دخل خالد عليها الغرفه و شايل الجياس بيده و الفرح بقلبه و امل صغير ان ترد حياتهم طبيعيه
جمانه شافته و قامت تساعده بالجياس ..
جمانه : بيه خالد اشاري كل هذا
خالد : مريت السوبر ماركت و خذيت شوي شيبسات و ككاو قلت دام مو طالعين الليله نشوف فيلم
جمانه : اي يالله زين سويت .
و راحوا المطبخ يتربون الاعراض بالثلاجه و اول مره يحس خالد انه قاعد يمارس حياة طبيعيه
ممكن تكون بين اي اثنين متزوجين .
خلصوا من الي بيدهم
و دخل خالد بدل ملابسه و لبس بيجامه و قعدوا يشوفون الفيلم ..
خالد طلب فيلم فورست غامب لان جمانه مو شايفته
كانوا طول الفيلم يضحكون و اهم يشوفون و يعلقون عليه
اثنينهم قاعدين على نفس الغنفه .. وللحظات خالد حس براحه كبيره لانه حياته ردت طبيعيه
اول ما خلص الفيلم قامت جمانه ...
جمانه : خالد انا تعبانه و بنام ... تبي تنام بالغرفه و انا انام بالصاله
انصدم خالد لان الامال الي بناها طارت بالهوا
خالد : ها .. ليه تنامين بالصاله .. نامي بالدار
جمانه : يعني عادي انت تنام اهني ؟
خالد قام وقف : وليه انام اهني .. انا بعد بنام بالغرفه
جمانه : خالد اشقلنا
خالد : ما قلنا شي ... ما قلت لك بنام بحضنك .. بنام بالسرير .. و انا ريال واثق من نفسي
اذا انتي خايفه من نفسك هذا شي ثاني
جمانه : نععععم !! و ليش اخاف من نفسي !! لا طبعا مو خايفه .. بس الخوف منك الي عندك سوابق
خالد : قلت لك ما راح اجيسك .. و لو بجيس محد بيمنعني ترى... بس انا الي نفسي عافتك
جمانه قهرتها اخر كلمه و تقول بقلبها ( انا اعلمك شلون نفسك تعوفني ... وايد شايف نفسك حسبالك انتي شي ما صار و محد يقدر يقاومه ... جبح هل ويه )
جمانه : انا بنام .. و حياك نام بالسرير دام انك بتدون قد كلمتك ..
و فعلا دخلت جمانه السرير و نامت بسرعه لان تعب الرحله كان لي الحينه مأثر فيها
خالد الي دخل الغرفه عقب جمانه بنص ساعه شافها نايمه .. اهي و بيجامتها البيضه
دخل السرير و تغطى و حس انه قلبه يدق حيل ... و جيمه فيه حراره مو طبيعيه
معاه بالسرير انثى من اجمل ما خلق ربي ... و حلال عليه .. و مهو قادر حتى يلمسها ...
خالد قلب ويهه الصوب الثاني لا بتهور .. و غط اهو بعد بسابع نومه
ثاني يوم اقعدوا الصبح مبجر شبعانين نوم
خالد : جمانه حضري حالك بنطلع اليوم
جمانه : خوش .. ثواني بس
خالد : انا بطلب الفطور على ما تتروشين
جمانه : اوكي .. دقايق ما راح اطول
دخلت جمانه تسبح ... و طلعت و بدلت لبست جينز عادي و قميص ابيض قطن .. و شيله بيضه
مع بروش كحلي كبير ..
خالد اول ما شافها قال بقلبه اشوه انه مو سكيني ...
تريقوا و طلعوا ..
راحوا مدام تسو و صوروا مع التماثيل ... و طلعوا خالد قالها اشرايك نروح اجورود نتغدى و تالي نتمشى بالهايد بارك او نروح نتمشى باكسفورد ,جمانه ما ابدت اي اعتراض
راحوا اجورود و تغدوا بمطعم عربي و بره و اهم يمشون خالد قالها ثواني بس بجيب ايسكريم ابو فليك ..
جمانه و اهي واقفه تنطره شافوها شباب خليجين و لازم يعلقون ... هل زين ليه لحاله ... و القمر ما ينترك
و اهي مو عارفه تتصرف وياهم ... راحت لخالد و مسكت ايده .. خالد الي استغرب تصرفها
صار يطالع بعيونها يدور اجابه للسؤال الي قام يدور بباله
جمانه عرفت انه مستغرب : هذيل قام يتحرشون و ابيهم يشوفوني و يذلفون
خالد الي هد ايدها و راح لهم و عطاهم كم كلمه بالعظم و رجع لجمانه ... و مشوا
تمنى خالد ترد تمسك جمانه ايده عشان يحسسها بالدفى الي بقلبه لها
بس جمانه خيبت امله
راحوا للهايد بارك و كانوا يتمشون لم سمعت جمانه احد ينادي باسمها
التفتت جمانه و لا مي رفيجتها ...
