خالتي مستغلية عليي الذهب !!

[tmtmt]

شدعوه !!
خذيتي السالفه جنها حرب
وبتردينها انتقام وثار ومادري شنو

اول شي ريلج على نيته دقت وينك
بالمكان الفلاني

يجذب على امه لن رايح يشتريلج ذهب !!
ولا رايح مكان يستحي منه ما يقول !!

ولا شنو

قال وينه وخلصنا

وردت فعهلها طبيعيه

يت فتره الذهب صجججج غالي
نصحتها اهيا وكل الي قالته نصيحه حق ولدها ان غالي الحين
اهوا مايعرف بهالسوالف
ولا يدري ان يغلى ولا يرخص ولا مادري شنو

علمته وقالتله
بالعكس شي زين لن صج مو وقته يشتري ذهب

ولو امج وبتشرين ذهب
بتقولج نفس الشي غالي لا تشترين

!!!

 

[حظ من عنده انا]

رد : خالتي مستغلية عليي الذهب !!

انا مااحب الريال اللي يعلم اهله بكل شي سوواء لامه والا لزوووجته


الحيين انت رايح تشتري هديه لمررتك تقول لامك ليش ؟؟؟؟؟؟ خلاص قول قريب وشوي بمرج الا اقص لها قصة حياتي


والمفروض بعد مايقولج عن امه لان السالفه انتهت وراحت وهو بهالطرريقه يخلي بقلبج شي على خالتج

والحيين لو بتهدين خالتج لا تحطين بنيتج ان بتكسرين عينها


لا حبيبتي الرسوول صلى الله عليه وسلم قال (( تهادوا تحاوبوا ))

انتي اخديها من باب المحبه

 

[om deaj]

بدون زعل !!!!!!!!!!!!!!!!!

الشرهة مو على خالتج اللي تحجت ، الشرهة على ريلج اللي وصلج الكلمة :rgewrg:​

:eh_s(15):

 

[Queenleo]

رد : خالتي مستغلية عليي الذهب !!

انا مع البنات
ليش ريلج سمع كلامها!!
شيء طبيعي مرى عووووده ووتبي توفر على وولدها ماتبي يكلف على عمره في وايد امهات جذي
ريلج الغلطان مو خااالتج

 

[أميره الدوسري]

رد : رد: خالتي مستغلية عليي الذهب !!

مرة عوده لا تشرهين عليها

:eh_s(7):

 

[ZajiL]

ماعليه حبيبتي
احسن الظن يمكن موقصدها تستكثر عليج يمكن وقتها صج صج كان الذهب غالي

وردت فعل ريلج طبيعيه عادي يقول لمه بس المو عادي انه ينقل الحجي
ويقولج لانه اكيد انتي تفكرين ليش وشحقه ويمكن تشيلين عليها وانتي ماتدرين شقصدها
يمكن نيتها زينه يمكن وقتها صج الذهب غالي وقاعد تنصحه

الله يصلح الحال

 

[جوري الكويت]

ودي لها خاتم فضه و قولي لها

سامحيني خالتي بغيت اييب لج ذهب بس ريلي ما رضى يقول انج قايله له ان الذهب صاير غااااااالي

 

[noo7a]

بنات ليش تتشرهون على الريال
ترى الرياييل مايعرفون هالسوالف اهو شدراه
و يوم قالها بنيه صافيه لو كان عيار ولا شي جان اقالها هالحجي

 

[وحش سعود]

صراحه هي نصحت على النيه
بس الي استغلى الذهب زوجج مو خالتج

 

[واحشنى موت]

خالتج يمكن كاسر خاطرها ولدها وصج ان الذهب غالي عليه وكل الناس يقولون جذي الذهب غااالي ومو قصدها ماتبيلج الخير وتري كل
الحريم الكبار جذي يستخسرون !!! وصراحه مع اختي بأول رد زوجج غلطان المفروض ماينقل الكلام ويشين النفوس

 

[خالف تعرف]

