خلصنا من جذبة ابريل .... وبلشنا بالمناشب علي الملجه والزواج ...الله يعينكم يالمتزوجات

[cat-girlq8]

اقووول البعد عنه غنيمه

لا حراام اهوا خوش ريال بس حجر وايد وينرفز

 

[cat-girlq8]

الله يعينج حبيبتي بجد زوجك يرفع الضغط​

ليش ماتكلمين امج بالموضوع وتشوفين رايها لأن خبرتها بالحياة أكثر إن شاء الله تفيدج​

ومنها تقررين مصيرج ، بعدين إنتي لازم أبوج يحط شروط حقج قبل الزواج إحنا نسوي جذي عجبة أهلا وسهلا ​

ماعجبه الحريم ترس الديرة ، القرار الأول والأخير بيدج فكري عدل وإستشيري أمج والله يوفقج يارب​

بصراحه اهلي يقولون لي هذي حياتج وفكري عدل هذا زواج مو لعبه اخذي وقت كافي بالتفكير
احس اني مقيده لازم اي شي يصير اقوله
واليوم تنرفز يوم قلت له انا قلت حق رفيجتي انه ماييرضي اللبس قصير ومن هالحجي جان تقولي رفيجتي مالج شغل فيه بعد الزواج يطخ
مادري شلون قلت له هالحجي من غير قصد
جان يعصب قالي شي زين وايد حلو انج تقولين حق رفيجاتج اي شي يدور بينا
قلت له قلت لها من غير قصد
وظل ساكت

 

[cat-girlq8]

.
قالت كل اللي بقوله

والله يوفقكم ويهديكم


.

تسلمين ياقلبي والله يوفقج ويانا

 

[cat-girlq8]

شوفي اهو في اشياء بكلامه صح وفي غلط

يعني اسلوبه كلش مو حلو معاج .. الله يعينج عليه

================

اي اقولج كلامه ينرفز ويرفع الضغط وكل شي يبيه اوامر
يعني من اللحين يبي يكون سي سيد بالغصب مو طيب مني

 

[cat-girlq8]

كلامه ما فيه شئ

يمكن انتي تحبين يكون طبع الريال جذي الي يعطي الاوامر
بس انا لاء مايعجبني هالاسلوب

 

[cat-girlq8]

شكله شخصيته ضعيفه وماله كلمه ويبي يسوي شخصيه عليج

احساس بالنقص يعوضه الله يعينج

-----------

لا شخصيته مو ضعيفه بالعكس اسلوبه مع الكل جذي وواضح وصريح من البدايه

 

[cat-girlq8]

يالسه اقرا طلباته ولاعت جبدي
كلش مايترقع ذي
كانه يبي يطفرج بس بطريقة غير مباشر
ووواتوقع يالس يختبرج وهذي حركات الريايل
مادري شحسون فيه :ٍ

=========

لالا انا قلت له انت اكيد اتغشمر قالي مستحييلل انا واحد بهالامور دايركت ماكو غشمره ولا لف ودوران
الله المستعان

 

[cat-girlq8]

حبيبتي لاتعودينه انك تتنازلين في البدايه

هاذي مو بس حياته هو هاذي حياتك ومستقبلك ما اقولك لاتسمعين كلامه بالعكس هذا شي واجب عليك

بس بحدود المعقول مو يلغي كيانك وشخصيتك ويصير هو الامر والناهي وانتي مطلوب منك تسكتين

ولو ان الشغله مو عاجبتج

تفاهمي معاه من الحين وقبل الارتباط الرسمي

الحياه الزوجيه مشاركه وتفاهم بين الشخصين

وبعدين ماتسمعين المثل الي يقول زوجك على ماعودتيه << ترا ما يعجبني بس هذا الحاصل

والله ييسرها ويسعدك وويوفقك

========

والله كلامج يبرد القلب يابعد جبدي
صح هذا اللي انا وصلته له بس بطريقتي الخاصه بس لاحياة لمن تنادي

 

[cat-girlq8]

كوني له أمة يكن لك عبدا ​

=========

بصراحه هالمقوله ماتمشي بقاموسي للاسف

 

[cat-girlq8]

