خلاص تعبت اليوم اخر يوم من شهري وباجر ادش العاشر!!!!

[ام زاكي]

سمعي طريقتي والله انها جابت لي ولاده في يومين

اتنقع في البانيو واحط يمي كاس منقوع الزنجبيل ومنقوع اليانسون ومنقوع كف مريم

وانا في البانيو اشربهم الله وكيلج يومين طلق وجاتني ولاده بسهاله الحمد لله وكان الرحم مفتوح 3 سم

الخروع يلوع الجبد كلش مو حلو لاتجربينه كلش والمشي ماكنت اقدر امشي كنت تعبانه واجد اعتمدت على هالطريقه وبس

الله يسهل عليج حبيبتي

 

[انجبر قلبي]

الله يهون عليج يا رب بشري شنو صار عليج

آنا بجر بس من اهلنا اللي تمشي مشي تولد بسرعه

لاا كلما تمشين تحسين راس البيبي ينزل

ن

 

[FuSheYa]

ياااابعد قلبي والله ريحتوووني واستانست من ردودكم

ودي ارد على وحده وحده وأشكركم والله

اللي صار اني رحت للدكتوره امس وكان اول يوم بالعاشر

افحصتني والا ليلحين ٢ سانتي

قالتلي البجر نعطيها اسبوع زياده واول ايام الحكومه كنا نعطيهم اسبوعين
بس الحين بالخاص حدنا اسبوع

المهم قالتلي استمر على الي اطلبته مني
أهيا معطتني ورقه كاتبه فيها اغلب اللي قلتووه ماشاءالله

قراءه سوره مريم
دارسين
حلبه
زعفران وحليب
مشي
جماع
أناناس عصير او اكل

خذيت حلبه اليوم توني شريت ولهمتها مع عسل أهيا جذي كاتبه او مغليه بماي

وشربت دارسين
بس ماقدرت امشي تقريبا كنت طول اليوم نايمه من التعب
احس ريوولي الجفسه صوب الحوض تذذذذذذبح
جنها مكسوره ماقدر أتحرك

بس ان شاءالله اليوم أحاول امشي وبسوي حركه الحمام العربي مكرم السامع


وايييي عطتني موعد فحص للبيبي للقلب والماي يوم وترك تقول لازم لان هالفتره خطره على البيبي

وآخر موعد يوم الاربعا الياي
اذا ماولدت بهالايام ورحت موعدي راح تدخلني بليل المستشفى وتولدني الخميس


ان شاءالله ياااارب ما ايي موعدي الا وانا وااااالده

مشكوورين مره ثانيه
ووعد اذا صار شي راح اقولكم على طوووول يا احلى بنااات :***

 

[yasmeen_q8]

الله يسهل عليج يا رب وتولدين بالسلامه وتشوفين النونو بحضنج يا رب

 

[yasmeen_q8]

ماعندي خبره ومادري بس بقترح شي ما يصير تعطيج تحاميل تفتح الرحم وطلق صناعي ؟! لان مرت اخوي ولدت جذي راحت قبل التاسع بجم يوم وطلبت طلق صناعي وتحاميل وفعلا ولدت وولدها لا اله الا الله ما قعد لا بحاضانه ولا شي طلع على طول وزين مافيه شي وهم امي ولدت جذي فيني

 

[KuwaitYa_-_3asL]

الله يسهل عليج
وأهم شي الجمااااااااااع والحركه
وتولدين بالسلامه حبيبتي

 

[حبيب قلبي]

الله يسهل عليج يارب ولا تحاتين انت بجريه والبجريه تاخذ شهرها وزود ومافيها شي اذا عديتي ودخلتج الدكتوره ولاده بتحطلج تحميله وعقبها يحوشج عوار الطلق والله يسهل عليج يارب

 

[M!sS_D!oR]

الله يسهل عليج حبيبتي

 

[Coco.chanel.moi]

تولدين بالسلامة انشالله .. عادي حبيبتي انا ما ياني الظلق ولا شي يوم رحت نفس اليوم اللي الدكتورة قالتلي تعالي فيه رحت

لانه هم كان في افرازات وكنت 2 سم فقالت انتى ولادة على ظووووول ومثل كلام ام عفاف قبله بجم يوم هم كنت اسوي جذي وكنت امشي ةاتحرك وشربت خروع مع عصير مانجا وشربت دارسين


واكلي التمر لانه يسهل الولادة .. الله يسهل عليج انشالله

 

[كويتيه مذهله 87]

صدقييني لو شنو تسوين مايطلع الا بيومه

الله يسهل عليج يارب

 

[يا كويتنا]

الله يسهل عليج يا قلبي


شربي دارسين


وكثري مشي امشي وااااااجد وحاولي وانتي تمشين تشربين شي دافي حليب بزعفران




والله يهون عليج

 

[Shy lady]

حبيبتي امشي وخلي خطواتك كبيره
وصدقيتي الحلتيته تساعد على فتح الرحم بسرعه اذا شميتيها
وانتي ماشاء الله فاتح الرحم بس محتاج توسيع
مشكلتنا نتعطر ونتبخر وهذا كله يقسي الرحم
هذا كلام حرمه كبيره تعالج هي اللي دايم تنصح بشمها قبل الولاده
وريحتها خاااااايسه
ان شاء الله تبشرينا بقومتك بالسلامه هاليومين

 

[Q6RYA]

حبيبتي شخبارج بشرينا انشالله ولدتي بالسلامه؟

 

[FuSheYa]

بعدقلبي بنااات تبردون القلب


انا ليلحين ماولدت لووول

صارلي بالضبط اسبوع من خلصت شهري

انا الحين بالعياده رايحه من صباح الله خير
والدكتوره ليلحين مايت
والرسبشن تقول شكلها عندها ولادتين الحين فالظاهر مراح تيي
وراح ادش على مساعدتها هم تهبل ماشاءالله

بس ليلحين ماوصلت!! مع ان يفتحون 9!!

ان شاءالله أشوف شتقولي وأعطيكم خبر

هذا اذا كنتوا معااي هههههه

ادعووولي
الله يسهل علي وعلى الجميع ياااااارب

 

[FuSheYa]

والله بنات كل يوم اشرب دارسين وكل ما تميت اكل رطب بس مو وايد الجذب خيبه على قولتهم ههههه


انا على كلامها يوم الاربعا كنت مفتوحه ٢ سانتي ان شاءالله الحين اكثر يااارب

لان احس خلااااص ضلوعي وريولي تندح

وبالنسبه للافرازات والله صارلي جم يوم تنزل علي اكثر من قبل!!!!

ذكرتوني خل اقولهااا الحين

وطبعا ليلحين مايت

انا متوقعه ان د امل مراح تيي اكيييد مساعدتها
اشووف وأقولكم

 

[هذا مزاجي]

ها ياقلبي شصار عليج
شلت همج والله

 

[بولندية]

واي يا حياتي كسرتي خاطري الله يسهل عليج يارب وتفرحين فيه عقب هالنطرة

 

[هذا مزاجي]

يابري حالي شكلهم دخلوها الولاده :eh_s(16):
يارب تسهل عليها وتقومها بالسلامه :yaaaaaarb:

 

[حبيب قلبي]

اتوقع ولاده لانه كافي تاخذ اسبوع من العاشر الله يسهل عليها يارب

 

[ام عزووووووز]

اذا حاسة انج تعبتي ومافيج شدة تستحملين قولي لها تولدج على طول ماله داعي النطرة
الله يسهل عليج
:yaaaaaarb:​