خلصنا من جذبة ابريل .... وبلشنا بالمناشب علي الملجه والزواج ...الله يعينكم يالمتزوجات

[كلكجيه]

انا بس قريت انقثييت !! شلون راضيه :/

 

[LuLiTa]

اسلوبه ما عجبني ,,بـ يسوي روحه سيد السيد و يفرض سيطرته من الحين !,,,و كله مزهب الدوا قبل الفلعة !!

يعني دقيق بشغلات وايد و طلباته فيه الصعبه و فيه السخيفة !

سالفه الاستئذان هذي صاج فيها لازم تاخذين اذنه بالدشة و الطلعه ,, لكن موضوع قطعي علاقتج برفيجاتج و حدج يوم واحد بالاسبوع اتشوفينهم فـ هذي ستوب !

رفيجاتج اهمه اختيارج و اذا اهمه ما عليهم شبهة اخلاقيه فـ مو من حقه يفرض عليج تقطعين علاقتج فيهم لانهم من اختيارج ,, و سالفة الطلعة معاهم فـ انتي اتحددينها هم انتي روح و بـ تتمشين و تطلعين و تغيرين جو حالج حاله لما يطلع مع ربعه ,, اذا انتي اساسا اجتماعيه طوول عمرج مع الناس فـ صعب اتصيرين بيتوتية و منعزلة عن الناس ,,, و هم الظروف تحكم يعني اكيد ما راح اتخلين رفيجاتج اولوية على حساب ريلج و بيتج و عيالج ,,, يعني اهو ماخذج و انتي متربية و سنعه و قد المسؤولية ليش هـ الاحكام السلبية من اولها !!

 

[LuLiTa]

اي و بعد شلوون اهو بروحه يتخذ كل القرارات المتعلقة فيكم قبل ما ياخذ رايج ؟ يخطط و يقرر و ينفذ و يحطج تحت الامر الواقع ! اشدعوه عليه !!

 

[ام - وهابي]

كل شي قاله اوكي الا سالفه اذا احد غلط عليج من اهلي لا تردين الا اهلي حلوه هذي وانتي مو مرته يعني انتي مو اهله !!
انا اقول اخذيه ووريه العين الحمرا والله مايمشون الا جذي

 

[الغاليه ام احمد]

والله ما ادري شقولج حبيبتي الظاهر مهما نقول انتي تبينه وتحبينه

بس بقولج شي لو هالريال خاطب وحده من بناتي ولو اهو من اهلي حتى لو انه ولد اختي

وهذا كلامه لبنتي والله امسكه الباب واقوله مالك مره عندنا

وابي شنو الصح في كلامه انتم ما دخلتوا للحين وهذا كلامه واوامره اذا دخلتوا راح يبدي الطق

اذا من الحين يامر ويهدد ابي هذا وهذا وسوي جذي وهدي هذا لا حبيبتي انتي بنت ناس

والله احسن لج تقعدين ببيت اهلج من هالريل اللي راح يوريج نجوم الظهر بعد الزواج

فنصيحه من وحده كبر امج لا تستعجلين بالزواج منه صبري وقولي لامج وابوج عن شروطه وقوانينه

وشوفي رايهم

 

[كتكات احمر]

حبيبتي كلامه صح 100 % ما اشوفه قال شي غلط
شي طبيعي تستاذنين منه
شي طبيعي اذا رفيجاتج مو زينين تقطعين علاقتج فيهم
شي طبيعي تردين مبجر البيت قبل العشر
شي طبيعي اذا خالتج اطلبت خدامتج تعطينها اذا كنتو في بيت واحد
شي طبيعي اذا احد غلط عليج من اهله ماتردين لانج بتسبيبين مشاكل بينهم فخلي يتصرف احسن من نفسه عشان لا يسيئ الظن بافعالج بعدين
واذا اهو مايحب الحيوانات فشي طبيعي بقولج مابي قطوتج

 

[كتكات احمر]

كلامه عدل ومافى شي زين منه راضى رفيجات وطلعات

الريال بس يبى حقوقه الطبيعيه بالاحترام بعد مايصير اختى انتى مو متزوجه طرطور وماخبرت رياييلنا يتاذنون من حريمهم اذا بيطلعون من البيت

