خاينه .... واحس بالذنب ساعدوني

[Miss ksh5h]

رد : خاينه .... واحس بالذنب ساعدوني

حبيبتي ابيج تقعدين مع نفسج وتسالين هالسؤال

ليمتى بظل معاه بهالعلاقه ؟ وشنو نهايتها ؟؟

اهو متزوج وانتي متزوجه الحين وبذمة رجال قاعده تستغفلينه وبتتحاسبين على خيانتج له واهوه غافل

وغير هذا قاعد تعذبين نفسج ومتعلقه بوهم رجال قاعد يتسلى وعنده زوجته

لو يحبج صج من درى انج ملجتي يقطع علاقته معاج ويقول الله يوفقج

لكنه مستانس وقاعد يلعب ويتسلى فيج

وانتي حابته وعايشه الدور والنتيجه ؟؟

عذاب نفسي و ذنوب وخيانه لرجال شراج بالحلال

الحين المطلوب منج تكونين صااادقه مع نفسج وربج

ومن غير مقدمات تتركين المتزوج وتقطعين علاقتج فيه نهائياااا وتعاهدين ربج ونفسج على هالشي

وتأقلمين نفسج مع الرجال اللي بيكون ابو عيالج باجر ان شاء الله واللي بيحفظج ويصونج

ومع الوقت بتحبينه ان شاء الله وتتعودين عليه لانه خلاااص صار زوجج

وادعي ان الله يغفر لج ويسعدج بحياتج الجديده

 

[سمبتيك]

انا ماني عارفه اشلون للحين في بنات ينقص عليهم جذي واااي
يبا اهوا لو يبيج صج جان خذاج بالحلال على مرته الاولى بس بيتم يعشمج بطلق مرتي وبهدها وانا ماحبها ومن هالحجي الفاضي
مايحبها اشلون يبتو العيال عيل !!! وانتي الله يهداج املجه والله ايسرلج ويا ريلج شلش بعوار الراس الايام بتنسيج
وبعدين انتي قاعد اتقولين انه عايلتكم يتزوجون من بعض بس يعني شالحيره اللي معيشه نفسج فيها !!!!؟

 

[آهات الليل]

رد : خاينه .... واحس بالذنب ساعدوني

ردي نفس رد الغاليه جذابه بنت ذيابه

 

[ام هلال]

اقطعي علاقتج فيه من الحين ....زين اهو يدري انج مملجه

 

[ليالي الكويت1]

رد : خاينه .... واحس بالذنب ساعدوني

اللة يهداج بس الحمداللة على نعمة العقل حبيبتي اللي تسوينة غللللللط وبعدين زوجتة تدري اللي اختشو ماتو اللهم لك الحمد يارب

 

[روحي زوجي]

رد : خاينه .... واحس بالذنب ساعدوني

لهذي الدرجة مسترخصة نفسج تكلمين وتفكرين وتحاتين واحد مو لج ؟!!

متزوج وبيكون عنده عيال وانتى بالنسبة له تسلية فقط لاغير

لاتقولين يحبني يموت فيني مايقدر يعيش بدوني انا الهوا الي يتنفسه انا حبه انا قلبه الخ الخ الخ

لو فيه ذرة احترام لج جان تقدم او خلاج بحال سبيلج

حبيبتي عندج حلين :

ياتضيعين نفسج ووقتج و(دينج ورضا ربج ) وتكملين معاه هالمشوار (الخايس)

او تشترين عزة نفسج واحترامج لكرامتج ورضا ربج وتتركينه

لاتضيعين عمرج هدر على ناس (ماتسوى)

وتذكري : من ترك لله شئ عوضه بخير منه
حبيبتي ماتدري ان هالشي حراااام ..!!
وبعدين

كما تدين تداااااااااااان
يعني حطي نفسج مكان زوجته !!
ترا الدنيا دواره
وكل شي تسوينه بيرد لج يوم من الايام,,
وترا انتي املجه باجر لا اكتشفتي زوجج بيخونج بتلعنين الساعه اللي كلمتي فيها هالمتزوج
ماخفتي من عذاااب الله
وما خفتي من الفضيحه !!!
اصحي يا قلبي

عفيا عليج والله

كفو :icon30:

 

[بنت.المطيري]

انا سمعت سالفه عن وحده عيالها كلهم طلعوا موزينين واشتكت لشيخ ان عيالها ربتهم احسن تربيه بس عاقين
قالها شسويتي فبداية زواجج
وقالت انها كانت علا علاقه مع واحد فترة الملجه وبس تزوجت تركته !

