خالتي تقولي لا تحملين خلااااااص...... وماعندي إلا 3

[نويرة الكويت]

الله يعينج عليها شنو هذا واهي شكو !!

حبيبتي لاتخلين كلامها يأثر عليج حاولي

مدامج انتي تبين ومتفاهمه مع ريلج خلاص مالج شغل بأي احد

ومواهي اللي تحدد جم تيبون

انتي اللي راح تحملين وراح تربين

سو اللي انتي تبينه ومالج شغل بأحد

بس والله كلامها غريب شكو مادري !!!

الله يهديها لج يارب :>

 

[مدام زيزو]

رد : خالتي تقولي لا تحملين خلااااااص...... وماعندي إلا 3

بالاول والاخير الموضوع بعد الله سبحانه وتعالى طبعا بايدج انتي وريلج انتو الي تقررون مو الناس مالج شغل بولا واحد وكل ماحسيتي انج تقدرين ومستعده ييبي عيال الرسول عليه الصلاة والسلام قال اني مفاخر فيكم الامم .. وخير المرأة الولود
الحمال والولادة والتربيو هالايام وايد صعبة بس اذا انتي تقدرين توكلي على الله وعسى ربي يرزقج الذرية الصالحة

 

[حب الرّمان]

يمكن ماتبيج تتعبين لان أنا خالتي جذي انا عندي ثلاث صبيان سم الله عليهم وتقولي يبي بنت وبس وقفي لان التربيه بهالزمن تعب

 

[كرز حالي.]

رد : خالتي تقولي لا تحملين خلااااااص...... وماعندي إلا 3

انتي يعني اذا حملتي بتطقج؟؟ اكيد لااااااا
خلاص يبا حملي اذا تبين الحمال وماعليج من احد
مهما كان هذي مره عوده لها احترامها

 

[النشبه88]

متأكدة انج ما تقطين عيالج فوق راسها وتلعوزين المره ؟:dfgl:


ارجو انك ما تغلبي المره العجوز :balo:

 

[[[ عيون جابر ]]]

مالج شغل فيها اهم شي رايج ورايي ريلج وباجر لي قعدتي بروحج وماعندي بنات ولا صبيان حولج محد بينفعج ولاخالتج بتنفعج

 

[3NoOoSA]

لا تردين عليها يا عمري هذي غيراانة منج وبعدين هي شكوووووو شتبي تتدخل بحياتج الحمال والتربيه والمصاريف عليج انتي وابوهم اهي مو حاطة ولا فلس وبعدين انتي فكري لبعيد بناتج بيتزوجون ولدج بعد بيخلى عليج البيت بتقعدين اطقين راسج بالطوف من الوحده واهي العيالها حولها حبيبتي لا تردين عليها باجر منو يشيلج لا كبرت مو يداريج انتي وزوجج هي واعيالها مثلا حبيبتي غير عيالج محد يسندج وسوري على القرقه الزايد انفعلت

 

[يا حبنـي له..}]

رد : خالتي تقولي لا تحملين خلااااااص...... وماعندي إلا 3

انتي سوي اللي مقتنعه فيه

واول مره اشوف مره عوده ماتحب كثرة العيال

بس يمكن اهي مقننعه برايها لاسمعتيها سوي نفسج متأثرة بكلامها

بس تالي سوي اللي انتي تبينه..بس عشان ما تحن

 

[( المـلاك )]

ما عليج منها
و ييبي درزن يهال بعد
كيفج انتي و ريلج
محد له شغل يتدخل بهالامور

=)

 

[Freakya]

لأن بنات صج العايلة الصغيرة حلوة بس الي عندها 4 يهال أو 5 أحس أحسن لما يكبرون يبارونها ويسلونها ويزورونها

اذا كان هذا رايج فإنتي غلطانه ..

ياما ناس يابوا عشرة محد منهم شالهم و لا عزهم .. العزوة عزوة رب العالمين ..

و انا اقول لج عندج 3 عيال الله يخليهم لج ..

لا تنسين ان هالزمن صعب تربين فيه عيال ..

بس طبعا انتي حرة .. و انتي راح تتحملين المسؤولية ..

اذا انتي شايفة انج تقدرين تربين بعد ياهل ييبي ..

بس استخيري اول شي ..

________________

و عن خالتج .. ترا اهيا ما تغار منج و لا تحطين هالشي في بالج .. اهيا يابت عيال و خلصت ليش بتحتر منج ؟؟؟

هذي مهما تكون خالتج و لازم ما تسيئين الظن فيها بهالطريقة ..

يمكن اهيا تشوف شي انتي ما تشوفينه ..

