خلصنا من جذبة ابريل .... وبلشنا بالمناشب علي الملجه والزواج ...الله يعينكم يالمتزوجات

[cat-girlq8]

شسالفه من بدايتكم عناد وهواش
واسلوبه خطا جنه يكلم احد متهاوش وياه

============


لا وانتي الصاجه جنه داش معركه

 

[cat-girlq8]

[ماادري جنكم بساحة حرب
كل هواشكم ونقاشاتكم على إفتراضات:bbbiu:
كل واحد يبي يفرض سيطرته على الثاني
أنتي كل ماقال شي قمتي تقولين لو ملجه رفيجتي واهلك لازم يستأذنون ومادري شنو !!!!
حبيبتي هالاشياء ماتنقال هالوقت بعدين تسوينها حزت الحزه
لاتخلينه يزهب أسلوب جايد بالتعامل معاج ويحاتي انج تفرضين سيطرتج عليه خلج قطيوة :eh_s(22):
ريلج من النوع الي تتصرفين معاه بالحيله يعني ماتبينن له أنج بتمشين كلمتج عليه عشان مايعاندج ويبط جبدج
وبعدين مااحس انكم فاهمين على بعض لازم تاخذين عليه وياخذ عليج
واهم شي نقاشاتكم تكون بإطار ودي :friends:

عين العقل ماكو تعليق بعده حللت وضعكم صج[/quote]

-----------------

اهوا اللي يبي يفرض كلامه علي فرض ولا ازيدج من الشعر بيت يقولي مره الثانيه ماراح اتناقش وياج بشي
يعني بس خلاص ان قلت لج كلمه راح تسوينها من غير ليش وشحقه
قلت له نعم
قالي اي نعمين عندج مانع قلت له اي طبعا شلون نحل مشاكلنا من غير نقاش
قالي لانه اسلوب النقاش ضايع معاج فا لازم اتبع معاج جذي
قلت له لا والله صج اي شي صح
قالي هذا اللي انا اشوفه

 

[cat-girlq8]

شكلج معاندية وراسج يابس اسمحيلي

ريلج بيفرض شخصيته عليج وسيطرته
كل الريايل قبل الزواج جذيه بيسوي روحه سي سيد
وهو قالج لا تعاندين تبعدني عنج هالكلمة حطيها قدامج
اسمحيلي تري هو ماطالب المستحيل حقوقه هذي
اصلن حرام عليج تطلعين ماتقوليله
من واقع تجربتي
وانتي اخذيه علي قد عقله انت تامر انشاللله مايصير خاطرك اللي طيب
انت تامر ماتطلب .......يابعد عمري ياقلبي ....حلي لسانج
انفخيه انفخيه نفخ بالهكلام .....لما ينبط ويطخ شبعيه بالكلام اول
ولله انتي الربحان بس يبلها صبر وتنزلات
خليه يحبج يتعلق فيج لاتعاندينه
انا ماقولج صير ذليله لا خلي لسانج حلو واحترام واهم شي تكلمي من غير نرفزه
باجر مع العشره بتتعودين هاالاسلوب
ولله فتره اثبات وجود بعدين بيطخ يقولج سوي اللي تبين
تري كل ريال له مفتاح يختلف عن الثاني
ريلج مفتاحه الاحترام وان شالله وتحت امرك تنازلي شوي بعدين انتي الكسبانه
ولله تصيرين ملكه بقلبه اهم شي عششي بقلبه عدل
بعدين هو بيسوي اللي تبينه

عااد انتي الله يهداج مو كل شي تبينه يصير علي هواج لازم التنازلات والرجال قوامون على النساء ........ومهما كان هذا ريلج وكلمته مسموعه

وذا انتي بتسوين حفله وحده بس خليها عرس لبسي الابيض احسن اقنعيه الخساير وحده والفندق واحد والاكل كل شي اللي بنسويه بالملجه بيتسوي نفسه بحفله العرس اللهم تغير مسميات
واالفستان الابيض
حاولي فيه من غير نرفزه وضبطي اعصابج وحلي لسانج وان شالله بيرضى


ربي يوفقج

==============

تسلمين يالغاليه
بس انا قررت اني اسوي عرس بصراحه انا اخر العنقود من خواتي ولازم اسوي عرس
كل وحده اتمني انها تسوي عرس وتكون ملكة هالليله
بس اهوا معاند ورافض بحجة انه حريم وشكلي غلط وانا داش جذي وبقعد ساعه وتصوير ومن هالسوالف

 

[3oosh <3 MJ]

