خنت ريلي مع2 والحين درا... واختفى :(

[( مي )]

المشكلة تدري وين ؟
المشكلة حتى لو يعرف انه كان مقصر معاج
حتى لو يغفر ويسامح
اتوقع بتضل صورتج مهزوزة دوم جدامه بعد اللي صار
يعني طاح عليج وانتي مكلمة 2 يمكن لو للحين ما يدري جان زاد العدد

بس سالفتج صج تعور القلب وصعبة الحيرة اللي انتي فيها لا تدرين وين زوجج ولا تدرين شالسالفة
الله يصلح الأمور

 

[أم حمد =)]

اهم شي تسوينه اذا رد لا تفتحين معاه هالموضوع يمكن اهو زعلان من شي ثاني !

مادري شقولج بعد .. الله يهديج ..

 

[ضحـاوي]

اكيد عرف ,, لان الغلط لابد بيوم ينكشف

الله يعينج ,,,,, الريال يسامح على كل شي الا الخيانه

الله يهديه ويرجع لج ولبنتج

 

[nona307]

الله يهديكم ويردكم حق بعض وهذا درس لج

والله يبعد عنكم عيال الحرااااااااام

عليج بالاستغفااااااااار وان شاء الله يرجعلج وحافظو علي بيوتكم محد ينفعكم

 

[ايمانو حلوة]

ليه فات الفوت ماينفع الصوت


طبخ طبخيته يالرفلة اكليه


وبقولج شي انتي ماندمتي من اللي سويتيه الا لمن دريتي انه طاح عليج يعني لو ريلج ليلحين مايدري انج تكلمين جان استمريتي


الله اعينكم

 

[سارووه الاموره]

ويييييييييييييييييييييييييييييييي وانا اشوف الرياييل قاامو يخونون لاقين متزوجات يعطووونهم ويه ..:0bee2e8d89:

استغفر الله تستاهلين الي يصير فيج .:eh_s(14):
وان شاء الله كل بنت تخووون ريلها يصيدها ويقطها ببيت اهلها وين قاااعدين مافي رومنسيه ومادري شنووو ...
صارحيه قوليله ماتهتم فيني مو تخونينه الله يعينج ريلج قطج بالبيت روحي لاهلج بكرامتج احسن ..

 

[وداعيه]

لو انا مكانج اذا شفته احب رجوله
لانه الي سويتيه شي صعب خيانه المر اصعب من خيانة الرجال
انتي الحين مالج الا انج تصلين وتدعين وتستغفرين
والله يعينج

 

[جوزائيه مغروره]

الله يعينج حبوبه

بس لو انتي مو قايله بالمسجات يمكن تترقع السالفه

انزين انتي جربي تخلين احد من معارفج يدقون عاللي كنتي تكلمينه وتتاكدون منه

 

[وداعيه]

بنات ترى الي صار صار لا تقعدون تلومونها خلاص
عطوها حل علشان ترجع زوجها
المره حست بغلطتها صج انه غلطتها كبيره بس على الشيطان قدر عليها
الحين انتوا حاولوا تساعدونها

 

[مجنونة قيس]

حبيبتي الله يساامحج على الي سويتيه ولاتتركين بيتج مهما صاار عشان لاتنفضحين وتكبر السالفه ونطريه ولاتلاحقينه بتلفوناتجومسجاتج لمن يطيح الي براااسه ويقرر يتكلم معاااج وذيج الساااعه الله يكون بعووونج حبيبتي كثري من الاستغفااار واقري قرآن

 

[ساندريلا]

الله يستر عليج يارب
اكبر غلطه سويتيها انج اعترفتي قبل ماتعرفين ليش اهو زعلاان
الله يهدييييييييييج ماادري شقول اكثر من جذيه

 

[shai5at al3arab]

احس انج كنتي بنعمة كبيييرة ورفستيها بريلج وخربتي على بيتج وعايلتج ..

