خلصنا من جذبة ابريل .... وبلشنا بالمناشب علي الملجه والزواج ...الله يعينكم يالمتزوجات

[PuPa^^SWeeT]

حبوووووبة

الريال ماقال شي

استاذني منه عالطلعات و ماقالج لاتروحين ويا صديقاتج

قالج قبل ال 10 انتي بالبيت

عادي مو جايدة يعني بتطلعين وياهم ليل 12 مثلا

10 منطقية


انزيين قالج خدامتج اتساعد امي اكييد اتساعدها

و مو حلوة بحق خالتج حبيبتي لو سمحتي ابي خدامتج شوي شكوو

والله العكس صحييح و قالوولج حموولتج استاذني جان قلتي واااي شنو باكلها لوووول

الشي الثاني صح كلاامه اخواانه لو قلو ادبهم اهوو يتصرف مو انتي هذييل رياييل و قالج انا اتصرف يعني بيوقف وياج

و اخر شي انيي للي مايحبوونه العالم زوارة الحموولة

شي اكييد يبييج بالزيارة ومايبي اعذاااار واهية


انتي سؤالي بس ليش اتراددينه ليش كله تبييين عكسه ؟؟؟

وماسالفة ملجة رفيجتي بنفس يوم الزوارة هذا ساااابق لاوانه حده


والريال دافع مهر يمكن فعلا خلصت فلووسه و مايقدر

لا اتولييين كل شي للسوااد


يعني ريال قااالج بالضبط شنو يبي منج


بالضبط


وسالفة رفيجاتج ما ارتااح لهم تراا هذا حق الريال سوري يعني اذا حص انه اذا رفيجتج خفييفة ولا لو فيها شي

وانتي اتسولفيله يعني اهوو يستشف ورا كلامج اخلاق رفيجاتج

انتي تبين الريال


ترا مبين يبييج عمر كله مايبييج بيجربج تمشيين ولا لأ

علشان جذي قالج شنو يبي بالضبط

انتي تبيين حدته اتخف ابتسمي بويهه عطييه كلام حلوو و ريحي باااله

 

[cat-girlq8]

ودي اعرف جم عمرج ..؟؟
والسؤال الثاني انتي ارفع منه مستوى عائلي ؟؟
بعدين اذا هو راح يدفع حق الخدامه الراتب بعد ما فيها شئ اذا ساعدة اهله
هونيها وتهون لا تاخذين الامور بصعوبه

==========

انا عمري 24 واهوا 26
والمستوي العائلي مااشوف فيها فرق يعني عادي اذا انا اعلي منه او اهوا اعلي مني اهم شي التفكير السليم والصحيح
ماتفرق معاي اهوا اللي بيدفع او انا بس ماحب انه شي يكون خاص فيني لي بروحي يكون حق غيري
ادري بتقولين نحاسه بس شسوي انا طبعي جذي

 

[cat-girlq8]

الزواج اخذ و عطا
لازم الطرفين يلينون عشان تمشي الحياة
بالنسبه حق موضوع الطلعه من حقه انج تستاذنين منه بكل طلعه و دخله بس بصراحه عمري ماسمعت ان ريال يستاذن من زوجته
وبعدين موضوع رفيجاتج اكيد لمن تتزوجين ماراح تجابلينهم 24 ساعه
و على سالفه الملجه و العرس اهو قالج سوي ملجه كبيره و بفندق و و و والعرس مايبيه لان عوار راس فالي فهمته ان مو حاب سالفه العرس عشان اهو يدخل خلاص سوي العرس و مولزوم يدخل اهو عشان على قولته عوار الراس و اللويه

=================
اي استأذن منه بس بشكل يومي بصراحه ملل شنو يعني مره كنت قاعده معاه ودقت رفيجتي جان يقولي منو قاعده تحاجين ؟ نعم شكوو
اعتبرها خصوصيه منو قاعد احاجي يعني تلفونه يرن ويكلم ربعه وانا مااقوله منو قاعد تكلم ماحب اقط ويهي
بصراحه رفيجاتي من ايام الابتدائي مستحيل اني اقطع علاقتي فيهم اهوا شكله قاعد يبين لي انه مايبيهم لانه مره قالي انا ماحبهم قلت له لا تحبهم واذا ماحبيتهم بينقصهم شي
لالا بسوي عرس ولا زم يدش غصب طيب يدش شنو بيبخل علي بهاليوم يعني

 

[cat-girlq8]

كلامه عدل ومافى شي زين منه راضى رفيجات وطلعات

الريال بس يبى حقوقه الطبيعيه بالاحترام بعد مايصير اختى انتى مو متزوجه طرطور وماخبرت رياييلنا يتاذنون من حريمهم اذا بيطلعون من البيت

