خطيبي يقولي انتي ماتبين تتزوجين ريال !!!

[أماني عمري]

مبين مصرقع و ماكو اسلوب، نفذي بجلدج، الزواج اذا ما احسنتي الاختيار بيصير نقمة و الله يرزقج كل خير

 

[ام سالم وايه]

بعض الرياييل يحب يفرض راية في البدايه عشان رجولته ويختبر المراه هل بتطيعه او بتعصيه
لش فيه نصيب بتاخذية وانتي استخيري والله يوفقج

 

[دلوعة أبوهآ]

الله يفرج همك ..
استخيري فيه وربي يكتب لك الخير

 

[انت غلاي]

استخيري ووشوفي الايجابيات والسلبيات وحددي قرارك قبل الملكه والله يهديك للخير

 

[bal8es]

اول شي استخيري ع سالفت الملجه وكل تاخيره فيها خيره
ع ان حاب يسيطر
انتي ساحليه ع الزقاير ان لادخن وانا معاك لو سمحت حبيبي عفيه دخن بس مو وانا معاك
ان بغيتي تروحين مكان عطيه خبر مسج او برودكاست
ساحلي ع الدوام قوليله مو مرتاحه بالمكان وحاسه ان مظلومه فيه ع السياره قوليله سكراب وصراحه خفت اقولك بغيرها تقول انا اغيرها لج ما ابي اكلف عليك
خخخخخخخخخ جذي بتكسرين فيه و راح تبينين له ان معتمده عليه و حاطته رجل بمعنى الكلمه الى حتى ما راح يخليج تدفعين فلوس السياره
الله يهنيكم يارب الاختلاف اهوا ملح الحياه
ولازم يتعود ويعرف ان الحياه مشاركه وتنازلات منج و منه مو من طرف واحد على احساب الطرف الثاني

 

[فدوووو]

الله يعينك

 

[عذوٍق الوٍرٍد]

شوفي ..

لو انا بمكانج..

مثلا بشتري سيارة اقوله بهالاسلوب ( شرايك اغير سيارتي ؟)
( شرايك اشتري الشيء الفلاني)
(شرايك اليوم اطلع؟)
(شرايك بهذا الشيء)؟


عيل ليش سموه شريك حياة
عشان كل شي يشارج فيه

 

[- BambeNo -]

أول شي دار فبالي هالسؤال استخرتي قبل لاتوافقين ؟؟
اذا لا استخيري كذا مره ..
وعن المعامله أنتي حاولي تقوليله قبل لاتسوين الشي
لأن فالبدايه حاس بنفسه ان مسؤول عنج .. وبعدها أعتقد
بيتغير ومابيفظى لهالأمور..
بس سالفة لاتتصلين الظهر بصراحه قويه .. مابيصير شي
لو كلمتيه 5 دقايق ..
الله يوفقج ويسخره لج..

 

[dandrma]

حبيبتي اعتقد ان بيبينلج قبل زواجكم انه اهو المسيطر واهو ريال البيت وبيبين شخصيته على اساس يرسم الهيبه المطلوبه

عادي في ريايل جذي وبعد الزواج يطخون

 

[ليتني مـآ كبرت]

استخيري والخيرة فيما اختاره الله

على فكره مايجوز تكلمون بعض وأنتوا ما ملجتوا

للحين ماصرتي حلاله

 

[شذى الحب]

كلها سنه يتحكم فيج ويطخ هذولا شباب الكويت

 

[خليفة العظماء]

الله يعينج
تري كلهم جذي عادي

والي يخليج علي راحتج عنده بلا وخرابيط

 

[هاجس الشوق]

السلام عليكم

البنات ما قصروا بالردوانا قريت اغلب الردود. مو كلها

نصيحتي لج الزواح مافيه جذب الله يحاسب عليه خلي حياتج كلها صدق ولا تستخذمي الجذب فاي حال من الاحوال

مثل السيارة خربانة وصار وصار وصار غلط. والدوام اتهنت وصار ما يصير

السموحة للاخت اللي كتبت بس السوالف هذي ماتنفع في الزواج

بالزواج مافي. مقارنة بين الريال والرمة ولا في انت وانا. في اشتراك ومشاركة بكل شي
ح

وخطيبج معاه حق فكل اللي يقوله

بقولج شي اذا تميتي وياه سويتلي وقتلي وانا ما قصرت وانا سويت عشانك. بيضيع عمرج كله هواش معاه ومع غيره


خلج ودودة ومطيعة يبوس راسج. الريال ما ينفع معاه غير حاضر وان شاء والحرمة واجب عليها طاعة ريلها


صدقيني غيري من اسلوبح وكل شي يقوله قولي حاضر وخلي اعصابج دوم هادية مع ابتسامة تكسبينه


