خطيبي يقولي انتي ماتبين تتزوجين ريال !!!

[أم وليد الشمري]

هو باله الزواج استقرار والا حرب وفرض عضلااااات؟؟؟؟؟؟!!!!!!
ماأدري صعب خطيبج حيييييل
الله يقدم الصالح*

 

[كـ غلا ــلي]

موضوعج حده سهل ما يبيله ريلج دئه أديمه على قولت المصاروه ما يبيله عيشيه دور سي السيد لين امر

تراعدي جدامه وزيدي جيله الاحترام نفخيه خل يحس بانه ريال وانج تهابينه وبكل صغيره وكبيره شاوريه

الله يعينج صج مغثه بس شتسوين اهوا يبي جذي

 

[cat-girlq8]

مرحبا .. اناقريت كل مواضيعك وقلت شكلها البنت ملكت وخلصت وانتي للحين يااختي بصراحة البنات ماقصروا ونصحوكي اكثر من مرة ..
المفروض فترة الخطوبة من اجمل ايام حياتكم وذكريات جميلة بينكم
موفترة هواش ومشاكل ،، انامن وجهة نظري انتو الاثنين ماتصلحون لبعض يااختي اتركية وربي يرزقك بواحد افضل منه يعرف قيمتك دامكم ع البر
تقبلي مروري

==========

اي والله انتي قلتي فترة الخطوبه المفروض تكون اجمل ايام حياتكم بس اهوا يقولي انا طبعي جذي تري مو قاعد اتصنع فا علشان لاتشوفيني بفترة الخطبه شي وبعد الزواج شي ثاني
انا اتعامل معاج بطبيعتي
اتركه صعبه لانه في صفات وايد سنعه مثل الصج وقد كلمته ومو مثل شباب هالايام عيونهم زايغه ويتكلم علي طبيعته ايجابياته اكثر من سلبياته

 

[G!RLooNa]

انا ما اشوف في سبب عشان يفلون الخطبه

اغلب الرياييل جذي مافيها شي سويله اللي يبي ماشيه شوفي لي وين يوصل

مدام السالفه تحكم اول الزواج و من اللي حطيتيه مو ذاك التحكم الي كاتم على نفسج لا عادي استشيريه بكل شي مافيها شي هل يستانس

انا استغرب من بنات الحين اللي تطيح على ريلها بالملجه يخون و يلعب يقولون لها صبري و مرده بيتغير لي تزوج و على شغله صغيره مثل هذي على طول فلي؟؟

شوف مدام مو شي جايد يعني خيانه لا سمح الله و اذا الريال زن ف باجي الشغلات اخلاق دين وظيفه .. ماعليج من اللي يقولون فلوا الخطبه و سويله اللي يبيه بطخ انشالله

 

[cat-girlq8]

اختي سؤال :

انتي استخرتي قبل لا توافقين عليه ؟

انا سألتج هالسؤال لان انتي تقولين :




يجوز تأخير الملجة لصالحج !!!

شوفي محاسنه وسلبياته .. ووازني بينهم .. هل هذا الأنسان طيب خلوق .. بس عيبه متحكم زيادة عن اللزوم ؟

وبالتوفيق

---------------------------------

اي طبعا استخرت ............. وبصراحه محاسنه اكثر من سلبياته بس ماحب كلمته انا ولي امرج بالمستقبل ان مسؤول عنج بكل شي والزقاااير وااي جان زين يتركها

 

[cat-girlq8]

حبيبتي لا تاخذين كل الامور بجديه .. خطيبيج يبي اهتمام لدرجه قال هالشي لج .. حسسيه بإهتمامج .. عطيه جم كلمه حلوه يستانس .. عطيه الي يبي يعطيج كل الي تبينه .. ويخلي الامور تمشي على مزاجج .. وبالأخير آلله يوفقج ..,^^

===================

اي هذا الي راح يصير اذا عصب ماينفع معاه الكلام الحلوووو بس دايما يقولي انتي ماتعرفين شلون تتعاملين معاي اذا انا عصبت ؟ بصراحه اذا اهوا معصب ويتنرفز علي انا ما اسكت ارد عليه وهالشي مو زين

 

[cat-girlq8]

الله يوقكم ويعدل حياتج​

---------------

تسلمين حبيبتي

 

[cat-girlq8]

الله يسعدك معاه وييسر حالك
موفقه اختي

-------------------

الله يسلمج مشكوره علي هالدعوه

 

[لياليـ]

قعدي معاه او اتفاهمي او قوليله مو كل شي انته تبي لازم يصير راعي مشاعري
اتقبلي مروري

 

[القصيدة]

السلام عليكم و رحمة الله و بركاته

حبيبتي هذا زواج دووووووم ومو يوم واذا اهو دعله من الحين لا تقولين بيتغير والله جنج تتكلمين عني ايام الملجه وقالولي صبري ويتغير وهذا انا لي9 سنين ابلع حرات واسكت والله لوما عيالي ملهيني عن التفكير جان ما قعدت للحين

الاطبااااااع ما تتغير يا تتشكلين مثل ما يبي وتصيرين بدون قرار وبتتضايقين من هالموضوع والا من الحين فلي
شنو يقولج انتي تضايقييني وانا انفس بالزقاااير
استريح اذا ما خذاج وهو حابج وشفقان عليج والا لا يبا بداله احسن منه ان شاء الله
والله يسهل

تمــــــــــــــــــــــــــــــــــــــــــــــــــــــــــــــــــــــــــــــــام :rerrerek: هذا اللي دايم أقوله :ggdw: الله ينوّر عليك اختي فجر :eh_s(17):

لما البنت تشتكي من معاملة خطيبها أو زوجها في بداية الزواج ،، يقولون : اصبري و دلعيه و اخضعي له أو يقولون مع العشرة و العيال يتغير

يعني يضيع عمرك و تتدبسين بعيال منه و يوهقونك معه و لما ينفد صبرك يقولون : خلاص راحت عليك و تحملي عشان عيالك و ابلعي همك و اسكتي ..!

