خواتي العراايس إنني في ورطةٌ ..سااعدوني..احس اني مو مستوعبه الوضع!!!!

[S.O.S]

عادي حبيبتي ... يمديج انشالله ..
انا ملجت بنص شهر 9 وعرسي شهر 12 .. وقاعده اشتري بسرعه بسرعه ..
بس انتي خلي يوم مخصووووص لكل شي ..
يعني يوم تروحين بس عشان تشترين الجناط ..
ويوم بس عشان تشترين الساعات
ويوم عشان تفرين على المحلات عشان بدله يوم العرس ( البيضا ))
وجذي .. صدقيني راح تخلصين ..
ونصيييييييييييييييييحه لا تكثرين .. انتي تالي راح تروحين السوق وتشترين اللي ناقصج ..

بس بقولج شي .. اول شي تخلصينه بدله العرس والمسكه و اغنيه الدخله واكسسوار العرس و المصورة >>اذا خلصتيهم بسرعه راح تحسين انج خلصتي 80% من جهازج وراح ترتاحين (( اسأل مجرب))

 

[الحــور]

الف الف الف مبرووووووووووووووووووووووووووووووووووك

ولا تحاتييين كله سهالات بس لا تنسيييين تتصدقييين وادعي ربج يطرح بمهرج البركه
\
لازم تقسمييين وقتج وفلوسج والبنااات ما قصرووووووووووووووووا

 

[كويتية كيووت]

سهالات ان شاء الله
ربي يوفقج ويييسر امورج
كل ماشفتي مهرج ادعي دعائ(اللهم بارك لي في نفسي ومالي واهلي)
ولا دخلتي السوق قولي الدعاء مال السوق
وانتي بالطريق راحه للسوق ادعي ربج انج ماتندمين علي شيء بتشترينه واكثري الاستغفار
وربي بيسرها لج

 

[Athwaq]

شدعوه الله يهداج من الحين لي شهر 2 جدامج 4 شهور .. ليش مايمدي ؟

فيه وقت و وقت زايد بعد .. بس انتي و شطارتج و تقسيمج للوقت والميزانية

الف مبروك الملجه و الله يهنيج حبيبتي

 

[شهدالعسل]

انشاءالله تسهل امورج و حاولي تكتبين الي تبينه و راح تكون وقتج كافي و زياده بعد
مبروك مقدما

 

[مس لوتس]

مبروووووووووك ياعمررري ويمديج الوقت قسميه وسهالات ان شاءالله والبنات ماقصروا

 

[Mrs_Orchidia]

الله يوفقج و يهنيج حبيبتي .. الله يسهل عليج و يتمم عليج فرحتج .. اذا كنتي شاطرة .. تجهيزج تقدرين تخلصينه باسبوع .. دايمًا الركضة و التعب يصيرون على العرس

و ترى الوقت فيه بركة .. بس انتي استغلي كل لحظة فراغ

 

[شقاوة أنثى]

عالبرررركة حياتي
انضميتي لحزبنا
بس صدقيني يمديج مع شوية ترتيب والله لا تحاتين
انا 3 اسابيع خلصت البجايم وملابس الشقة والملابس الداخلية واشتريت بدل راقية وجم جنطة وتكرمين جواتي والاكسسورات
وما طلعت السوق الا 6 مرات يمديج لا تحاتين
لا وفريت حق الثوب واستقريت على مكان وققررت وين مكياجي
والحين قاعده مجابله دراستي صدقيني ما يبيلة شي التجهيز والله سهلات

 

[noo7a]

الف مبروك حبيبتي

ياحياتي انتي هدي بالج انشالله كل شي يصير مثل ما انتي تبين و احلى ما يكون

حاليا اذا بتجهزين سوي الاشياء البسيطه وبلشي العنايه ببشرتج و جسمج

وانشالله على نهايه شهر 1 بتبدي عطله نص السنه يعني قبل عرسج بفتره زينه

والله يتمم على خير

 

