خطبج .. معاق .. توافقين ؟؟!؟؟

[ياحلاتي قمر]

السلام عليكم ورحمة الله وبركاته

شلونكم


موضوع يا في بالي خصوصا اني عرفت ناس من ذوي الاحتياجات الخاصة باختلاف انواع الاحتياج او الاعاقة سواء بنات او شباب .. فكرت فيهم لمن يبون يتزوجون ...

هل راح يتقبلهم المجتمع مثل أهلهم

بعضهم حتى اهلهم مايساعدونهم سواء نفسيا معنويا


وانتي ..
مو متزوجة

احلامج كبيرة

طموحاتج


فارس احلامج

وكل شي في بالج


تقدملج شخص معاق امكانياته على قده او المجتمع ظلمه


ترضين فيه ؟!؟

شنو راح تسوين او شنو ردة فعلج


مع العلم انج راح تكونين مسؤولة عنه .. خصوصا انه راح يكون محتاجج محتاج انسانة توقف يمه لمن تخلو عنه كل الناس ؟؟

محتاج وحده تكون له طبيبة ؟؟ تباريه وتراعيه ...

يعني راح تكون مسؤوليتج أكبر

.. أكيد أهلج راح يعترضون .. ويقولولج انتي مافيج زود شله التعب .. او يمكن بالعكس يقولون دام انج مرتاحة واخترتيه برضاج الله يهنيكم ..


لكن لابد تسمعين حجي يغث من بعيد او قريب ...

أنا سمعت قصص عن رفض بنات بس انج ترفضين وتحطين بالانسان عذاريب الله مايرضاها ..
انج تشوفين نفسج مو قد المسؤولية ممكن ...

صعوبات وحجي ماله نهاية بس يبقى هو انسانة وانتي انسانة يجمعكم مجتمع


خلونا نكون واقعين طبعا المنتدى بس للبنات فانا احب أوجه سؤالي لكل وحده فيكم خصوصا المو متزوجات
وابي جواب صريح بعد تفكير ... توافقين ؟



:eh_s(7):

 

[حلا طيبة]

دائم افكر بالمعاقين لما يبون يتزوجون
صدق مجتمعاتنا العربيه ظلمت هذه الفئة لكن الحين كأنو صار انفتاح لهذه الفئة الحمدلله
هو صدق انسان واحيانا يكون افضل من الف انسان سليم بس احس انو الزواج منه صعب
مدري هذا راي الشخصي

 

[ياحلاتي قمر]

انا معاج بهالنطقة اهوا الزواج من ذوي الاحتياجات الخاصة يبيله وحده تكون لها قدرة انها تتحمل

بس اكيد اذا قدرتيه وباريتيه راح يبادلج نفس الشي

 

[بنت باباتي]

انا اعرف حالات فيها زواجات ناجحه جدا ما شاء الله وعسا الله يتمم عليهم


يعني اعرف وحده حلوه ومافيها عيوب ابد خدومه طيوبه وزوجها مشلول وحياتهم سمن على عسل عاديه مثل حيات اي شخص وعندهم عيال

واعرف وحده رضت انها تاخذ ولد عمها مع انه مايسمع السمع عنده صفر بس بعد حياتهم الحمدلله روعه

هالشي بالذات يبي له تاقلم اذا قدرت الوحده وحست ان هالشي مايسبب لها اي نوع من الضيق وقادره انها تكون زوجه صالحه تقدم على هالخطوه بقوه
اما الناااااااااااااااااس تكفين منو يرضي الناس مايسد لا عيونهم ولا حلوجهم الا التراب يالله حسن الخاتمه


وللاسف في ناس مايكونو كفو ولا قد الزواج يعني تكون متزوجه رجال ونعم ومايكون مقصر فيها ابد ويسوي حادث يقصون رجله فيها
بدال ماتوقف وياه للاسف تكون اول من يتخلى عنه اهي


<<<<بس بس هدي الكي بورد

ان ان قرقت ما اسكت

 

[ياحلاتي قمر]

لا بنت باباتي كلامج حلو كملي


انا بعد اعرف وحده ماتسمع خذاها ولد خالتها اهيا مزيونة وحلوه بعد
بس عيالهم بعضهم طلعوا فيهم وراثة هالشي بس عادي عايشين ومتقبلين لوضع وسمنة على عسل الله يهنيهم

 

[مضيعة برقعها]

