خنت ريلي مع2 والحين درا... واختفى :(

[شوارفسكي]

مبين واضح انه درى

وانا قلتله بعد بالمسجات ودزيتله مسج شطوله عن اللي كلمتهم @@

الحين شسوي؟؟

يالله شهالقافه شكو تدزيله مسج تقولين له عن كل شي اللي مثلج تجحد الا اذا مسجلج شي لاني اعرف وحده زوجها شك فيها حط لها تسجيل بالسياره وبغرفتها اهني ما تقدرين تنكرين ولازم تبينين له انج ندمانه وتحملي منه كل تصرفاته ونار حقده عليج لانج غلطانه اما اذا بس جاك بالرقم قولي هذا واحد ماذيني وعارف عني كل شي وحبيت اعرف اهو منو بس مو تتعترفين امنه قوليلي لو عاخاص شنو صار معاج يارب يستر عليج ويهديج ويحنن قلب زوجج عليج وعليج بالاستغفار قبل المواجهه ترى وحده بوحده

 

[عنفوره]

الله يعينج حبيبتي
إلي سويتيه غلط و زين عرفتي انه غلط
بس الغلطه الأكبر انج اعترقتي بدون لا يكون عندج دليل انه داري
وحتي لو درا ديري بالج تعترقنيت أنكري لأنه راح يكسر كل شيء ولا حتي يفكر فيج
مالج إلا رب العالمين صلي و ادعي و ربي معاج

 

[ضي]

الله يعينج

زين ليمتى بتظلين ساكته؟؟

سوي اي شي

الله يعينج والله ماني عارفه شنو اقوووووول

 

[ام بسومتي]

يالله شهالقافه شكو تدزيله مسج تقولين له عن كل شي اللي مثلج تجحد الا اذا مسجلج شي لاني اعرف وحده زوجها شك فيها حط لها تسجيل بالسياره وبغرفتها اهني ما تقدرين تنكرين ولازم تبينين له انج ندمانه وتحملي منه كل تصرفاته ونار حقده عليج لانج غلطانه اما اذا بس جاك بالرقم قولي هذا واحد ماذيني وعارف عني كل شي وحبيت اعرف اهو منو بس مو تتعترفين امنه قوليلي لو عاخاص شنو صار معاج يارب يستر عليج ويهديج ويحنن قلب زوجج عليج وعليج بالاستغفار قبل المواجهه ترى وحده بوحده

والله الله يعطيج العافيه ويوفقج بحياتج عطيتيني حل ماكان في بالي

اني اتفق مع اللي كلمته مده على انه يقول لريلي انه غاصبني اني اكلمه او شي جذي او انه متبلي علي واضطريت اني اعترف على شي ما سويته

 

[اميره بضحكتي]

يعني معقولة درى بهالسوالف وسكت عنج وطلع من البيت من اسبوع وخلاج قاعدة بيته لا مااعتقد

الا اذا صج درى وصار بينكم هواش وطق وقتها قال بروح البر لين ترتاح نفسيتي شوي ويرد ويتفاهم معاج >>>تفسيرها الخاص

بعدين انتي تقولين انج متأكدة انه درى واهو ماقالج شي ابدا لا وبعد طرشتيله مسج وقلتيله عن علاقاتج
بصراحة هذي مادخلت عقلي
شوفي ياقلبي قصتج نااااااقصة حيل عشان جذي مانقدر نعرف منو الصح ومنو الغلط
يالله ياقلبي اعتبريه سافر فجاءة

 

[WaRDiaH]

والله الله يعطيج العافيه ويوفقج بحياتج عطيتيني حل ماكان في بالي

اني اتفق مع اللي كلمته مده على انه يقول لريلي انه غاصبني اني اكلمه او شي جذي او انه متبلي علي واضطريت اني اعترف على شي ما سويته

مادري شقولج بس ما اتوقع انه بيرضى يتفق معاج على زوجج لأنه اكييد يبي يطلع من هالسالفة وبيخاف! لاتجازفين والله احس حيل تضايقت عشانج وخايفة عليج!

 

[ام بسومتي]

والله انا مثلج ما ادري ليش ساكت قمت اشك ان عنده سوالف ومن كثر سوالفه ما يلومني لانه نفسي ولا مادري شنو؟؟
ولا مستانس انه مسك علي زله علشان بيفتك مني


ولا هذا هدوء قبل العاصفه!! بس ريلي طبيعته هادي وماكو شخصيه يعني شبيسوي تتوقعون

قاعده انطر حل نهائي ...