واذا قال لها مجرد يعطيها خبر مو ياخذ الاذن منها

واذا احد زارج فى بيتهم الزياره لها اصول البيت مو بيتج لازم تستقبلين باوقات مناسبه حدهم 9 او عشر بالكثير واذا تبين الوقت مفتوح خل ايونج فى بيت اهلج

اشوفها مو لطيفه الحركه عروس وماكو ميانه واتسوين استقبالات حق رفيجاتج

طبعا انتى لج مطلق الحريه بس انتى ماحطيتى موضوع الا تبين اكثر من وجهه نظر وانا شوى متشدده بالبروتوكولات هذه

يعنى الاصول

والخدامه مايصير تقولين لها لاتخدمينهم بعد انتى قاعد وماكله وشاربه معاهم ماضن تطلع منج خاصه انج لازم تعطين صوره حلوه وطيبه عنج جدام اهله وجدام زوجج

ولاتحاتين ترا نص كلامه راح يطير بعد اول سنه كلنا جذى وين رايحه ووين راده بعدين من اتيبين لعيال مايسال عنج لن واثق فيج وعارف ام عياله والغيره تخف شوى من ناحيه وين رايحه ووين يايه

وبالنسبة حق لبسج ممممم مادرى فهمت انج مو متحجبه كونج تلبسين قصير

فى رياييل ياخذون البنت يبونها فرى وتلبس مايوهات بعد وفى لايبيها مومتحجبه بس بحدود ماكو قصير وشفاف وضيج ساتره ومرتبه وانيقه

امشى على كلام زوجج حبيبتى لاتاخذج الحمية واتخربين على نفسج وترا كلهم جذى بس البنات مايعلمون ومايقولون زوجى قالى جذى يعتبرونه سلبيات عشتو مايدرون هذه السنع
حلاته الريال شخصيه مو خيخه

والله يوفقج حبوبه واتمنى ان اتوسعين صدرج وماتزعلين من كلامى مع ان ماقلت الا الصج ,,,,,,,,.........

------------

بالعكس عيش ومره والله مو زعلانه منج اصلا انتي السنع كله بس انا بخالفج بجم نقطه
مو حلوه انه باجر اعزم صديقاتي عندهم بالبيت واهوا يدق علي تلفون يقولي خلي رفيجاتج يمشون امي تبي تنام ؟!!
قالها لي جم مره انا افضل انج ماتطلعين مع رفيجاتج برا افضل انهم ايوون بيتنا ويطلعون قبل الساعه 11 لانه امي بتنام وبتاخذ راحتها
وبعدين هم مو حلوه انه يقولج اذا اخوي غلط عليج لاتردين عليه !! ولا بكلمه واذا رديتي احتمال انا امد ايدي عليج ؟ حتي هني تناجرت معاه قلت له شفيك انت ليش تكلمني بهالطريقه انا بنت ناس مو لاقيني بالشارع وبعدين ماعاش اللي يمد ايده علي غير ابوي ولا راح يعيش هني انصدم قالي لا زين كلامج وايد زين صج انج سنعه قلت له واسلوبك معاي بهالطريقه اسلوب واحد ذرب يعني وظل ساكت فتره وكل ما اكلمه يجعمني
امانه هذا اسلوب واحد متعلم في مدرسه امريكيه وخريج جامعه ؟
وبالنسبه للخدامه يقولي خدامتج تيي تخدم اهلي يعني مو بس انتي بروحج ؟
انزين ليش كل كلامك اوامر ؟ يعني عسي ماشر داش حرب ولا معركه
في اشياء تنرفز ياعيش ومرق والله
رفيجاتي يقولون لي فكري في الزواج تري اذا هذا اوله ينعاف تاليه بس بصراحه هالشخص وايد زين ماعنده خرابيط نفس باجي الشباب
ومحترم حييل

 

[cat-girlq8]

الله يعينج

========

اجمعين ياقلبي

 

[cat-girlq8]

,,
الله يعينك صـــرآآآحه

,,

============

اجمعيييين يا عمري

 

[cat-girlq8]

الريال مثل الياهل، عطيه اللي يبي و تقدرين تاخذين منه اللي تبين، هالشي تعلمته من زميلاتي و حريم العايلة و نفس الشي مع ابوي أقص عليه هههههه

طبقيها صدقيني انتي الربحانة و العناد يورث الكفر و العياذ بالله، خلج هينة لينة معاه دام شاريج و يحبج لأن الحب بهالوقت من المستحيلات