لا تتحججين تقولين الشيطان شاطر ، فيه حريم ريااايييلهم مهملينهم اكثر منج ولا يطقونهم ويهينون اهلهم .. ما تعذروا بالشيطان وخانوا رياييلهم .. لانه كل وحدة فينا عندها عقل وتربيتها تحرم بس مجرد هالتفكير ..

وانا شايفة انه ريلج واااااااااااااااااااااااااااايد زييييين وما يستاهل اللي سويتيه فيه .. اكبر دليل على انه ما فيه منه .. انه لما انصدم ذيج الصدمة الجبيرة بمرته ما طقج ولا اهانج ولا سمعج ولااااااااكلمة .. ولا فضحج جدام اهلج .. يعني ردة فعله كان مفروض تصير اقوى من جذيييي ..

انا احس انه ثقته فيج خلاص انمسحت وانج طحتي من عينه ..

ما فكرتي ببنتج باجر ياخذها منج وما يخليييج تربينها .. ولو لا قدر الله صار انفصال ما راح يكون لج حضانة ..

مااااااااااااالج الا الدعاء .. اهو اللي يغير النفوس ويغير القضاء ..

ادري انتي ما تبين تسمعين كلام جذي .. بس هم حبيبتي ما يصير نطبطب عليج ونقول ما يخالف .. اللي سويتيه مو شوية .. البنت اللي مو متزوجة وسوت هالشي ننصدم فما بالج متزوجة وعندها ياهل وريلها زيييين ..

 

[الجوري2008]

انا اتوقع انا كان مسوي لج اختبار
وللاسف سقطتي فيه !!!

 

[Xtina]

استغفر الله العظيم واتوب اليه
شكل يوم القيامة قرب الله يهديج ويصلحج ويهدي كل وحدة تخون زوجها وكل واحد يخون زوجته
كما تدين تدان ... حبوبة استغفري ربج وادعي ان الله يرده لج مرد جميل مع ان اللي انكسر فيه ما اظن بيتصلح؟

 

[miss-sponga]

والله ماادري شقولج
بس استغفري ربج وادعي انه يرد وسامحج كثري من الدعااء مالج غير الدعاء

 

[um fawaz]

لحظه .. لحظه .. انتي الحين تبين حل عشاتن يرجع لج ؟!!

زين ما فكرتي حياتكم عقب ما تردوون حق بعض ؟؟

ترى الريايييل ماااااااااااا ينسون ولا يسامحوون ابد

منو بيرجع له الثقه اللي اهيا اهم شي بين الريال والمره ؟

مسكين حطمتي حياته وهو ماله ذنب الله يعينه على بلواه

فكري عدل انتي شنو تبين
انتي صج متحسفه ؟؟
حطي بالج شغله مهمه ريلج اذا ردلج راااح يرد شخص ثااااني محد يتحمل صرااحه

وترى اهواا ذكي قعد يشتغل عليج الحين حرب نفسيه يلعب بعصابج تلاقينه مسكينه وده يطلقج بس يفكر ابنته ما يبي يحرمهاا من امهاا

سامحيني بس ريلج وااااايد احسن منج

الله يصبره

 

[دلع العتبان]

‏@‏@
شفيج انجنيتي علشان مايعطيج حب خنتيه ؟

ليش عسى ماشر يعني لوموشاكه ان ريلج عنده شك جان عادي مكمله ؟؟؟

 

[اتعبني غروري 7]

استغفر الله

 

[دلع العتبان]

الله يهديج يارب
خفتي من ريلج يدري وهو شاك بس!!

ولاخفتي من ربج الي يدري بكل شي ربي يستر عليج وعلينا

 

[مهرة البيد]

اقول الظاهر مشكلتج العويصه
مو شلون يرد ولا اخلاصج له
ولا حتى التوبه لله سبحانه وتعالى
انتي في هالورطه تحاتين مصرف البيت اللي خلص
روحي ربي يعطيج على قد نيتج
ويرزقه باللي اخير منج ويعين ابوج على الفضايح اللي بتجيه من وراج​