حطي فبالج هالشي
انا هالسالفه كل مااتذكرها اخاف اطالع الشباب واتمقل بجمالهم !!
عيل شلون حالج ،،، توبي ربي يهديج ويصلحج امين ،، ابدي صفحه يديده وعهد يديد مع ربج لاتخالفينه عشان تضمنين مستقبلج اعتبريها صفقه
والله يستر عليج وانتي مو شينه لاتحبطين نفسج لان الاحباط مايخليج تأدين عبادتج ع اكمل وجه
احنا بزمن اغبر والخطا موجود بكل امور حياتنا والتوبه واجبه
بمعنا ثاني احنا خطائين وخير الخطائين التوابين

 

[احلى توتا]

حبيبتي بقولك شي

إحساسك بالذنب هو بدايه الطريق السليم ان شالله


اولا: هذا ما يحبـــــــــــــــــــــك وتعرفين شنو يعتبر (مثل المكسرات :فستق + لوز + حب = أنتي بالنسبه له تسليه فقط ) والحب لام العيال
ثانيا : راح تجيك بدل العقوبه عقوبتين لانك خنتي زوجك الي بينك وبينه عقد ربنا والثانيه لانك سبب في خيانته لزوجته
والله العظيم ورب البيت وحده تقولي اني حياتي دمرت وانهارت والسبب إني حبيت واحد وهو متزوج وزوجته تدعي علي
تقول مره كاني يكلمني بالليل ودخلت عليه وقامت تدعي علي وسمعته تقول الله يحرمك من الرجال بالدنيا والذريه وتقول دعوتها طول اليوم بذني لكن طنشت
وبعد فتره نزيف مستمرررررررررر لمده 30 يوم لما راحت قالوا سرطان ولازم نشيل المبايض وعمرها ما كمل 30


الحين شنو الطلوب منك تسوينه
تفتحين سجادتك وتبكين عند رب العالمين وتطلبين منه يسامحك ويتجاوز عنك ويهديك الى الطريق السليم ويبعدك عن الحرام
وتنهين كل شي مع هذا الرجال وتغيرين شريحتك وتروحين لزوجك المسكين الي ربي رزقك فيه وتحبينه بكل صدق ومحبه

والله حاسه فيك وقلبي محروق عليك وترى ربي يحبك لان جاك الاحساس بالذنب ولو ماجاك صدقيني حوبة المرا وعيالها وزوجك تلاقينها بصحتك وبرزقك

حبيبتي مو قصدي اقسى عليك لان قلبي معك
واذا تبغين اي اشي او محتاجه تفضفضين ارسلي لي على الخاص وماراح اقصر معك

 

[NFOOOL]

حسبي الله ونعم الوكييل على كل بنت تكلم وااحد وتدري أنه متزوج أدعيها بصلاتي

 

[noo7a]

رد: رد : خاينه .... واحس بالذنب ساعدوني

انا ماراح افيدج
بس ماراح اقول غير
حسبي الله ونعم الوكيــــل على كل بنت تكلم متزوج ((سواء من ورا زوجته او جدامها))

الله يعينج

المشكله انها على ذمه ريال
الي ما ترضينه على نفسج لا ترضينه لغيرج

 

[اشتياق]

كل مافكرتي بكما تدين تدان بتنسحبين من نفسج

 

[حربيه وبس]

رد : خاينه .... واحس بالذنب ساعدوني

حبيبتي ديري بالج ترى الدنيا دوراه
والمسكينه زوجته اكيد لها حوبه لانها مظلومه
وانتي مصيرج راح تتزوجين انسحبي من الحين احسن قبل الله لا يردها لج بزواجج

 

[مــ_ــا مــ_ــي]

تدرين بالغلط ومستمره فيه ... انتي انسانه ناقصة عقل ودين .. وبدال ما تضيعين وقتج بالمغازل .. روحي ابحثي في قوقل عن امور تفيدج بأنج تحكمين عقلج وتتركين الغلط وطبعا هالشي ما يكتمل الا اذا صار عندج وازع ديني ...