بصراحه انا اشوف مافيها شي لان فعلا الذهب سعره عالي واصل 12
يعني صج صج وايد مو سالفه خساره او غالي عليج لا
تقدرين بعد فتره تاخذين الحيول ب80
مو فرق؟
انا رحت وبصراحه اختار شي خفيف وهمن غالي
قلت بلاها
ورجلج ياحلوه يقولج كل شي ما شالله الله يتمم عليكم
ما احب الرجال الكتوم والي يخبي على زوجته شي

 

[ام شيخوه]

طيب ليش تشترين لها خليها تولي

 

[عاشقة_الجمال]

حبيبتي اهو لو بيشتررررري ما كان راح ينطر اي احد عشان يخليه يهووون عن المشترا

 

[المديـ بنت ـنة]

رد : خالتي مستغلية عليي الذهب !!

الله يعينك

بس ياااااقلبي هالدنيا يبي لها طناااااااااااااش

ارمي ورى ظهرك وانسى واذا خالتك حليله معاك فالمسي لها العذر ويمكن نيتها زينه .. صح مالها دخل تقول لا تجيب لها ذهب

بس طنشي ..

 

[حجيه هيونه]

والله موقف محرج

الامهات طبيعي لو ولدها يقولها بشتري ذهب بتقوله غالي هذا شي طبيعي مو بس بالام بالحريم بوجه عام لانه هالفتره صج غالي


بس لو ريلج متنقص لج شي المفروض يكمل جميله ويشتريه مو يطنش

غير جذي المفروض مايقول كلمه امه لانها يمكن ماكان قصدها شين بس انه الذذهب الحين صج غالي

 

[مناير ...!]

رد : خالتي مستغلية عليي الذهب !!

لوه من صجه بيشتري شراهم

 

[واقعيـــة]

رد : خالتي مستغلية عليي الذهب !!

أمه أكيد بتحاتي ولدها .. وما تقدرين تقارنين هالشي مع بناتها

أكيد ما راح تغلي زوج بنتها على غلى بنتها أكيد بتحب الخير لبنتها أكثر

وهذا شي طبيعي .. وعمومًأ ثقي (( ما أخطأك ما كان ليصيبك وما أصابك ما كان ليخطؤك ))

القصد أن نصيبج يصيبج .. محد يقدر يرد عنج رزق ولا يرزقج .. الرازق الله وفي النهايه هم

أسباب حتى يتم أمر الله .. والله مو كاتبلج رزق بالذهب .. المهم أن أسأل الله يكتبلج الرزق في السعاده

وصلاح الأمر دنيا وآخره .. وموفقه حبيبتي ..!


unicorna

توقيعج أثر فيني جدًا .. والحين احنا بالثلث الأخير من الليل .. والله دعيتلج من قلبي

الله يرزقج وكل محروم ومحرومه بالذريه الصالحه المعافاه .. ويسعدج ويشرح صدرج

ويلهمج الصبر واحتساب الأجر .. وبإذن الله تبشرينا قريب بفرحتج .. اللهم آآآآآآآآآآآآآآآآآآآآآمين

أتمنى للكل يدعون .. لعل الله يتقبل من أي وحده منّا .. أو توافق ساعه إجابه

 

[دلوعة حمني]

عادي حبيبتي ترى ولدها و الأم تخاف على ولدها لوصار شايب و بتخاف على حلاله... انت عديها حسبة امج و اللي ما ترضينه على الوالدة لا ترضينه على ام زوجج و الله يوفقج...

 

[التاجره الامينه]

تصرف زوجج غلط بالحالتين

يوم قالج بصراحه

ويوم قال لامه

 

[غرقانة بالحزن]

رد : خالتي مستغلية عليي الذهب !!

حبيبتي الي تبي تعيش لازم اتطوف
وبعدين زوجك يستاذن يعني قبل لا يجيبلك شي
ولو اهوة صج بخاطرة يجيبلك ذهب جان محد منعة
الريال لو براسة شي مايمنعة احد
يعني المفروض الي تزعلين منة وتكسرين عينة على قولتك ريلك
واتقولين لة انت استكثرت علي الذهب وتجيبيلة شي غالي
بس اكيد مو ذهب