خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

[unreachable]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

وانا بعد رايي من رايكم المرة اهي اللي تحط حدود للريال واللي تكون محترمة نفسها الريال ما يقدر يتمادى معاها

حلوة الزمالة بس بحدود وشرط ما تطيح الميانة

 

[bambena]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

كل دوام مختلط فيه هالاشكال حتى عندنا واكيد الغلط عالبنت وحتى الريال احترامه وطريقه كلامه لنا شي ولها شي ثاني مع ان احنا معاه بالدوام قبلها

مساكين هالبنات على ابو وناسه وزماله وصداقه ماتدري ان الريال من داخله ينقد عليها

 

[عود مبخر]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

الحمد لله الذي عافانا عما ابتلى فيه خلقه و فضلنا عليهم ... الله لا يبلانا بهالاشكال

انا دوامي ان شاء الله خلال الشهر الياي و مختلط حدده بحكم طبيعه تخصصي بس يبقى الاساس كله على البنت من اول لحظه تدخل فيها الشركه / الوزاره تحط حدود لعلاقاتها سواء مع البنات او الشباب لان حتى البنات الي موجودين مو مثل طبيعتج و تربيتج و احترامج لنفسج و لغيرج عشان جذي تقيديين نفسج معاهم كلها ساعه زمن و ترجعين البيت و تنقطع علاقتج معاهم

انا بصراحه من الحين ناويه احط حدود مع الكل بنات و شباب .. و لان البنات مشاكلهم اصلا اكثر بالدوام بالغيره و الكلام الزايد و الحش ... و الوحده منا تبي الستر و السمعه الطيبه و انتي يايه تسوين الي عليج و تستلمين معاشج اخر الشهر و بس غير هذا مالج شغل فيه

لكن اذا حصل كلام و نقاش بخصوص الشغل هذا شي ثاني انتي بتكونين مضطره اتكلمين مع الشباب و اتناقشين معاهم حتى لو صار ضحك تكون ابتسامه او شي خفيف مو كشرتج واصله يبهتج و نشوف جبدج من كثر ما انتي شاقه الضحكه ... يعني شي يخفف و يلطف الجو بحدود العمل خصوصا لو صار فيه شد و نقاش حاد او روتين ممل جدا

سلامتكم و تعيشون

 

[@ الرسامة @]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

احنا ما عندنا جذيه

احنا مدرسات

لا اختلاط ولاشي

الله يعينكم
لان الوضع اللي انتو عايشينه وللاسف يساعد على اثارة الفتنة وانا من رايي ان البنت اهي السبب لان الريال مستحيل انه يجرب من بنت محترمة الا اذا عطته مجال

 

[Pink GirL]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

انا دوامي مختلط
بس الحمدلله ما عندنا اشياء لي هالدرجة
انا ادارتي او البنات اللي معاي بالقسم عموما محترمات ومالنا شغل بالشباب الا بحدود الشغل
او مناقشة مشكله عامة بحدود

وفي حريم متزوجات الله يهديهم سوالف وضحك وتلفونات ازيد من البنات ما ادري شلون رياييلهم يخلونهم جذي
وتييهم مشاكل ورى هالسالفة ولا يتوبون وبعدين يقولون تحجوا عناا
انزين الله يهديكم تسنعوا علشان محد يتحجى فيكم ابدد ما ايوزوون

 

[**سما**]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

الله يعينكم
الحمدالله انا دوامي كله حريم
وكله ذكر الله وقرآن
الحمدالله على النعمة

 

[HoNeY_GirL]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

موضوعج حسااااااااس

صج صج شيء يفشل وقله ادب
وفعلا مثل ماقالوا البنات يعتمد على البنيه نفسها اهي اللي اتحط حدود بينها وبين الشباب وماتعطيهم ويه وانا راح اسوي جذي اذا داومت ان شااءلله وحتى بحط حدود مع البنات لانه مثل مانسمع كله سوالفهم حش ويطلعون عليج حجي ومادري شنو بس حق الاثام
وشيء طبيعي راح يقولون فلانه نفسيه لانها ماتقعد معانا واتحب هالمصخره
وهذا اخوي بالداوم ماقام يعطي ويه للبنات وكل شيء بحدود قالوا عنه نفسيه وغصب طيب يقطون نفسهم عليه صج بنات قليلات الادب
مايدرون هالبنات والشباب اشلون اثام الدنيا راح يأخذون من اللي يسونه وكل شيء صار عادي الله يهديهم

وهذي نتيجه الاختلاط يارب لايبلانا

وصج لاقالوا << إذا ذهب الحياء حل البلاء >>

 

[حبنا الله عليه]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

نشوف الهوايل بالدوامات بس شنقول !!!!

لاتقدرين تتحجين ولاتنصحين

اللي يتقبل قله قليله ويعطيج طاف واللي مايتقبل ينخاف منه ..

كل شيء شفنا اهو ترقم اشكره وطلعات وجيات امانه درجة ان الموظف يطلع مع شلة بنات يوديهم مشوار !!!!

ولا لدرجة يقط على سيارتها شريط !!!!

ولا درجة الباب يتسكر عليهم بروحهم وبالساعات !!!!

شنقول شنحجي !!


وترى على البنت نفسها اهي تقدر تفتح الباب لزوير وعوير واهي بعد اللي تقدر تصكه ولا حديث الا بالعمل .. عسى الله يحفظ بناتنا وعيالنا من الحرام ويكافي الجميع الشر .

