خاينه .... واحس بالذنب ساعدوني

[قـطـوه فـوشـيـه]

رد : خاينه .... واحس بالذنب ساعدوني

الله يهداج انشالله استغفري وتوبي الى الله سبحانه وتعالى احسنلج ولي تسوينه ترى اكبر حراااام الله يهديج

 

[Miss McDonald]

رد : خاينه .... واحس بالذنب ساعدوني

.
انهي العلاقة وغيري رقمج .. !
وتذكري ربج ^_* ..

الله يمهل ولا يهمل .. =)

 

[لوازم العائلة]

لاحول ولاقوة الا بالله

 

[om MaRyooM]

ياقلبي .. شلون ظميرج مأنبج على زوجته وودج تتركينه من غير لايزعل !!!

تحاتين شعوره وماتحاتين حوبتها ! ! !



وانتي تعتبرين متزوجة الحين .. تدرين شنو عقوبة المحصن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


استغفري ربج وانتي مو بكيفج تهدينه او لأ .. لازم باسرع وقت تتخصلين من هالذنب ووتتجهين لربج

واقول جان زين بعد تطلبين من هالزوجة المسكينة اللي قولتج عايشة بصمت مع زوجها النذل انها تحللج

لأن تدرين دعوة منها توديج بالف وادي وتدهور حياتج .. لأنها مظلومة .. مظلومة من زوجها ومنج


لاتزعلين مني بس بما انج حطيتي هالموضوع لازم تتقبلين كل الاراء ..



وكلمة اخيرة

لاتنسين ان الدنيا دوارة ... وكما تدين تدان
يعني لاتنصدمين لو عرستي واكتشفتي زوجج يخونج !

 

[شوارفسكيه حمره]

رد : خاينه .... واحس بالذنب ساعدوني

خلاص دام مو معطيته الضوء الاخضر وما تطلعين ويااه
ولا يعرف عنوانكم غيري رقمج وماراح يقدر يوصلج
خليه مع مرته وراح ينساج باقل من اسبوعين
لانه عنده مره

 

[احب المنتدى]

رد : خاينه .... واحس بالذنب ساعدوني

حسبي الله على كل وحده تكلم رجال متزوج

و باجر لي تزوجتي الله راح يخلي زوجج نفس الشي و تحسين بمعانات و حرت مرته

لاتقولين علاقه شريفه و مدري شنو انتي تكلمين رياجيل حتى لو بالكمبيوتلر بعدين انتي املجه همن تعتبرين خاينه زوجج


اعوذ بالله من غضب الله

 

[فديت نفسي..~]

رد : خاينه .... واحس بالذنب ساعدوني

حراام عليك والله
تتوقعين ان زوجته تدري وراضيه اكيد مقهوره من داخل وتحالو تعدل وضع بينها وبين زوجها
و انتي مخبره عليهم
اتركيه احقريه ولا عليك منه
ولا تقولي انتو ماتفهموني
لا فاهمينك
اتركيه لأجل ربك و ربك يعوضك للي احسن منه

 

[تعويذه الحب]

شوفي حبيبتي اللي قاعده تسوينه اسمه زنا وهالشي ماراح نختلف عليه

نيي الحين للموضوع الاساسي واهو علاقتج برجال متزوج وزاجج انتي

بالنسبه للريال اللي انتي تكلمينه هذا حبيبتي يحبج لانج معيشته جو فقط لا اكثر ولا اقل جو المغازل بالتلفون لساعات وجو العشيقه وان رجل

للحين مرغوب بين البنات بس صدقيني لو صار وارتبط فيج راح تصيرين حالج حال زوجته وبروح يدور على وحده ثالثه يكلمها وهالشي

عن تجربه وانا بقولج انا كنت متزوجه من واحد وصبرت عليه 11 سنه تخيلي 11 سنه واهو يخوني مع وحده متزوجه وام عيال بعد