[الحلا توته]

الف الف مبرووك

معج وقت يكفي تجهزين فيه وترى كلما صار الوقت اقصر كلما وفرتي بالميزانيه وتكونين شاريه الاشياء المهمه بس

 

[bent_7awa]

ألف ألف مبروك إن شآء الله , الله يوفقج يالغآليه
لآحبيبتي فيه وقت لآتحآتين توكلي ع ربج وربج بـ يسهلهآ إن شـآء الله ~

الله كريم خيتوو

 

[bent_7awa]

الف مبروك والله يوفقج ويسعدج حبيبتي يمدي بس انتي لا تربكين نفسج وتقولين مايمدي لان ان قلتي جذي راح اتوترين ومرح تعرفين تجهزين عادي خلج ريلكس وخلي الامور سهالات وهي راح تمشي نفس ماتبين

اي والله انا دايم افكر بيني وبين نفسي انه مايمدي واقص على عمري واقول لا ان شاءالله يمدي

حددددي متوترة امس اول طلعة لي ورحت افتريت على محلات البدله البيضاء ومااااااااااااعجبني شي كلللللللش:0bee2e8d89:

 

[bent_7awa]

مس قولدن

روح غاليها

مشكوووورين ما تقصرون

توته عسل ماتقصرين بعد عمري شكلي راح احتاااج اشياء منكم بعدين

 

[بناتى هم حياتى]

لاتحاتين كل شى اكتبيه بورقه عشان ماتضيعين والف مبررررررررررررررررررروك

 

[bent_7awa]

عادي حبيبتي ... يمديج انشالله ..
انا ملجت بنص شهر 9 وعرسي شهر 12 .. وقاعده اشتري بسرعه بسرعه ..
بس انتي خلي يوم مخصووووص لكل شي ..
يعني يوم تروحين بس عشان تشترين الجناط ..
ويوم بس عشان تشترين الساعات
ويوم عشان تفرين على المحلات عشان بدله يوم العرس ( البيضا ))
وجذي .. صدقيني راح تخلصين ..
ونصيييييييييييييييييحه لا تكثرين .. انتي تالي راح تروحين السوق وتشترين اللي ناقصج ..

بس بقولج شي .. اول شي تخلصينه بدله العرس والمسكه و اغنيه الدخله واكسسوار العرس و المصورة >>اذا خلصتيهم بسرعه راح تحسين انج خلصتي 80% من جهازج وراح ترتاحين (( اسأل مجرب))

مشكووووووووووورة

طريقتج بمشي عليها وفادتني حيييييييل

انا سويت جذي بالبدايه امس فريت عالبدله البيضاء ومالقيت شي حلو ويناسبني

وناويه بعد العيد ابلش بالباااقي لأني عندي امتحانات هالفترة:0bee2e8d89:

 

[bent_7awa]

الحور

كويتيه كيوت

اذواااق
شهد العسل

مس لوتس

ماااااااقصرتوا حبايبي

وكويتيه ان شاءالله بلزم الدعاااء والاستغفااار

 

[bent_7awa]

مس اوركيدا مشكووورة حياتي

شقاوة انثى الله يسمع منج ان شاءالله ليماالحين ما بلشت بشي وشااايله هم

نوح8 مشكوورة يا قلبي

 

[bent_7awa]

الحلا توته نفس كلام اختي تقولي احسن الوقت قصير عشان ما تضيعين فلوسج عالفتافيت

 

[عذبه الروح2010]

اكيد يمديك ونص شهرين حلوات

حبيبتي كم مهرج
ابسوي لك جدول كامل يناسب مهرك بالاكسل وابي منك دعوه حلوه وبحط الاشياء المهمه