حبيبتي دام انكم ع البر
فكل شي بيدج الحين
تقدرين تقررين اما تكملين او تنهين الموضوع وتفكين عمرج
بس في شي لاحظته ما ادري اذا لاحظتيه ولا لا
حسيت انه فيه بخل
والله يوفقج ويا الي يسعدج حبيبتي

 

[*ريما*]

اسلوبة ينرفز
فكري عدل قبل لاتتزوجين

 

[Thwe8a]

عادي والله كلهم جذي بفتره الخطوبه والملجه يختبرج ويختبر تصرفاتج
باجر ان شاءالله لي تزوجتي راح يخف وكلهم جذي يمكن اول ثلاث شهور امبيه يلوع جبدج بس بعدها عادي
اهو مضايقه بالموضوع عنادج
انتي قوليله كل شي اوكي وقولي له كاه انا تغيرت وصرت اطيعك واسمع كلامك استمري اسبوع بس طيعي كلامه لو تردين من حفله
وبعد الاسبوع قولي له طعتك وسويت اللي تبي وانا تغيرت وبدين تدريجي اهو بيخليج براحتج لانه يحس انه اسبوع ماتهاوشتو وما تعاندتو راح يخف علييج


والله يهنيكم يا رب ويوفقكم

 

[بحر الرمال]

شوفي بالبداية (و بالذات في موضوعج الاول عن كذبة ابريل) حسيت انج انتي الغلطانه بس الحين و مع الامثلة اللي قلتيها بالردود يمكن انتي شاده شوي بس ترا اهو موطبيعي كلش
اولا انتو للحين مخطوبين مو مالجين يعني ماله حق يسأل وين رحتي و شنو سويتي و من هالاوامر
2-احسه من كلامج جاف و كلا اوامر, يعني حتى الريال اذا بغى شي يقدر يوصله باسلوب زين مو اسلوب فرض و عناد
3-سالفة الخدامة, احس مو حلوه على ريال يتدخل بسوالف حريم
4-رفيجاتج, هم مو شغله, الا اذا فيهم بلا كبير مثلا رايحين فيها هنيه نقدر نقول مسأله سمعه, بس اذا رفيجاتج بنات ناس و زينين مو من حقة يمنعج عنهم و اهو مطيح 24 ساعه مع ربعه حتى انتي تحتاجين حياه اجتماعية
5-سالفه اذا اخوه غلط عليج يمكن يمد ايده عليج! هالكلام و توكم مخطوبين ! حتى لو متزوجين و لكم 10 سنين هم عيب يقولها شنو ريال يمد ايده على مره عشان اخوه!
6-سالفة المهر عيب و مو من الاصول يتمنن و يقول انا عطيتج مبلغ و قدره, مو شرط يسوي العرس انتي سويه (اذا قررتي تستمرين معاه) بس سالفه انه يقول انا دفعت و انا سويت, مو حلوه عند الرياييل

احسه شخص ما يصلح حق ارتباط..شنو برجه بالمناسبة؟

 

[حروف الأمل]

الله يعينك


كلامه ينرفز بقووة

 

[franshiska]

========

اي كنت مسويه فيه دقه .. جذبة ابريل سالفه طويله
اهوا يعرف طبعي اني عنيده وماحب اتنازل عن الشي بسهوله من جذي اهوا بلش يستخدم معاي هالسياسه

حبيبتي انا قريت موضوعج مال جذبته ابريل
عادي مانت غشمره

بس مو هذا قصدي .. انتي لا تعايينه لان الرياييل ما يحبون جذي
راح يزيد عناده وراح تصير بينكم مشكل مالها اول من اخر
حبيبتي لو حاطه موضوعج بالحياة الزوجية جان قالولج البنات

نصيحة اخت انا نفسج كله ولا كرامتي وان كلمتي ما تنكسر
لين انكسرت انا
لاااااااااااا تعاندين

 

[franshiska]

