خطيبي يعيرني بعمري

[شــغــب]

بس ع العمومّ

الله يسخره لج ويوفقكمّ ويهنيكمّ

 

[حلوه ولمآحه]

ويه بعد عمري والله،،
الريايل هذا هم دفااااشه وثقاله دم،،
الي ابي اقوله لج انج لاتزعلين ولا يضيق خلقج بالعكس ضحكي واستانسي
واذا قالج هالكلام قوليلخ ماحد اجبرك تيجي وتخطبني،،
>>ولاتحطين موضوع العمر في بالج ولاتتضايقين لانه لو شافج متضايقه بيجلس كله مره يقوله اذا بغى يغثج
بالعكس في وقت ثاني اذا سولفي تكلمي وانتي عند المرايه وقولي صج اني مزيونه وحلوه ومن هالكلام
قولي مع اني اكبر منك بسنه بس كني اصغر منك ب5 سنين من جمالي وحلاتي >>غثه زي مايغتج،،

واذا رحتي زواره ولا عرس قولي اليوم وحده تسال عني تقول بتخطبني لولدها ولا لاخوها وانتي تضحكين وقلتلها متزوجه وانصدمت ،،،هههه>>وواااي ودي اعطيه طراق ع هالكلام

 

[LA TROO7]

وليش سكتي لما عايرج !! وبينتي ان كلامه عادي


رده فعلج مو شي

 

[غزل بنات]

اول شي انتي عمرج 26 يعني توج صغيره ماينقال لج كبيره والفرق سنه ياناس لو مليون شبيسوي انا حماي زوجته اكبر منه بسنه ولا علق

اصلا المره لاصار عمرها 30 اجمل عمر واحلى عمر للمره تكون بقمة نضوجها وانوثتها بس محد يعرف جهله حدهم حبيبتي لاقالج لاتسكتين

اضحكي قولي ايه اشوف انا مااقدر اتفاهم معااك عشان اكبر منك واضحكي وقولي له من طقك علي ايدك اذا حاس اني مااصلح عاادي تونا على البر

وقولي له كفايه اني رضيت اخذ واحد اصغر مني النصيب بعد شنسوي لاتسكتين له هو دفش صيري انتي ادفش منه حبيبتي الرياجيل ماينعطون

وجه صدقيني اذا سكتي هالمره بيزيد صدقيني وبيوصل لمره لو فكرتي تسكتينه ماينفع خلصي السالفه من اولتها انتي توج صغيره بداية حياتج

لاعيال ولا شي ومغثوثه ليش انشالله حبيبتي

 

[$نسيم الصباح$]

واي 26 وكبيره عجل الناس الثانيه شتقول , لا حبيتي من ألحين تفاهمي معاه . محد طقه علي إيده وقالع تعال اخصبج

 

[محبوبه25]

رد : خطيبي يعيرني بعمري

لووول
اذا قالج كبيره قوليله وانت بيبي ههههههه
بس ها مو يزعل

 

[modern]

لا تحسسيه ان عمرج نقطة ضعف عندج
حسسيه انج اكبر منه يعني افهم منه
و بس يعايرج قولي له اكبر منج بيوم افهم منج بدهر

 

[قآهرني بس آحبه]

رد : خطيبي يعيرني بعمري

الله يهديه ويسخره لج

 

[لوازم العائلة]

رد : خطيبي يعيرني بعمري

قوليله محد طقكك على ايدك
انا موعانس ولا طايحه بجبد اهلي علشان تعايرني

 

[ام زاكي]

عمرج عمر الورد ماعليج منه ولا حد طقه عل ايده وقاله يخطب وحده اكبر منه

 

[أم الحلووووين]

تدرين شنو الغلط !!
انج قلتيله خااايفه اطلق والسبب الناس ..
غلط غلط ومليون غلط تحسسين الرجال انج ضعيفه وتخااافين من الطلاق ..
لازم يعرف دام ماكو نصيب مو نهاية الدنيا وهذا نصيبج ..
لما يشوفج ضعيفه يذلج بأشياء واجد مثل لما قالج موعاجبج وضعي المادي والعمر احنا عالبر ..
ماقال هالحجي الا يدري انج خايفه من الطلاق ولا راح تطلبينه ..
حسسي الطلاق نصيب وموخايفه قولي صج احبك بس ان صار هذا قدر من الله تعالى ..
انتي اللي بطيتي جبدي موهووووووو انتي الغلطاانه ..