ولا يضيق خلقك
يعني
التجهيز يبي له اسبوعين بس اذا عارفه وش تبين
بس اهم شي الحين
حجز الصالونه والزفه والمسكه
وحطي في بالك لازم من نص شهر واحد وانتي مخلصه كل شغلك عشان تبدين بنفسك
واهم شي قبل العرس بشهر

وبالنسبه لتجهيز ابقولك اشياء قريت عنها كثير

اولا قمصان النوم لاتشترين غالي لانكم تملون منها كلكم
وثانيا لان الرجال مايعرف قيمتها ولاتفرق معه
اهم شي فيه شغل
وبعد فريت ان وحده شرت واحد غالي ويوم درا شقه
يعني خلي قمصانك ما تعدى 6 او 7 دينار
وبالاخير 100 دينار راح تكفيك لين تعرفين ذوقه بالبس

ثانيا العطور
لاتكثير لان احتمال تحملين وتكرهينهم
وغير كذا ماتعرفين ذوقه بالعطور
عشان كذا اشتري 2 مع بودرتهم
وطقم كامل من بدي شوب وزهور الريف للنهار

واذا سافرتي خليه يختار لك عطر او عطرين على ذوقه

ثالثا
جلسه ليزر للابط والمناطق الحساسه
كل البنات في المنتدى يمدحونه ويقولون ريحهم كثير
بس لاتنسين انك تسوينها بنفسك عشان ماتاخذين ذنب

رابعا
فيه اشياء بسيطه وتروح عن بالك بس مهمه
لاتنسين تشترين اوتي صغير عشان اذا سافرتوا ماتنزلين قمصان النوم يكوونها

مقص - اعواد اذاني - مرطب -ابره وخيط -شموع وولاعه - عطر جو للحمام وانتي بكرامه

خامسا
خلي مبلغ حلو على جنب
بعد العرس
اذا انقصك اي شي ماتطلبين منه لانك بتستحين

سادسا
وعلى انهم شي
تصدقي بمبلغ عشان ربي يبارك في مهرك


اذا رحتي لاي سوق اكتبي كل اللي تبينه منه
عشان تشترين كل اللي تبينه ولا ترجعين له مره ثانيه

اذا تقدرين اضغطي على نفسك اول اسبوع

نسيت اقولك
لاتغيبين ابد ابد
لانك بتحتاجين الغياب بعدين

وبالتوفيق ان شاء الله

 

[amira81]

صبااااااااااح الخير يا قمرااات


بناااات بدش بالمووضع دغري لأني حدددي متوهقه .. ماتوقعت ان الأمور راح تسير الى ما سارت إليه الحين وانصدمت




أولا :

الحمدلله رب العالمين اليوم كانت ملجتي

ثااانيا :

توقعوا متى عرسي ؟؟؟؟؟؟؟؟؟صورها فظيعة
المصورة اميرة 65120041 لا تنسى النصيحة حلوة







































شهر 2 >> :eh_s(1):


وفوق هذا انا لازلت ادرس (طااالبه) :0bee2e8d89:

ماادري متى راح يمديني اجهز واشتري وافرفر واداوم وادرس وامتحن :0bee2e8d89:

أحس ان فيني البجيه امي كلمتهم يأجلونه شوي وما وافقوا مستعجلين ..

وطبعا اهم حجزوا عقب رضااي لأني انحرجت منهم فوافقت على مضض >> اهم شي الفصحى :krkrkr:

ياربي كلللللش موووووووووووو مستوعبه شسوي شنو ارقع شنو اعدل ؟؟

وفوق هذا وذااااك ما اعرف شي بالتجهيييييييييييييييييييز صفر من 10 :0bee2e8d89:

اللي محتاجته الحين شلون تقسيمة المهر وبشنو ابدي وشنو اللي مهم وشنو اللي موووو مهم

بناااات عفيه قصوا علي وقولوا ان في وقت ويمدي اخلص

وشاكرتلكم ردودكم مقدما ....

صورها فظيعة
المصورة اميرة 65120041 لا تنسى النصيحة حلوة