خطيبي يعيرني بعمري

[BiiShOoO]

يحليله الصغير
جم عمره 25 ؟
وايد جايف روحه بهالعمر

هالمرة ان قال لج شي عن عمرج
قولي له والله مو انا اللي ييت بيتكم وتقدمت لك
انت اللي ياي تخطب
وانت عارف عمري
ليش ييتني؟؟؟؟

وان عايرج بعمرج
عايريه بشي مايعجبه فيه
علشان لايقعد يتصيد عليج شي
انتي بيني له ان عمرج عاجبج وماهمج كلامه
علشان لايحصل نقطة ضعفج ويقعد يعايرج كل ساعة

معاها

 

[لمسه حزن]

رد : خطيبي يعيرني بعمري

حبيبتي

اول شي خليج واثقه من نفسج

ولا ياثر فيج كلامه و لا يهزج

بالاساس من كلامه

مبين ماعنده شخصيه

لانه بالبدايه اقتنع رغم انه يعرف عمرج

ويعرف انج اكبر منه و عندج

يتفلسف ..

اذا قالج انتي اكبر و محد يتزوجج

قولي له الزواج قسمه و نصيب

واذا ماخذيتك باخذ غيرك

واذا انت شايف اني اكبر منك

منت ملزوم تتزوجني

بس تذكر هذا كان اختيارك

محد طقك على ايدك و قالك

تعال اخطب ..

ولا تعطينه ويه على كلامه خليه

يفهم ان هالشي يضايق ..

 

[((الجوري))]

Miss pait انتي من صجج مكبره الموضوع جذي ؟ عادي شنو يعني اكبر منآ لو وبعد بسنه يعني ماكو فرق كلش
وبعدين لمن تقارنين بين اثنين تقارنين بالشكل بالاسلوب بالشخصيه مو بالعمر شكو !!
وبعدين اهوه يبي يجرحج لانه عصب عليج والمفروض انتي كلش ما اهتميني قولي اي اكبر منك عادي شنو يعني اهم شيء الشكل ولمن قالج انتي كبيره قولي عااااااااااادي حبيبي شكثر اكو رفيجاتي اكبر مني وتزوجو اللي اصغر منها واللي اكبر منها يعني نصيب وقوليله هم انا كنت بهون آخر شيء حسيت نفسي تو الماس عالزواج بس قلت حرام اخاف اجرحك : P

 

[ذوق بوتيك]

الله يكتبلج الخير انشالله ويهديه

 

[Mrs_Orchidia]

قوليله اذا طلقتني .. الله بيرزقني بواحد أحسن منك! الله سبحانه يابك لي .. يقدر اييب غيرك


و لا تبينين له وايد انج متمسكة فيه .. عشان ما يعايرج بهالسالفة .. و مادام انتي وافقتي عليه بارادتج .. مالج شغل من كلام الناس ... لكن لازم يعدل اسلوبه معاج

 

[أسم والسلام]

قوليله بشكل صارم أنا موعانس صديقاتي مابعديتزوجووووووووووووووووووووون


خطيبج سوري تافه سنه ويعير



بنت جارناأكبر من ريلها ب10سنواااااااااااات ويموت في دباديبها



سنه لاراحت ولاجت




تبين تقهريه قوليله تقدمو لي شباب رزه أعمارهم 30 حسسيه أنه بزر ومشي كلامج عليه وأن أعترض قولي

مو أنا أكبر منك يعني أفهم منك




غريبه ليش قلتي له خايفه من الطلاق بيستغل هالنقطه ضدج


حسسيه أنه عادي مونهاية العالم يتسكر باب وينفتح بداله ألف باب

 

[أسم والسلام]

صج نسيت بعد قوليله ربي سبحانه وتعالى جابك لي وقادر عزوجل يعوضني من بعدك برجال بمعنى الكلمه >هذي الكلمه في حال قررتي تنفصلين فقط

قوليها




أن ولد ملتزم وماعنده خرابيط تمي معاه وش لج بواحد كبير والشنب دورين ههههههههه ومتعرف على نص بنات الديره عن حساب شايل عيبه ويقزر لوووووول

 

[ملح و سكر]

لازم تزعلين عليه وتوقفينه عند حده وتعلمينه انه هالحجى يضايقج وموحلوه انه كل شوى يرددها عليج ...