الله يهديكم لبعض و يتمم عليكم :eh_s(7):

=========

بس يعل القلب
اسلوبه ساعات ينرفز كل شي يبيه فرض يعني غصبا عليج تسوين هالشي

 

[cat-girlq8]

فرقاه عيد

=========

كل واحد فيه سلبيات وايجابيات
بس ننظر للايجابيات من ناحية انه ماعنده سوالف وخرابيط

 

[دعابة الشـتاء]

مادري توقعتج اصغر من عمرج
بصراحه انا شايفة ان اغلب كلامه عادي
واسلوبه اعتقد بسبب الجذبة مدري ليش احسه يختبرج خصوصا بسالفة ماكو شقه وانا وياج بغرفة وحدة !!!!!
عموما انتي باين عليج تختلفين معاه بالشخصية عشان جذيه
مو متقبلته ومو متقبله بعض الردود استخيري بهالزواج
ومراح يفيدج كلامي وكلام البنات والله يوفقج عزيزتي
تقبلي مروري المداعب

 

[cat-girlq8]

انا بس قريت انقثييت !! شلون راضيه :/

=============

شفتي هذا وانتي قريتي ونغثيتي فما بالج انا اللي مجايلته فيس تو فيس

 

[cat-girlq8]

اسلوبه ما عجبني ,,بـ يسوي روحه سيد السيد و يفرض سيطرته من الحين !,,,و كله مزهب الدوا قبل الفلعة !!

يعني دقيق بشغلات وايد و طلباته فيه الصعبه و فيه السخيفة !

سالفه الاستئذان هذي صاج فيها لازم تاخذين اذنه بالدشة و الطلعه ,, لكن موضوع قطعي علاقتج برفيجاتج و حدج يوم واحد بالاسبوع اتشوفينهم فـ هذي ستوب !

رفيجاتج اهمه اختيارج و اذا اهمه ما عليهم شبهة اخلاقيه فـ مو من حقه يفرض عليج تقطعين علاقتج فيهم لانهم من اختيارج ,, و سالفة الطلعة معاهم فـ انتي اتحددينها هم انتي روح و بـ تتمشين و تطلعين و تغيرين جو حالج حاله لما يطلع مع ربعه ,, اذا انتي اساسا اجتماعيه طوول عمرج مع الناس فـ صعب اتصيرين بيتوتية و منعزلة عن الناس ,,, و هم الظروف تحكم يعني اكيد ما راح اتخلين رفيجاتج اولوية على حساب ريلج و بيتج و عيالج ,,, يعني اهو ماخذج و انتي متربية و سنعه و قد المسؤولية ليش هـ الاحكام السلبية من اولها !!

=================

شفتي شلون
لا والمشكله يقولي انا مو مرتاح لهم ؟......... ياسلام عليك يعني هذولا عشرة عمر وياي
قلت له ماتشوف شر لا ترتاح لهم بس انا مرتاحه لهم وايد صديقاتي من ايام الطفوله
قالي انتي كلامج وايد زين ماشاء الله عليج
يتطنز حضرته
لا ويقولي اذا طلعتي مع رفيجاتج مره وحده بالاسبوع اول ما ادق عليج واقولج ردي البيت علي طول تردين قلت له هووو
مو توك تقول اخر وقت وحزه لج ترجعين البيت الساعه 10 قالي اذا انا دقيت وقلت لج ردي الساعه 8 كيفي بطلع معاج شنو ما اطلع مع مرتي ........
انا طقتني البوهه
احسه يبي يمتلكني بااي طريقه

 

[cat-girlq8]

اي و بعد شلوون اهو بروحه يتخذ كل القرارات المتعلقة فيكم قبل ما ياخذ رايج ؟ يخطط و يقرر و ينفذ و يحطج تحت الامر الواقع ! اشدعوه عليه !!

===========

واي اللي يقهررررررررررررررر واللي يبط الجبد اليوم الظهر داق علي وانا بالدوام اقوله
يقولي مشغوله قلت له لا بس بعد الدوام بروح سوق شرق مع صديقتي جان يقولي وليش مادقيتي وقلتي لي انج بتروحين سوق شرق
انا علامة تعجب تحووس فوق راسي !!! قلت له نعم !!! اقول تري احنا مخطوبين مو متزوجين يعني انا اخذت الاذن من ابوي
لالالا مو طبيعي

 

[cat-girlq8]

كل شي قاله اوكي الا سالفه اذا احد غلط عليج من اهلي لا تردين الا اهلي حلوه هذي وانتي مو مرته يعني انتي مو اهله !!
انا اقول اخذيه ووريه العين الحمرا والله مايمشون الا جذي