المهم انا ما قدرت اتحمل وطلبت الطلاق وبعدهاااااا سمعت ان الاخت تطلقت من ريالها وتزوجت زوجي بس زواجهم ما استمر 3 شهور

لان المصون اكتشف انها ما تصلح زوجه وقام يشك فيها وحط في باله ان مثل ما كلمته واهي متزوجه ممكن تكلم غيره وصارت حياتهم جحيم

وطلقهاااا واهي حاولت ترد لزوجهاااااا بس ما ردها وهالحجي عرفته من الناس تدرين الديره صغيره واساسا بيت اهل طيليقي جيرا اهلي ا

الطوفه بالطوفه

فحبيبتي وخري عنه وتركينه وماراح يفيدج انتي الخسرانه مو اهو ولو بتفكرين شوي بتعرفين ان انتي الخاسر الاكبر بهالسالفه

اما بالنسبه لملجتج اللي فهمته انج ما تعرفين ريلج او يمكن ما عاداتكم انكم ما تشوفون الزوج الا وقت العرس فهاللي مو ممخليج تحسين

انج على ذمة ريال او انج حاسه انج مو متتزوج وقاعده تتصرفين على اساس انج عزوبيه

حبيبتي لهي نفسج بتجهيزج اخذي ريال انتي اول وحده بحياته حاولي تفكرين شلون تسعدينه عشان لا يفكر يروح لغيرج وصدقيني من

تجربتج راح تعرفين شلون تحافظين على بيتج وحطي نفسج مكان مرت اللي تكلميها ترضين باجر ريلج يسوي جذي

ترضين مثل ما الريال قاعد يذم بزوجته جدامج او يشتكي منهاااااا زوجج يقول عنج جذي حق عشيقته اكيد لاء

والرياييل يا قلبي اعذارهم و مبرراتهم كثيره للخيانه يعني بحرهااااا واسع وحطي في بالج انتي مو عايشه معاهم عشان تعرفين الصج

تلقينه يحط بزوجته مليون عيييييب جادمج وعقب ما يسكر التلفون منج يدق عليهاا ويشبعها غزل وحجي حب فلا تصيرين مغفله ولعبه

بايد هالريال وحمدي ربج ان زوجته ما وصلتلج ولا جان سوتلج فضيحه لا صارت ولا استوت ولا تقولين انها تدري والله لو متزوج صخره

وتدري ان زوجها يخونها بتتكلم فهذي رحمه انها ما تعرفج فلازم تشكرين ربج انه ما فضحج فستري على روحج وتركيه ترى ماراح يفيدج

 

[نور الكويت$$]

رد : خاينه .... واحس بالذنب ساعدوني

الله يعينج على نفسج وعلى دعاوي مرته..

 

[تاج العروس]

رد : خاينه .... واحس بالذنب ساعدوني

حاسه بالندم عشان تكلمينه جدام زوجته ولا عشان انتي متزوجه وتكلمين رجال ثاني اهم شي تحسين بالندم انج تعصين رب العباد توبي الى الله عسى الله يستر عليج وعلى اهلج وانتي ماراح تحسين باي ندم من الطرفين ابدي حيات جديده والله يبدل سيئاتج حسنات ان شاء الله . . . . .وتوجهي الي الله بالدعاء بدايتا [ ومن يهده الله فلا مضل له ]
استغفر الله واتوب اليه . . . . الهم اللهم اغفر لهم ولنا ولا تخزنا يوم نلقاك .
اتمنى البنات ايفيدونج اكثر .