سبحان الله لو كنتي انتي المعاقة بيجيج نصيبج والله اللي كاتبة كاتبة
ولو كان هو المعاق نفس الشعوووووووور مدام النفس وحدة اللي جمعتكم
بترضوون بالنصيب وقلوبكم على بعضها
أما النااااااس كلامهم ماينبلع وحر القلب بس فوزي عليكم بالحقراااااااااااااان

 

[كندية]

والله شووفي اذا انا عاارفه اني بكوون قد المسؤليه بوافق وانا مغمضه....يعني هو شنو ماكانت اعااقته اكيد شايل نفسه ووايد شغلات يسويهاا من غير احد...بس مو عيب ان اسااعده بشغله مثلا....
بصرااحه انا وحده ماعندي ماانع يعني فكري فيها..تاخذين وااحد الحمدالله كامل والكامل الله وسبحان الله بيوم وليله يصير فيه شيء بتطلبين الطلاق...لا طبعاا بتساعده وتوقفين معاااه......والبنت اسهل عليها تتقبل من الريااال....

وفي النهاائه كل وااحد يااخذ نصيبه....

مشكوووووره ياااكمييل على المووووضووع​

 

[ياحلاتي قمر]

مضيعة برقعها كلامج صح وهذا الي كنت افكر فيه ان الناس تقبلني مثل ما انا

كندية كنت متوقعة دخولج للموضوع

شي اكيد اني ماتخلى عن الانسان الي راح يكون نصفي الثاني

والي خلاني أكتب هالموضوع رفض بعض الزميلات للفكرة وفي بنات صج يقولون احنا مانقدر نستحمل

 

[HeR HiGHNeSs 90]

تبين الصراحه وله ابينلج اني مثاليه؟

الصج اني لاء ماراح ارضى يعني الي ترضى شيي راجع لها هاذي حياتها بس انا لاء مابي
ابي ريال اعتمد عليه مو يعتمد علي
اذا بتقوليلي لو كنتي انتي المعوقه تصوري نفسج بمكانه
لا مابي اتخيل نفسي مكانه لانه الحمدالله الله خلقني بصحه وعافيه مابي اتخيل نفسي بوضع شخص ثاني
المعاق بالمجتمع احطه على راسي مستعده اتطوع بمركز مع المعاقين اساعدهم اذا يحتاجون شي
اما ك زوج لا ابدا مافكر فيها اول شي ماقدر اصير له ممرضه يمكن ماراح اصبر ثاني شي ليش اخلي احتمال كبير انه عيالي ايون للدنيا معاقين؟

 

[المكسيكيه]

اللي كاتبه رب العالمين بيصير وكل واحد بياخذ نصيبه

 

[غيآبڪ عذآبي]

آنا عن نفسسسي : آيي أوآفق !!

لآنهم أفضضل من غيرهم ..~

 

[ياحلاتي قمر]

تبين الصراحه وله ابينلج اني مثاليه؟

الصج اني لاء ماراح ارضى يعني الي ترضى شيي راجع لها هاذي حياتها بس انا لاء مابي
ابي ريال اعتمد عليه مو يعتمد علي
اذا بتقوليلي لو كنتي انتي المعوقه تصوري نفسج بمكانه
لا مابي اتخيل نفسي مكانه لانه الحمدالله الله خلقني بصحه وعافيه مابي اتخيل نفسي بوضع شخص ثاني
المعاق بالمجتمع احطه على راسي مستعده اتطوع بمركز مع المعاقين اساعدهم اذا يحتاجون شي
اما ك زوج لا ابدا مافكر فيها اول شي ماقدر اصير له ممرضه يمكن ماراح اصبر ثاني شي ليش اخلي احتمال كبير انه عيالي ايون للدنيا معاقين؟

هذي حياتج طبعا اذا انتي تشوفين انج ماتقدرين غير لانه يبيله طولة بال وقناعة بس ترى مو شرط كل اعاقة يحتاجلها ممرض ترى ذوي الاحتياجات الخاصة انواع ومو كلهم خذوها بالوراثة
يمكن حادث و شي

 

[ياحلاتي قمر]

اللي كاتبه رب العالمين بيصير وكل واحد بياخذ نصيبه

طبعا بس الاختيار لج

آنا عن نفسسسي : آيي أوآفق !!