واذا قال لها مجرد يعطيها خبر مو ياخذ الاذن منها

واذا احد زارج فى بيتهم الزياره لها اصول البيت مو بيتج لازم تستقبلين باوقات مناسبه حدهم 9 او عشر بالكثير واذا تبين الوقت مفتوح خل ايونج فى بيت اهلج

اشوفها مو لطيفه الحركه عروس وماكو ميانه واتسوين استقبالات حق رفيجاتج

طبعا انتى لج مطلق الحريه بس انتى ماحطيتى موضوع الا تبين اكثر من وجهه نظر وانا شوى متشدده بالبروتوكولات هذه

يعنى الاصول

والخدامه مايصير تقولين لها لاتخدمينهم بعد انتى قاعد وماكله وشاربه معاهم ماضن تطلع منج خاصه انج لازم تعطين صوره حلوه وطيبه عنج جدام اهله وجدام زوجج

ولاتحاتين ترا نص كلامه راح يطير بعد اول سنه كلنا جذى وين رايحه ووين راده بعدين من اتيبين لعيال مايسال عنج لن واثق فيج وعارف ام عياله والغيره تخف شوى من ناحيه وين رايحه ووين يايه

وبالنسبة حق لبسج ممممم مادرى فهمت انج مو متحجبه كونج تلبسين قصير

فى رياييل ياخذون البنت يبونها فرى وتلبس مايوهات بعد وفى لايبيها مومتحجبه بس بحدود ماكو قصير وشفاف وضيج ساتره ومرتبه وانيقه

امشى على كلام زوجج حبيبتى لاتاخذج الحمية واتخربين على نفسج وترا كلهم جذى بس البنات مايعلمون ومايقولون زوجى قالى جذى يعتبرونه سلبيات عشتو مايدرون هذه السنع
حلاته الريال شخصيه مو خيخه

والله يوفقج حبوبه واتمنى ان اتوسعين صدرج وماتزعلين من كلامى مع ان ماقلت الا الصج ,,,,,,,,.........

صح الكلام عاشت عيش ومررق :ggdw:

 

[zo'3a girl]

طبعا لازم تستاذنين منه قبل لاتطلعين شي طبيعي انتي قوليله حاضر وبعدين بالمسايس والكلام الحلو سوي اللي فبالج بدون اسلوب عناد
اهو بيفرض شخيصته عطيه جوه شوي وقوليله حاضر تامر وبعدين بيطخ شدعوه جذي جنه داش معركه بس لانه يبي يفرض هيبته شويات

 

[دلوعة صلوح]

عادى طوفى حبيبتى صدقينى عقب الزواج راح يتغير .

 

[ما كو اسم]

كل شي قاله اوكي الا سالفه اذا احد غلط عليج من اهلي لا تردين الا اهلي حلوه هذي وانتي مو مرته يعني انتي مو اهله !!
انا اقول اخذيه ووريه العين الحمرا والله مايمشون الا جذي

هو قال اهلج

 

[ما كو اسم]

بصراحه خوش ريال انتي العويه ومو فاهمه الدنيا عدل باجر لمن تتصفق فيج الدنيا من رفيجاتج ذيج الساعه قولي ياليت

 

[كراميلا مرة]

شسالفه من بدايتكم عناد وهواش
واسلوبه خطا جنه يكلم احد متهاوش وياه

 

[الحياه أحلى]

[ماادري جنكم بساحة حرب
كل هواشكم ونقاشاتكم على إفتراضات:bbbiu:
كل واحد يبي يفرض سيطرته على الثاني
أنتي كل ماقال شي قمتي تقولين لو ملجه رفيجتي واهلك لازم يستأذنون ومادري شنو !!!!
حبيبتي هالاشياء ماتنقال هالوقت بعدين تسوينها حزت الحزه
لاتخلينه يزهب أسلوب جايد بالتعامل معاج ويحاتي انج تفرضين سيطرتج عليه خلج قطيوة :eh_s(22):
ريلج من النوع الي تتصرفين معاه بالحيله يعني ماتبينن له أنج بتمشين كلمتج عليه عشان مايعاندج ويبط جبدج
وبعدين مااحس انكم فاهمين على بعض لازم تاخذين عليه وياخذ عليج
واهم شي نقاشاتكم تكون بإطار ودي :friends:[/QUOTE]





