خريجات كلية العلوم الادارية-جامعة الكويت(قسم المحاسبة)

[^^ROSE^^]

عسى مايحطون امتحان المحاسبه بيوم مقابله المركزي لوووول

 

[leolady31]

الله اكبر قاعة بارده و امتحان صعب كلش مو شي تعذيب
بس اتوقع من الخرعه راح يصير حر و على طاري الملابس انا اصلا يايه ببجامه منصجج

 

[frawlah_83]

هههه فالودا لاتخافين مايصير حر صقيع :// انا اصلا اروح لابسه تريننق

 

[Om_Ksha]

نونااا سوري رديت متأخر بس الوورد خربان لاني مسيفه مقابلات فدزيته علي الايفون و الحين بدزه اهني


كل المتحانات اختياري مو بالكمبيوتر الحل على اوراق
اول شي امتحان english
يتكون من اربع اقسام
1- listening
لازم تسمعون عادل يبيلا شوي
2- grammer
3- voc
4- اكملي الفراغ
بس هذى المتحان بس عشان اعرفون مستواج بل english

ثاني امتحان ( معلومات عامة , تخصص , شخصيه )
من الاساله الي اذكرهم بالمعلومات العامه
1- منو اواقع على العملة الكويتيه ( محافظ البنك المركزي و وزير الماليه )
2- جم رقام القانون مال البنك المركزي (32\1968 )
3- متى انشا البنك المركزي ( 1969 )
4- منو اراقب الوزارات و القطاعات الحكوميه ( ديوان المحاسبه و وزارت المالية )
5- شنو اساوي البنك المركزي ( اراقب البنوك و القطاعات الخاصه )
ما اذكر الباجي بس شوفو ماوقع البنك المركزي كيلا منا
امتحان التخاصص المحاسبه بالعربي كله من حكوميه بس ما اذكر الاساله

المقابله
انا ما اسالوني عن التخصص بس فس بعضهم اسالوهم اساله عامه مافيها شي
انا مقابلتي كانت :
1- وين قدمتي غير المركزي
2- ليش تبين تشتغلين بالمركزي ( يناني اب هل سؤال كل ما اقولا شي اقولي مو مقتنع )
3- منو محافظ بنك المركزي
4- اتعرفين احد يشتغل بالبنك
ما اذكر بعد شينو بس ماكان فيها شي طولت تقريبان 10 دقايق
*
*
*
*
*
*
*
*
*
*
*
*
*
*
*
السلام عليكم شلونكم يابنات المركزي<<<<< ان شاء الله

المقابلة كانت زينة واللي يقابلون زينيين وآنا بعد كنت خوش بنية

بس أغلب أسألتهم عن طبيعة العمل في المركزي وطبيعة عمل دوامي:
- ليش تبين المركزي؟ - ليش ماتبين دوامج؟- تتحملين الدوام الطويل؟
راضية بالوظيفة المعروضة؟- ليش راضية في الوظيفة؟!!!!!! - ليش..ليش..ليش؟
*
*
السلاااااااااام

حمدالله المقابله كانت سهالات حدها ... أسالولي الاسئلة المعروفه :
1 - ليش تبين البنك المركزي ؟
2 - شنو تعرفين عنه ؟
3- شنو تعرفين هن القسم الي تبع تخصصج ؟
4- سنو اللغات البرمجه الي استخدمتيهم ؟
5 - و انا كنت club leader bel kuniv سألوني شلون و شنو سويتي ؟
6 - أسالوني شنو عندج مهارات غير تخصصج ؟
7 - تقبلين بالشغل الاضافي ؟ وايد بنات ينحرجون انتي شرايج ؟
8 - شنو تفضلين تشتغلين ؟
9 - شلون تميزين شغلج عن باجي الشغل ؟
10 - و ين قدمتي اماكن ثانيه ؟ و شنو افضل مكان غير البنك المركزي ؟
هذووول الي يوو على بالي حاليا ان شاء الله ماكوون نسيت شي ..
*
*
*
banaat elyoom kanat mogabalti ....keleeeesh ma saweet zeen el7amdella 3ala kell 7al...hathy el aselah ely esalooni...
1.khelal el fatrah ely fataat tewathaftay eb mokaan o laish ma tabeen sheglech
2.gadamtay 3ala amaken thayaa? hal engabaltay?o etha engabaltay laish refathtee
3.et3arfeen 3an 7aseb el alee (computer)o sheno program ely et3arfeena
4. mn ween tekharajtay
5.laish tabeen bank markaze
6.what is the balancesheet
7.sheno ya3ny auditor
8.etha shtagaltay eb ay qesem eshtagaly
9.sheno a3mal bank markazi
10.laish ekhtartay ha takhasos
hatheel el aselah ely yama3thaa mn montada
1.sheno dawraat ely gadamteehaa
2.sheno gawaem el maleeya
3.sheno mafhoomich le tadreeb
4.etdesheen el net o sheno el mawage3 ely etdesheenhaa
5. sheno akher akhbaar bank el markazii