شوفي بالبداية (و بالذات في موضوعج الاول عن كذبة ابريل) حسيت انج انتي الغلطانه بس الحين و مع الامثلة اللي قلتيها بالردود يمكن انتي شاده شوي بس ترا اهو موطبيعي كلش
اولا انتو للحين مخطوبين مو مالجين يعني ماله حق يسأل وين رحتي و شنو سويتي و من هالاوامر
2-احسه من كلامج جاف و كلا اوامر, يعني حتى الريال اذا بغى شي يقدر يوصله باسلوب زين مو اسلوب فرض و عناد
3-سالفة الخدامة, احس مو حلوه على ريال يتدخل بسوالف حريم
4-رفيجاتج, هم مو شغله, الا اذا فيهم بلا كبير مثلا رايحين فيها هنيه نقدر نقول مسأله سمعه, بس اذا رفيجاتج بنات ناس و زينين مو من حقة يمنعج عنهم و اهو مطيح 24 ساعه مع ربعه حتى انتي تحتاجين حياه اجتماعية
5-سالفه اذا اخوه غلط عليج يمكن يمد ايده عليج! هالكلام و توكم مخطوبين ! حتى لو متزوجين و لكم 10 سنين هم عيب يقولها شنو ريال يمد ايده على مره عشان اخوه!
6-سالفة المهر عيب و مو من الاصول يتمنن و يقول انا عطيتج مبلغ و قدره, مو شرط يسوي العرس انتي سويه (اذا قررتي تستمرين معاه) بس سالفه انه يقول انا دفعت و انا سويت, مو حلوه عند الرياييل

احسه شخص ما يصلح حق ارتباط..شنو برجه بالمناسبة؟

ويع هذا جنه طليقي
لوووووووووووووووووووول
فكي عمرج عيل

 

[عروق قلبه]

يع سخيف نفس الي عندي
اسمعيني ياقلبي اول شي استخيري
بعدين صدقيني اضعف الرياجيل هالاشكال الي بتفرض نفسها هذيل الاطفال
الي ينقال عنهم قوليله كلام حلو ودلعيه واذا قال رفيجاتج موزينات قولي صج ليش شنو فيهم اذا قعد يسولف اسمعي واسكتي راح حسين ودج تكفخينه بس خلي وجهج مبتسم واذا قال ينخاف من البنات قولي اي والله ينخاف وصدقيني بيسكت
واذا قال اتركيهم قولي من عيوني واذا بغيتي تطلعين مع وحده قولي هذي قولي عنها كل شي حلو طيبه متربيه بنت فلان الفلاني وبس
واي شي يقوله اهواا صح واهله يهبلون مافي مثلهم بالعالم واذا راح سوي الي تبين اذا كانوا معاج حقاره


انا عايشه تجربتج وحياتج قبل لاا تعيشينها واقسم بالله اني كنت بس هواش انا وياه وترا انتي يمكن نفسي قويه الي ينقالها عوبه وهالصفه ابدا موحلوه على البنت المفروض تكونين قطيوه على قولة العضوه (مالتي)
يع كانت حياتي لمدة سنتين خراب بخراب ودمار واشكيله من حركات خواته ويقول انتي الحقيره والمشكله خوااته سحوت استغفرالله وغيرتهم لاني احلى منهم واذرب منهم وعيالي احلى من عيالهم الحمدلله ناقصين فيهم نقص حي لاستغفرالله ..قلت قصة حياتي هههه
وفعلا يوم شاف اخته مره تقط على بنتي نغزه وشافني ماتكلمت بس عطيته نظره جان يهزئها وهياااااااا

والي احلى قمت اطلع ولايدق ولا يسال الا اذا جات الساعه 11لاني عودته اني ماادق عليه ومارد دايما حتى عنده تليفوني سايلنت واقوله ماحب النغمات ىخخخخخخخخخخ
وطلعاتي كثرت لاني قمت اقوله يع انا ماحب اطلع انا بيتوتيه.....انا كيدهن عظيييييييييييييييم هههههههههه
والخدامه لاقال خل تساعد امي موتصيرين هبله مثلي وتقولين لا قولي ان شالله وطرشيها لا راح ناديها واذا ماراح وطولت قولي ابيها تساعدني

نصيحه:
اي شي تحبينه قوليله انا ماحبه وصدقيني بيقول يفداها كل شي
ولاتسمعين كلام البنات الي مومتزوجات اسمعي المتزوجه لانها عايشه وعارفه اسلوب الرجال
وترا زوجي عصبي بس قلبه رقيييييييييييق وقمت اعرفله وسوي الي قلتلج عليه وان مافاد لج مني الي تبين

 

[رحيق الحياة]

انا قريت موضوعج الاول وهذا وجميع الردود
وكتشفت انه مابينكم توافق فكري أبد ,,, يعني لاهو راضي يفهمج ولا انتي راضيه تفهمينه

ولاتزعلين من كلامي وانا اختج

 

[MN.collection]

الله يتمم لك ع خير

 

[cat-girlq8]

باين عليه ضعيف شخصيه جدام اهله فمتفرعن عليج
باجر بيحرمج من هلج بعد .... ما ينفع كزوج

