خدعه كبيره اسمها ماليزيا

[جنون آلورد]

بالعكس احلى مافي ماليزيا اكلها وشعبها وانا قبل 6 شهور كنت فيهاا بالعكس أسواقها وبضاعتهم حلووووووه

 

[كويتية 112]

انا بصراح رحتها مرتين وماشفت جذي شغلات يمكن اللي يروحون بالصيف يشوفون العجب

عادي كل الدول يدرون ان الصيف يعني سياح عرب والسياح العرب لو مايدرون هالشي

جان الدول ماعرفتهم فيه صح والا لا طبعا مو الكل بس جزء من فئه الشباب ..

وكل ديرة فيها الزين والشين .. واهم شي انتي تكونين عارفه تختارين برنامج الرحله

والاماكن والفنادق اهم شي ..

ويعطيج العافية ..​

 

[*الهنوف*]

مبين عليج انسانه سلبيه لانج ماشفتي الا الشي السلبي
لو ماشيه ومستمتعه بالجو والمناظر الطبيعيه ومالج شغل بالمساج والشورتات وغيره

ماليزا قمة الروعه ومحد ذمها
استغربت عليج

 

[*الهنوف*]

اااااا

 

[سمرة السمرة]

بصراحه ماليزيا حقت عوائل واطفال واللي يبي الشين يروح له واللي يبي الزين يروح له

لو بيدي اسافر ماليزيا كل اجازة ...

الهنوف الغالية اعجبني ردك بالتوفيق يا غالية ​

 

[دخون ازرق]

والله صاجه ماليزيا موحلوة شفت بلدان أحلى منها

 

[دخون ازرق]

انا رايحه لها قبل سبع سنين كل اللي قلتيه والله صح ديرة لوعه ومو حلوة قعدت بأفخم فنادق ها والله الصرصور يمشي عند البوفيه والفندق 7 ستار شعب مايعرف انجليزي مطاعم اكلها الله يديم النعمه خخخخ تجربة لن أكررها حسافة الفلوس اللي قطيتها

 

[مقمش لولو]

شكرا لكم جميعا بالرغم من ان الموضوع صار له سنه الا انه مستمر حبيباتى محد منعكم تروحون ماليزيا روحوا انا هذا رايي

الشخصي قد يختلف معاى الكثيرين لكن اللى موطبيعي رايكم فينى شخصيا يعنى اللي بيتكلم ويناقش مايقول انى سلبيه لا

انا لوسلبيه جان قلت ماليزيا كلها موحلوه وشينه لكنى ذكرت بعض الامور الطيبه واعتقد ماهى فزعه ضحكتنى بعض الردود

خاصة اللى قالت عجبنى ردج فلانه شي يضحك اما الامور الثانيه مثل المساج حبيبتى المساج منتشر بكل مكان يعنىلاتقولين

لاتروحين هالاماكن لان البلد كلها هالمساج وهالسوالف اما محد ذمها ردي وشقلبي الصفحات وشوفي الردود متفاوته

اللى تعجبه واللى ماتعجبه هذا شي طبيعي انا ماحبيتها رطوبه ولوعة جبد استغفر الله استغرب من اللى يروحون شهر عسل اتوقع

عموما شكرا للجميع بدون استثناء

 

[سمرة السمرة]

السلام عليكم

اختي مقمش لولو ... والله لم اقصد الاساءة اليك بكتابة ردك اعجبني لا والله يا اختي ما اقصده هو ردها بجمال الطبيعه والمنظر وهذا ما قصدته بان ردها اعجبني ... اعتذر اختي ان كنتي فهمتي ان ردي اساءة لك لا والله والعياذ بالله لم اقصد بتاتا ما فهمتي
اكرر اعتذاري اختي ... لكني لم اقصد ما فهمته من ردي ​

 

[جروح ودموع]