*
*
*
*
*
*
*
*
*
*
*
*
*
*
*
*
رفيجتي كانت يوم الخميس وتقول اللجنه وااااايد كاانت كبييييرة ,,, بس واحد منهم سالها ,,, تقول دخلو في اساله التخصص محاسبه ,, وشنو طموحها في البنك المركزي ,,, و جم تعطين نفسج في لغة الانجليزية ,,,, شنو الفرق بين قائمتين مالييتين ( كانو محددين لها شنو القوائم) طبعا اساله على حسب تخصصها واحنا محاسبه ,,,, وسالها بعد شنو الفرق بين الوظيفه ( بين وظيفتين اهي حاطتهم يوم التسجيل) مراقب مصرفي ومساعد باحث مصرفي اتوقع هذيلييي
*
*

 

[^^ROSE^^]

فراوله عاد انا مسرع مايعورني بطني من البرد
بالفاينال يقعدونا بقاعه ثلج اتعذب انسى الامتحان من العوار

ام كشه مشكوره عالمعلومات
ويه شقولهم لاقالولي ليش اخترتي البنك و شتعرفين عن البنك!! لا بيقعد يقولي مو مقتنع بعد الاخ

 

[nonosha]

فوفو انا للحين ما كلموني بس امس رفيجاتي يسولفون ان يعرفون ناس دزولهم مسجات ان امتحانهم الاحد

وشوشو مشكورة يعطيج العافية على الاسئلة

 

[بنت حمووله]

مشكوووووره شوشوووووو :*

 

[frawlah_83]

مشكوره شوشوو :* ماشاءالله شكلج تسجلين اول باول والله خوش فكره ...

رووز انا عظامي تعورني بالبرد :\\ تلقيين كل مكاان اروح معاي شال وايام الدوام موديه جاكيت صوف حاطته في درجي لانه من كثر البرد اصابعي تزرق

نوناا شخبارج مالج حس هالايام

 

[بنت حمووله]

هلا والله فوفو
والله لاهيه بالدوام و اذا رديت قعدت ساعتين بالبيت و رديت طلعت...صايره هايته
فوفو بسالج...صج دعم العماله ما ينزل اول ٣ اشهر؟؟ يعني بس ينزلي معاش البنك و دعم العماله باثر رجعي بعد ٣ اشهر؟؟
ولا رفيجتي قاعده تالف؟؟ :/
روز الله يعينج اذا معزمه علي ال سي بي اي انا مالي مقاااقه والله عفيه عليكم ماشالله

 

[frawlah_83]

اي زيين تسويين هيتي شورااج بس اهم شي ان شاءالله مرتاحه بالشغل ؟؟

اي صح مو قاعد تالف ينزل بعد 3 شهور اهما اجراءاتهم اطول فينزلج باثر رجعي يعني ينزلج مبلغ حلو

 

[^^ROSE^^]

مو cpa مالي خلقه
cfa ان شاء الله p;

 

[leolady31]

ما دزولي مسج ديون المحاسبة (من كثر ما تحنين سكتي يدزون ) لوووووووول
بس زين يعني احتمال الاثنين او الثلاث مادري شنو ادرس عطونا كتيبين قاعده اقراهم بس قرقه وايد يعني نبذه عن الديوان و جذي و المحاسبة مادري شنو ادرس منها بالضبط

اممممممممم ام كشة ما عليج امر ممكن اشوي ترجعين لنا بالماضي و اتقولين شنو اسئلة الامتحان اللي تتذكرينها؟

 

[q8ia_cutaa]

Hi girls

7da malaaaaaal ;s
Offf el mzaj mt3kr. Cuz grb wgt ele mattsamash :s

Madre shswe

 

[^^ROSE^^]