لآنهم أفضضل من غيرهم ..~

 

[Tutti-Frutti]

شـوفـي
علـى حـسـب اعـاقـتـه
اذا كـان مـولـود واهـو مـعـاق
مـا اتـوقـع انـي راح ارضـى
لانـه مـابـي ايـيـب عـيـال مـعـاقـيـن
لانـه اكـيـد فـيـه احـتـمـالـيـه كـبـيـره ايـيـب يـاهـل مـعـاق .. فـ لـيـش ايـيـبـه ويـنـكـسـر قـلـبـي واعـذب روحـه؟


امـا اذا كـان مـشـلـول مـن حـادث
فـراح اوافـق
لانـه بـالـنـهـايـه اهـو انـسـان طـبـيـعـي مـثـلـي بـس صـار قـضـاء الله وقـدره وقـعـده عـلـى كـرسـي
مـاشـوف فـيـهـا شـي اذا تـزوجـتـه

الله يـشـافـي كـل مـريـض يـارب

 

[vogue grl]

صعبه
يسلموو

 

[~ miss NERD ~]

مادري انا اشوف انه شي عادي =)

 

[happy&single]

الاعاقة ان يكون في جسم الانسان شي يعيقه عن اداء اي وظيفة كأي شخص آخر ..
والاعاقات انواع في اعاقة سمعية وفي بصرية وفي حركية وفي منها درجات بالاعاقة

وصعوبة التأقلم مع هذي الاعاقة خصوصا اذا كان لها معاملة ورعاية معينة اذا ما يسمع اتعلم طولة البال ولغة الاشارة
اذا حركية اتأقلم انه ما راح يكون مفيد في اعمال معينة واذا بصرية بعد هذي يبيلها تفرغ شامل ورعاية ،، الخ

بالاضافة الى الامراض الوراثية !؟ هل انا مستعدة اييب عيال عندهم مشاكل صحية ؟ او مستعده اني اتنازل عن حلم الامومة؟
صحيح كلشي بايد الله بس الله عطانا العلم اللي من خلاله عرفنا ان في امراض وراثية تنتقل من جيل الى جيل

بالنسبة لي الموافقة راح تكون بدرجة الاعاقة ونوعها ..
بس اذا ياني اختيارين بنفس المواصفات لكن الاعاقة هي الفرق اكيد بختار الشخص السليم الجسد بدون تفكير

وبالنسبة للبنات اللي قالوا عن تجارب ناجحة ورائعة و..و..
خواتي الاعاقة مو شي سهل واكيد اللي خذت معاق لا يمكن تكون حياتها وردية بهذا الشكل والدليل الامهات اللي عندهم اطفال من ذوي الاحتياجات الخاصة سألوهم اشلون عايشين ؟؟ الله يعينهم ويخلي لهم عيالهم ولايخسر التعب
فما بالكم ببنت الناس اللي مضطرة اتعامل مع شخص بالغ ومو ولــدها اللي بتصبر عليه وتحن عليه!!لأ
هذا زوجها اللي المفروض سندها بالدنيا الشخص اللي تبي تعتمد عليه مو العكس!!؟؟

صعوبات كثيرة لازم تتخطاها عشان اتأقلم نفسها تحط ابالها ان رعايتها المستمرة لاسرتها راح تستمر للأبد اهي ريال البيت واهي الام ! ، لما تشوف خواتها وصديقاتهم مع رياييلهم يسوون أشياء اهي ما تقدر تسويها مع زوجها !!
لما تفكر اتييب عيال لازم تتخطى مخاوف الحصول على اطفال من ذوي الاحتياجات الخاصة لازم تسأل نفسها مستعده تتحمل مسؤولية معاقين آخرين غير زوجها !!؟؟؟

اذا فعلا اهي جادمة وحاسة ان كل هالتحديات راح تفوز فيها خل اتوكل على الله
وغير جذيه لا تفكر لانها بالاخير راح تكون انسانه تعيسة مثقلة بمسؤوليات كبيرة منها اطفال مالهم ذنب الا ان امهم بلحظة قررت اتييب عيال من زوج من ذوي الاحتياجات الخاصة ...

موضوع حلو بارك الله فيك

 

[puppet]

إذا حلو أتزوجه .. بس معاق جسم مو معاق عقليا

الثاني عقد زواجه لو زوجوه باطل .. !!