=========

اي هالكلمه تقهررر والله العظيم حسيت بحرارة بجسمي جنه احد ماخذ جدر ماي حار وكابه علي
كلامه يقهر ويبط الجبد
يعني شنو واحد يغلط علي جدام الكل والجميع وانا بضل نفس الطوفه ساكته وانطر السي سيد يتفاهم معاه

 

[cat-girlq8]

والله ما ادري شقولج حبيبتي الظاهر مهما نقول انتي تبينه وتحبينه

بس بقولج شي لو هالريال خاطب وحده من بناتي ولو اهو من اهلي حتى لو انه ولد اختي

وهذا كلامه لبنتي والله امسكه الباب واقوله مالك مره عندنا

وابي شنو الصح في كلامه انتم ما دخلتوا للحين وهذا كلامه واوامره اذا دخلتوا راح يبدي الطق

اذا من الحين يامر ويهدد ابي هذا وهذا وسوي جذي وهدي هذا لا حبيبتي انتي بنت ناس

والله احسن لج تقعدين ببيت اهلج من هالريل اللي راح يوريج نجوم الظهر بعد الزواج

فنصيحه من وحده كبر امج لا تستعجلين بالزواج منه صبري وقولي لامج وابوج عن شروطه وقوانينه

وشوفي رايهم

=============

والله شفتي انا يوم عدادي ارتفع الف قلت له علي فكره البيت اللي ظفني وانا صغيره مو عيزان يشيلني وانا كبيره
شنو كل شي تبيه بالفرض والامر
قالي مو انتي نقاش ماينفع معاج

 

[cat-girlq8]

حبيبتي كلامه صح 100 % ما اشوفه قال شي غلط
شي طبيعي تستاذنين منه
شي طبيعي اذا رفيجاتج مو زينين تقطعين علاقتج فيهم
شي طبيعي تردين مبجر البيت قبل العشر
شي طبيعي اذا خالتج اطلبت خدامتج تعطينها اذا كنتو في بيت واحد
شي طبيعي اذا احد غلط عليج من اهله ماتردين لانج بتسبيبين مشاكل بينهم فخلي يتصرف احسن من نفسه عشان لا يسيئ الظن بافعالج بعدين
واذا اهو مايحب الحيوانات فشي طبيعي بقولج مابي قطوتج

==================

كل شي عندج طبيعي ؟؟؟
عيل شنو الشي المو طبيعي عندج

لا طبعا ماحب لا اهو ولا عشره منه يغلط علي انا قلت له مستحيييييييييييييييييل راح اسكت
يعني حطي نفسج مكاني اخو ريلج يغلط عليج جدام الحضور وانتي بتكونين ساكته
انا اشرف لي اني اتطلق ولا انه احد من اهله سواء اهله ولا اهلي يهيني ويقلل من قدري واحترامي

 

[cat-girlq8]

صح الكلام عاشت عيش ومررق :ggdw:

تحياتي لج ولعيش ومرق
:eh_s(15):

 

[cat-girlq8]

طبعا لازم تستاذنين منه قبل لاتطلعين شي طبيعي انتي قوليله حاضر وبعدين بالمسايس والكلام الحلو سوي اللي فبالج بدون اسلوب عناد
اهو بيفرض شخيصته عطيه جوه شوي وقوليله حاضر تامر وبعدين بيطخ شدعوه جذي جنه داش معركه بس لانه يبي يفرض هيبته شويات

=============

انا معاج اقوله حاضر بس مو بكل شي وبعدين انا ماحب اجامل ليش اجامله من اولها لا
احب احط النقط عالحروف واكون واضحه معاه

 

[cat-girlq8]

عادى طوفى حبيبتى صدقينى عقب الزواج راح يتغير .

اتمني انه يغيرر قبل الزواج

 

[cat-girlq8]

هو قال اهلج

==========

اي قال اذا احد غلط علي من اهلي لاتردين عليه

 

[cat-girlq8]

بصراحه خوش ريال انتي العويه ومو فاهمه الدنيا عدل باجر لمن تتصفق فيج الدنيا من رفيجاتج ذيج الساعه قولي ياليت

=================

والله محد عوي غيرج انتي
انتي شكلج تحبين الواحد اللي يدوس ابطن الوحده ويعطيها العين الحمرا ويشوف كرامتها تنهان واهوا يوقف بموقف المتفرج اللي قاعد يطالع ويقولج لاتردين علي احد من اهلي اذا غلطو عليج لاني انا راح ارد عليه بطريقتي
مادري في زمانا في بنات يحبون الذل والاهانه ؟ عشان ريال ؟؟