اخوي مساع يسألني مادزولج مسج ديوان المحاسبه? لان رفيجه دازين له يقول قاعد يدرس
قلتله خوش الله يعافيك لا امتحن خل يغششني
ان شاء الله لا غششني اغششكم p;

 

[I HAVE DREAMS]

بنات انا دزولي ديوان المحاسبة مسج يوم يوم الخميس ان الاثنين امتحاني

بس انا قدمت على kpc ووصلت للمقابلة وانشاءالله ينزلون القبول على هالشهر على حسب ماسمعت

سؤالي شرايكم بنات بديوان المحاسبة احسن من kpc

وتنصحوني امتحن الاثنين وشنوا ادرس للامتحان موعارفة شي؟؟؟؟

ومشكورين حبايبي

 

[leolady31]

مع زياده المعاش في الكي بي سي صارو تقريبا نفس الشي يعني
امبيه انا ما دزولي معنه انا خامس متفوقه بالمحاسبة على الدفعة يعني شنو اهو على الاسماء ولا على المعدل؟ خايفة ينسوني

 

[frawlah_83]

بنات انا دزولي ديوان المحاسبة مسج يوم يوم الخميس ان الاثنين امتحاني

بس انا قدمت على kpc ووصلت للمقابلة وانشاءالله ينزلون القبول على هالشهر على حسب ماسمعت

سؤالي شرايكم بنات بديوان المحاسبة احسن من kpc

وتنصحوني امتحن الاثنين وشنوا ادرس للامتحان موعارفة شي؟؟؟؟

ومشكورين حبايبي

وصولج للمقابله مو يعني قبولج فانتي مو ضامنه القبول وماراح تخسرين شي لو رحتي قدمتي امتحان الديوان ...

شوفي ديوان المحاسبه الراتب كبدايه عالي بس تالي ازيد حاله حال الحكومه 10 دنانير كل سنه .. انا بالنفط صج انه الراتب اقل ومع الزيادده الي اقرت بصير قريب منه بس النفط لها مميزات ثانيه البونص اعلى وهم في شي اسمه مشاركه بالربح مثل بونص اضافي اذا الشركه حققت ارباح زينه وهم تذاكر سفر والزياده السنويه على ماعتقد عباره عن نسبه مئويه وعلى حسب اداءج وغيره وغيره وغيره ... بس بالمقابل داومهم اطوول والديوان اقصر ف كل واحد في الزين والشين ...

انتي نصيحه لاتعتمدين على مكان واااحد الي ايج منه قبول وافقي

وبس بالتوفيق

 

[I HAVE DREAMS]

وصولج للمقابله مو يعني قبولج فانتي مو ضامنه القبول وماراح تخسرين شي لو رحتي قدمتي امتحان الديوان ...

شوفي ديوان المحاسبه الراتب كبدايه عالي بس تالي ازيد حاله حال الحكومه 10 دنانير كل سنه .. انا بالنفط صج انه الراتب اقل ومع الزيادده الي اقرت بصير قريب منه بس النفط لها مميزات ثانيه البونص اعلى وهم في شي اسمه مشاركه بالربح مثل بونص اضافي اذا الشركه حققت ارباح زينه وهم تذاكر سفر والزياده السنويه على ماعتقد عباره عن نسبه مئويه وعلى حسب اداءج وغيره وغيره وغيره ... بس بالمقابل داومهم اطوول والديوان اقصر ف كل واحد في الزين والشين ...

انتي نصيحه لاتعتمدين على مكان واااحد الي ايج منه قبول وافقي

وبس بالتوفيق

مشكورة حبيبتي خلاص راح امتحن بس مالي خلق ادرس شي :eh_s(7):

مع اني اتمنى اكون بالنفط ليش مادري بس عندي احساس يقول النفط احسن بالرغم انه عيبه طول الدوام

بالتوفيق للجميع

 

[I HAVE DREAMS]

مع زياده المعاش في الكي بي سي صارو تقريبا نفس الشي يعني
امبيه انا ما دزولي معنه انا خامس متفوقه بالمحاسبة على الدفعة يعني شنو اهو على الاسماء ولا على المعدل؟ خايفة ينسوني

انشاءالله ماينسون احد بس توكلي على الله والله مايخيب رجاج:yaaaaaarb:

 

[leolady31]

امبيه يالي احساس ودي اداوم بالكلية ابي اسبوع البنات اللي كله وردي و يوزعونا اشياء منزمان ما شفت جذي