خطبج .. معاق .. توافقين ؟؟!؟؟

[puppet]

- أسطورة العشق -

ما أعتقد أن المعاق راح ينجرح .. كل واحد فينا في شي مو مرغوب فيه من ناحية الزواج

يا اختلاف المذهب يا الأصل يا الجنسية .. محد زعل !!

وعلى فكرة المعاقين نفسنا في منهم الزين وفي منهم الشين الشين .. لا تخافين عليهم

انتي الحين جرحتيها مع انج تتكلمين عن الاحاسيس ؟؟؟!!!!!!

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

يعتــمـد عــلـى نوع الإعــآقــه ..’,~

و أخــلآق الشخــص إذآ كــآن صــج رجــآل مــآ يتطوف و دين و يقدر يكون أســرهـ ..’,~

امكن أوآفق الله أعـلـمــ ..’,~

و أهـمـ شيء أصــلـي استــخــآرهـ ..’,~


و مـــــع السلامــــه ,,,

|~|

 

[Tutti-Frutti]

ماحب انتقد مواضيع اذا ما عجبني ما اتكلم بس هالمره بتكلم ..
حراااااااااام عليج شنو هالموووضوووع
امبيه ما تراعين الاوادم الي يقرون الموضوع و احساسهم .. ما تراعين الريال المريض الي يقرى ردود البنات و فكرتهم عنا
يعني السالفه مالها داعي حيل مالها داعي تنطرح .. و الردود معروفه يعني بالعقل .. ذوي احتياجات خاصه و انتي كاتبه يحتاج احد يراعيه و نظره الناس و كلامهم الي يـــغـــث و اهلج ما يوفقون و عندج طموحات و فااااارس احلام و مادري شنو جنج ناطرتنا انطب فيهم .. اكيد البنات بيقول نختار الصاحي بس ليش تطرحين موضوع جذي تجرحين في احساس الي عنده مرض او مشكله .. انتي ما تحسين لان مافيج شي بس اهما حيييل حساسين لان عندهم مشكله و اي كلمه بتجرحهم ..




لا حول و لا قوه الا بالله
وااااااااااي قلبي عورني ليش جذي ..

الـمـوضـوع مـا جـرح هـالـفـئـه بـالـعـكـس

قـاعـديـن نـتـنـاقـش عـادي
ونـشـوف اراء الـبـنـات

مـا تـهـجـمـنـا عـلـيـهـم

وبـعـديـن اهـمـه فـئـه عـايـشـيـن مـعـانـا .. ولازم نـتـكـلـم عـنـهـم .. مـا يـصـيـر نـنـبـذهـم مـن تـفـكـيـرنـا وبـمـواضـيـعـنـا

وبـعـديـن لـيـش يـنـجـرحـون مـن كـلامـنـا؟ خـو هـذا واقـع
والـبـنـات فـيـه مـنـهـم تـوافـق وفـيـه مـنـهـم مـا تـوافـق

ومـثـل مـا قـالـو الـبـنـات
يـامـا مـعـاقـيـن احـسـن بـوايـد مـن ريـال صـاحـي

ولـو تـقـدم لـي 2
واحـد صـاحـي والـثـانـي مـعـاق
وشـفـت مـواصـفـات الـمـعـاق احـسـن مـن الاول وسـمـعـتـه احـسـن
اواافـق عـلـيـه
اولا واخـيـرا اهـو انـسـان مـثـلـي .. ويـمـكـن يـعـطـيـنـي الـلـي مـا يـقـدر الانـسـان الـصـاحـي يـعـطـيـنـي ايـاه

الله يـاخـذ ويـعـطـي

وبـالـعـكـس هـالـمـوضـوع وايـد هـادف والله يـعـطـي صـاحـبـتـه الـف عـافـيـه عـلـيـه

والاخـتـلاف بـالـراي لا يـفـسـد لـلـود قـضـيـه

 

["اسطورة العشق"]

انا هذا راييي .. مو قصدي اضايق احد وادري ان واقع و انهم عايشين مابينا .. لكن و لو شوي مراعاه لاحساسهم
طبيعي نظرتهم للامور تكون حساسه اكثر من الي تتكلم و ما فيها شي ..