حبيبتي مبين ان صايره بينكم سوالف من قبل
واهو خايف
صح ؟

انتي معاندته من قبل ؟
وبعدين لا تييبين له طاري رفيجاتج وايد
رفيجاتي ورفيجاتي
ترى الرياييل يغارون
حسسيه انه اهم شي بحياتج
واذا بتطلعين قوليله بطلع معاهم ماراح يقولج لا

========

اي كنت مسويه فيه دقه .. جذبة ابريل سالفه طويله
اهوا يعرف طبعي اني عنيده وماحب اتنازل عن الشي بسهوله من جذي اهوا بلش يستخدم معاي هالسياسه

 

[cat-girlq8]

انا ماعرف اذا بينكم شي من قبل بس من اللي قريته اشوف ماقال شي غلط وكل طلباته ممكن اي زوج يقولها

بعدين اسمحي لي بس احسج دلوعه حيل

يعني سالفة الخدامه زين منه رضا شكو تجيبين شغالتكم معاج وانتي ماعندج عيال ولا شي شنو بتسوي لج هههههههههههههههههه


اقولج شغلة زوجج شكله يجي بالحيلة والمساحل اما سالفة انج بتعاندينه وتحطين راسج براسه صدقينـي انتي الخسرانه

وعن انج تستأذنين منه قبل ما تطلعين ترا شرعـًا معاه حق قبل ما تطلعين المفروض تقولين له انا رايحه المكان الفلاني ولا بطلع مع رفيجاتي واذا رفض من حقه يمكن يشوف شي انتي ما تشوفينه برفيجاتج .. ونصيحة ترا رفيجاتج ماراح ينفعونج صدقيني انا ماقول اقطعي عنهم بس حياتج اولى

انتي حاولي ماتشدين معاه يعني مثل يوم يقولج زوارتنا كل يوم خميس وشي ضروري تجين المفروض انج مو مبينه انج بتعاندينه من الحين اول الوقت بيشد بس بعدين بيتغير الكلام

انا اقول انتي مو عارفتله ليما الحين والله يسخركم لبعض

======


اي والله لاني دلوعة بابا فا من جذي شكله بيستخدم معاي هالسياسه
سياسة فرض رايه غصب طيب
ومن ناحية الخدامه انا متعوده عليها من زمان وكانت بتسافر بس بصراحه قلت لها قعدي وانا ازيد راتبج وباخذها معاي لانه بصراحه الفلبينيه لقطه من ناحية البدكير والمنيكير ومساج حق الراس والجسم
ما اقدر اطووفها
بس تصدقين الغلط مني لانه يتضايق كل ما اتكلم عن صديقاتي المفروض ما ايب سيرة ولا وحده جدامه

 

[cat-girlq8]

صراحه انا معاه بأشياء واجد
من ضمنها الاستئذان بكل مكان تطلعين له
انا حتى لو مستوصف استأذن
حتى وانا ابيت اهلي استاذن
وزين يخليج مع رفيجاتج تطلعين... والله احنا ممنوع

وصدقيني يمكن اهوه قاسي معاج ونظام تجنيد لووول عشان كاااش من رفيجاتج او من لبسهم او شاف حركات ماعجبته بس انا شايفته صريح حيل
وبالنسبه لخدامتج اهله يامرون عليها لا صراحه.......... خدامتج اهلج جايبينها لج مو اهوه

============

لا ماحب جذي شنو بكل شي استأذن منه مايصير بصراحه ملل
وبعدين اي عادي يخليني اطلع مع رفيجاتي ولا وشكله كل يوم والثاني يغير رايه يا اي او لاء
لانه يغار من رفيجاتي بطريقه ماتتصورينها
شفتي شلون قهر انه يقول من اللحين الخدامه تخدم اللي بالبيت كله شكووو خدامتي الخاصه شكو البيت كله

 

[cat-girlq8]

حبيبتتى احسة جنه قاعد يختبرج يبيشوف غلاته بقلبج .وبعدين( انكيدهن عظيم) مذكوره بالقران. تكدريين بعد العشرة تغيرنه بطريقة غير مباشرة . لا تقوله لا بطريقة مباشرة

---------------

والله جايز انه يختبرني بس مو جذي طلباته كلها اموار
حتي قلت له لا تحسسني انك هارون الرشيد وانا الجاريه اللي كله تقولك امرك مطاع
قالي لا والله تطنزين بعد