عين العقل ماكو تعليق بعده حللت وضعكم صج

 

[نفـــائس]

شكلج معاندية وراسج يابس اسمحيلي

ريلج بيفرض شخصيته عليج وسيطرته
كل الريايل قبل الزواج جذيه بيسوي روحه سي سيد
وهو قالج لا تعاندين تبعدني عنج هالكلمة حطيها قدامج
اسمحيلي تري هو ماطالب المستحيل حقوقه هذي
اصلن حرام عليج تطلعين ماتقوليله
من واقع تجربتي
وانتي اخذيه علي قد عقله انت تامر انشاللله مايصير خاطرك اللي طيب
انت تامر ماتطلب .......يابعد عمري ياقلبي ....حلي لسانج
انفخيه انفخيه نفخ بالهكلام .....لما ينبط ويطخ شبعيه بالكلام اول
ولله انتي الربحان بس يبلها صبر وتنزلات
خليه يحبج يتعلق فيج لاتعاندينه
انا ماقولج صير ذليله لا خلي لسانج حلو واحترام واهم شي تكلمي من غير نرفزه
باجر مع العشره بتتعودين هاالاسلوب
ولله فتره اثبات وجود بعدين بيطخ يقولج سوي اللي تبين
تري كل ريال له مفتاح يختلف عن الثاني
ريلج مفتاحه الاحترام وان شالله وتحت امرك تنازلي شوي بعدين انتي الكسبانه
ولله تصيرين ملكه بقلبه اهم شي عششي بقلبه عدل
بعدين هو بيسوي اللي تبينه

عااد انتي الله يهداج مو كل شي تبينه يصير علي هواج لازم التنازلات والرجال قوامون على النساء ........ومهما كان هذا ريلج وكلمته مسموعه

وذا انتي بتسوين حفله وحده بس خليها عرس لبسي الابيض احسن اقنعيه الخساير وحده والفندق واحد والاكل كل شي اللي بنسويه بالملجه بيتسوي نفسه بحفله العرس اللهم تغير مسميات
واالفستان الابيض
حاولي فيه من غير نرفزه وضبطي اعصابج وحلي لسانج وان شالله بيرضى


ربي يوفقج

 

[Kocheko]

اسلوبه ما عجبني ,,بـ يسوي روحه سيد السيد و يفرض سيطرته من الحين !,,,و كله مزهب الدوا قبل الفلعة !!

يعني دقيق بشغلات وايد و طلباته فيه الصعبه و فيه السخيفة !

سالفه الاستئذان هذي صاج فيها لازم تاخذين اذنه بالدشة و الطلعه ,, لكن موضوع قطعي علاقتج برفيجاتج و حدج يوم واحد بالاسبوع اتشوفينهم فـ هذي ستوب !

رفيجاتج اهمه اختيارج و اذا اهمه ما عليهم شبهة اخلاقيه فـ مو من حقه يفرض عليج تقطعين علاقتج فيهم لانهم من اختيارج ,, و سالفة الطلعة معاهم فـ انتي اتحددينها هم انتي روح و بـ تتمشين و تطلعين و تغيرين جو حالج حاله لما يطلع مع ربعه ,, اذا انتي اساسا اجتماعيه طوول عمرج مع الناس فـ صعب اتصيرين بيتوتية و منعزلة عن الناس ,,, و هم الظروف تحكم يعني اكيد ما راح اتخلين رفيجاتج اولوية على حساب ريلج و بيتج و عيالج ,,, يعني اهو ماخذج و انتي متربية و سنعه و قد المسؤولية ليش هـ الاحكام السلبية من اولها !!