 

[ياحلاتي قمر]

الاعاقة ان يكون في جسم الانسان شي يعيقه عن اداء اي وظيفة كأي شخص آخر ..
والاعاقات انواع في اعاقة سمعية وفي بصرية وفي حركية وفي منها درجات بالاعاقة

وصعوبة التأقلم مع هذي الاعاقة خصوصا اذا كان لها معاملة ورعاية معينة اذا ما يسمع اتعلم طولة البال ولغة الاشارة
اذا حركية اتأقلم انه ما راح يكون مفيد في اعمال معينة واذا بصرية بعد هذي يبيلها تفرغ شامل ورعاية ،، الخ

بالاضافة الى الامراض الوراثية !؟ هل انا مستعدة اييب عيال عندهم مشاكل صحية ؟ او مستعده اني اتنازل عن حلم الامومة؟
صحيح كلشي بايد الله بس الله عطانا العلم اللي من خلاله عرفنا ان في امراض وراثية تنتقل من جيل الى جيل

بالنسبة لي الموافقة راح تكون بدرجة الاعاقة ونوعها ..
بس اذا ياني اختيارين بنفس المواصفات لكن الاعاقة هي الفرق اكيد بختار الشخص السليم الجسد بدون تفكير

وبالنسبة للبنات اللي قالوا عن تجارب ناجحة ورائعة و..و..
خواتي الاعاقة مو شي سهل واكيد اللي خذت معاق لا يمكن تكون حياتها وردية بهذا الشكل والدليل الامهات اللي عندهم اطفال من ذوي الاحتياجات الخاصة سألوهم اشلون عايشين ؟؟ الله يعينهم ويخلي لهم عيالهم ولايخسر التعب
فما بالكم ببنت الناس اللي مضطرة اتعامل مع شخص بالغ ومو ولــدها اللي بتصبر عليه وتحن عليه!!لأ
هذا زوجها اللي المفروض سندها بالدنيا الشخص اللي تبي تعتمد عليه مو العكس!!؟؟

صعوبات كثيرة لازم تتخطاها عشان اتأقلم نفسها تحط ابالها ان رعايتها المستمرة لاسرتها راح تستمر للأبد اهي ريال البيت واهي الام ! ، لما تشوف خواتها وصديقاتهم مع رياييلهم يسوون أشياء اهي ما تقدر تسويها مع زوجها !!
لما تفكر اتييب عيال لازم تتخطى مخاوف الحصول على اطفال من ذوي الاحتياجات الخاصة لازم تسأل نفسها مستعده تتحمل مسؤولية معاقين آخرين غير زوجها !!؟؟؟

اذا فعلا اهي جادمة وحاسة ان كل هالتحديات راح تفوز فيها خل اتوكل على الله
وغير جذيه لا تفكر لانها بالاخير راح تكون انسانه تعيسة مثقلة بمسؤوليات كبيرة منها اطفال مالهم ذنب الا ان امهم بلحظة قررت اتييب عيال من زوج من ذوي الاحتياجات الخاصة ...

موضوع حلو بارك الله فيك

عجبني تحليل للموضوع واهتمامج بالرد من كل النواحي

ماعندي شي ازيده على كلامج

مشكورة

 

[ياحلاتي قمر]

شـوفـي
علـى حـسـب اعـاقـتـه
اذا كـان مـولـود واهـو مـعـاق
مـا اتـوقـع انـي راح ارضـى
لانـه مـابـي ايـيـب عـيـال مـعـاقـيـن
لانـه اكـيـد فـيـه احـتـمـالـيـه كـبـيـره ايـيـب يـاهـل مـعـاق .. فـ لـيـش ايـيـبـه ويـنـكـسـر قـلـبـي واعـذب روحـه؟


امـا اذا كـان مـشـلـول مـن حـادث
فـراح اوافـق
لانـه بـالـنـهـايـه اهـو انـسـان طـبـيـعـي مـثـلـي بـس صـار قـضـاء الله وقـدره وقـعـده عـلـى كـرسـي
مـاشـوف فـيـهـا شـي اذا تـزوجـتـه

الله يـشـافـي كـل مـريـض يـارب

صعبه
يسلموو

مادري انا اشوف انه شي عادي =)

إذا حلو أتزوجه .. بس معاق جسم مو معاق عقليا

الثاني عقد زواجه لو زوجوه باطل .. !!

مشكووورين على الرد والتفاعل

اختي puppet شنو قصدج الثاني عقد زواجه لو زوجوه باطل مافهمت هالجملة