يت سلمت عليها و استانست جمانه حيل و سلمت مي على خالد
جمانه : يا العياره من متى انتي اهني
مي : انا طيارتي نفس اليوم الي يتي فيه بس انا كانت الصبح انا يت عل بريتش
جمانه : ايا العياره .. و ليش ما قلتي ؟؟ من معاه انتي اهني
مي : مفاجأه هههه .. الله يسلمج انا و امي و خواتي و بعدين ابوي بينا انشالله
جمانه : سلمي عليها
مي : جمون خطج وياج عدل
جمانه : اي عدل .
مي ... خوش ... ها خالد شلون جمانه وياك ؟
جمانه الي انحرجت من سؤال رفيجتها و رفيجتها داريه بكل شي و تدري ان بين جمانه و خالد مافي اي توافق
خالد : جمانه مافي اطيب منها و ابتسم
مي : الله يخليكم لبعض ..
مي : اوكي استأذن انا .... اخليكم بالعسل و غمزت لجمانه
مشت مي و كملوا خالد و جمانه .
خالد : مي صديقتك من زمان
جمانه : لا تعرفت عليها اول كورس بالجامعه بس علاقتنا تطورت بسرعه و صرنا ما نتفارق
خالد : ماشالله .. بس اشوفها متحرره كثير .. في لبسها و مهي متحجبه
جمانه : اهي متعوده على طريقة اللبس هذي .. لان حتى امها مو متحجبه ... و اللبس ما يعكس الشخصيه دوم
خالد : يمكن .
تعبوا خالد و جمانه من المشي و قرروا يردون الفندق يريحون .. دق خالد على السايق يجي ياخذهم لان مافيهم حيل يمشون اكثر .
وبالطريج كامت مي كل شوي تدز مسج ل جمانه .. وينكم ؟؟ و شمسويين ؟؟ وين بتروحون ؟؟
جمانه لم درت انهم بيردون البيت و خالد بيريح قالت لمي تي عندها الفندق .. و مي ما رفضت
و بعد ما وصلوا ...
جمانه : خالد انت بتنام ؟؟
خالد : اي والله بريح شوي
جمانه : اوكي ... لاني قلب لمي تي تقعد معاي
خالد الي تضايق انها بتيب صديقتها بجناحهم ما عرف شيرد عليها : طيب
و دخل خالد الغرفه يريح ... و جمانه خذت ملابسها و دشت خذت لها شاور على ما توصل مي .
و بعد شوي وصلت مي .. فتحت لها جمانه الباب و قعدوا بالصاله
مي : وناسه حلو السويت .... احلى من شقتنا .. لوعه تلوع الجبد
جمانه : ههه ليه وين ساكنين هل مره
مي : ماجرين شقه الله لا يراويج ... تلوع الكبد على قولة ريلج ههههههههههههههه
و كانوا يضحكون بصوت عالي .. و خالد سامع كلامهم كله
مي : امبي جمون خالد نايم ؟
جمانه : اي نايم و من فتره
مي : انزين قوليلي يالعياره اشصار
جمانه : ما صار شي
مي فتحت عينها و شهقت : من صججججججججججج !!!!! ما جاسج ؟
جمانه : لا ما جاسني ... انا قايلتلج عن الاتفاق .. نسيتي
مي : ادري بس ماتوقعت من صجكم ... امبي لا شلون والله مستحمل
جمانه : اهو وعدني و لازم يستحمل
مي : امبي جمون من صجج ... انتي شلون مستحمله .. يهبل ريلج ...
جمانه : بس عاد استحي
مي : هههه و انا الصاجه .. كل ما اشوفه ودي المه و ابوسه
جمانه : كاهو نايم داخل .. روحي سوي الي تبين
خالد الي سمع كلامهم كان متضايق ان جمانه حتى ما تغير عليه كزوج ... و قاعده تقول لرفيجتها كل تفاصيل حياتهم .
مي : واي جمون يعني بتمون جذي
جمانه : لي ردينا بنتطلق
مي : هاااااااااه ... من صجكم ؟؟؟ ليش ؟؟
جمانه : هذا اتفاقنا ... اهو مغصوب ... اهله غصبوه .. مثل ما انا ضحيت عشان ابوي
مي : واي حسافه جمون ... يهبل يا ربي .. رززززززززززه ..
