خطبج .. معاق .. توافقين ؟؟!؟؟

[دلوعة أبوهآ]

أول شي الانسان لازم يحمد ربه ع العافيه والصحه
وماينسى انه هالشي نعمه من رب العالمين ..

صحيح ان كثير من المعاقين ممكن يكونون أحسب من ألف شخص سليم في أشياء كثير
بس هذا ماراح يكون سبب إني اخليني ممكن أوافق ع معاي
يعني صح هو بشر مثلنا ويحس
واللي صار له مو بيده وشي من ربي
بس أنا ماقدر أتحمل أشوف شخص كذا
يعني صعب اعيش معاه بشعور الشفقه والرحمه ومافي بينا حب ..
وماقدر أتحمل مسؤولية نفسي عشان اتحمل مسؤولية شخص راح يعتمد علي


وكل شي نصيب في الدنيا

الله يرزقنا ويرزقك كل خير​

 

[G!RLooNa]

مادري والله سؤال صعب ماقدر اجاوب عليه لانه الكلام شي و الواقع شي ثاني اقصد ماراح افكر بهالموضوع جديا الا اذا صار شي بالصج لانه صعبه وايد مادري شلون : )

 

[dяέἆᶆ qûếếἦ]

مادري صررراحه بس اتوقع اذا في حب ليش لا

اما اذا ماحسيت تجاهه بشيء برفض لاني راح اظلمه وياي

ويسلمووع الطرح

 

[يمة يادلبي]

بصراحة لا

 

[miss_jamsheer]

والله مادري بس يمكن ذا حبيته قبل الزواج يعني عرفته اي اتزوجه او لا سمح الله تزوجنا وسوا حادث وتعوق او شي هم راح اظل معاه بس اهنيه والطريج ايي يخطبني مادري اذا كنت قد المسؤوليه ليش لا اخذه

 

[Jro7 Al.nass]

امبييييه سؤالج صعب صراااحه.. اممممم والله ماادري
بس اذا كنتي تتحملين الوضع اكيييد راح توافقين

 

[ReeMoh]

الصراحة لا ما اوافق
احسها صعبه علي
وانا اصلا مو مالت اتحمل مسؤؤلية
حلوو موضوعج
مشكورة

 

[ياحلاتي قمر]

مشكورين بنات على صراحتكم وتفاعلكم

وكل وحده حسب قدرتها تتحمل المسوؤلية والا لا

 

[كندية]

مضيعة برقعها كلامج صح وهذا الي كنت افكر فيه ان الناس تقبلني مثل ما انا

كندية كنت متوقعة دخولج للموضوع

شي اكيد اني ماتخلى عن الانسان الي راح يكون نصفي الثاني

والي خلاني أكتب هالموضوع رفض بعض الزميلات للفكرة وفي بنات صج يقولون احنا مانقدر نستحمل

لازم حزب العاهااات نسوي دعم حق القروووب ههه

والله اللي تتكلمين عنهم فاسمحيلي هذووول متخلفييين...يعني اذا ربج يعطيج وااحد كامل والكامل الله وبعين يصير فيه شيء لا سمح الله شكلهم بيطلبوون الطلاق....الرياال باخلاقه ودينه مو الشكل الخارجي....

بس شووفي انتي قلتيهاا هو يعتمد على قدرة الاستحمال...​

 

[Snow angel]

اقبل فيه طبعا اذا كان ملتزم واخلاق لكن اذا كان معاق عقليا طبعا لا

شكرا حبيبتي

 

[ياحلاتي قمر]

لازم حزب العاهااات نسوي دعم حق القروووب ههه

والله اللي تتكلمين عنهم فاسمحيلي هذووول متخلفييين...يعني اذا ربج يعطيج وااحد كامل والكامل الله وبعين يصير فيه شيء لا سمح الله شكلهم بيطلبوون الطلاق....الرياال باخلاقه ودينه مو الشكل الخارجي....

بس شووفي انتي قلتيهاا هو يعتمد على قدرة الاستحمال...​

فديتج وفديت الدعم :eh_s(7):

وكلامج عدل الريال باخلاقه

 

[ياحلاتي قمر]

اقبل فيه طبعا اذا كان ملتزم واخلاق لكن اذا كان معاق عقليا طبعا لا

شكرا حبيبتي

شكرا للمرور والمعاق عقليا ماظن يقدر ي كون بيت واسرة

 

[puppet]

اختي puppet شنو قصدج الثاني عقد زواجه لو زوجوه باطل مافهمت هالجملة

مو موضوع ما يقدر يكوّن أسرة ..

