خواتي العراايس إنني في ورطةٌ ..سااعدوني..احس اني مو مستوعبه الوضع!!!!

[السحابه الوحيده]

هلا الغاليه البنات ماشاء الله ماقصروووووووووووووا معاك
بس والله صدق في وقت يمديك
انا ملكت شهر 5 وفي اخره وتزوجت في 2|10
تخيلتي بس والله امداني

اول شي اذا في هالأجازه قدرتي تجين الخبر او الدمام
والله بستفدين واااااااااجد
فستان الأعراس بالسويكت الغاليييييييييييييي كلللللللللللش 4000 ريال
وفيه محلات لفساتين السهره تقدرين تخلصينهم بيوم واااحد
والعبي من السويكت
والذهب بعد في محلالالالالالالالالالات روعه
وملابس الشقه والبيجامات القطن تلاقينهم بالمراكز الكبيره عندنا مثل طابا وسربال
واسعارهم رخيييييييييييييصه بس والله تلاقين عندهم اشياء روووووعه


والله يوفقك

 

[نبتة غلا]

اهم شي الله يوفقج ياااااااااارب

 

[مناير البيت]

عاااااااااادي

عندج وقت من صجج؟



شوفي نصيحه مني لج اهم شــي قسمي مهرج بورقه كتبي مثلا:-


النفنوف 1000
المكياج 250
المصوره 500
المسكه 100
البدلات والدراريع 700
... وجذي حسب ميزانيتج


واهم شي تحجزين الاساااااااااسيات (نفنوف العرس_المصوره_المسكه_المكياج....)



واذا طلعتي السوق روحي حق شي معيييييييين عشان لا تطير فلوسج ع الفاضي وعلى شغلات مالها داعي




يعني باجر طلعي حق قمصان بسسس 4 طوال و 15 نوعي فيهم.. طبعا يكون عندج خلفيه عن محلات معينه




اللي عقبه طلعي حق بجايم وملابس الشقه وخلصيهم لا تردين البيت الا وانتي مشطبه تقريبا




وصدقيني والله يمدي اذا نسقتي وقتج بين دراستج والتجهيز.. والله يوفقج

نفس كلامها

هونيها تهون وانا اختج :ggdw:

 

[N7eeSa]

عاادي لاتحاتين انا نفس حالتج ماصارلي شهر مالجه وشهر 3 عرسي
واهم ادرس وامتحانات ولويه وركضه بس شوي شوي راح تخلصين
يبيلج ورقا وقلم وكتبي كل شي اول شي تجهزينه الملابس ملابس البيت طبعا وبعديين ملابس الزواره وبعدين ملابس الطلعه لانه حرام تشترين الحيين وانتى عرسج شهر اثنيين تقريبا يكون موسم الشته على وشك انتهاء مو تاخذيلج وايد وخلي اخر شي سوالف العطور والمكياج والله يوفقج ويسهل عليج وعلينا يارب

 

[عيني عليه]

شووفي الصياااح والنيااح لابد منه في البدااايه << تقلد فصحتج هههههه

لانج بتحسيين نفسج مثل الضااايعه ... بس لمن تبتديين بتحسيين انج بديتي تترتبييين ... وبيمديييج ترى ... لاتخليين التوتر يأثر علييج في تجهيزج ...

انا كذا ملكت بعيد الفطر .. وفي عيد الاضحى بيكوون زواجي ... ومن زوود اني متوتره احس صرت اخذ اشيااء مو مقتنعه فيهم بس عشاان اخلص وينزاااح هالهم ... والحين احس اني مو مقتنعه فيه حييل ... واحس بس بتزوج بجهز من جد وجديد <<< لعبه السالفه خخخخ

كييييب ريلاكس حبيبتي وكل شي انشالله بيصير اوووكي

 

[Toulin RTN]

ها حبيبتي... شصار؟؟
سويتي البرنامج؟؟ :ada:

 

[^A7bab^]

عاتي عاتي
انا باخر شهر واحد
وتوني ماصارلي شهر باديه تجهيز وصادفت عيد
وتدرين الاسواااق والاسعااار ناااااااااااار