جمانه : افف انتي يايه اهني تسولفين عن خالد و لا تونسيني ...
مي : لا بونسج ... اقول جمون ..قلت لج عبدالله اشصار فيه
جمانه : عبدالله ال ..... الي كان معانا بالقروب
مي : اي يا خبله
جمانه : اشسوى ؟؟
مي : يوم درا انج متزوجه دق علي و معصب و يقول هذي متى تزوجت .. و شلون جذي
و ليش ما نطرت ... تدري اموت فيها .. و اشكثر صرخ و تحلطم ... جني انا الي مزوجتج
جمانه : ا مبي من صجج
مي : والله من صجي ... و انا كسر خاطري عاد .. جان اقوله القصه و قلت له لو تبيها صج انطرها
بتتطلق و ما راح يجيسها زوجها لان زواجهم صوري بس ..
خالد الي حس انه الي سمعه وصله لمرحلة الكفايه ما قدر يستحمل زود .. و قام و بدل و طلع من الغرفه ..
مي الي كانت متربعه عل غنفه و طايحة له ككاو و بفك انحرجت و عدلت روحها
مي : هلا خالد
لفت جمانه ويهها : خالد قمت .
مي : امبي خالد فشله ... عسى ما ازعجناك بصراخنا ... سوري والله خذتنا السوالف
خالد : لا عادي .. شبعت نوم
مي : حياك تعال اقعد معانا
و فعلا يه خالد و قعد عل غنفه ...
مي : خالد تبي اسويلك جاي ... ؟؟
خالد : اي والله يا ليت .. راسي مصدع .
مي : ثواني
جمانه الي استغربت من رفيجتها و حست انها احرجتها لانها ساكته و اهي قاعد تعرض خدماتها على زوجها
ما تكلمت و لا نطقت بحرف .
مي يابت الجاي لخالد .. و تموا يسولفون .
مي : خالد سولف لنا شوي عنك ... هذي خو نحيسه ما تكلم
جمانه استغربت من جراتها الزايده ... كانت تشوف مي جريئه مع طلبة الكليه بس كانت تتوقع انها تتكلم معاهم
على بو زماله .. خصوصا انها درست بمدارس اجنبيه
خالد : اسولف شقول
مي : مادري اي شي .. اشتشتغل ... شلون عايشين بالسعوديه ..
خالد : شلون عايشين !! مثلكم ما فرقت .. و اشتغل الله يسلمك بشركة ابوي .
مي : اممم ... وين ساكنين
خالد : بالخبر
مي : اها ... الي عند البحرين
خالد : عليكي نور ...
مي ياها اتصال من امها ... كانت تبيها و استاذنت مي منهم و طلعت .
راحت مي لامها
مي : ها يما .. اشصاير
امها : مو صاير شي بس وينج اختفيتي مره وحده
مي : يما قلت لج بروح لجمون
امها : اي جمون العروس !! ؟؟
مي : ايييي العروس
امها : الحين هذي هاده ريلها بشهر العسل و مجابلتج ..
مي : هههه اي ريل اي بطيخ .. متفقين عل طلاق
امها : هاو ... ليش عاد
مي : مادري خبله اهي ... يما لو تشوفين ريلها .. يهبلللللللل .. اتعب و اقول جذاب ووسيم .. وولد فلووووووووووووس .. ابوه من اكبر تجار السعوديه .. و عندهم خير خير
امها : يعني ريلها سعودي
مي : ايي يما ... اصلا جمانه سعوديه بس عايشين بالكويت
امها : ايي عدل .. و ريلها يصير لها
مي : ولد عمها .. بس كانوا متزاعليين .. و عشان يتراضون زوجوا عيالهم .. و لهذا السبب دمانه ما تبيه و بيتطلقون .
امها : ايي عدل .. عاد غميضة عل ريال . تقولين حلو و عنده فلوس .. اشتبي بعد
مي : خبله يما .. والله لو شفتييه بتقولين عنها غبيه ... انشالله براويج اياه .