مشكووووره حبيبتي عاد احنا كنا مفكرين نروح شرق اسيا ماليزيا او تايلند ووقع الاختيار علي تايلند بس احس ريلي تراجع يقول لي سمعت اشياء ما تسر عن شرق اسيا وحتي يقول ان اخو رفيجه حاشه اهوا ومرته وباء كبدي الله يحفظنا ويحفظكم ياارب لانهم دايما يسافرون شرق اسيا فالحين بنغير وجهتنا عاد انا ضاق خلقي لان البنات يمدحون سوق تايلند

 

[دمـعـ غيـوم ـة]

وجهة نظر

عموماً أنا وجهة نظري تغيير المكان والناس والتعرف على مجتمعات جديدة هي بحد ذاتها متعه
ماليزيا حلوة ويعيبها جوها الرطب
وفيها بضائع حلوة

 

[Roty]

حبطتيني

 

[كريستال]

ماعجبتني


الناس اذواق ماليزيا يروحون لها عشان الرخص

عندي اروح دبي ابرك

 

[طلقه المحيا]

حسيتج جنج تتكلمين عن تايلند .. انا رحت ماليزيا حلوه وفنادقها اتينن بس جوها مب حلو واكلهم الماليزي يلوع الجبد بس المطاعم العربيه زينه واللي تقول الي متعوده تروح اوروبا ماراح تعجبها شرق اسيا انا رحت اوروبا اول شي وبعدين شرق اسيا واعجبتني =)

 

[هاردلك ياحظي]

كولامبور عاااديه جدا

لكن الجزر روعه انا رحت جنتق ورحت لمدينة مرتفعه نصعدها بالتلفريك
رووووعه نسيت اسمها
بس انا حييييل استااانست بماليزيا واكثر شي بالبراشوت والجيتسكي ونااااسه صج
علي البحر

 

[روحها في الكويت]

اخواني يدرسون ابماليزيا واحد فيهم كللش ماحبها كله يذمها ويقولي مو حلوة
عاد ودي اروح واشوف بعيني

 

[كوكا كولا]

رد حق كل وحده قالت عنها خيسه وحر وموت

بالأمانه انتي عايشه بأوروبا ولا بأمريكا بالبراد؟؟؟
الكويت رطوبتها العن ويكفي بالصيف غبار ورا غبار ورا غبار
يدوب بالشتا الجو يكون حلو ولا باقي ايام السنه غبره وخيسه ورطوبه

وعموماً ماليزيا هي دولة استوائية وطبيعي بيكون جوها استوائي
والي حابه تسافر لازم تشوف نفسها تبي الأجواء الأستوائية ولا البراد
وهني تقرر بالأخير وين وجهة سفرها

انا عن نفسي بعد أسبوعين بروح ماليزيا ولأول مره ووايد ناس مدحوها
وانا عن نفسي متعوده على حر ورطوبة الكويت
يعني مو شي جديد علي الحر والرطوبه اهم شي نستانس ونشوف الطبيعة والخضرة بكل مكان
وحاطه لي برنامج سياحي كامل وعسى الله يسهل روحتنا يارب وراح أعطيكم رأيي مره ثانية وبكل صراحة عنها لي رديت

 

[khawla&tito]

سبحان الله ماحبيتها توقعت انا بس

 

[CuteMeme]

وييع صج ماليزيا مينون يالي يروحها
طبيتها مرتين اموت ولا اطبها :l

جو و حراميه كلش و اشياء وايد بس وايد الناس مرقينها فوق بالمدح

 

[توتــه]

اوووووف شنو كل هذا
انتي نظرتج حيل سلبيه

بالعكس اكلهم يهبل مطاعم طبي وتخيري
وبضاعتهم روعه خصوصا المكياج الصنادل ملابس الاطفال
حتى صيدلياتهم تجنن ومحلاتهم ماتلقينهم بالكويت

وبالنسبة للاماكن مو لهالدرجه اللي وصفتيها بالعكس اشوفها عاديه

انا رحتلها العام وبروحلها هالسنه بصراحه دوله ونيسه