خدعه كبيره اسمها ماليزيا

[مقمش لولو]

السلام عليكم ورحمة الله وبركاته​

شلونكم حبيبات قلبي​

خاصة للي بيروحون ماليزيا تنى راجعه من السفر ومادرى شقول ماليزيا بلد فيه الايجابيات وفيه السلبيات لكن السلبيات اكثر​

عموما سكنت بفندق اسمه رويال بنج تانج وهو فندق نقدر نقول فور ستار شي غريب عجيب الكويتيين والسعودين مترسين تترس
طبعا الفندق يقع فى شارع العرب​

هالشارع معروف بالزحمه على اليمين وعلى اليسار محلات عباره عن بقالات ومطاعم عربيه مطعم ايرانى لبنانيه محلات ​

لبيع العصاير والفاكهه مثل الكافيه يعنى وبعض الكافيهات بعد نشوف المجمعات والفنادق على نفس الشارعين​

عموما هالشارعم فيه الزحمه موطبيعيه كويتين سعوديين​

جنوس بائعات الهوى من جميع الاجناس فلبينيات مغربيات افريقيات واشكره تشوفونهم قلبي متروس اخ بس اخ
بعد ينتشر على الطريق محلات عباره عن محلات للتدليك والمساج ينادون الواحد ويصيدون الزبون تصيد حريم ورياييل بيدهم بروشون للمساج وتعالو شوفوا الناس اللي تسوي ​

المساج والله شي مؤرف ووووع اجانب وخليجيين مسدحين على هالكراسي وووع والله شي يلوع الجبد الحريم اللى يشتغلون كل وحده لابسه شورت اصلا اشكالهم تلوع الجبد(رايحين فيها) ​

نسيت لاقول لكم هالشارع تكثر فيه السرقات من اصحاب السياكل يخمطون الجناط وينحاشون وصارت حق عوايل كويتيه​

عموما هالبلد يمتاز بشعبه الغبي والدفش ابدا مافي ذرابه كلش
ولامعرفه باللغه الانجليزيه القليل طبعا يتكلم الانجليزي
شعب يخز ويطاعلون اليهال اذا عندكم عيال دايما ارقوهم لان ممكن يوقفونكم علشان يسولفون مع عيالكم لان عيونا غير عن عيونهم وخشمونا مميزه بالنسبه لهم انا صار ت لي مواقف شكثر لاتعد ولاتحصى بس يسالونى عن بناتى عن شعورهم وعيونهم​

بالنسبه للسوقه طبعا مافى شي يفتح النفس صحيح المجمعات كبيره كبيره وعالم لكن البضايع اغلبهاعباره عن شورتات وتى شيرتات كل محلاتهم تي شيرتات يعنى الرياييل يستانسون
لبس الحريم كلش موحلو لان اهم اصلا لبسهم موحلو لا انسي عندهم ماركتين حق الجناط حلوين وحده غاليه وحده حلوه ((بونيا)) هالجناط وايد حلوين والاسعار من 200 رنجه وفوق
يعنىمن العشرين دينار الى فوق الاميه​

نفس الشي بالمجمعات نحصل ممكن 30 مطعم لكن الاكل استغفر الله موحلو كلش ولا احد يجرب ياكل لان اكلهم يلوع الجبد لاريحه ولاطعم اللهم ماكدونالد حتى كنتاكي نشم الزفره من بره وقبل لاناكل نسال حلال والا لا والشي الزين ان اذا كانت
المنتجات حلال يحطون عليها كلمة حلال​

طبعا الشي الزين عندهم الرحلات
والمناطق السياحيه لكن اللى يضيق الخلق رطوبة الجو اللى تقتل​

هذا بروشور للاماكن السياحيه

طبعا مره شفت وحده من الخوات حاطه تقرير تقول انها راحت لمصنع الكاكاو​

لما شفته صج ضاق خلقي شنو مصنع؟؟؟؟؟؟؟؟؟؟ اهو دور ارضي عباره عن 3غرف اول غرفه عباره عن موضات يسون الكاكو بعد مويسوونه لا يزينونه والغرفه الثانيه عرض للكاكاويعنى تمشون ويذوقونكم والغرفه الثالث المنتجات للبيع وياليت كاكاو مميز كل موجود عندنا يعنى لامصنع ولابطيخ
ككاو جاهز للبيع​

حديقة الفراشات وحديقة الزهور وحديقة الورود عباره عن مساحات مزروعه مغطينها صحيح المكان حلو ويستاهل الواحد يشوفه بس الحر يقتل ويخنق والتذاكر اللى كل شوي دافعين
يعنى حديقة كل حديقه الواحد يفرها بنص ساعه (حسافة التذاكر اللى دفعناها)​