و بالفندق
خالد : جمانه ... مين عبدالله هذا الي بغاكي
جمانه : ها !!! انت مو كنت نايم ؟؟
خالد : ايه كنت نايم .. بس لم صحيت سمعتكم تتكلمون عن عبدالله و انه يبغاكي بس .. ممكن اعرف من عبدالله
جمانه بارتباك : عبدالله الي ويانا بالقروب مال البروجكت ... يوم رديت الكويت بعطلة العيد الوطني تذكر
خالد : ايه ايه ذكرته
جمانه : مادري الضاهر قايل لمي انه يبيني ... بس ما عمره فاتحني بالموضوع
خالد : ماشالله ... و لم اقولك لبسي الدبله عشان الاشكال هذي لا تتعدى حدودها
جمانه : مادري ما طرى ببالي انه بيحبني
خالد : اي حب اي خرابيط ... الي مثل هل اشكال ما عمرها عرفت الحب .. بيلعبون بس
جمانه : لا مي تقول انه كان يبيني
خالد : كأنك متحسفه عليه !!
جمانه : لا اصلا ما يعجبني ... و لا يهمني
خالد : يعني لو واحد غيره و يهمك كان تغير موقفك .
جمانه : خالد ليش تدور النجره ؟؟ قلت لك عبدالله ما دريت عن هوى داره .. و مو ببالي و لا عمره كلمني او لمح لي ... بس خلاص صكر الموضوع لانه ما يستاهل
خالد : انتي كل شي بالنسبه لك ما يستاهل ... ما ادري شنهو الي يستاهل و قام عنها
جمانه : اففففففففففف ... يعني ما يمر يوم من غير هواش .. لاعت جبدي والله
رجع خالد من الغرفه بعد ما صلى العشا ..
خالد : تبين نروح نتعشى بره
جمانه : لا الغدا قاعد على جبدي
خالد : على راحتك
جمانه : اذا انت يوعان روح بروحك
خالد : لا ماني رايح
جمانه على راحتك .
خالد قرر يطلب فيلم و يقعدون يشوفونه ... طلب فيلم و مو عارف قصته ابد ..
و يوم اشتغل الفيلم كان فيلم رومانسي جدا ...
و اهم يتابعون كانت تطلع لقطات وايده كلها بوس ... و جمانه ويهاا يصبغ الوان
و تخاف تقوم يبين اكثر ...
و بعدين شافت ان الموضوع يتطور الى احضان و قبل بين البطل و البطله ... حست انها مو قادره خلاص
مسكرين الليتات .. و قاعدين على نفس الغنفه .. و خافت ان الفيلم يتطور زياده .. يت بتقوم
خالد حط ايده على ايدها قبل لا تشيلها من الغنفه ... : وين ... اقعدي .. بعده الفيلم ما خلص
جمانه : ها ... لا .. قلت
خالد : اقعدي اقعدي .. ما فيكي شي
و تم خالد حاط ايده على ايد جمانه ... جمانه الي حست ان دفا ايد خالد نقلت لها حراره بجسمها
صارت مو عارفه تتحرك كلش .. و خالد قرب منها شوي و حضن ايدها حيل ..
جمانه كان الموقف يجبرها على السكوت ... و تحس انها بدت تذوب ايدها بيد خالد ...
قرب خالد اكثر منها .. و شال ايده منها و حطاها على جتفها ... و مسك ايدها بيده الثانيه
جمانه حست ان خالد حاوطها خلاص ... و يت بتقوم قبل لا يصير شي
ردها خالد و صار ويها قريب من وييهه : وين
جمانه شافت بعينه ... و تلاقت عيونهم لفتره .. خالد الي عيونه كلها شوق لزوجته
و جمانه الي عيونها فيها استغراب من الي قاعد يصير ... قرب خالد منها اكثر و باسها ...
و تطور الي بينهم ... لين فجأه استوعبت جمانه ان لو طولوا 5 دقايق زياده خلاص بيصير الي ما تبيه يصير .
جمانه بصراخ : بسسسسس .... و قامت تصارخ بهستيريه .. مو انت قلت ما بجيسج ... مو قلت وعد و كلمة ريال ... ليش تسوي جذي ... ليش تبي تدمرني .. تدري انه بنتطلق .. و لا انتوا الريايل تموتون على هل شي
و تركضون وراه لين توصلون له باي ثمن ... انت ما تفكر الا بنفسك .. اناني ... باجر تروح تتزوج و انا
تبي تقطني مثل الجلبه مطلقه و محد يبيني ... لا تجيسني لا تجيسني و صارت تبجي و دخلت الغرفه
خالد الي انزعج عل اخر .. و مو عارف ليش كل ما بيصير شي تكون النهايه سيئه جدا ...
و كل ما حاول يقرب منها تبعد اكثر و اكثر ...
كلع للبلكونه يشم هوا لانه تضايق وايد من الي صار .. حس انها احرجته بكلامها .. و بين مثل الي مو قادر يمسك نفسه كلش .. و ميت و يجيسها .
و الله جذي يصير وناسه و مرتب يكون علشان مو 