===========

والله قاعده افكررررررررررررررررر مره ومرتين وثلاث ليما اوصل حق قرار
شكله بيحرمني من كل شي
بس شخصيته مو ضعيفه .. قويه لدرجه انه اهله يطيعونه وياخذون رايه باامور وايد

 

[cat-girlq8]

مع أحترامى فى ردود تبط الجبد
البنت مو عويه البنت صح هو اللى فى خللل فى شخصيته كل همكم الريايل ودافعون عنهم ؟؟؟؟؟؟؟؟

البنت لو متعوده على شىء صعبه تتنازل عنه وهى مع ربعها اوكى خلاص تقاطعهم ليش ؟
تتزوج وتتواصل معاهم مو غلط ولا حرام
هو بيترك ربعه عشانها ؟؟؟ لازم لو شيكون الوحده لازم يكون لها لو رفيجه وحده
بسكم هوس الريايييل

===================
:eh_s(9):

حبيبتي والله ... Kocheko انا معاج بكل كلمه قلتيها
يعني تخيلي اليوم اهوا معزوم عندنا عالغدا عالساعه 3 ونص والله العظيم يوم دقت علي رفيجتي تلفون اعتفس فوق تحت
يوم اهلي خلصوا غدا وقامو وانا معاه علي طاولة الاكل جان يقولي ...
ماشاء الله شهالرفيجات اللي حتي وانتي اتغدين يدقون عليج
قلت له يحبوني
جان يقولي اي بس بعد الزواج راح تفجين عنهم تدريجيا ....
قلت له نعم
قالي اي بصراحه انا مو مرتاح لهم قلت له مو شرط ترتاح لهم كافي اني مرتاحه لهم ولا تكلم عنهم جذي هذولا صديقاتي من ايام الابتدائي وابوي يعرفهم ويعرف اهلهم
بصراحه بط جبدي

 

[مـعـجـبـة]

قلتي تبين راينا .. انا اقول

أسلوبه يغث .. ولا أسلوب يدي مع يدتي !

في الطلعة معاه حق تستأذنين منه مع انه مبين من كلامج قالها بأسلوب زفت

بس بالأشيا الثانية حتى لو معاه حق فأسلوبه وتفلسفه الـ over صاير يــغــث

وعن نفسي ما حب صيغة الأمر .. خله يعدل اسلوبه معاج !!!

 

[مرت علي]

واضح انه بيفرض نفسه وبيسيطر عليج ويبي يخلي زمام الامور بايده بس صدقيني شكله بيطخ ويتغير بعد الزواج واعرفي شلون تسايرينه عسى الله يوفقج ويجمع بينكم بخير

 

[أحبج يمه]

آنا بصرااحة معاااه وبالعكس آنا أشوووف كل اللي قاعد يقووله شي طبيعي يعني الصراحة آنا أشوف ان من حقه إنج إذا بتطلعين أي مكاان أكييد لازم تستأذنييين منه وثاني شي حلو إنه خلااج تطلعين لي الساعة عشر ومع رفيجاتج مرة بالاسبوع أظن كفاااية غيرج ريايييلهم مايرضون والحمدلله شكله يخاف علييج

وبالنسبة للعرس إهو ما يبي بس قال لج سوي ملجة كبيييرة وبفندق خلاص كنسلي الملجة وخليها عرس لبسي نفنوفج الابيض وعزمي اللي تبينهم كلهم أهلج ورفيجاتج واستانسي وصوري

وحبيبتي هاذا شي طبيعي المشاكل الصغيرة اللي تصير اول اياام الزواج بس إنتي لازم تكونين نعومة بردودج معاه يعني اهو قاعد يختبرج بهالفترة
وعسى الله يتمم عليكم على خير

 

[daana]

الطاعه والاحترام شي ضروري يعني والزوجه تحترم زوجها وتطيعه بس يعايرج بالمهر غريبه
ليش مارديتي عليه وقلت لي له انا استاهل المهر هذا ولا شايفني ماستاهل
بس مالومج مارديتي مصدومه اكيد
ترى اشفيه هذا شاد حيله حلاته اول ايامكم هدوء وركاده مو كله اوامر اشفيه شكله يحبج ويبي يسيطر عليج مو عارف
والله لو بالهدوء يخليج تسمعين كلامه بس شكله مايعرف يتصرف مع البنات او معقد

بعد هذا نصيبج ارضي فيه

 

[جوري 2007]

اثنيناتكم ماتصلحون لبعض