ما يصير تتزوجين أصلا واحد عنده اضطرابات عقلية .. عقده باطل

لازم يكون مسلم بالغ عاقل .. المجنون أحد الثلاث المرفوع عنهم القلم

عقوده باطلة ويعيش طول عمره تحت الوصاية

 

[ياحلاتي قمر]

اي طبعا محد يتزوج من مجنون

 

[قـہۈه فـرنسيـہ™]

بصراحه على حسب نوع الإعاقهـ ,,, فيه إعاقه بسيطه مثل : مثلا قريب لي صار له حادث وايده ما تتحرك الأوتار فيها ماتت ,,,يعني قضاء وقدر والحمدلله توه متزوج وسبحان الله الحين يعالج وكاهو شوي شوي بدت تتحرك ايده ,,,

مثل جذي أوااافق ,,,أما غيره لا ,,, ما أقدر ,,, أنا تزوجت عشان أستانس مع زوجي ونروح ونجي ونسافر ونربي عيالنا ليش أتعب نفسي !!!

 

["اسطورة العشق"]

ماحب انتقد مواضيع اذا ما عجبني ما اتكلم بس هالمره بتكلم ..
حراااااااااام عليج شنو هالموووضوووع
امبيه ما تراعين الاوادم الي يقرون الموضوع و احساسهم .. ما تراعين الريال المريض الي يقرى ردود البنات و فكرتهم عنا
يعني السالفه مالها داعي حيل مالها داعي تنطرح .. و الردود معروفه يعني بالعقل .. ذوي احتياجات خاصه و انتي كاتبه يحتاج احد يراعيه و نظره الناس و كلامهم الي يـــغـــث و اهلج ما يوفقون و عندج طموحات و فااااارس احلام و مادري شنو جنج ناطرتنا انطب فيهم .. اكيد البنات بيقول نختار الصاحي بس ليش تطرحين موضوع جذي تجرحين في احساس الي عنده مرض او مشكله .. انتي ما تحسين لان مافيج شي بس اهما حيييل حساسين لان عندهم مشكله و اي كلمه بتجرحهم ..




لا حول و لا قوه الا بالله
وااااااااااي قلبي عورني ليش جذي ..

 

[ReeMoh]

ماحب انتقد مواضيع اذا ما عجبني ما اتكلم بس هالمره بتكلم ..
حراااااااااام عليج شنو هالموووضوووع
امبيه ما تراعين الاوادم الي يقرون الموضوع و احساسهم .. ما تراعين الريال المريض الي يقرى ردود البنات و فكرتهم عنا
يعني السالفه مالها داعي حيل مالها داعي تنطرح .. و الردود معروفه يعني بالعقل .. ذوي احتياجات خاصه و انتي كاتبه يحتاج احد يراعيه و نظره الناس و كلامهم الي يـــغـــث و اهلج ما يوفقون و عندج طموحات و فااااارس احلام و مادري شنو جنج ناطرتنا انطب فيهم .. اكيد البنات بيقول نختار الصاحي بس ليش تطرحين موضوع جذي تجرحين في احساس الي عنده مرض او مشكله .. انتي ما تحسين لان مافيج شي بس اهما حيييل حساسين لان عندهم مشكله و اي كلمه بتجرحهم ..




لا حول و لا قوه الا بالله
وااااااااااي قلبي عورني ليش جذي ..

حبيبتي بالعكس بعدين اهني موضوع للبنات بس!!
وبعدين اذا بنراعي شعور الناس مانقدر نتحجى اب ولا شي ولا انقاش اي موضوع
في مواضيع وايد مثلا ماتنفع حق اليهال
بس انا احنا نقولها
لأنه لازم يكوون اكوو رقابة على الاطفال
وبعدين المنتدى اهوو المكان الوحيد الي يخليج تتكلمين بطلاقة
i dont agree with you
لا تعورين قلبج حبيبتي

 

[الصابرة المحتسبة]

يعطيج العافية على طرح هالموضوع المهم

اول شي المعاق معاق الأخلاق لا الجسد ,,,, معاق بتفكيره - معاق بمعاملته مع الغير- معاق بعقوقه لوالدينه .....الخ

اذا كان المتقدم حسن سلوك وسيرة وكفو ليش ترفض البنت؟ ماتقدم الا عارف انه قد المسؤولية ويقدر يتحمل ... وشفت وحده بالسوق اهيه سليمه وزوجها اعاقة حركية والزوجة كانت تدز الويل جير بس المنظر كان قمة بالروعة وبنيتهم تركض جدامهم ماشاء الله الله يتمم عليهم .

 

[cherry kisses]

بصــــــــــــراحه لا

 

[بحر هادي]

حسب نوع الاعاقه


..
بس بشكل عام ماعندي مشكله من كون الشخص عنده اعاقه..عاادي..واشوفهم احسن من الناس اللي ماعندهم اعاقه..
لان دايم ربي يكون آخذ منهم شي..وعوضهم بشي ثاني يفتقدون له السليمين..وهو كمال العقل والعاطفه..والاحساس بالآخرين..


مشكوره اختي ع الموضوع