خطيبة حماي

[اسما87]

عادى اختى هذى عروس وطبيعى بيفرحون فيها مثل مافروحوا فيج .فترة وبتعدى

 

[معلمه متميزه]

حبيبتي كبري عقلج بلشت الغيره من الحين ؟؟

حياتي ساعات الواحد يكون غافل في فترة وتالي يصحى على التجربة الثانيه يعني مثلا خالتي نفسج جنتها الاولى عطو اهل البنت المهر بظرف بني مال الوزارات تعرفينه .. وولا شي معاه الولد قطه عند الباب ومشى .. وعقب جم سنه حست بالغلط وعرفت سوالف الدزات والمهر وتقديمه خصوصا ان لما ولدها تزوج ماكان عندها خبره بهالسوالف لانها مره كبيره وكله عندها صبيان ما عندها بنات .. اما الحين علمناها احنا وساعدناها بعيالها الي عقب وودت صندوق كشخه فيه هدايا والمهر مصفف والخ من الحركات فعادي يعني الاغلاط تصير ..

اسمحيلي ما عندج سالفه اي ممكن اتذكر الموضوع واغار غيره لحظيه ما تطول 5 دقايق بعدين اظحك على السالفه وانسى مو اسويها موضوع وابجي عليها ؟؟!!!! والحموله ما يهتمون بالجنه كافي اهتمام ريلج فيج يا قلبي وحمولتج لا تتوقعين منهم شي ..

وتسلمين

 

[وبعديين]

ياااربي لازم تحطون شي تتضايقون عشانه

ريحي راسك وخلي العالم اخر اهتمامك

عيشي لنفسك وحبايبك وبسسسسس

وبتلقين السعاده وراحة البال

 

[chatterbox]

ترى الغيرة دليل نقص في الانسان
والزوجة الشاطرة أهي اللي ماتبين عيوبها جدام زوجها وتحطلها قدر عنده ولاتونا على كل شي لانه بيحس انها مو شايفة خير
تعوذي من إبليس وانشالله خير

 

[chatterbox]

ولاتونا = ولاتزعل

 

[(المباركيه)]

بنات موكأنكم بالغتوا بردت فعلكم شوي
انا كلش ماأيد ردت فعلها بس هي حبت تفضفض
والي فهمت من كلامها انها متظايقه من تصرف اهل زوجها
مو من مرت حماها
نصيحتي لش ديري بالش لاااااااتقارنين ابدا ابدا ابدا انت حياتش غير ومرت حماش او اي وحده غير
هذي ارزاق من رب العالمين
سبحان مقسم الارزاق
وحب الناس واهتمامهم رزق الله يرزقه لمن يشاء
افضل علاج لاكثر مشاكلنا هو الرضا
اسألي الله يلهمش الرضا
وصدقيني بتشوفين السعاده والراحه في جميع جوانب حياتش

 

["اسطورة العشق"]

مالي خلق اقرى الردود بس عالموضوع انا عندي البنت اهيا الي تعز نفسها
يعني يوم شافوكم بسيطين و ترضون ينقط المهر عند باب البيت تاخذونه و تسكتون ليش يتعبون روحهم ؟؟
بس هذي مبين عازه روحها و اهلها عازينها اكيد لما خطبوها فهموهم ان هذي طريقتهم
ترى مو اي بنت ترضا بمهر عادي ينقط عند الباب بدون دزه بدون دبله بدون شي !!!!
انتي الي وضعج غريب ليش سكتو حزتها !
العروس وضعها حدا طبيعي ترى و ما شوفهم مسويلها شي زياده اي بنت تتزوج جذي يكون وضعها .. و لازم الكل يهديها و يدلعها بعد عروس !


الحين انتي متزوجه من 3 سنين و للحين حاطه بقلبج محد قالج ترضين بالقليل
طاااف يا معوده طاااف

 

[غاية مطلبي]

ما سمعتي فزة العروس هذي فزة فترة ويطخون صدقيني

 

[kaify q8ya]

حبيبتي ترى شعور الغيره طبيعي بس صدقيني هالشعور راح يفتر وراح تحسين ان الوضع عادي ويمكن تقولين انا من شنو كنت غيرانه صج ماعندي سالفه
سوري حبيبتي على كلامي بس وايد اشياء بحزتها نشتط وعقب نطخ ونبرد
كل ماطرت عليج السالفه استغفري ودحري الشيطان عنج
اقولج راي شغلي نفسج شنو بتلبسين حق العرس اي صالون بتروحين شنو بتسوين اهتمي انتي بنفسج لاتنطرين احد يهتم فيج ويدلعج دلعي روحج حبيبتي وعيشي حياتج ولاتدوخين راسج في احد وهالله هالله بزوجج هذا المهم وكافي انج قلتي عوضني يعني الحمدلله ان شاءالله موناقصج شي ولاتزعلينه حرام مايستاهل
الله يمسح على قلبج ويعوضج خير

 

[هيبة فتاه]

لا تخلين الغيره تلعب بنفسيتج كيفهم انتي شكو فيهم

 

[** باربي **]

حبيبتي قهرتيني تنقهرين عشانهم

يمكن اهم يبون يقهرونج ويبونج تغارين وصار الي يبونة

دام انج الجنه الاولى اعناد عليج راح يصعدونها السمااا

عاد انتي شتسوين بو لباس وعطيهم العكس

كل ما قالوا شي قوولي اي تستاهل

ووكل ما تحجوا مدحيها

خل يحتارون لا تبينين لهم نقطه ضعفج اعناد بيزيدون وبيعرفون وين مقثتج

وعادي نطري بعد باجر تمدح فيها جدام ريلج وانها سوت وحطت ونغزات انها احسن من زوجتك

واهني انتي تكونين دائمة الابتسامة خخخخ غصبن عليج لا تقهريني

وخلج وياها اوكي وبيني انج تحبينها وعاد اهني دورهم بالمقثا

الحموله تمووت اذا شافوا جناينهم على قلب بعض واحاديث جانبيه

عاد اشتغلي كيد نسى اهما حزتها بينقهرون منج ومنها وبيقطون نغزات ولا بيتحلطمون عند ارياييلكم

ذيك الساعه شوفي شتسوي اهي

وخل يقولون ذيك الساعه جنتنا اليديده ويتوجونها خخخخخخ>امبية جني صرت شريرة

بس هذا اهوا المفروض انتي تصرفين فيه صيري ذكيه ودايمن ضحكي بويهم خليهم ما يعرفون شلي يزعلج

ويحرج بيني انج اعصاب بارده لو كنتي تغلين وضحكي لو بعينج الف دمعه هاذي اكبر هزيمة لهم وانتصار لج لووول

جني عليمية وايد :/

 

[لمسه حزن]

حبيبتي
حتى لو قال حلوه
وملكه جمال هذي زوجته
وطبيعي يشوفها حلوه
وليش كل هالغيره
الحمدلله انتي تزوجتي
وزوجج مو مقصر عليج قلتيها
معوضج
خلاص لاتقارنين ترا بتتعبين
وعليها بالعافيه
وهي عروس