عشان جذي مأجله هالفتره ليما الاسعار تنزل شوي
وترا كل شي سهالات حتى لو ماتعرفين عندج تجمع العرايس
البنات مايقصرون كل وحده تطلع مكان تعطي تقرير مفصل عن الشغلات اللي اشترتها

واي شي تبيه سألي البنات عنه
كلنا خوات اهني

ألف مبرووك
وعسى الله يوفقج

 

[بنت الأصايل]

نصيحة لاتاخذين فستان الزفاف غالي حرام هي كلها ليلة وحده اذا تبين في بالرياض موديلات تينن واسعارهم نص اسعار المشاغل والمحلات عندنا والله روعه موديلاتهم واللي تلاقينه عندنا ب 1000 دينار تلاقينه عندهم ب 400

 

[المهجه]

يا حليلج

كلنا نفس الوضع وانا بعد ملجت من اسبوع وشي تقريباً ولين الحينه مو مستوعبه

مبروك عليج والله يوفقج ويسهل امرج يااارب ويسعدج

 

[الجفول&]

ماعليج يمديج ان شاء الله كل شي تقدرين تخلصينه بس ابدي بالتفصال اول شي لانه هو الي ياخذ وقت واذا مالج خلق خياط وخام روحي الحريم وخيطي عندهم بدل اسرعلج.

 

[غلا ماجد]

حبيبتي بنت خالي بشهر واحد بس خلصت كل شي اهم شي نفنوف العرس <<<عواطف الحاي او شوفي محلات حلوة سئلي البنات و انتوا اهلكم شنو المحلات اللي يروحون لها ...... المسكة بياع الورد فبل اسبوع من عرسج تقدري تحجزينها وو يوصلونها لج بيوم العرس للصالون و اهم شي الورد طبيعي و حلو اللون الودردي الوسط عندهم درجاته عجيبة و قولي ابي ورد للشعر تركبينه مع التسريحة و اسعارهم زينة 60او 70 و كاسريهم خلي امج تنشف ريجهم انا خذيت مسكتي 60 عقب ما كانت 80... و الله يوفقج .
و الف مبروووووووووك

 

[bent_7awa]

مشكورين بنااااااات ماقصرتوا

بس الاغلبيه شكثر قالوا ساااافري ل السعوووودية


بس المشكلللللللله ما أقدر اساااااااافر ولو انه ودي بس ما أقدر لا تحروني وتقولولي ان في اشياء هناك مثلها هني بس على أرخص

وانا صارلي فتره أفتر عالبدله البيضاء بس للأسف ماااااااااااكو شي حلو ويناسبني

مالقيت اللي بخاااااااااطري .. وأغلب الاتيليهات يقولون ما نقدر نفصلج بدله جديده بحكم انه عرسي قريييييييب !!

 

[bent_7awa]

اكيد يمديك ونص شهرين حلوات

حبيبتي كم مهرج
ابسوي لك جدول كامل يناسب مهرك بالاكسل وابي منك دعوه حلوه وبحط الاشياء المهمه

ولا يضيق خلقك
يعني
التجهيز يبي له اسبوعين بس اذا عارفه وش تبين
بس اهم شي الحين
حجز الصالونه والزفه والمسكه
وحطي في بالك لازم من نص شهر واحد وانتي مخلصه كل شغلك عشان تبدين بنفسك
واهم شي قبل العرس بشهر

وبالنسبه لتجهيز ابقولك اشياء قريت عنها كثير

اولا قمصان النوم لاتشترين غالي لانكم تملون منها كلكم
وثانيا لان الرجال مايعرف قيمتها ولاتفرق معه
اهم شي فيه شغل
وبعد فريت ان وحده شرت واحد غالي ويوم درا شقه
يعني خلي قمصانك ما تعدى 6 او 7 دينار
وبالاخير 100 دينار راح تكفيك لين تعرفين ذوقه بالبس

ثانيا العطور
لاتكثير لان احتمال تحملين وتكرهينهم
وغير كذا ماتعرفين ذوقه بالعطور
عشان كذا اشتري 2 مع بودرتهم
وطقم كامل من بدي شوب وزهور الريف للنهار

واذا سافرتي خليه يختار لك عطر او عطرين على ذوقه

ثالثا
جلسه ليزر للابط والمناطق الحساسه
كل البنات في المنتدى يمدحونه ويقولون ريحهم كثير
بس لاتنسين انك تسوينها بنفسك عشان ماتاخذين ذنب