كأن المرأة ما لها قيمة و لا كيان و وظيفتها في الحياة انو تتحمل شقى الرجل و نفسيته و عيوبه

فيه فرق بين الحب و العطاء المتبادل بين الزوجين كل واحد منهم حسب طبيعته و قدرته

و بين انو الرجل يتخلى عن مسؤولياته و يكون متسلط و المرأة تتحمل فوق طاقتها

الله يوفقك اختي فجر و يسعدك دنيا و آخرة :eh_s(17):​

 

[cat-girlq8]

انتي مااسويتي شي غلط بعدين ماله حق يدخل فيك حتى مومتملكين عشاان يفرض نفسةعليك
اذااصرتة مرتة ذيك السااعة له حق
بس بين علية يبي يامروانتي تنفذين
مااعليك منة سوي ع كيفك وفهميه انو كل شي يصير بالتفاهم

موفقة

========================

المشكله يقول ماكو مره تصير شخصيه علي خطيبها الي بيكون زوجها مستقبلا مادري شلون يفكرررررر
كل يوم يطلع لي بشي

 

[shak!shoka]

عايش جووو الخطيب

يبي يفرد عضلات

غيري طريقتج
خلي اسلوبج معاه
شرايك؟
شتنصحني فيه

من هالمصطلحات
و نفذي الي فبالج من غير لا يحس انج مشيتي كلامج

واستخيري اذا مو مرتاحه

 

[cat-girlq8]

والله من حظج انج ماملجتى

اتركيه لحد يقولج تسيطرين وسكانه مرته حبيبتى لاتحطين نفس تحت التجربه

من اولها مبين يدور شي يخليج تطفشين وتتركينه

شكله مل بسرعه

الله يرزقج باللى يسعدك

============================

لا مسكين لو مل جان مايقعد بعد مايعصب يناقشني اليوم قالي انا مابي اخسرج بالعكس انتي وايد زينه بس مشكلتج انج ماتعرفين اشلون تتصرفين معاي اذا عصبت
اذا خلووق ومحترم شبي اكثر من جذي الله يهدي

 

[ما كو اسم]

بصراحه انتي غلطانه . في امور مصيريه ومهمه مثل تغيير الدوام وشراء سياره منو الاولى تاخذين رايه ولا راي رفيجاتج

تذكرت موضوعج الاول ( كذبة ابريل ) انا اشوف طريقته معاج صح علشان يقدر يمشي معاج هو يحبج وايد . بس طريقتج معاه غلط لانج قاعده تتصرفين غلط ومشكله انج بعدين تتنازلين فمن الاول لا تغلطين علشان لا تتنازلين ويتعود على التنازل

 

[البارونـه]

انا قريت كل مواضيعج وبعد اخر موضوع توقعت بتتركينه
الصرآآحه يبي يمحي شخصيتج وكلش اناني ><" الحين بالله انتي بتمشين على كلامه وهو مايسمع من كلامج ولا شي ,,ليش ؟
مو على قولته قراراتكم تتخذونها مع بعض؟
الصـراحه انا لو منج والله ما اخذه غثييث وكل حياتي معاه جحيم بتصير
وانا اخبر فتره الملجه والخطوبه ايام دلع,, هاي من الحين جي؟
الله يوفقج

 

[جلكسيه اس 3]

انتي الحين مو عايشه عنده ليلحين عشان يقولج
انا ولي امري
وانتي مدخلته ابخصوصياتج انا اشوف ماله داعي تقولين له بسوي و بسوي اول سوي و بعدين قول
و السياره شي شخصي ماله شغل فيه

 

[ماني من الناس]

كلهم جذيه عايشين الدور

الحل التطنيش ولاتاخذين كلامه بجديه ولاتحرين قلبج

 

[Kensington]

فاهم الزواج غلط
انه بيتحكم فيه اذا اولها كذا ينعاف تاليها تفاهمي معاه بكرا كل شي بيتحكم فيه

 

[احلى قدساوية]

اذا انتوا للحين ما ملجتوا ترى ما يجوز الي قاعد تسوونه لانه مو بالحلال الحين يعتبر حاله حال الغريب الاجنبي

الله يهديه ويسخره لج ياااارب

 

[توتاتوتا]

كل هالسيطره و انتوا بدون ملكه ؟ اولا ما يجوز كل الي يسير بينكم و ين تبين التوفيق و الي ماشين فيه غلط

ثانيا حتى اذا عقدتوا القران شرعا ماله اي امر عليش و لا راي و لا له دخل نهائي بحياتش و قراراتش الا بعد الزفة

و استخيري و بالتوفيق