خطيبة حماي

[sKntyny]

ياشين المره لاغارت .. وين المشكله اذا اهتموا فيها ..
يعني ع بالي بتقولين يعاملوني معامله سيئه واهيا مدلعينها .. اهم مساوينكم بس طاروا فيها
وين المشكله اذا شفتيها محبوبه ..؟
ليش حسد وغيره من البدايه .. خلي نيتج حسنه عشان ربي يعطيج ع نيتج

 

[ترجمة احساس]

بالعكس عادي عروس جديدة

 

[انين الوجدان]

ابببببببببببب

 

[ورده الكرستال]

كبري عقلج ماتدرين يمكن زوجج يكون عندج


احسن منه اهوا مع زوجته


الله يوقفهم

 

[خالف تعرف]

لو مكانج اظغط على نفسي واخذ لها هديه حلوه وراقيه تبين ذوقج الرفيع
ولمن يتكلمون عنها عادي اشاركهم وما ابين غيرتي
راح اتشوفين نفسج اشوي اشوي تنسين هالغيره

 

[احلام روحي]

ياحتي تعلموو من عقبج على الاتيكيت

ليش زعلانه

ولاتدشين من الحين بجو انا احلى وانا احسن الخ

استغفري الله واعتبريها اختج واشتريلها هدية وقولي يارب لاتجعل في قلبي غلا على الذين امنو

 

[حبيبه بدر]

الصراحه مااشوف فيها شي
عادي كل وقت له زمانه
يمكن لان من زمان ماافرحواااااااا عادي
مدام انتي احلى وكل شي ليش تغارين
ترى الغيره يابنات مو زينه خصه اذا ع اشياء تافهه وماتسوى وخليج عاقل احسن
ولاتصغرين نفسج بعيوووووون الناس وهاذي ارزاق ماتدرين الله وين خاش رزقج

 

[سنااااي]

شاركــــــــــــــــــي الناس فرحتهم اكسبيهم وعادي كل زمان يختلف عن الثاني ........ عادي اكشخي وشوفي هديه حلوه ..

 

[نـعـومـه]

ترا طبيعي الوحده تغار اذا اهتمو وفرقو بين حريم الحما جذاب اللي يقول عادي

بس يمكن انتي على زمنج غير مايعرفون شي ومن زمان ماخذج والحين الدنيا تطورت

 

[انصاريه قمره]

زوجج مووو نفس حماااج كل واحد ه شخصيته وعرف ليش هالغيره يعني بنت النااس مالها ذنب واحنا شكوو منو احلى الجمال مو كل شييييي يمكن اهي اخلاقهااا احسن ؟؟؟

 

[بولندية]

الشرايج يتفقون و يكونون صداقة بينهم

بس

حريم الحموان من سابع المستحيلات يتفقون وكل وحدة تغار من الثانية و بصراحة ما مرت علي وحدة تحب مرت حماها

 

[Tulips]

تركي عنج سوالف الغيره واليهال

و مالج شغل ببنت الناس مالها ذنب عشان تكشين منها جذي

اهي بفترة ملجه اجباري تتدلع .. ليش تقارنينها فيج وانتي المتزوجه وصارلج جم سنه

حطي نفسج مكانها اكيد تتمنين كل هالتقدير والدلع من حقها !!

 

[جوجو.]

ماعندج سالفه على شنو تحترين فراغه معوره قلبج على خرابيط اعتبريهم ناس تافهه لان شنو انا زوجتي حلوه والا مادري شنو شرت فراغه حده حجي ناس جاهله انصحج تشيلينها من راسج وتباركين لها وعيشي حياتج مع زوجج وانسيها

 

[• JoJo •]

يابنت الحلال صفي النية


وخليهم ينبسطون ,, خلاص انتي الله رزقك بزوجك وعوضك اللي كان ناقص شتبين بعد ؟؟


ترى الطمع ضيع ما جمع

 

[noo7a]

لاتحطين ببالج
مرت الولد الكبير دايما جذي
لان اول ولد بتزوج عندهم فماعندهم خبره كبيره بالموضوع
بس الحين تعلمو
وبعدين عروس اكيد بيستانسون فيها و خاصه ريلها لوول عساها دوم حلوه و تينن بعينه والله يهنيهم

 

[بيتي بوب بس كويتيه]

تعوذيً من الشيطان
واعتبريها اختج
أمنيتي تصير عندي مرت حما تحبني وما تغار
أموت واعرف ليش الغيره بين حريم الحما كل وحده وعندها ريل
وبالنسبه الي قاعد يسوونه
تدرين انه مرت اخوي الكبير عطيناها بس المهر
بعدين انا تزوجت ويابولي دزه
وإخواني الباجي صرنا نودي دزه
الصراحه كنا ما نعرف الدزه وبعدين عرفنا
اشوف مرت اخوي ما زعلت

 

[smily girl]

يممممممه منكم تصدقين سجلت دخول ماقدرت اطلع من غير رد

والله على بالي مسويتلك شي المسكينه

والبنات اللي مأيدينك وراحمينك استغفرالله من جدكم؟؟

والله توني عرفت ليه مرت حماي الكبير ماتطيقني اثاربه الغيره

صدق الناس اجناس انا بالعكس قاعده ادور لحماي أحلا عروس

شفيكم يابنات الحسد والغيره ماليه قلوبكم؟؟

كل وحده تشوف زوجها وبيتها وتحمد ربها لاتجيك ضره

تعرفين كيف تغارين منها

تمني لها الخير واهديها واعتبريها اخت لك او عالاقل زميله

لاتقارنين بينك وبينها بأي شي هي لها زوجها وانتي لك زوجك

وبعدين اكييييد بيطير بزوجته يختي حرام عليك حاسدتهم

صدقيني بتتعبين انا مرت حماي من الشر اللي فيها ماقدرت

تلقا علي زله اخرتها طلعت سالفة سخيفه بينها وبين زوجها

وهذي هي في بيتها الله يردها لعيالها ويهديها

ويهدينا اجمعييييين

صدمني الموضوع*

 

[جذابه بنت ذيابه]

كبري عقلج وريحي رااااسج يا الغلا

وخلج واثقه من نفسج وانا اختج

 

[miss_uk]

اذكري الله هذي اشكرة اللي يسمونها غيرة خل يستانسون ولدهم بتزوج

انتي قلتيها انتي اول عروس ما يدرون مايعرفون

ويقولون من شنو مشاكل الجنات ؛)

 

[أتراب]

كل هالقهر وهي للحين مادخلت بيتكم
ريحي بالج وصفي النيه
وترى الزمن يتغير يعني الهدايا
بعد تتغير
​