باين عليه ضعيف شخصيه جدام اهله فمتفرعن عليج
باجر بيحرمج من هلج بعد .... ما ينفع كزوج

 

[Kocheko]

مع أحترامى فى ردود تبط الجبد
البنت مو عويه البنت صح هو اللى فى خللل فى شخصيته كل همكم الريايل ودافعون عنهم ؟؟؟؟؟؟؟؟

البنت لو متعوده على شىء صعبه تتنازل عنه وهى مع ربعها اوكى خلاص تقاطعهم ليش ؟
تتزوج وتتواصل معاهم مو غلط ولا حرام
هو بيترك ربعه عشانها ؟؟؟ لازم لو شيكون الوحده لازم يكون لها لو رفيجه وحده
بسكم هوس الريايييل

 

[G!RLooNa]

اغلب طلباته مافيها شي بس اسلوبه و طريقه الامر اهيا اللي مو حلوه

اول شي لازم تستادنين منه شي طبيعي هذا مايصير تروحين و تردين على كيفج لازم عنده خبر و اهوا ريال مو ملزوم ان يستاذن منج

ماتطلعين الا مره بالاسبوع ويا رفيجاتج لما ال10 حدا زين !! اكو اللي مايخلون حريمهم يطلعون خير شر و اكو اللي يخلونهم يطلعون و قبل لا ياذن المغرب اهما رادين اهوا مخليج لما ال10

ماكو لبس قصير من حقه انتي عرضه و شرفه و لحمج ما يشوفه احد غيره و قالج طولي اللبس فهمت انج سفور يعني هم ما فرض عليج تغيير جذري تحجبي لبسي عباه لبسي نقاب بس قالج طولي لبسج عادي

و اذا اخوانه قالولج كلمه هذا اللي المفروض يصير ماتراددينهم يعني حلو شكلج توقفين تراددين الرياييل حتى لو غلطان كلمي ريلج يتفاهم معاه

العرس عادي صج ان حلم كل بنت بس قالج سوي ملجه كبيره و قاعه و عزمي اللي تبينه و بعدين حبيبتي مهرج مو شويه الله يهنيج فيه عشان ماتقولين احسدج بس ترا وايد بنات مهورهم ال4 مافيها ولا ديناو زياده و اكو اللي على 5 و 6 العموم جذي انتي معطيج اللي يكفيج و زياده سوي فيهم اللي تبينه

انا اشوف معاه حق باغلب اللي طلبه لكن طريقته تخلي الواحد يكش شوي

 

[مسك الجنه]

الله يعينج عليه ويسخره لج يارب​

 

[غلا،،]

امممم انا بالنسبه لي ورايي الشخصي لو انا بمكانج ما راح اجادله ولاشئ بالعكس بكون حاضره لكل طلب لانه كل الي قاله واطلبه فيه من الصحه وهذا حقه وزوجج وعليه حقوق يعني المفروض اي خطوه يكون له علم... وهذا زواج مو لعبه ضروري التفاهم واحترام راي الزوج وعدم مخالفته لانه مستحيل بيقول شئ وفيه مضره لي على قولته .. كل شئ يسويه لمصلحتي وخوفه علي..وطاعة الزوج ورضاه من رضا رب العالمين....
وصدقيني لا تزوجتي وصبرتي عليه في حالة وجود عيوب ربي بيرزقج ثمرة هالصبر....وبأمكانج انتي تصلحين هالعيوب فيه.. هذا هو الزواج ((مسؤوليه)) وللأسف ((( بعــــــض))) بنات الوقت ما تعرف شلون تتعامل مع هالمسؤوليه كل ما صار شئ طقت خراجينها وراحت لبيت اهلها وين التفاهم وين شطارتج في تحسين هالعلاقه باييدج تقدرين تخلين هالعلاقه جنه.

هذا رايي الشخصي ..^ــ^..
وسوري عالاطاله...

ربي يوفقج في حياتج ويرزقج على قد نيتج....^ـ^....

تقبلـــ مروري ــــــــــــــي

 

[a7ebah]

زوجج مو طبيعي
بس شوفي
اهو لأنه للحين شايل عليج من كذبة ابريل
قاعد يقول لج قرارات وكلام وايد
بس صدقيني بس يهداا وتصفى نيته
هالقرارات كلها بتتكنسل واحد ورى الثاني

والله يعينج عليه اذا جذي من البدايه
والله يسخره لج