 

[haya20]

الله يهديه

 

[أنفاسي دخون]

يحليله الصغير
جم عمره 25 ؟
وايد جايف روحه بهالعمر

هالمرة ان قال لج شي عن عمرج
قولي له والله مو انا اللي ييت بيتكم وتقدمت لك
انت اللي ياي تخطب
وانت عارف عمري
ليش ييتني؟؟؟؟

وان عايرج بعمرج
عايريه بشي مايعجبه فيه
علشان لايقعد يتصيد عليج شي
انتي بيني له ان عمرج عاجبج وماهمج كلامه
علشان لايحصل نقطة ضعفج ويقعد يعايرج كل ساعة

امحق عيشه اللي بيروح عمري يعايرني واعايره :cxxxp:

ان قالش انتي كبيره وانا اصغر منش قوليليه انا خذيتك عشان اربيك >> هذي اللي بتجيب عاليها واطيها ةخخخخ

لا جد ان تكلم قولي اول شي الانسان بفكره وعقله مو بعمره وثاني شي شكلي ما يبين عمري واذا عاجبك كان بها مو عاجبه فلوا احسن قبل ما يدخل عليش وتجيبون عيال

وشكل خطيبش جاهل وتفكيره سطحي والا وش سالفه المعاير هذي !!!!

الله يهداه ويسخره ويكتب لش الخيره بامرش

 

[chakletaA]

الله يعينج لوووو شنو ما اتزوج وااحد اصغر مني
قطع قطع مرتين لا اكثر
ليش قلووا الرياجيل اتزوج واحد ابو 25 و22 وبزر
ويييعييه صج وييعييه

الله يعينج انا اعتبر خطيبج بلوة ولازم تصبرين
<<<<< ارووح اشتريله بامبريز وماميه
حمدلله والشكر

 

[Dalol-7]

رد : خطيبي يعيرني بعمري

ويييي شهالعبووو شدعوه خوو اكبر منه بسنه مو عشر !! عياره الصراحه .. مدامكم على البر هوني من الحين جذي عيل بعدين شبيسوي !!
انقهرت

 

[G!RLooNa]

شهالأسلوب قطيعه !!

انتو ملجتو ولا بعدكم خطبه؟؟

بعدين صراحه اهلج مو من حقهم يقولون لج وافقتي خلاص لا تهونين عشان حوبت الصبي وما تفشلينه زواج هذا مو لعب كا اهما اشوف اذا هونوا لو انشالله زواج مليون سنه ما همهم

والله اقول استخيري و اذا حاسه انج مو مرتاحه فلي الخطبه او الملجه مو حاله هذي

وانتي يا حبيبتي توج بعزززز شبابج 26 شحلاتج ما طحتي بجبد اهلج ولا بجبد روحج و الف واحد يتمناج

 

[sweet dashttya]

رد : رد: خطيبي يعيرني بعمري

تصدقين فكرت فيها وقلت يبي يطفرني
بس بعدين قلت لا , لانه قالي جديه عن العمر عشان يقولي لوتفكرين تبين تتطلقني محد يبيج وطرالي سالفه العمر
وحتى لومايبيني ماله عين يطلق لانه اهله وقرايبينه قالوله اشلون اكبر منك وتاخدها واهو اصر الا يبيني فيخاف الحين لويطلقني يقولون له تستاهل ماسمعت الكلام

وانا عرفت الحييين السبب اللي خلاه يخطبني ومصر علي
اهو من شروطه تكون زوجته ياقده يااكبر منه بسنه مايبيها صغيره حيل تتحكم وتتدلع عليه
ولما خطبني افتكرني راح اصير جني مره عوده وكل طلباته مجابه ويقدر يلعب علي
مايدري اني بنت مدلعه وعايشه ملكه في بيت ابوي وشكله خايف من المصاريف اللي بيصرفها علي
والحين شكله تندم انه خداني ومحتار يطلق والالا

جد اذا هذا تفكيره الله يعينج عليه

 

[om deaj]

ميخالف شكلك تحبينه عشان جذي رضيتي فيه

ويختي نصيحة دام انكم على البر اخذي من قاصرها على قولة أخوانا المصريين واشتري راحة بالج
اهو شكله يبي يزعزع ثقتج بنفسج بسالف العمر عشان يغطي على عيوبه

 

[سارونهh_a_z]

قووووووووووووووووليله الف من يتماني

وشالله حادك علي

اخاف ماتبيني اذا ماتبيني قول من الحين دامنا عالبر

 

[sweet dashttya]

رد : رد: خطيبي يعيرني بعمري

الله يعينج لوووو شنو ما اتزوج وااحد اصغر مني
قطع قطع مرتين لا اكثر
ليش قلووا الرياجيل اتزوج واحد ابو 25 و22 وبزر
ويييعييه صج وييعييه

الله يعينج انا اعتبر خطيبج بلوة ولازم تصبرين
<<<<< ارووح اشتريله بامبريز وماميه
حمدلله والشكر

هههههههههههههههههه والله مو كل الرياييل جذي انا عن نفسي اصغر مني بسنة عادي

بس اذا اكثر من سنه اصغر مني لو شنوووو ما اوافق