اللى تخليج تتمنين الأرض تنشق وتبلعج


بس الحمد لله واخيرا نقلت لمدرسه تحياتي لكم

 

[lolo77]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

اي والله صج مو خوش ظاهره
ولا اللي في البنك
تروحين تسوينلج معامله
وانا جدام عيني يقول حق موظفه عن موظفه ثانية
ها شالسالفه فلانه اليوم كاشخه
؟؟؟
صج قوية
انا دوامي نص ونص يعني رئيس قسمنا مو يمنا بمكتب بعيد عن مكاتبنا احنا الحريم
وحتى الاستئذان من بنية معانا
الحمدلله

 

[ياحلاتي]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

اهم شي انج تحاولين تغيرين دوامج لان اكيد راح تحصلين ذنوب وايد من وراه
واذا ماقدرتي حاولي تحافظين على نفسج وماتوصلين مواصيلهم
لان الوحدة مع طول المدة تتعود والله يعين الجميع

 

[mrs_sugar]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

انا دوامي مختلط و مختلط حيل بعد بس الحمدلله بحكم طبيعة عملنا و هي الإحتكاك الزائد خلتنا مثل الاخوان بس ماكو كلام ماله معنى و قلة ادب يعني كل واحد منا يعامل اللي جدامه بكل ادب و احترام و هذا ما يمنع السوالف العادية و الغشمرة بسسسسسسسسسسسسس بحدود الأخوة و الإحترام يعني ممكن الواحد يعلق غلى شغله بحدود العمل او صار موقف مضحك نضحك كلنا و بس.
بصراحة البنات يخافون على اسمهم و سمعتهم و الشباب كل واحد يخاف على برستيييجه ..