خطيبي يقولي انتي ماتبين تتزوجين ريال !!!

[حجيه هيونه]

هذا خايف لا تتحكمين فيه وتمشين على كيفج

وتاكدي انه هالكلام مو منه اهو شخصيا جاي من بره احد محرشه

 

[Mjnont '3lay]

قلتيها بلسااااانج كل ما جيتو تبون تملجون توقف عاقبه بطريقكم يا احد يموت يا احد بالمستشفى بعد ما يبيلها حبيبتي لا تفكير ولا استشاره شي واحد بس سويه دامج للحين عالبر ردي استخيري مره ثااانيه ووكلي امرج لله ومرح تخسرين شي لو استخرتي احسن لج وان كان زين ربي رح يسهل كل شي عليكم وتصيرون لبعض وان كان لا ربي رح يبعدكم عن بعض باسرع وقت صدقيني والله يوفقج ياارب

 

[simone]

وييييه على اي اساس يتحكم من الحين وانتي فبيت اهلج
غلطان .. وعلى فكرة يخوووف خطيبج وها دليل ان عقب وايد بيسيطر عليج

 

[القصيدة]

السلام عليكم و رحمة الله و بركاته

حياتي أنتي لسا ع البر و لازم يكون بينكم تفاهم حتى تأسسون زواج مستقر بإذن الله

صعب جداً تلغين شخصيتك و تكونين مجرد شئ يقوده زوجك

أصلن بعدين هو راح يمل و يقول لك ( و أنتي ليش ما تصرفين نفسك ؟! و أنا ما لي شغل إلا أتصرف عنك ؟! )

و ساعتها راح تكون شخصيتك ملغية و ما لها وجود و صعب جداً تسترجعينها

و على فكرة راح يقولون لك ( دلعيه و طيعيه و لا تعارضين ) و لما يسوء الوضع و ما تقدرين تتحملين أكثر ،،

راح يجون نفس الأشخاص و يقولون لك ( ليش تحملتي كل هالسنين؟! المفروض من البداية ما وافقتي ؟! )

ترى فيه فرق كبير بين حب الزوجة لزوجها و طاعتها له الناتجة عن احترام و ثقة و بين انو تكون مجرد غنمة - سوري ع التعبير - يقودها زوجها

حياتي الحل بإيدك و الحياة حياتك خبريه انو أنتي تحبينه و متمسكة فيه و مستعدة تغيرين أشياء كثيرة بحياتك حتى ترضينه لكن هذي شخصيتك و صعب تلغينها

و في المقابل إذا هو متمسك فيك لازم يتفهمك و يقدر انو أنتي إنسانة عندك عقل و شخصية و مشاعر و يعاملك على أساس انك شريكة حياته

الله يكتب لك اللي فيه الخير يا الغاليـــــــة :eh_s(17):​

 

[دلوعة صلوح]

دامكم عالبر مثل مايقولون استخيرى احسن.

 

[لولوة الكويتية]

استخيري اكثر من مرة
وفكري وايد شكله متسلط ترى والله راح تتعبين معاه

 

[سموى88]

حبيبتي ما يصلح كلششششششش فلي منه احسن ليش لانه انسان عصبي بطبعه مايعرف يتعامل مع المرة بشكل حضاري وانتي توج على البر او على الاقل هدديه وزعلي شوفي ردت فعله شنو جان طاف وعصب وسكر التلفون والله يروح ويي الف غيره هذا وانتوا مخطوبين اشلون لي تزوجتوا وصارت مشاكل صج بط يعني ويكفخ خلي عصبيته حقه

 

[ابـيـض واسـود]

اغلب الرجاجيل لو تنقشين عيونج لهم مايبين في عيينهم لو تعطينهم ماي عينج ولاجنج مسويه شي و يمكن انا نفس مشكلتج خطيبي متحكم فييني ومااسوي شي ولااخطي خطوه الا بعلمه ولاجان يصير علووم بس يقولون تصير هاالاشيا بس باالبدايه عشان يفرض شخصيته

