خالتي مستغلية عليي الذهب !!

[boliana_q8]

شلونكم بنات شخبارك
بقولكم سالفة صارتلي امس حدي حدي انقهرت منها

امس انا وريلي قاعدين نسولف عن هدية عيد الام وقاعدة اقوله شاخذ حق خالتي اهو شاري لامي خاتم من سوارفسكي
فقلتله ودي اخذ لها اسوارة ذهب
جان يقولي لالالا امي تقول الذهب غالي لاني مرة كنت مشتهي عليج حيول ورحت محل ذهب باخذلج وطلع 300 ودقت عليي امي تسألني وينك وقالتلي لاتاخذلها ذهب الذهب غالي وخلته يهون يشتريلي ذهب !!
ودلته على محل فضة يابلي خاتم ماعجبني وايد
السؤال ليش تمنعينه يشتري لزوجته شي اهو بخاطره يشتريه
واذا اهو مقتدر ليش تستغلين الذهب على زوجته
حرتني وقهرتني وقلت في قلبي لو وحدة من بناتها وريلها بياخذ لها ذهب تمنعه
يعني لي هالدرجة مستهينه فيني؟؟

وانا رديت عليه وقلتله والله الاسوارة الذهب جم بتطلع 250 ماتغلى على خالتي مثل امي وشوية عليها هالمبلغ

والحين بروح اخذ لها اسوار ذهب واكسر عينها

 

[الشهد كله]

بدون زعل !!!!!!!!!!!!!!!!!

الشرهة مو على خالتج اللي تحجت ، الشرهة على ريلج اللي وصلج الكلمة :rgewrg:​

 

[** محبوبه**]

^^^^
مع ألي فووووووق بدون زعل

 

[ناتشوو]

لا ترى الاعمال بالنيات
بعدين زوجج شوي ملقوف مو كل شي ينقال
هي نصحته مااجبرته هو اللي استانس وراح يدور الرخص
مابي اشيشج عليه
بس لا تشيلين على امه

 

[مدندنه]

حبيبتي .. هي مره كبيره
واخذها تفكيرها لهذا الشئ

لا تكدرين نفسج .. وادعيلها
وعليج بالصبر

 

[احبج q8]

اشدعوه اسوارة
ههههههههههههه
تبين تكسرين عينها على قولتج اخذيلها خويتم
ههههههههههههههههه فضه مطلي
وعادي قلبي طوفي

 

[A7La Shaii]

لو ريلج صج يبي يشتريه جان شراه خالتج شعليها اهيا حبت تنصح ولدها بينها وبينه بس ريلج فتان ..

وبعدين صج الذهب غاالي وياته فتره شب ناار فا الكل ينصح بعض ان لاتشترون هلفتره وجذي ليش خذيتيها بحزازيه بس لانها خالتج ام ريلج !!

ماتسوى السالفه كلش

 

[الأميرة جوري]

طوفي ياقلبي....واعتقد ماراح تتذكر سالفتها

 

[<<ام تركي>>]

مع اول رد بالموضوع

 

[صمت المرافئ]

رد : خالتي مستغلية عليي الذهب !!

طوفي ما عليه
لا تزعلين ولا تشيلين هم
وعلمي زوجج هالمقولة
" استعينوا على قضاء حوائجكم بالكتمان "
ومو كل شي يقوله لأمه الله يهديه
هذي خصوصيات بين الزوجين
وعسى الله يسخركم لبعض​

 

[مواصله]

رد : خالتي مستغلية عليي الذهب !!

عادي احسني الظن فيها

 

[BiiShOoO]

مرة عوده لا تشرهين عليها

 

[نفهمها صح]

رد : خالتي مستغلية عليي الذهب !!

يابنت طوفي كانه علي هشي سهله وتهوون

 

[UNICORNA]

صراحه الدهب لمن يكون غالى مو مستحب ان الواحد يشتريه

يعنى ممكن بسعر اسوره ينتظر شوى ويجيبلك اسوره وخاتم

علاوه انه مو مفروض يقول الاشياء الخاصه يعنى انا رايح اشترى لزوجتى

او انابطلع او بسفر زوجتى مفروض هذا قرارات شخصيه وبالنهايه هى امه وخايفه على ابنها

ايش راح نسوى (=

عموما يكفى الحركه وان زوجك كان يبى يشتريلك شى حلو وربى يخلكم لبعض

 

[جوانا2011]

رد : رد: خالتي مستغلية عليي الذهب !!

بدون زعل !!!!!!!!!!!!!!!!!

الشرهة مو على خالتج اللي تحجت ، الشرهة على ريلج اللي وصلج الكلمة :rgewrg:​

معاها:eh_s(15):

 

[روبالوا]

لو كان بخاطرة ماهمة السعر بس يمكن كان متردد او طبعة كل شي ياخد راي امة عن عموم الموضوع عادي اذا كان عن ذهب بس الحين منو يفكر يهدي ذهب يعني اكثر شي يشتر ي حق زوجته خاتم الماس او ساعة او شنظه بس فعلا الناس اذواق وانشاالله تكونين بقلبة اغلي من ذهب

 

[&كــــادي&]

جبيتهــــــــا ع الجــــــرح<<
والله صارت معي بس موجذي
انا ولدت جبت بنوته جان تجي ام زوجي لي بنفاسي عند اهلي طبعآ وقدام خواتي
قالت كنت ناويه اشتري للمولوده تراجي ذهب بس الذهب غالي ><ماسألتكـ ليش ماجبتي ذهب

والله يابنات تفشلت قدام خواتي انا من النوع اللي
ماأحب اعطي على خالتي
وكنت امدح فيها عند خواتي
تفشلت التفت يمين يسار:eh_s(22): ابيها تغير السالفه
زين والله ماقلت لج جيبي هديه
ليش شنو الحكمه ؟؟ من هالسالفه
والله ياأختي
خالتج اشوى
ماقالت بوجهج
صبرجميـل والله المستعـان

 

[سواد عيونه]

يبا كل الخالات جذي يحاتون معاشات اعيالهم ماودهم يصرف شي ع المره
بس الشرهة على اللي يطيعهم

 

[&كــــادي&]

يبا كل الخالات جذي يحاتون معاشات اعيالهم ماودهم يصرف شي ع المره

:eh_s(15)::eh_s(15)::eh_s(15)::eh_s(15):

 

[۩۩ الجـــــود ۩۩]

الشرهه مو على خالتج على زوجج حبيبتى

شحقه يقولها رايح اشترى ذهب لزوجتى ولو انه فى خاطره ماردته لا امه ولا غيره