البرجين شكوووووووووووووو مادرى اهم عباره عن مجمعين تجاريين وهم بضايعهم المعتاده اللى مالها طعم ومحلات الماركات العالميه وفى دور حق المطاعم اللى تلوع الجبد استغر الله مافيهم الا ماكدونالد وجي ليز متروسين كويتين وعليه يدورون الاكل الزين​

ومن بره الواحد ممكن يصور مسوين بحيره صناعيه ​

رحنا رحلة حق مكان ينقال له افا موسي​

شوي بعيد لاعت جبودنا والتذاكر غاليه لكن فيه عروض الكوبوي طبعا كلهم جنوس وعروض الفيله وتكرمون الحيوانات
والطيور واخر شي عرض شامل وايد حلو صج غسل جبودنا نقعد على الستيج ونشوف العرض الشامل كاوي بوي...فيله...طيور...سياكل...عروض للهنود الحمر بالنار ...عرض بلبسهم التقليدي الماليزي ..عرض للاعلام ​

اخر شي الالعاب الناريه طبعا هذا كله يتخلله التصوير يعنى يصورونكم مع كل هالعروض وتالي تشترون الصور​

تايم سكوير
طبعا هذا مجمع كبير وله اكثر من بوابه وتقريبا اكثر من سبع ادوار حجمه كبير فيه محلات شكثر لكن مافيه شي مميز والسبب البضاعه المعروضه ماعندهم بضايع مميزه شي يلوع الجبد مثل مانقول بالكويتي خماجير السوقه الشعبيه وايد احلى مع ان المحلات حلوه وطريقة العرض مميزه لكن البضاعه رديئه​

راح اتوقف لانى تعبت لكن لى عوده مع التكمله والصور

 

[أم لطووف]

طيحت حضها وأنا متشوقه أروحلها خخخخخخخخخخ..
بس أنا ألي سمعته غير وايد يمدحونها ما أدري الناس أذواق ما يازتلج ويازة حق غيرج..


على العموم
تشكراااااااااااااااااااااات أفندم..والحمد لله على السلامه..​

 

[مُخملْ]

بالعككس . آغللب اللي يروحونها يممدحوونهها

يمكن لآنج سآكنه ف شآرع العرب. معروف هالممكآن آنه آوصخ الشوارع
> آتوقع تايلاند وماليزيآ نفس الحآلة

وفيه زززحمة غير طبيعية فهالمكآن بالذات
آخخر مرة لمآ رحنآ تآيلآند سكنّآ بعييد عن شارع العررب
وايد اريح والزحمة اخف . بس لمانروح صوب شارع العرب
الزحححمة ماتنطآق -.-

اللبس - السرقات - المسآج . نففس الشي موجود في آغللب الدول الآسيويه .!

يعطيج العافية عزيزتي
ومثل ماقالت ~ آم لطوف. مآيآزتلج بس يآزت ل غيرج


,

 

[رزه واستايل]

حبيبتي في استفسااااااااااااااار بليزززززززز عن عروض افاموسا المتاخره من الساعه جم تبدى وتنتهي؟ لان من قبل رحنا الظهر ولاعت جبودناااااا بليززززززززززز وقوليلي الاسعار؟ العروض المتاخره

 

[lolwah]

نااطره الصور

 

[فـــخـــر]

زايده المواضيع اللي تذم في ماليزيا هذا 3 موضوع

 

[موج-البحر]

شرق اسيا معروفة بوصااااخه الاكل ووصاااخه الاخلاق :/

يسلمو على التنويه

 

[Miss sensitive]

سمعت عن هالشارع اللي تقولين عنه بس ما سكنت فيه
من السفريات وانا ابي مكان مافيه كويتيين وايد

بس صدقيني ماليزيا حلوه اذا طلعتي ضواحيها

 

[أحلى همبه كويتية]

وي حده احباط
الله يعوضكم بسفرة احلى منها

والله قليل اللي اسمعهم يذمون ماليزيا
سبحان الله الناس اذواق

شكرا لج على التنبيه والنصايح ما قصرتي

 

[q.u.e.e.n]

امبي اشفيكم على ماليزياااااا عاد ودي ارووووح لها لا اطيحونها من عيني

 

[SILVER ROSE]

كل هالاشياء ماشفتها لاني ماسكنت بشارع العرب
كل الناس مكودين هناك اللي يشوف يقول بتضيعون اذا باعدتوا

 

[كيم كارداشيان]

أنا بعد من الناس اللي ما حبوا ماليزيا

سرت لها ف 2003 .. وما أفكر أروح لها مرة ثانية ..