 

[Om-azooz]

حبيبتي يمكن خيره لج اذا كل مااتبون تملجون يموت احد سبحان الله الله يأخر عشان تشووفينه انا اقولج استخيري ومبين خيره لج

 

[barbie_girl]

فعلا تاخير الملكه لو تلاحظين من صالحك وعسى ان تكرهو شيئا وهو خيرا لكم

دام ماصار زوجك وشفيها اذا كنسلتي الخطبه

حبيتي مو كلهم كذا اسم الله على زوجي ماشفت منه ربع الي قلتيه خطيبك عنده افكار غلط عن مسؤلية الزوج والتحكم بالقرارات وش حادك تتعبين معاه تراه مو اخر واحد بالدنيا استخيري وبلغي اهلك بتصرفاته اذا كذا اولها ينعاف تاليها منتي ملزومه تاخذينه ترا الزواج مو كل شي ولازم تحسنين الاختيار والا بتندمين

 

[FeShinGoOo]

كلهم جذي لو شنو تسوين مايبين بالعين
هاذا واقع ولازم تتاقلمين معاه

 

[SWiiiRZ]

حبيبتي بدون زعل انا اشوووفج انتي الغلطاانه

يعني ريلج لازم تشورينه و بطريقه حلوه

ماتورينه انج انتي اتخذتي القرار وخلاص خل عندك علم
قعدي معاه استشيريه تدلعي قوليله بخاطري خليه اهو اللي يتحرك و يفكر مو انتي

حسسيييه بوجوده واهميته الريييال يحب جذي
و لاتامرينه قط الزقاير انا زوجي ذبحني بالزقاير بس اييله بطريقه حلوه
ابتعدي عن صيغة الامر والله

والله يوفقكم

 

[موت وميلاد]

المفروض تشاورين ريلج قبل لاتسوين شي

اهوا ولي امرج مو رفيجتج الي تالتها معاج المعرض بدون لاتشاورينه

 

[$$king moon$$]

مافهمت شنو العلاقه الي بينكم يعني خطبه واتكلمينه
مااااادري يعني مو مالجه ولاشي
المهم احنا بالنسبه للموضوع هذا ماعندنا خطبه واكلمه
ويكلمني احنا سيده ملجه وبعدين اكلمه
بس دام جذي الموضوع يعني انتي بالبر وكلميه قوليله
احنا بعدنا ماتزوجنا وجذي المشاكل اشلون اذا تزوجنا
وحطي ابالج ان الحياه الزوجيه تنازل موعناد
والله يوفقكم ان شالله

 

[فجر@@]

مرحبا .. اناقريت كل مواضيعك وقلت شكلها البنت ملكت وخلصت وانتي للحين يااختي بصراحة البنات ماقصروا ونصحوكي اكثر من مرة ..
المفروض فترة الخطوبة من اجمل ايام حياتكم وذكريات جميلة بينكم
موفترة هواش ومشاكل ،، انامن وجهة نظري انتو الاثنين ماتصلحون لبعض يااختي اتركية وربي يرزقك بواحد افضل منه يعرف قيمتك دامكم ع البر
تقبلي مروري

حبيبتي هذا زواج دووووووم ومو يوم واذا اهو دعله من الحين لا تقولين بيتغير والله جنج تتكلمين عني ايام الملجه وقالولي صبري ويتغير وهذا انا لي9 سنين ابلع حرات واسكت والله لوما عيالي ملهيني عن التفكير جان ما قعدت للحين

الاطبااااااع ما تتغير يا تتشكلين مثل ما يبي وتصيرين بدون قرار وبتتضايقين من هالموضوع والا من الحين فلي
شنو يقولج انتي تضايقييني وانا انفس بالزقاااير
استريح اذا ما خذاج وهو حابج وشفقان عليج والا لا يبا بداله احسن منه ان شاء الله
والله يسهل