وفهميه اذا موعاجبته ليش خطبها عيل .....وفهميه انج منتى ميته عليه ....

وهذى اولها بعد ينعرف تاليها .....

 

[اشواق2010]

رد : خطيبي يعيرني بعمري

شكله انجررح يوم قلت له دورلك علي وظيفه احسنن وبعدين ماعليج منه خليج واثقه بنفسج والله محد طقه علي ايده وقااله يجي يخطبج اكيدد يوم خطبج يدرري انج اكبرره بسنه وتر كلهاا سنه بس مو عشر سنين

 

[lyale]

انا اشوف انج وايد حساسه ومكبره الموضوع اهو اظاهر انجرح وتكلم معاج بصراحه الي تزعل

 

[باربيه قطوه]

عيب يقولج جذي
بعدين اهوا اصغر منج بسنه !!!!!!!!!!!!!!! امبييبه بس سنه شنو يعني عيل لو اصغر منه ب 10 ولا 20
الله يوفقج ان شاءالله

 

[miss paris]

حبايبي
انا لما قلت له مابي اتطلق خوفا من شماته الناس انا كنت ابي اوصله اني موميته عليه بس مابي اتطلق عشان الناس موعشان سواد عيونه
ولما قالي عمرج كبير ولوتطلقتي محد يبيج بيقولو طلع وراح وياها واكبيره والريايل الحين يبون بنات 20 سنه واقل مواكبيره حسيته خايف اتركه لانه
راح يفتشل ادا طلبت الطلاق واهو غصب طيب الا يبيني مع ان اهله قالوله تراها اكبر منك وفكر زين ,وفي نفس الوقت حسيته مايبيني
لان من ضمن شروطه انه يبي وحده قنوعه ولما سأل عني مدري منو اللي قاله ان انا قنوعه
والحين يشوفني اتحسر اذا شفت شي عند اهلي ورفيجاتي مع اني مااقوله ابي بس يبين علي ان ابي وامسك نفسي فعشان جديه حسيته يبي
يكون الطلب مني عشان يفتك ولايصرف ويخسر فلوسه ياما لمح لي وقالي توظفي وخلي فلوسج لج يمكن اقصر معاج ولما قلتله شهادتي ضايعه
قالي غصب طيب الا يبي يوديني الجامعه يطلعلي بدل فاقد وكل مااقوله مابي اشتغل وازعل منه يرد يعيد علي نفس الموال
يعني خايف اطلب منه طلبات بعد العرس تكسر الظهر
وانا مشالله علي اعدائي عددهم زي حجاره فلسطين خخخخخ يعني والله والله اخاف اتطلق بس من شماتتهم
وليومكم هذا يكلمني وانا ماعطيه ويه واهو جايته حررره في قلبه غصب طيب يبي يعرف شنو مضايقيني المسكين يسوي روحه موعارف ليش
والقهر دايم يقولي احس انج تحبيني اكثر من ماانا احبج ومفتخر بهالشي
ودايما يقولي ابيج تحببيني فيج ..اقوله يعني انت ماتحبني
يقول يالا احبج بس حببيني فيج .. مع انه حارمني من اشياء وايد واذا اصريت ابي شي يقولي انتي تعاندي وماحب اعنادج وتحبين تغصبيني على شي انا ماابيه

 

[AL-7Oo0b]

رد : خطيبي يعيرني بعمري

يا قلبي انتى عمرج 26 ويقولج كبيرة عيل لو وصلتي في فوق 45 شوبيقول العمر مجرد رقم لا يقدم ولا ياخر ،، جان قلتي له اكبر منك بيووم افهم عنك بسنه يا الياهل
احسج عاقله عكسه هوو

 

[eman84]

قوليله بينا سنه مو دهر علشان تشووف نفسك هالكثر !!