وتراج مو صغيره عشان تدورين حلول عند البنات .. الله سبحانه انعرف بالعقل.. شغلي مخج المصين .. وحطي في بالج ان كما تدين تدان ...

ترا حوبة الحرمه اللي ماخذه زوجها منها تجيج وين ما كنتي ... ويمكن الله يبلاج بظناج ...


انا استغرف من هالمواضيع اغلبهم عضوات جدد .... ما ادري من صجهم والا بس جذي يبون يكتبون ويتطمشون على البنات ... اتقو الله في كل شي.....

 

[هنـــــد]

رد : خاينه .... واحس بالذنب ساعدوني





سبحان الله !
دايم انتوا يالقبيله اللي ماتاخذون من غيركم بناتكم أكثرهم فلتانات
ويكلمون رجاجيل من القبايل العوده اللي ياخذون من جميع القبايل الا ( انتوا )
هل هو احساس بالنقص مثلاً ! أو لأن الأصل غلاب !؟

تدرين أن الرجال شايل عيبه ؟
وأن العيب و العار في وجه المره بروحها .. وهذا يدل على ان البيئه اللي تربت فيها
مو صالحه أبداً .. لأن البنت الصالحه عينها ماتزوغ ولا تتجرأ وتحاجي رجال في خلوه !
إذاً الغلط راكبج بروحج وعشيقج ماله أي دخل !
ولو خيروه بينج وبين خدامتهم اللي في البيت .. صدقيني راح يختار الخدامه

انتي ويــن وزوجته ويــن !؟
يا بعدج عن مكانتها وقدرها في قلبــه .. هذي ام عياله بينهم رباط مقدس
يعني شي له علاقه كبيره في الطهر اللي ما يمسج بأي صله ،

لذلك ..
راجعي نفسج وتعوذي من ابليس .. واتركي الرجال لأهله !
لانه ماراح يكون الا لأهله .. لا تاخذج الأحلام وتقولين ما يقدر ياخذني عشان
مو من نفس القبيله .. لا يا ماما لو كنتي بنت عمه وفي هالأخلاق ماراح ياخذج

توظي وامسكي سجادتج وادعي ربي يبعد عنج ابليس
الشيطان اللي محببج في شي ما يخصج
واعرسي وعيني خير .. ترى الدنيا ما تسوى

الله يهديج ~

 

[الـوايـلـيـة]

لا حول ولا قوة الابالله

 

[ام مذكر]

هذا إبتلاء والعياذ بالله حبيبتي صلي ركعتين وإدعي وإنتي ساجده إن الله يبعدج عن طريق الحرام واحمدي ربج إنه رزقج بزوج وإدعي ربج إنه يكون زوج صالح والله يسخر بينج وبينه بالخير والحب والسعاده ،أما روميوووو نصيحتي لج إتركيه ومن ترك شيئاً لله عوضه خيراً منه والله لوتقعدين بينج وبين نفسج تعرفين إنه ماراح ينفعج بس كلام معسووول وخراااابيط مالها أول ولا تالي والعلاقات العوجا هذي بترد عليج عواقبها بالمستقبل إما بزوجج أو إبنتج بالمستقبل فنصيحتي توبي إلى الله وإتقي حوبة الزوجه اللي بالعه موس وساكته ماتبي تهدم بيتها عشان عيالها وحطي كلامي ترجيه بإذنج إكسري خطج وإشتري خط جديد بإسم واحد من إخوانج لانه مستحيل يطلعه ولاتغفلين عن سوالف الرياييل زوجج يقدر يطلع برنت وجنه العيد ويعرف أكثر مكالماتج مع منو وهم نصيحه لاتقولين حق روووميو إسم زوجج والله لو يسجلج مكالمه يضيع مستقبلج والله يستر عليج بس أنا أعتبرها طامه كبرى لو في شي أكبر من المكالمات الله يستر علينا وعليكم والله يحفظ بناتنا وبناتكم والله يكبر عقولهم ولايجعلهم يلتفتون حق السوالف التافهه اللي فيها خراب إبيووووووووووووووت اللهم احفظنا

وسامحيني اذا كلامي ضايقج بس والله نصيحتي من القلب

 

[حبيبتي إختي]

رد : خاينه .... واحس بالذنب ساعدوني

الحين انتي متزوجة وهو متزوج يعني شنو ناطرة بالضبط !!!
خافي ربج وقطعي علاقتج فيه واحترمي اسم الرجال اللي شايلته
حطي نفسج مكان هالمسكينة اللي خذيتي منها رجلها وبالحرام

ولا تنسين ... كما تدين تدان.

