خريجات كلية العلوم الادارية-جامعة الكويت(قسم المحاسبة)

[frawlah_83]

شنو اسبووع كل وردي !!!!

 

[I HAVE DREAMS]

ا و يوزعونا اشياء منزمان ما شفت جذي

هههههههههههه مافهمت جملتج ممكن الترجمة
منزمات شنو!!!!!!

 

[q8ia_cutaa]

صباح الخيير
شلونكم
شخباركم
هالأسبوع غثييث الله يعين

شنو أسبوع البنات إلي كله وردي !! ماكان على أيامنا جذي

لاتحروني :'(

أنزين بنات أختي مهندسة ومقدمة على ديوان المحاسبة وبتسافر عقب جم يوم. ماتدرون إذا بلشوا يدزون مسجأت حق امتحان المهندسين ؟

 

[leolady31]

اي شنو ما شفتوا سوو عندنا اسبوع الومانز ويت السيركل تزينه وردي ووزعوا ورد و صبق اظافر و مناظر صغيره عجيب هذا الاسبوع (بالكلية)

 

[leolady31]

womans week in cba *

 

[frawlah_83]

صباح النور اهلييين كيووووته شبخارج ؟

والله انا كل اايام الاسبوع صارت وااحد مايفرق

بسالكم في احد مشترك في لافام ؟ ناويه اشترك رحت شفته بس ماعجبتني مالت الرسبشن حدها نفيسسسسسه :\\

 

[^^ROSE^^]

امتحاني بديوان المحاسبه 12-4-2011
منو معاي؟ او منو قبلي عشان تغششني p;

 

[^^ROSE^^]

فراوله اذا ودج نادي حلو ونظيف و راقي و مافيه احد روحي بيلاتس اند مور اللي بالسالميه
دشي اخذي فكره و قرري
اختي مشتركه فيه و قاعد تحن علي اشترك
من كلامها تشجعت صراحه
تقول ماكو زحمه كلش
والمدربات فلبينيات بس فاهميييين وتلقين وحده تقعد معاج بالتمرين ماتخليج على كيفج من جهاز لي جهاز هي تعلمج شنو يصلحلج و شكثر تقعدين عليه
وعندهم حصص حق كل شي وحمام سباحه
هم بالسالميه قبال صالون الندى والنجوى جان تعرفينه اللي بعماره الرفاعي قبال لابجيت
ذاك الصوب يصير

 

[frawlah_83]

اي اعرفه سامعه عنه بس مشكله طرييج واهناك السالميه كله زحمه .. الخالديه اقرب لي ..

بالتوفيقق رووز :*

 

[leolady31]

روز متى دزولج مسج؟ و عطني الرقم بدق عليهم خلاشوف اخاف سقط سهوا

 

[q8ia_cutaa]

هلوو قيرلز

الحمدلله فوفو انا زينة انتي شلونج

بنات اكرر سوالي .. ماتدرون اذا دزوا ديوان المحاسبة مسجات حق امتحان المهندسين ؟؟

 

[frawlah_83]

ماعندي فكره كيوووت الي اعرفه بلشووا حق المحاسبيين

 

[frawlah_83]

رووز شخبار الرجيييم .؟ جنه طخيتي

بشري دفعتي فلوس الكتب ولا ليحليين ؟

بنااات اكرر سؤالي منو اعرف لافااام او مشترك في من قبل <<<<< تقلد بعض الناس لوووول

 

[nonosha]

هلووو جميعا شلونكم ؟
والله كيوته ماادري عن المهندسين بس حتى احنا تمويل انا ورفيجاتي ما دزوا بس اكيد دام بلشوا بالمحاسبين اتوقع قريب للكل

وفوفو 2 كانوا وياي بالجامعة كانوا يروحون ويمدحونه بس الصراحة انا ما جربت

ونونا بشري شسويتي بمقابلة المركزي

 

[Om_Ksha]

ديوان المحاسبه دوامهم بينه و بين النفط بسسسس نص ساعه !

هذول 2.30 و النفط 3

و النتايج طالعه بس ماراح يدقون على احد الا عقب الحكومه لما تتشكل ..

تصدقون اسئله ديوان الماحسبه كانو عندي بس لما رفضوني عصصصصصصصبت و حذفتهم :\\\ ادورهم لكم انشالله احصلهم كان فايل حسافه :\

ممم و شنو بعد

نونا بشري شسويتي

i have dreams

كله اشوفج بالمنتدي مال النفط تحوسييين ههههههه انشالله يقبلونج .. و لا تفوتيييييييييييييين ولا امتحاااااااان ولا مقااااابله صدقيني ماتدرين يمكن احد يرفضج و الثانيين يقبلونج ! فلاتطوفين شي انا اتمنى اني انقبل بالنفط ليلحين والله ..

يالله خلانام الاحلام حلوه

ياللللله بااااااااااااي قوودناايت

 

[frawlah_83]

هههه شووشوو الله احققلج كل احلامج بارب وحقق كل احلام البناات ويااج واحلامي وياكم

نونااا بشري اشلوون المقابله ..؟

 

[q8ia_cutaa]

Gm bnoootaaaat ;*

Shlonkom.

Sh5barkooom

 

[I HAVE DREAMS]

صباح الخير يا حلوات

ادعولي انا اليوم امتحاني بديوان المحاسبة الساعة 11:00

ام كشة طلع صج بس الفرق بين ديوان المحاسبة والنفط نص

ساعة مادري ليش الناس يقولون النفط دوامهم حيل طويل!!!!!

انا امس دقيت على الديوان وقالولي يطلعون 2:30

 

[frawlah_83]

اهلين كيوته شخبارج ؟

I have dream

دوام النفط طويل مقارنه بالوزارات اما اذا بتقارنين مع المووسسات مايفرق ... وهم النفط التزام ماكو تزرق من جذي الناس تقول طويل .. بعد الي يبي المعاش يشتغل ويتعب ويكدح ( حلوه يكدح ) ماكو شيء بالساهل

وموفقه ان شاء الله

 

[^^ROSE^^]

السلام عليكم

انا صارلي يومين فلونزا اللي حسيت خشمي حنفيه لوووووووووول
وبلاعيمي وحالتي حاله

شلون امتحان ديوان المحاسبه؟ باجر امتحاني ان شاء الله

فراوله انا وين والرجيم وين خل اخلص الحلوة و ارجع لوووووووول
و اي طلبتهم ناطره يوصلون
جم ياخذون عاده؟