 

[دنيتى زوجي M]

غلطانه حيل حيل وليش استعيلتى واعترفتى جان نطرتى شفتى شفيه ذيج الساعه يحلها الف حلال

وحتى لو بتتفقين مع الريال اللى تكلمينه ماراح يرضى راح يخاف وفيها سجن تدرين ولا لا وحتى الحضانه الله لايقولها اطيح مو لج حق زوجج

يعني المسكين عطاج الثقه وخلاج على راحتج ليش جازيتيه جذي يختى شوفي بلاوي الحريم اللى مايجابلها واللى يطقها واللى مو معاشرها من

جم سنه ماسوو اللى انتى سويتيه يعني هذي جزاته الحين يمكن يشكك حتى بعيالكم انهم مو له لاتزعلين حبيبتى بس هذا الصج الله يسامحج

ويغفرلج ويهديه والله يعينه ويصبر قلبه والله كسر خاطري

 

[tethkaaar]

حريم آخر زمن

 

[manhattan girl]

ما ادري شنو اقولج بس انتي الصراحه استعيلتي انج طرشتي مسج و قلتيله كل شي يمكن اللي مضايقه شي ثاني على العموم الله يفرجها عليج حبيبتي بس ياريت تطمنينا عليج لان اغلب اللي يكتبون مشاكلهم يبون حل و يروحون ما يطمنونا عليهم شنو صار معاهم فلاتقاطعين بموضوعج حبوبه

 

[Miss_Moon]

واااي عوواار قلب الله يعينج مابي الوومج باللي سويتيه بس مااقول الا الله يصلح الاموور ياارب

 

[mshmosha]

الله يستر بس المفروض مو متكلمه وتنكرين . والمفروض تسوين روحج ماتدرين شسالفه وتروحين تقولين حق اهله مادري وينه مختفي ولا كأنج مسويه شي واذا قالج انه يدري قوليله واحد مأذيني احد مطرشه اي شي اي شي

 

[عاشقه القيصر]

قلتيله @@

الله يستر عليج انتي قبل لا تسوين جذي مافكرتي ببنتج واهلج شبيقولون عنها الناس واخوانج لان اذا زوجج درا والله اعلم ماراح يخليج عنده << اسمحيلي

مالج عذر بصراحه تخونين لانه اهملج يمكن الريال عنده اضروف اجبرته انه يهملج بس فكري باسمه اللي انتي تعتبرين شايلته وبنتج .
باجر بنتج لكبرت منو بياخذها لدروا عن سبب السالفه اللي بينج وبين ريلج انتي جنيتي على نفسج وبيتج وريلج واهلج

ما اقول غير الله يهديج وبيستر عليج.

^^ لا تزعلين من كلامي

 

[ياشايل الظبى]

ارسليله مسج
قوليله تعال سو اللى تبيه بس ارجع

قولى انا غلطانه ومعترفه

وادعى ربج انه يهديه ويرجع
وانتى الله يتوب عليج ويصبرج على مايجيج

 

[ياشايل الظبى]

ارسليله مسج
قوليله تعال سو اللى تبيه بس ارجع

قولى انا غلطانه ومعترفه

وادعى ربج انه يهديه ويرجع
وانتى الله يتوب عليج ويصبرج على مايجيج

 

[lolo6688]

حرااام ليش دزيتيله مسج وقلتيله ؟
يمكن مايدري عن شي ؟
المهم سوي فلم انه اهو قاعد يتبلى
وانتي كلمتيه جم مره بس بتعرفين منو اهو ومن وين يايب رقمج
وانشالله يصدق

 

[ام يوسف الكويت]

امبييييييييييييييييييييه


الله يهديج يارب



ليش سويتي جذيه ليش هدمتي بيتج بيدج

 

[lo0ola]

الله يعينج موقف صعب .. احنا الحريم مانسامح شلون الرياييل؟

 

[سيدة الذوق]

يمكن مايدري لاتشككين الرجال يمكن زعلان من شي ثاني ...

 

[باربية الكوووويت]

الله يهديه لج حبيبتي ماعليه قعدي ببيتج ومرده بيه وتفاهمي معاه بهدوء