 

[اللعبه]

ودي اعرف جم عمرج ..؟؟
والسؤال الثاني انتي ارفع منه مستوى عائلي ؟؟
بعدين اذا هو راح يدفع حق الخدامه الراتب بعد ما فيها شئ اذا ساعدة اهله
هونيها وتهون لا تاخذين الامور بصعوبه

 

[noo7a]

الزواج اخذ و عطا
لازم الطرفين يلينون عشان تمشي الحياة
بالنسبه حق موضوع الطلعه من حقه انج تستاذنين منه بكل طلعه و دخله بس بصراحه عمري ماسمعت ان ريال يستاذن من زوجته
وبعدين موضوع رفيجاتج اكيد لمن تتزوجين ماراح تجابلينهم 24 ساعه
و على سالفه الملجه و العرس اهو قالج سوي ملجه كبيره و بفندق و و و والعرس مايبيه لان عوار راس فالي فهمته ان مو حاب سالفه العرس عشان اهو يدخل خلاص سوي العرس و مولزوم يدخل اهو عشان على قولته عوار الراس و اللويه

 

[عيش و مرق]

كلامه عدل ومافى شي زين منه راضى رفيجات وطلعات

الريال بس يبى حقوقه الطبيعيه بالاحترام بعد مايصير اختى انتى مو متزوجه طرطور وماخبرت رياييلنا يتاذنون من حريمهم اذا بيطلعون من البيت

واذا قال لها مجرد يعطيها خبر مو ياخذ الاذن منها

واذا احد زارج فى بيتهم الزياره لها اصول البيت مو بيتج لازم تستقبلين باوقات مناسبه حدهم 9 او عشر بالكثير واذا تبين الوقت مفتوح خل ايونج فى بيت اهلج

اشوفها مو لطيفه الحركه عروس وماكو ميانه واتسوين استقبالات حق رفيجاتج

طبعا انتى لج مطلق الحريه بس انتى ماحطيتى موضوع الا تبين اكثر من وجهه نظر وانا شوى متشدده بالبروتوكولات هذه

يعنى الاصول

والخدامه مايصير تقولين لها لاتخدمينهم بعد انتى قاعد وماكله وشاربه معاهم ماضن تطلع منج خاصه انج لازم تعطين صوره حلوه وطيبه عنج جدام اهله وجدام زوجج

ولاتحاتين ترا نص كلامه راح يطير بعد اول سنه كلنا جذى وين رايحه ووين راده بعدين من اتيبين لعيال مايسال عنج لن واثق فيج وعارف ام عياله والغيره تخف شوى من ناحيه وين رايحه ووين يايه

وبالنسبة حق لبسج ممممم مادرى فهمت انج مو متحجبه كونج تلبسين قصير

فى رياييل ياخذون البنت يبونها فرى وتلبس مايوهات بعد وفى لايبيها مومتحجبه بس بحدود ماكو قصير وشفاف وضيج ساتره ومرتبه وانيقه

امشى على كلام زوجج حبيبتى لاتاخذج الحمية واتخربين على نفسج وترا كلهم جذى بس البنات مايعلمون ومايقولون زوجى قالى جذى يعتبرونه سلبيات عشتو مايدرون هذه السنع
حلاته الريال شخصيه مو خيخه

والله يوفقج حبوبه واتمنى ان اتوسعين صدرج وماتزعلين من كلامى مع ان ماقلت الا الصج ,,,,,,,,.........

 

[زهره الجلنار]

الله يعينج

 

[فيونكه..~!]

,,
الله يعينك صـــرآآآحه

,,

 

[أماني عمري]

=========

بصراحه هالمقوله ماتمشي بقاموسي للاسف

الريال مثل الياهل، عطيه اللي يبي و تقدرين تاخذين منه اللي تبين، هالشي تعلمته من زميلاتي و حريم العايلة و نفس الشي مع ابوي أقص عليه هههههه

طبقيها صدقيني انتي الربحانة و العناد يورث الكفر و العياذ بالله، خلج هينة لينة معاه دام شاريج و يحبج لأن الحب بهالوقت من المستحيلات

الله يهديكم لبعض و يتمم عليكم :eh_s(7):

 

[طيف نجد]

فرقاه عيد