ايي والله من اولها شايف رووحه الله يعينج بس والله انتي لا تسكتين له ضحكي وجنه الموضوع اللي يتحجى فيه تاااافه خل يكره روحه شوي

وقوليله توني اسمالله علي بعز شبابي وكل صغير يكبر

وعلى فكره ليش تخلينه يدري انج تموتين فيه ؟! ومتمسكه فيه ترى هذا السبب اللي مخليه يتفلسف عليج يدري انج مستحيل نخلينه ومتعلقه فيه

انا اقول ضبطي مشاعرج شوي معاه وخليه يتعب شوي ويفكر شلون تحبينه اكثر وشلون يرضيج لان غلط يقول ادري انتي تحبيني اكثر من ما احبج !!! عكسي هالموضوع من اول زواجج نصيحه

 

[RoWaIsHeDyA]

رد : خطيبي يعيرني بعمري

ان عايرج عايره وصدقيني ماراح يرجع حق نفس هالنقطه ويقولج شئ قوليله الي اكبر منك بيوم اكبر منك بسنه اسكت انا اكبر منك
وعلى اي شئ استغلي انج الكبيره وخليه لصالحج ولاتخلينه يعرف ان هذي نقطه ظغفج

 

[ليـــان]

يحليله الصغير
جم عمره 25 ؟
وايد جايف روحه بهالعمر

هالمرة ان قال لج شي عن عمرج
قولي له والله مو انا اللي ييت بيتكم وتقدمت لك
انت اللي ياي تخطب
وانت عارف عمري
ليش ييتني؟؟؟؟

وان عايرج بعمرج
عايريه بشي مايعجبه فيه
علشان لايقعد يتصيد عليج شي
انتي بيني له ان عمرج عاجبج وماهمج كلامه
علشان لايحصل نقطة ضعفج ويقعد يعايرج كل ساعة

صادقه , كلامها عدل .. قولي له : والله ماااحد جا بررجوله وتقدم وطلب يدي برررضاه الا أنت
أنا مااجيتك وطقيتك على يدك عشان تتقدم لي

والله يسخره لك ..

 

[Cander]

من صجج طوفتي السالفة ومافسختي الخطبة ؟؟

غريبة

 

[جـــواهر]

تفكيره سطحي

 

[أشبـاهـ المطـر]

الريال يوم خطبج كان عارف انتي منو ومنو بنته وجم عمرج
يعني كان راغب فيج ويبيج تكونين زوجته على سنه الله ورسوله
وانتي تقولينه عشان حجي الناس عشان مايتكبر وماني عارفه ايش

لا ياقلبي هو بشر ليش ماتبينه يحس انج راغبه وتبينه زوج لج ؟؟!!
باخله عليه هالشعور عبالج مايهمه لاحبيبتي يهمه انا بصراحه ماالومه على
اسلوبه الاستفزازي انتي بصراحه انقصتي من قيمته واهو اكيد باني امال على هالزواج
اكيد انه بعايرج بعمرج وبسمعج حجي يهد الحيل بعد !!


اهو حبيبتي لمن تقدم لج مااهتم من نظره الناس كونج اكبر منه
اصلاً يمكن مافكر بالموضوع بالمره وبعدين ياقلبي توج مالجه وتقولين له
دور لك وظيفه احسن من وظيفتك ؟؟!! هالامور بعدين لاصرتوا بعش الزوجيه


غيري نظرتج للموضوع وانسي فرق العمر وابدي صفحه جديده
هالخلافات وايد تصير للمالجين عادي سؤ تفاهم وكوني حذره بالمره اليايه



والف مــبروك يااعروسه

 

[سوالف وتراحيب]

رد : خطيبي يعيرني بعمري

اف غثييييييييييييييييييييييث عن جد يبيله طرااق والله لو اني امكاانج اقوول ليه بابا طاايحه من عينك انا شنوو شاايف شعري ابيض ووجهي مجعد توني بيبيه شحالتني واذا على عالعمر محد اغصبك علي وجذبي قوليله ترى من بعد ماخطبتني في مره تحجت علي تبيني لولدها بس مدري هذا النصيب ومايسوي ههههه والله ثم والله ان لقيتي فيه عيبي وقمتي تعاايرينه فيه بيفقد ثقته بنفسه وسويله غسيل مخ


وعلى فكره يمكن هوو قال هالحجي من كثر مااسمعه من حريم ورجااجيل تعرفين بعد الرجااجيل اتوقع قايلين له انت مااخذ مااخذ جاان ماخذلك وحده اصغر منك بس عن جد سخااااافه العقل موو بالعمر واهم شي ثقتج بنفسج