 

[ام متلق]

رد : خاينه .... واحس بالذنب ساعدوني

الي سويتيه بالحرمه وشغلتي زوجها عنها بيسويه باجر زوجج فيج لان الدنيا دواره وكما تدين تدان وهذا الي عندي شلون بتتوفقين والمره كل ليله اكيد ترفع اديها للسما تتحسب عليج لانج اقتحمتي حياتها وظلمتيها

 

[ســكره ورديه]

حبيبتي تبين الحقيقه

شنو انتي بالنسبه له ولا شي ايه ولا شي بس وحده يلعب عليها ويطلع وقت فراغه متعود عليك عشان كذا متمسك فيك

والغاليه والحبيبه والشريفه هي زوجته

تتوقعين انتي توصلينها

لا والله

كلامي قاسي عليك بس هذي الحقيقه

ولا وانتي تعتبرين متزوجه دامك املكه

الحل بيدك انتي غيري تلفونك وانتهت السالفه وسوي لك حساب جديد في الايميل ولاخايفه على مشاعره !!!!!

واذا استمريتي اعرفي بكرا بترجع فيك وزوجك بيتمسك له في وحده ويمكن الزوجه ساكته وجالسه تدعي عليك وراح تشوفينها بزوجك اضعاف اللي شافته

ترا كما تدين تدان والدنيا دواره

 

[fulla.81]

كما تدين ... تدان
وبتشوفينه بزوجج وراح تتنكد حياتج الزوجيه مثل ما نكدتي حياة هالمتزوجين ودخلتي عرض .. قاطه ويهج عليهم
حسبي الله ونعم الوكيل​

 

[دانة الخير]

شالتناقض الحين تدرين ان هذا غلط وحاسه بالندم وتبين البنات ينصحونج اللي يحس بالندم من نفسه يتغير ما يطلب التغيير وانتي اساسا ما عملتي احساب لربج قبل كل شي همج انج تتركينه بدون زعل واذا صارتلج مشكله رديتي للحبيب الاول من يتقي الله يجعل له مخرجا لو فعلا تبين تنهين اللي بينكم تقولين بوجه ما عجبه غيري خطج فيه مليون طريقه تقدرين تسوينهر اذا ناويه تصلحين نفسج

 

[أم بشبوشة]

خلج واقعية اكيد راح يقولج انج كل شي بحياته عيل ليش للحين متزوج؟ لا يقص عليج اهو مستقر و انتي اللي حايسة خلاص انتي تزوجتي غيري خطج وبعدي قبل ما تروحين بيت زوجج و تبتلشين و اياج تفكرين تكلمينة حتي لو ولهتي علية شغلي نفسج بأشياء ثانية

 

[lovemyself]

اختى اسمحيلى انتى كلش ما عندج سالفه اولا الموضوع حرام
ثانيا انتى قبلتى تتزوجين وملجتى عيل شتبين بولد الناس وقاهره هالمسكينه
يعنى انتى تحبين سراب لانج عارفه ان انتوا مو لبعض انتى الحين على ذمة ريال
حمدى ربج ان الله سترج وكملى ستره عليج وانسى هذا الريال غيرى خطج وابتدى انشغلى بتجهيزج حق زواج وادعى ربى يفكج من هالسالفه كلها
موفقه اختى

 

[موني^حبيبي]

رد : خاينه .... واحس بالذنب ساعدوني

مادري شلون يهون عليج تخونين
وتكلمين واحد وانتي متزوجه
ومو بس انتي تضرين نفسج تضرين انسانه ثانيه
متزوجه وتبي ريلها

الله لايوفق اللي تخون وتخرب بيوت ناس

 

[فطووومة]

اذا انتي صاجة وحاسة بالندم

غيري رقمج وانتهينا

ترا ما رح يموت عشانج لان عنده زوجته وبيته وانتي فترة تسلية مع احترامي لج :080402ask_prv:


والوقت اللي تضيعينه معاه خليه حق زوجج تعرفي عليه ووثقي العلاقة بينكم :icon30:

والله يوفقج:blueSmCLR:

 

[اميره1980]

الله يهديج لربج

 

[ياشايل الظبى]

متزوجه
وتكلمين متزوج

شتبينا نقولج !!!!!!