والرسول يقول لو كان السجود لغير الله لأُمر للمرأة السجود لزوجها

واللي تصبر على زوجها فكل شي الله يخيرها فأبواب الجنة

وان شاء الله اكونوافذتج الريال يدور راحة بزوجته ما يدور الهواش وعوار الراس

وبالنسبة لزقاير قوليله الله محرم الزقاير وانا مابي اجتمع معاكةبزواجي على شي محرم وهذا حقج

قوليله كل شي تطلبه مني حلال عند الله اسويه بس الشي المحرم ما ابيه

وفوق هذا هذا ش محرم ويسويلي ضرر والله مايرضى لا بالحرام ولا بالضرر على انسان

استخيري لربج والله يقدملج اللي فه الخير

 

[شادن33]

ليش جذي اللي اعرفه ان بوقت الملجه والخطوبه يكونون حبوبين وطيبيييين
شكله ريلج متعقد من سيطره المره يمكن امه جذي مع ابوه ومتعقد
خذي بالسياسه حبيبتي وبينيله انج مطيعه وتسمعين الكلام بس فهميه بطريقه حلوة وناعمه ان في شياء خاصه فيج انت تقررين فيها بس مايمنع تاخذين شوره لازم يحس ان بعد اهو له دور حياتي امدحي وانفخيه وبلين انشالله
بس الاستخاره لازم

 

[بيتي بوب بس كويتيه]

أنتو. للحين ما ملجتو وكل هالمشاكل ليش ؟؟؟
ايام الخطوبة والملجه من احلا الايام
الله يعينج الصراحه
وانا اقولج استخيري
هذا زواج وبتعيشين العمر كله معاه
وسالفه الزقاير اصلا ماله حق يشرب جدامج شنو صحتج هذي
اهوا كيفه بصحته قوليله ما تشرب جدامي
وترا يبين عليه وايد أناني

 

[نونه المنكوشه]

الله يعينج ومشكلة شبابنا مافيهم ثقه بنفسهم علشان جذى يتعامل مع المره جذى فاهمين الرجوله غلط وبعدين قوليله انا ماملجت علشان اخذ رايك بكل شى لاصرت عندك لك حق اتدخل بس الحين اسمحلى مومن حقك انت لين الحين ماصرت ريلى

 

[روج بنكي]

كلهم كذا يحبو يتحكمو بس تسايريهم

لما تتزوجي كلمتك هيا اللي تمشي عليه

الله يعجل زواجي وزواجك على خير

 

[انثى عاشقة]

شوفي الرجال في بداية حياته خصوصا يبي يحس انه
سي السيد
خذي زوجي مثلا توي عروس يبي كاسة شاي
قلت له اوكي حبيبي وكنت ارتب السرير ع اساس بعدها نازلة اسوي الشاي
تخيلي قعد يصارخ علي انا لما اقولج ابي شاي تهدين كل الي بيدج
تروحين تسوين شاي بعدين كملي شغلج !!
هذا مثل من كوم امثلة من هالنوع
كنت اطنششش واسوي الي ببالي
لا تراددينه وبردي اعصابج قولي لي الي تبيه يصير
وسوي الي تبينه انتي :rerrerek:
ترى مع العشرة يطخ الرجال
الحين نفس الرجال الي هو زوجي بعد 3 سنوات
اذا يبي مني شغلة يقول ممكن تجيبيها
وبعد يقول اسف ازعتج جزاك الله خير
انتي بفترة خطوبة تدلعي عليه موووووووووووووووت
دلعيه وكله قولي حاضر وآمر
واذا في شغلة ما تبينها كلش ملش يختي مثلي عليه
انج تعبانة ونفسيتج ضايقة وبس بتحاولين تسوين هالشي عشانه

الرجال ما يجون الا بالمسايس :rerrerek:

بداية الزواج انتي شي جديد بالنسبة له
راح يحاول يفرض سيطرة ويتلقف بعد في كل امورج
بس فترة وراح تعدي وتتذكرين كلامي :eh_s(7):​

 

[انثى عاشقة]

والزقاير جعله العلة الي اخترعها :eh_s(2):
زوجي ما كان يدخن بالملكة وبعد الزواج
من ايامنا الاولى بدي يدخن ع اساس كان ماخذ بريك
:eh_s(11):
ونفس العذر يقول احط حرتي فيه
احسسسن من اني احط حرتي بالناااس :eh_s(10):
وللحين احاول معاه يقللها ع الاقل يقول مو شغلج !!
تركته وسرت ادعي ان الله يكرهه فيها ​

 

[دلع الدواسر]

مب شرط ايام الملجه رومانسيه ترا هذي الفتره اصعب فتره