 

[حكستار]

كله هذا مو شايفة انه يضحك عليج!!!!!!!!!!!!؟؟؟؟؟؟؟؟؟...
يتسلى معاج لحد ما تتزوجين ويمكن بعدها يفج عنج او لا... ويمكن يدور له وحده ثانيه يتسلى معاها
اللي يحب يحترم اللي يحبه ...بس للاسف واضح انه يتسلى معاج... وبرضاج بعد
حبيبتي.....الدنيا دواره.... واللي يخون راج يجي اليوم اللي يدفع في الثمن.

 

[جديده 1]

رد : خاينه .... واحس بالذنب ساعدوني

انا اتوقع انج معاقه ذهنياً و طبيعي جداً ماعندج اخلاق ولا اهلج مربينج !!
انا ماعرف اجامل و هذا اللي اشوفه !!

وحده تكلم واحد ما يحل لها !! هذي بنت تربيه شوارع ! و لكـــــــــــــــن !؟

وحده تكلم واحد (((((( متــــــــــــزوج ))))))) هذي قمه الحقاره !!! و لكــــــــــــــــــــــــــــــــــــــن !!؟

وحده على (( ذمه ريال )) و تكلم واحد ((((((( متـــــــــــزوج )))))))) .. بصراحه اللي تسوي هالشيئ تعتبر زباله !!

ماتقولين لي شذنب الريال اللي متدبس فيج !؟ هاه ؟ مدور و مفتر راسه لي لقاج " مادري منو مادحج دام هذي سوالفج ! " و دافع دم قلبه على عرسه و اثاث شقته و مهرج و اخترج اتكلمين ريال غيره !!؟ ولا متزوج !!!!!!!!!
ماتقولين لي شذنب زوجه الريال اللي مولع قلبها و ميته قهر لانه يكلمج !؟ كل دعاويها عليج راح تستجاب لانها مظلومه !!

و يكون بعلمج ! الريال و انا اقصد اللي صج ريال عمره ما يكلم وحده يبي يتزوجها .. مثل ما قالت وحده من الردود لو خيروه بينج و بين خدامتهم راح يختار الخدامه .. انتي مجرد تسليه يضيع وقته فيها .. وحده يحاول " يفعل فيها " و يخلص حاجته و يحذفج لربعه !!

يمكن كلامي يكون قوي و لكنه هذا الواقع .. انا جد جد والله انصحج تتطلقين من ريلج لانج مو كفو له . لاتخسرين ولد الناس فلوسه و جهده .. خليه يدورله وحده عفيفه طاهره تدور الستر يتزوجها .. وانتي خلج مثل الزقاره .. كل ريال يمزمز فيج و اخر شي يحذفج بالارض و يدوس عليج !!

غيري نصج و لكن انا مابي انصحج ؟؟ تدرين ليش ؟؟ لأن اللي تسوينه حتى الغبي يدري انه غلط .. و الكارثه العظمى انج فعلا تدرين انج غلطانه و مستمره بالغلط ..

اعوذ بالله شهالناس اللي ترفع الضغط .. اوف !

 

[PiNkiShiYa]

رد : خاينه .... واحس بالذنب ساعدوني

حطي في بالج انه الشي اللي يصير يوم لج ويوم علييييج

ترضين يصير فيج هالشي عقب مااتزوجييين ؟؟

اذا ماترضين هالشي لنفسج لا ترضينه لغيرج لانه الدنيا ادوووووووووووووووووووور


تعوذي من ابليييس لانه شكلج توج صغيره !!! حاطه في بالج قصتكم روميو وجولييييت

ومثل مايكلمج يكلم غيرج لانه نفسه اسمحت له بخيانة مرته زوجته

وحطي في بالج احتمال اتكونين سبب تعاسه غيرج !!

الله يهدييج !​

:0bee2e8d89: