خلاص تعبت اليوم اخر يوم من شهري وباجر ادش العاشر!!!!

[ام عزووووووز]

والله عيشتونا الدور جني قاعدة معاها بالمستشفى !!!
نترقب الخبر السعيد​

 

[حبيب قلبي]

الله يقومها بسلامه شكلها ولدت يارب والفال لنا

 

[هذا مزاجي]

ها ولدتي ولا لا
والله قمت احس اني قاعده معاها بالمستشفى
بس عندي احساس انج ولدتي :ggdw:
يارب تقومها بالسلامه وتحفظ لها بنوتتها العنيده
مابغت تطلع شكل عاجبها الجوو داخل :krkrkr:

 

[ام عفاف الكويت]

يارب سهل عليها

 

[الشيخه ام اسامه]

طمنيننا عليك ويارب يقومك بالسلامه

 

[طـير7]

شكلها بالولادة

الله يسهل عليها ويقومها اهيا وبنوتتها بالسلامه


ياااااااااارب

 

[جمالي خيالي]

يارب تكون والده ونايمه.... نوووووومت العافيه

 

[مألوفة]

طمنينا عليج يا قلبي ولدتي ولا لالالالالالالالالالالالا؟


الله يقومج بالسلامه يا رب

 

[حبيب قلبي]

طمنينا

 

[طيف2006]

الله يقومج بالسلااااااااامه يااارب

 

[هذا مزاجي]

يابنت ليش اختفيتي طمنينا عاد :eh_s(16):

 

[FuSheYa]

حياااتي بناااات والله اخنقتني العبره من ردودكم


الحمدلله ولدت بالسلامه ويبت احلى بنووته الله يحفظها ويخليها

للأسف امس اول ماصحيت بليل كتبت رد بس حسافه ماحطيت إرسال من التناحه و راح

وحتى توني كتبت رد شكبررررررررره بالتفصيل بس حسافه مادري شفيه تلفوني وهم انمسح

المهم راح ارد اكتب لعيونكم يا احلي كويتيات


دخلوني العمليات علي الساعه 7 وشوي وريلي خذا كرت المرافق ويا معاي

كان الوضع عادي بس بدا يزييد العواار واايد يرووح ويرد فقالتلي النيرس اجرب الكمام

انا اشتطيت وشمييته وااايد هههه
أتذكر ريلي يقول جنج من أشرار بات مان ان ان ان ان
لووول احس جني ابجليب
عقبها هسترت ضحك قمت ابجي من الضحك لول بس كنت حاسه بعمري

المهم قعدنا شوي عقبها والا تقول النيرس بتحطلي بربيش حق البول مكرم السامع

وحطتلي الكمام وهذا اخر شي او اخر موقف كنت صاحيه فيه ومستوعبه شصار

تالي احس اني نمت وقاعده احلم

كان في عوارر وكنت اتالم بس كنت حاسه اني بحلم والحين بقعد
كنت اسمعهم واسمع النيرس وأحسها نرفزتني لول
تقولي نافاااااااس نااافااااس نااافااااس.. يعني نفس لوووول

سمعت صوت دكتورتي بس ماشفتها
اسمع صوت ريلي وكنت اقعد وافتح عيني ثانيه او ثانيتين واشوفه متصروع لوووول
وارد اخدر

كنت اشوف دائره كبييييره تلف تلف تلف واسمع اصوات
كنت اكلم نفسي والله بالضبط جني بعالم ثاني
كنت اسأل نفسي وارد علي روحي
اقول هذا حلم والحين بقعد... اقول شنو انا مت!!!!
شي خيااااااال كان الوضع


بس الحمدالله
والله يا بنات علي كثر ماقريت أهني وبره وكثر ما هولوا بالولاده كنت حدي خايفه ومتصرقعه
بس سبحان الله السهاله واليسر من ربي مهما كان الوضع صعب

تخيلوا الدكتوره تقول حق اهلي كنت شعره واحولها فتح بطن
لان انفتحت 10 سانتي وليلحين موقادره تطلع البيبي
بس الف حمد وشكر لك يارب ولدتها طبيعي
صج بعد تعب وطلق صناعي ولويه بس كل شي يهون عقب

بعد قلبي بنوتي الله يحفظها محتقنه صايره زرقه وامتفخه
ونفس الشي انا


ولدت 12 ونص تقريبا بس ماطلعوني الا 3 الا
كنت بالافاقه

الحمدالله امس كله كنت دايخه ومو حاسه بأحد
اسمع اصوات اهلي يسولفون واشوف وارد أنام
بالضبط صحيت عدل عال 8 ونص 9 بليل كنت ميته من اليووع وكنت محتاجه حمام مكرم السامع
واااي لما دشيت حسيت بالجرح حدددده يحر ويعور بس الحمدلله النيرس دشت معاي وغيرتلي

عقبها كليتلي جم لقمه وعطوني حبه مسكن ومضاد حيوي ونمت بعد
قعدت اليوم الفير




الحمدلله جنه حلم وخلص
انا الحين صاحيه بس الجرح يعور شوي بش بالقومه والقعده اكثر
الحمام مكرم السامع صعب ماقدر يحرني
يالله بالغصب بس الحمدلله كل شي يهون


الحين احس ظهري متفجج واعضام جسمي كلها تعورني


وأي بعد شوي بتيي النيرس علشان اتسبح ان شاءالله*

 

[حبيب قلبي]

ياحياتي حمدالله علي سلامتج وسلامت النونو والله يخليها لج ماعليه ايام وتنسين هالعوار ، بس شكلج نسيتينا ومادعيتي لنا صرنا مخلل نبي نولد

 

[جمالي خيالي]

الحمدلله على سلاااااااااااامتج ومبروك العنونه تتربى بعزكم يارب

شنو هالكمام الظاهر حاطينلج اقوى جرعه واضح من الهلوسه اللي حاشتج ههههههه

يامعوده كل شي يهون الكمام والدوخه وعوار الجرح .. اهم شي تكونين انتي والبيبي بصحه وعافيه

 

[ام عفاف الكويت]

الحمدلله على سلامتج ياقلبي
ومبروك المولوده العسوله اللى نفسج

 

[nissra]

الحمدلله على سلامتج وسلامة البنوته وتتربى بعزكم والله يجعلها من الذرية الصالحه ان شاءالله .. والله يسهل علينا ونرتاح نفسج قريب

 

[aya faid]

ماشاءالله اخيرااا


الف مبروك والحمدلله على سلامتكم


اي مستشفى ولدتي؟

 

[مألوفة]

يا قلبي الحمد لله على سلامتج والله من امس وانا احاتيتج ابي اعرف اشصار معاج

يلا الحمد لله على كل حال والله يخلي لج بنتج وتتربى بعزج ويحفظها لج يا رب

 

[La t7atini]

الحمدلله ع السلامة

 

[طـير7]

الحمدلله عالسلامه
ومبروك ماياج