 

[cat-girlq8]

الله يعينج بس ريلج يحب يكون الامر الناهي بكل شي انتي بالمقابل لا تقوليله بسوي الشي يعني بس تعطينه القرار لأ قوليله اشرايك اغير دوامي اغير سيارتي اي شي اتفكرين فييه اخذي رايه وشبابنا الله بالخير عندهم عقده اسمها سكانه مرته وصدقيني بطخ مع الايام بس اهو الحين بيفرض شخصيته وانتي اخذييه بالاسلوب الحلو ولا تقوليله سويتلك ومايبين بعينك لا قولييله انا لو اشب اصابعي العشره شمع ما اوفيك حقك حسسيه باهمييته هذا اللي يبيه اهتمام زايد بس هذا كله المفروض عقب الزواج ماله سلطه عليج الحين*

--------------------------------------------

والله اهوا وايد زين من الاسلوب والاخلاق والاحترام بس لا يقفل يعني احس انه يغار من صديقاتي اذا طلعت معاهم اروح ستارباكس الساعه 6 الساعه 8 داق يقولي حبيبتي مو جنج طولتي ؟ انتي مستانسه ؟ اقوله اي يقولي ميخالف ممكن تروحين البيت اللحين ماحب اكسر فيه فا اقوله ان شاء الله
بس ساعات يقفل اذا شافني رايحه معاهم لافنيوز ليش وشحقه وهناك شباب ولوويه وزحمه ماتروحين وياهم باجر بعد الزواج ماكو طلعه وياهم انزين ليش شحقه
مادري شكل المساله غيره

 

[ام بس بس 2010]

حبيبتي لاتحنين
لاازعلين بس انتى واايد حنانه ؟؟

 

[cat-girlq8]

حبيبتي الدموع والخضوع علاج هالنوعيه


يعني حسسيه انج ياهل ماتعرفين شي وما تستغنين عن رايه


يعني سالفة الوظيفة لا تيين بطريقة الامر او انج تحينه امام الامر الواقع .. لا كله تذمري من وظيفتج وحسسيه انج منهاره لو توصل انج تقولين انا مو قادره اداوم بهالمكان .. وشلخي عليه .. صار وصار ويهينوني وجذي مع جم دمعه

صدقيني اهو بنفسه بياخذ اوراقج ويغير وظيفتج

وسالفة السيارة هم ع حسب ... قوليله خراباتها وايد .. مره قوليله وقفت علي .. ومره قوليله السياره تطلع صوت

ومره قوليله توه اخوي وداها او وديتها الوكاله ومطلعتها ووقفت علي امبيه هالسياره ماتترقع


عالعموم هالسالفتين الحين اهو يدري انج حاطتهم في بالج يعني اللي قلته ماراح يمشي معاه .. نطري لين تبرد السالفه

اللي بوصله ... خطيبج يبي الدلع والسيطره

عطيه اللي يبيه يعطيج اللي تبينه

وادعي الله يسخره لج

===================

امبيه انتي من صجج لا مستحيل اجذب عليه والف وادور عليه انا صريحه معاه بكل وهالشي يتنافي مع شخصيتي
بس ان شاء الله يتغير مع الوقت ويبطل من كلمة انا بكون ولي امرج

 

[cat-girlq8]

الله يكون بعونج و يسخره لج

======================

أميــــــــن

 

[cat-girlq8]

ياهلا يامرحبا والله تصدقين يوم اسوي العشاء البارح قاعده اكلم نفسي اقول ايش اخبارها افتكرتج اتزوجتي الله يصلح مابينكم ذكرتيني بكذبة ابريل خذيه بالمسايس الله يهديكم

=======================

ياهلا ياهلا ياهلا

شخبارج زين والله ذاكرتني للحين لوووول
انا اخباري تمام انتي شلونج ؟ اي والله ادعيلي الله يهديه لي كل يوم مشاكل علي سالفه ماتسوي