يمكن مكان الالعاب اللي في الجبال الجو حلو فيه والحديقة المائية

بس كي ال كلها ما تستاهل ..

رحنا جزيرة بينانج .. من هناك تشرينا وتمشينا وشفنا الطبيعة وعرفنا الجو الحلو ..

أما كواللمبور ما تستاهل .. ما حبيتها أبدا أبدا ..

 

[الـزيـــــن]

,


اناا من روآد مآليزيآآ بعد

.. اخر روحه لي 2009

بالعكس كانت حلوووه .. ومآآشفت هالكلام بشارع العرب مادري عنها الحين

رحت لنكاوي وبيناننغ وجنتنق ومرتفعات الكاميرون ,, وبالنسبببه للتشري صاجه يعني البضاايع مو ذاك الزود بس كانت رخيصه حييل

الحين يقولون طايره الاسعاار .. بس مع هذا تبقى احسسن وانظف من تايلند ..

عالعمووم يعطيج العآفيه .. وخيرها بغيرها

 

[الحلا و الزين كله]

صاجه من ناحيه انتباههم للاطفال احنا استخفو علا غمازاتنا جنهم شايفين شي غريب بس مادري ما حسبتها مثلج انا اعتبرتها بشاشه حسيتهم شعب ودود ويحبون الاطفال ومن ناحيه شارع العرب صج ما عجبني وصخ وزحمه اما التوامين مايسوون سمعتهم بس والله فيها متعه احس وجهه لازم يمر عليها كل سايح... وكل وصفج صح % وحديقه الفراشات والبهارات والورود عباره عن محميات زجاجيه مغطيه وصاجه المكان بربع ساه نخله والتذاكر تروح علينا والجو خانق استانسنا على الانشطه اللي عند البحر ورحله الصيد ممتعه اما جوله الجزيره جذبه كبيره على قولتج بس اول مره لازم نستكشف الجزيره بس اسواقها حلوه والله اكثر شي عجبني السوق اللي عند سان لاقون وفليج فاليو مو مذكورين بلستتج
بس مادري انا تقبلتها لان عيالي استانسو فيها حيل وانا استانست عالسوق

 

[كتكوته غنوجه]

؟؟؟؟؟؟

 

[Melazlaza]

ويع ويع ويع والله ودي اصفقلج على موضوعج كان ودي اقول من زمان ماليزيا ابشع بلد سافرتله ووصفج دقيق وحلوووو
اكلهم زفر ووصخ وشعبهم قليل ادب وحسبالهم الخليجي بنك يتمشى مو انسان واسعارهم غالية والجو قااااااااتل
انا رحتلها2009حاشتني حالة نفسية وقمت ابجي من ضيقة الخلق هذا انا ساكنة باغلى فندق ورحت اكشخ الاماكن على قولتهم بس اهيا دولة فااااااااااااااااشلة ماتصلح ابدا للترويح عن النفس

 

[درة أهل الطولات]

اول وحدة تذمها اعرف وحدة توها راجعه تقول تهبلللللللل

 

[••SôFt G!rL‏‏ღ]

كنت متوقعه هالشي ويـــــــــع ماحبها ,,

انا المكان اللي فيه زحمة مسحيل ادخلة مااخذ راحتي ,,

 

[مذهلة 78]

بيييييييه شدعوه عليج اختي انا الحين بماليزيا تهبل الجو عجيب وبالنسبه للمساج فهالشي عادي

المحلات مفتوحه للعلم الماليزيات كلهم متحجبات و اللي ما سكين اماكن المساج الصينيات وبالنسبه للاكل فكل انواع الاكل موجود من كل دول العالم عندج

مطعم الفيشاوي وعمر الخيام لستاف كله مصري والسوق احلى شي عندهم الجناط و الجواتي واسعارهم حيل مناسبه والطبيعه تينن والديره رخيصه

ونظيفه انظف من تايلند بمليون مره وشارع العرب عادي مافيه شي وما شفت شي من اللي تقولين عنه وبالنسبه للشورتات فهذا لبس الصينيات والتايلنديات

انا عجبتني واااايد وانشالله برد الديره شهر 8

 

[دنيا فانيه]

وي يا حلو مصر صح وصخه بس وناسه ما احب اروح الا لها رحت لندن وتركيا وما حبيت الا مصر على دثرتهم بس ناس ونيسين ولو يعطوني تذكره وفندق بلاش مارحت ماليزيا سبت الرطوبه والخيسه