لو كان الامر بيدي مسحت الموضوع عشان لا يي يوم و احد منهم يقراه و عقب بيضايق ..
الله يشفي كل مريض ..
الله يهدي الجميع ..

 

[جمولة مزيونة]

و الله يا اختي موضوعج مهم و حساس جدا

المعاق انسان فوق كل شي ,, و بالنسبة لي المعاق هو معاق الفكر و القلب و ليس الجسم !!

كل بنت لها مواصفات خاصة لفارس احلامها اذا توفرت هالمواصفات في انسان ترضى فيه و تتزوجه و اذا لا خلاص ما يصير نصيب !!

يعني بمعنى اذا البنت تقدم لها انسات معاق لكن بنى نفسه و كونها و انسان عاقل متدين و رزين ,, و في نفس الوقت تقدم لها انسان صحيح الجسم لكن منافق كذاب لعوب ؟؟

هل معقولة بترفض المعاق المتزن و بترضى بمعاق الفكر و الاخلاق ؟؟ لا طبعا !!!

في نفس الوقت بعض النساء تكون حياتها تتطلب انسان يوقف جمبها و ما يكون في شي يعيقه ,, يعني مثلا طبيبة او سيدة اعمال بتكون معظم وقتها مشغولة تحتاج شخص اخر يساندها في حياتها يعني في متطلبات البيت و الاولاد لازم يكون للانسان القدرة الجسدية و الصحية لذلك !!

يعني يعتمد على كل بنت و شنهو متطلباتها و وشو اللي يناسبها !!


و انتي ما تعرفين يمكن تاخذين انسان صاحي و بعد فترة يصيير له حادث بعيد الشر و تنقلب حياتكم ؟؟ يعني هالشي بيد الله سبحانه و ما يجوز اننا نحكم على الانسان بشي ماله يد فيه !! بالعكس نحكم عليه بانجازاته بتغلبه على الاعاقة و ان ما يكون انسان مستسلم لها و يبغى وحدة تنتشلة من هالاستسلام لازم يكون قد نفسه و يسعى لتطويرها !!

بس في النهاية الحب ممكن يسوي المستحيل اذا انتي تحبينه بكل حالاته اعاقته هذي المفروض انها ما تكون حاجز بينكم
مشكورة يا قلبي

 

[البنفسج]

سبحان الله لو كنتي انتي المعاقة بيجيج نصيبج والله اللي كاتبة كاتبة
ولو كان هو المعاق نفس الشعوووووووور مدام النفس وحدة اللي جمعتكم
بترضوون بالنصيب وقلوبكم على بعضها
أما النااااااس كلامهم ماينبلع وحر القلب بس فوزي عليكم بالحقراااااااااااااان

..



عين العقل

 

[الغدق]

ماتوقع أني راح أرضى
ويمكن إذا كانت الإعاقة بسيطة أوافق
بس إعاقة جسدية
واللي كاتبه الله بيصير
ويسلموووو

 

[ياحلاتي قمر]

ماحب انتقد مواضيع اذا ما عجبني ما اتكلم بس هالمره بتكلم ..
حراااااااااام عليج شنو هالموووضوووع
امبيه ما تراعين الاوادم الي يقرون الموضوع و احساسهم .. ما تراعين الريال المريض الي يقرى ردود البنات و فكرتهم عنا
يعني السالفه مالها داعي حيل مالها داعي تنطرح .. و الردود معروفه يعني بالعقل .. ذوي احتياجات خاصه و انتي كاتبه يحتاج احد يراعيه و نظره الناس و كلامهم الي يـــغـــث و اهلج ما يوفقون و عندج طموحات و فااااارس احلام و مادري شنو جنج ناطرتنا انطب فيهم .. اكيد البنات بيقول نختار الصاحي بس ليش تطرحين موضوع جذي تجرحين في احساس الي عنده مرض او مشكله .. انتي ما تحسين لان مافيج شي بس اهما حيييل حساسين لان عندهم مشكله و اي كلمه بتجرحهم ..




لا حول و لا قوه الا بالله
وااااااااااي قلبي عورني ليش جذي ..