 

[* LOVE STORY *]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

أشوه اني مو موظفه

ويعطيج العافيه عالموضوع

 

[حبيبة أهلها]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

والله عجايب الحمد الله احنا بالسعودية ماعندنا اختلاط الا بالمستشفيات الخاصة شئ اهووووون من شئ والرجال يقدر يفرق بين البنت المستقيمة والمنحرفة يعني رجال وحريم في مكان واحد اكيد ثالثهم الشيطان ويليت واقفة على الدوامات وبس بكل مكاااان صار علني الحمد الله الذي عافانا وهذا يدل على ضعف الوازع الديني وقلة رقابة الاهل والزوج واللي مايخاف من الله مستحيل يخاف من بشر الله يستر علينا وعلى بنات المسلمين يارب العالمين

 

[دكتوراة بالذوق]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

بنات قليلات ادب ؟؟

وين الحياء وين الاحترام مهما كان لكل شئ حد؟؟

احناا البنات بينا وبين بعضنا حدود فما بالك بالرياجيل؟؟؟

 

[سبائك]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

والله المره مكانها بيتها أحفظ لها تكون ملكه فيه

بس شنسوي شر لا بد منه الزمن صعب وما يحك ظهيرك الا ظفيرك

 

[^^دموع الكويت^^]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

هلا وغلا خواتي


يعني موبس دوامنا فيه هالبلاوي


لا حول الله ولا قوة الا بالله


انا كنت رافضة اني اشتغل بمكان مختلط بس سبحان الله الله كتب اني اشتغل بمكان مختلط بس اللي اعرفه وسمعته انه بكل دوام فيه بنات جريئات للأسف (( الله يهديهم )) .


شنو هالجرأة اللي تخليها تتحمر وتتعطر جدام الرياييل وعادي الحبيب يعلق على لبسها ومكياجها



والشي الغريب انه هالرياييل اللي يتمادون مع هالبنات .... معاملتهم معاي شي ثاني لانه حطيت حد من اول يوم داومت فيه وما اكلمهم الا بالشغل وبس .


مشكورين حبايبي على تفاعلكم

 

[QUMAR]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

شهالعالم اللي فصخو الحيا مره وحده الله لا يبلانا
مشكوره دموع علي موضوعج

 

[حبنا الله عليه]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

,والله يا ^^دموع الكويت^^ انا مثلج

كنت ابي مجال التدريس عموما لأن اجد نفسي فيه اكثر ما احب ربادة الموظفين وشغلهم المليق بس شسوي !!! النسبة حتمت علي اكون خريجة دبلوم وجك بم الا انا بهالوزاره والحمدلله على كل حال .. المحترم يفرض احترامه على الكل بس صح في ضيقه من بعض التصرفات نتحمل ولا شلون نعيش الدنيا كلها جذي ماشيه بالعكسسسسسس .

 

[إلى جنة الفردوس]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

الحمدلله الذي عافانا مما ابتلاهم به وفضلنا على كثير ممن خلق تفضيلا

دوامي في دور القرآن في وزارة الأوقاف
ما عندنا هالسوالف البطالة

الجو العام التزام وحشمة
واللي مو متدين تلقينه خلوق ومؤدب

والحمدلله والشكر على النماين العوية اللي عندكم
بس هذول ما يردهم زوج ولا غيره

لأن اللي ما يخاف من الله سبحانه
وما يستحي من رب الأرباب انه يشوفه على هالشكل
ما يخاف ولا يستحي من خلق الله

واللي يتجرأ على عرض غيره
الله عز وجل يسلط أحد على عرضه

بس والله عيب على هالحريم
وين دور المسؤلين من مدراء ورؤساء أقسام
شلون راضين بهالطرطرة
والا عاجبهم الوضع !!

المشتكى إلى الله

 

[brettey]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

دموع انا معاج مليون بالميه شغله تبط الجبد ونسيت شغله يادموع علبوا يتغشمر مع الوحده يطقها بالعصايه يعني غشمره وفوق هذا تقول انا محترمه والكل يحترمني
اي احترام اي بطيخ

 

[nono78]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

صراحه لو البنيه كانت محترمه جان الريال ما تطاول وبقعد ويسولف

امبيه صراحه دموع الي قليته بلاوي تشيب لها الراس

الله يستر علينا يارب

 

[أميرة الورد]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

هالمواضيع لازم البنت اللي تحط حدود ولو بتقعدين تجاملين فلان وعلان جان سمعي الحجي اللي بيطلع عنج وترا هم بعد اذا لزمتي حدودج واحترمتي نفس بعض هالناس تقول عند نفسيه انا عندي يقولون عني نفسيه وما اكلم أحد ولا صايعه وخفيفه.

 

[شهدQ]

مشاركة: خواتي وحبيباتي كويتيات ابي رايكم باللي يحصل بالدوامات (( موضوع للمناقشة ))

السلام عليكم ورحمة الله وبركاتة ،،،


شلونكم خواتي عساكم بخير ؟


حبيت اناقشكم باللي قاعد يحصل بالدوام ... طبعاً احنا دوامنا مختلط (( حريم و رياييل ))


المهم لاحظت تصرفات بعض البنات اللي يهديهم مع الشباب اللي معانا انه كلشي عادي وماكو حدود ابد تصرفاتهم كالتالي :


1- عادي يقولها حبيبتي


2- يشرب من عقبها الماي


3- تتبخر جدامه وتتعطر وتتمكيج


4- صوتها وصوت ضحكتها عالي جدامه


ملاحظة : طبعا كلهم متزوجين سواء الحريم او الرياييل




اشرايكم بهالتصرفات ؟؟؟

امببببببببببببببببببببببببيه من صجك والله مسخره انا مااشتغل بس ع الكلام الي قلتيه علني مااشتغلت الله يستر والله بنات اخر زمن وين الحيا