رابعا
فيه اشياء بسيطه وتروح عن بالك بس مهمه
لاتنسين تشترين اوتي صغير عشان اذا سافرتوا ماتنزلين قمصان النوم يكوونها

مقص - اعواد اذاني - مرطب -ابره وخيط -شموع وولاعه - عطر جو للحمام وانتي بكرامه

خامسا
خلي مبلغ حلو على جنب
بعد العرس
اذا انقصك اي شي ماتطلبين منه لانك بتستحين

سادسا
وعلى انهم شي
تصدقي بمبلغ عشان ربي يبارك في مهرك


اذا رحتي لاي سوق اكتبي كل اللي تبينه منه
عشان تشترين كل اللي تبينه ولا ترجعين له مره ثانيه

اذا تقدرين اضغطي على نفسك اول اسبوع

نسيت اقولك
لاتغيبين ابد ابد
لانك بتحتاجين الغياب بعدين

وبالتوفيق ان شاء الله

بعد عمري مااااااااقصرتي عالمسااااعده

مشكووووره وايد

 

[bent_7awa]

شووفي الصياااح والنيااح لابد منه في البدااايه << تقلد فصحتج هههههه

لانج بتحسيين نفسج مثل الضااايعه ... بس لمن تبتديين بتحسيين انج بديتي تترتبييين ... وبيمديييج ترى ... لاتخليين التوتر يأثر علييج في تجهيزج ...

انا كذا ملكت بعيد الفطر .. وفي عيد الاضحى بيكوون زواجي ... ومن زوود اني متوتره احس صرت اخذ اشيااء مو مقتنعه فيهم بس عشاان اخلص وينزاااح هالهم ... والحين احس اني مو مقتنعه فيه حييل ... واحس بس بتزوج بجهز من جد وجديد <<< لعبه السالفه خخخخ

كييييب ريلاكس حبيبتي وكل شي انشالله بيصير اوووكي

لووووووووووول اي والله لابد من الصيااااح :0bee2e8d89:

قلت ببدا بالفستان الابيض وارتاااااح واعرف شنو اللي لي وشنو اللي علي بس استغفر الله تعبت وماحصلت شي سنع

الله كريم

 

[bent_7awa]

ها حبيبتي... شصار؟؟
سويتي البرنامج؟؟ :ada:

ابد والله حطيتلي ظروف وقسمت المهر بس ماراح ابلش شي الا عقب ماالقى البدله البيضااء لأنها هم

 

[bent_7awa]

عاتي عاتي
انا باخر شهر واحد
وتوني ماصارلي شهر باديه تجهيز وصادفت عيد
وتدرين الاسواااق والاسعااار ناااااااااااار

عشان جذي مأجله هالفتره ليما الاسعار تنزل شوي
وترا كل شي سهالات حتى لو ماتعرفين عندج تجمع العرايس
البنات مايقصرون كل وحده تطلع مكان تعطي تقرير مفصل عن الشغلات اللي اشترتها

واي شي تبيه سألي البنات عنه
كلنا خوات اهني

ألف مبرووك
وعسى الله يوفقج

صاااجه والله كل مارحت مكاااااان أسعارهم نار وشرار عشان العيد

وأدري فيكم خواتي ما تقصرون

 

[bent_7awa]

نصيحة لاتاخذين فستان الزفاف غالي حرام هي كلها ليلة وحده اذا تبين في بالرياض موديلات تينن واسعارهم نص اسعار المشاغل والمحلات عندنا والله روعه موديلاتهم واللي تلاقينه عندنا ب 1000 دينار تلاقينه عندهم ب 400

ماأقدر أسااافر = مضطرة اشتري غالي

ماكو شي بالكويت أقل من 1000 الا اللي يلوعون الجبد

 

[bent_7awa]

المهجه

الله يبارك بعمرج حياااتي

والله يعينج على حوسة التجهيز مقدماً

 

[bent_7awa]

الجفول

انا ناويه ابدا بالدراريع التفصال قبل اي شي لأنه ادري انها بتاااخذ وقت

مشكووورة حياااتي