تدرين عاد

انا برد عليج قبل لا اقرى كل الردود

منو قالج ان انا مافيني شي

ترى هم انا فيني عيوب مثل غيري

وانتي فيج عيوب

والبنت الي تقرا فيها عيوب

ومافي انسان خالي ياختي

والموضوع بالنسبة لي انا عنده هدف بالنسبة لج انتي ماله هدف , هذا من تفكيرج مو من تفكيري كل واحد له راي يختلف

وليش ماسألتيني شنو هدف الموضوع؟!!!؟؟؟ بدال هالهجوم

بالععكس يمكن وحده لمن تقرا الموضوع وتقرا رد وحده من البنات انها موافقة تحس والله ان في قبول وان الشي هذا عادي وماله داعي التكبر فتوافق اذا خطبها

انا مو ناطرة اطب فيهم ,, وانا كنت اشجع وشوفي ردودي قاعده اقول ان في حالات ناجحة بالمجتمع

بالعكس اختي هذا المووضوع مهم لان قاعده يصير حوالينا هذا موضوع اجتماعي

وبعدين ليش تشفقين عليهم ,, والله ردج انتي الي يعور القلب مو موضوعي

ذو الاحتياجات الخاصة قلبهم قوي وعزمهم اقوى , وهم جزء منا واحنا جزء منهم

ردج انتي فيه شفقة

ولو كان موضوعي غلط ماشفتي البنات ردوا وشحليلهم يقولون موافقين واحسن من غيرهم

(الظاهر ماقريتي الردود كلها ))

انا اقول غيري نظرتج للموضوع عشان ترتاحين

وجهة نظر واحترمها

 

[ياحلاتي قمر]

فديت مروركم بنات وتشجيعكم برد على وحده وحده ان شاء الله بعد شوي

اختي اسطورة مو معناته ان الموضوع يختلف مع رايج تمسحينه ( أشوه انج مو مشرفة )

ترى انا موزعلانة ولا معصبة ولا شي

بس شوفي ردود البنات وتعرفين ان رايج الوحيد الي غير

ليش على طول رحتي ذاك الصوب ليش ماجاوبتي على السؤال؟! شكلج انتي من النوع الي مايتحمل

وترى هالفئة مو حساسين بس ليش هالنظرة لهم

انا اعرف وايد معاقين بنات وصبيان عادي عندهم الموضوع واظن لو يقرونه يوقرون اغلب الردود بيستانسون

شيلي نظرة الحساسية الزايدة اهما بشر مثلنا وكلنا فينا عيوب مجرد نصيحة من اخت لي اختها

 

[ياحلاتي قمر]

up

صح كلامكم على حسب الاعاقه ممكن اوافق والا لا
ممكن واحد مايمشي ممكن واحد مايتحجى او مايسمع
ب ماتكون هالشي وراثه بالعايله
حرام ليش نظلم عيالنا وعيال عيالنا

والله ايخليكم ياما في رياييل كاملين والكامل الله شنوا سووا حق حريمهم
يمكن هالمعاق احسن من غيره
بس نظره المجتمع اهي اللي خلت البنات سواء يرفضون او ايخافون
يامن المسؤوليه او من كلام الناس

والله في معاقين واوصلوا للقمه شوفوهم بالرياضه اشلون ياخذون مراكز متقدمه
وانه اقول هالشي راجع لكل بنت على شنو تربيتها وشنو نظرتها لهذه الفئه

وصاحبه الموضوع حبيبتي موضوعج وااااااااااااااااااايد حلو
اي هذي المواضيع اللي ممكن تنطرح بالمنتدى ولها هدف مو غيرها

كلامج حيل عجبني :rerrerek:

 

[][ sarah ][]

ممممممم
سؤال صعب

بس لو مااعرفه , احتمال كبير اني مااوافق , لان اكيد كل وحده لها الظاهر , مااعرف لااخلاقه ولاادري شنو اهوا , مو شرط معاق يعني زين

بس لو كنت اعرفه احتمال كبير اوافق ولو كنت احبه مليون % راح اوافق لاني اعرفه والاعاقه مو عيب

 

[sweet dashttya]

صعبه وايد