 

[عيش و مرق]

والله انا اشوف كلامها صح ؟؟؟

وترا العيال حبيبتى مو بكثرتهم ببركتهم يعنى ممكن عندج 10 ولا احد فيهم يطل بويهج لى كبرو ويسلم وومكن 1 بس اهو الى قايم فيج


وبنهايه انتى حره الموضوع يرجع لج

 

[للصبر اخر]

رد : خالتي تقولي لا تحملين خلااااااص...... وماعندي إلا 3

امبيه ياكرهه هالنوعيه من الحريم صج اهي خالتج مع المعذره هذي تفكيرها مو شي كلش
مو اهي اللي تحدد النسل عندج حملتي ولالأ انشالله تييبن عشر ! محد بيتعب غيرج حتى ريلج ماراح يتعب الا بالمصاريف
يعني انا مو محدده نسلي وبحمل وقت ماحنيت للامومه الحين اهما قبل يابوا 10 و12 وعلينا صايرين فنتق يبون اثنين ووثلاثه
يبا العيال عزوه شحلاتنا لاتجمعنا مع بعض كلنا ايد وحده ومانترك امي دقيقه وحده
اي وحده غير خالتج وعمج حتى لو كانت وحده اكبر منج تقولج هالكلام قولي لها هذي حريه شخصيه واهما يعرفون يسكتون

 

[غير كل الناس]

قولي لها محمد صلي الله عليه وسلم يتفاخر فينا يوم القيامه

 

[منيرة خالد]

مسألة العيال انتي تحددينه مع زوجج


والحريم الكبار دايم يتحلطمون على البنات اللي تحمل >> الله سطرتيهم فوق بعض ، ليش كل سنه حامل ، بعد لي متى بتقعدين تحملين ومن هالحجي اللي يضيق الخلق


العيال شي يخصج انتي وزوجج >> واذا قالت لج مره ثانيه قولي ولدج يحن يبي عيال يحبهم


الله يوفقج

 

[حجيه هيونه]

اول مره اشوف ام الزوج ماتبي الجنه تخلف


العاده تركض وراها وتحن خلفي وهاتي يهال


عموما ماعليج منها عليج بنفسج وبس سوي الى تبينه

 

[kingq8q8]

اخ بس اخ انا لو منج اعاند واحمل على طوووول عشان تفهم انها مالها شغل فيج وعلى كيفها بس من الحمال

ةاهي شكوووووو

 

[المستغفرة 74]

يعطيكم ألف عافية بنات

ما قصرتوا ..............
وعلى فكرة أنا وايد زينة مع خالتي أوجبها وأقوم فيها وأفز فيها بالرغم من إن معاملتها لي مو لي ذاك الزود
وعلى فكرة كلامها كان بلقائين ورا بعض فاستغربت من محاولتها في إقناعي
ورديت لعيها رد إنج صاجة وصح كلامج
بس قتلها عيل الي يابت عيال تحسفت إنها يابتهم(قصدي نغزة عن إن إهيا بنفسها عندها أولاد وايد)

وعلى فكرة ريلي مستغرب من رايها وإهوة بالعككس يبي العيال ويحبهم ويتمنى لا كبر يكون عنده أولاد حواليه............. وريلي كبير يعني قرب الاربعين( أمبيه ريلي صار أربعين وأنا مو داريه)
وماعنده إلا 3 الله يخليهم لنا وبس ولد ما يا 3 ابتدائي

ولأننا نعرف تفكير خالتي وكان معناته لا تزيد مكانتي عند زوجي .......... وهمن لا اتصير عندي عزوة لي كبرت
وهمن تفكيرها إنها تبي زوجي يصرف عليها أكثر فإذا زادوا عيالنا تحط بالها إنه ما يقدر(على فكرة إهوه شاريلها سيارة والسايق والبانزين عليه بالرغم إنها بيعدة عنه) وغيره وغيره

فإهية مو أحكم عليها إنها حسودة أو تغار لأ تخاف على مصالحها لا أكثر ولا أقل وحسبالها إن لو يبت عيال راح مصالحا تتعارض

فاهمين ولا لأ
يعني لو كثروا عيالنا ماراح تسافر معانا للدول الاجنبية على حسابنا جذي حاطة ببالها
ووووو

بس صراحة تفاحة ردج موتني من الضحك هههههه سوي خطة خمسية يديدة عنوانها أبي أرد بنت مثل قبل لا أحمل واولد
وصكي على بناتجوالبنات الله يرزقهم بالذرية الصالحة

وعلى فكرة ترى أنا حملي عزيز يعني مو بكيفي أحمل .....................
ولا عيالي كانوا ورا بعض .........
فألف شكر الموضوع انتهى............. وسأكمل طريقي بطاااااااااااااف طنش تعش تنتعش وno coment يعني
لات تعلييييييييق

الله يبلغج بعيالج وييباركلج فيهم .
وبالنسبة لبناتي اخاف اهم يصكون علي مو انا
وكل ما احاول اصغر يعلقون علي ويتضاحكون :lololoe:.وللمعلومة انا صغيرة وتوني وكل الي يشوفني يحسبني توني عروس بس الجلبات بناتي دايما محبطيني .( تهقين غيرة).:bbbiu:

 

[فانتا ستروبري]

سووي اللي تبينه وتحملين وتولدين بالسلامة يارب​

 

[قلبي سلومي]

مالج شغل باحد
اذا تبين تحملين احملي ولا يهمج احد

 

[om_dodo]

الله يعينج
والحمدلله والشكر لهدرجة عاد تقوللج لاتيبين عيال ؟؟؟؟ الله يعينج ياقلبى