خالتي تقولي لا تحملين خلااااااص...... وماعندي إلا 3

[همسات ليالي]

رد : خالتي تقولي لا تحملين خلااااااص...... وماعندي إلا 3

حبيبتي هذه مره كبيره اخذيها على قد عقلها

وبالاخير انتي سويتي اللي براسج وحملتي

الحين

ادعي ريج يتمم عليج ويرزقج اخو لولدج

وكثري من الاستغفارررررررررر

 

[هيبة ملك]

الأمر كله فيدج تبين حملي ماتبين براحتج

وهذي حرمة كبيرة احترمي سنها ومكانتها

ولاتجادلينها

 

[در الـبحـور]

السلام عليكم

الله يعينج حبوبة و العيال رزق من رب العباد و سبحان ربي الل قال (( المال و البنون زينة الحياة الدنيا ))

و الرسول صلى الله عليه و سلم مدح النساء الولود و قال في حديث له :

(( تزوجوا الودود الولود فإني مكاثر بكم الأمم يوم القيامة ))
الراوي: أنس بن مالك المحدث: ابن حبان - المصدر: المقاصد الحسنة - الصفحة أو الرقم: 198
خلاصة حكم المحدث: [صحيح


و الله ياحلوهم باجر يساندونج و يبرونج بإذن الله و ياما خوات عسى ربي يرزقهم يتمنون ريحة الياهل

أنصحج تسمعين و تطنشين حبيبتي مو كل شي نسمعه انطبقه خالتج اعذريها لكبر سنها بس لا تسمعين كلامها

العيال شي خاص بينج و بين زوجج و إن جابت لج طاري خليها تتكلم و طنشي حبوبة و لا تكدرين نفسج اعذريها احسبيها حسبة أمج

و يا عسى ربي يرزقج الذرية الصالحة اللي تسعدج و يهنيج بعيالج يا قلبي و يكونون لج ذخر اللهم آمين

 

[** باربي **]

قولي لها سدي حلجج
بطني الي بيشيل ولا بطنج !!
انا الي بولد ولا انتي!!
ليش عيل انتي كودتي لج ومناشبتني
ما بقى الا تحدد لكم جم مرة يعاشرج بالاسبوع !!
حبيبتي هاذي نيتها قشرة ما تبيج ترتبطين بولدها اكثر
لا تعطينها مجال ولا اي احد تدخل بخصوصياتكم
واااي اليوم حدي متنرفزة من مواضيع الحموله قطع

 

[مسك81]

اهيه كلامها صحيح ومافى داعى تقولين انها تغار او ماتغار
بعدين الامر بيدج لو بتيبين درزن شى راجيعلج انتى وريلج
المره قالت الى بقلبها و انت سوى الى تبينه

بس انا نفس الشى اقول مو حلو الواحده تيب اكثر من 4

لان صج التربيه صعبه والمصاريف زادت ولاتعتقدين التربيه بس يطلع زين او مو زين
التربيه مصاريف دراسه الى باجر بتصير جامعات خاصه وسيارات و غيرها من امور والله يستر علينا يارب

نفس الكلام اللي بقوله بالضبط
وحبوبه اذا انتي خالتج تقولج جذي انا امي تقولي نفس الكلام بالعكس اهم يبون مصلحتنا
والله ييسر لج امورج

 

[G!RLooNa]

انا مع وجهه نظرها انه الحين بهالزمن معدل 3 عيال كافي يعني الحياه صعبه و جذي...

لكن
القرار قرارج انتي وريلج تحددون شكثر تبون و مو معناته هالقاعده ماشيه عالكل ولا صح 100% بالنهايه اهيا وجهه نظر وانتي اللي بتتعبين بالحمال والولاده و التربيه والصرف يعني انا دم ظروسي اللي يتدخلون بحياه زوجين خصوصا سالفه الحمال هذي وايد خصوصيه و ما فيها قطه ويه اتنرفز اتنرفز من سالفه ليش ما حملتي ليش وقفتي حمال بس وقفي كافي تفريخ انتو شكووو

يعني وقفيها عند حدها بطريقه محترمه قوليلها خالتي انا و ولدج متفقين مافيها شي اذا يبنا بعد واحد ولا اثنين زياده و احنا مقتدرين وقادرين نربيهم احسن تربيه و هم بعد عشان يسندونا لي كبرنا و من هالكلام وانشالله تطخ

 

[وداعيه]

انا ماقريت موضوعج كله بس فهمت تقريبا
انا اقول كثري المسلمين
المال والبنون زينة الحياة الدنيا
وخصوصا انج طولتي على ماحملتي

 

[جنون العشق]

بهالزمن كافي 4 او 5



الف حمد وشكر

 

[الفدنه]

قوليلها انشالله وسوي اللي تبينه
العيال حلوين

 

[eman84]

ههههههههه شفيكم طبيتوا بخالتها لووووووووول هدووو اللعب يا جماعه

سوي اللي انتي تبينه ومقتنعه فيه والله يبارك لج في اعيالج ويحفظهم ويزيدهم

 

[أسيل الشوووق]

رد : خالتي تقولي لا تحملين خلااااااص...... وماعندي إلا 3

الحمدالله والشكر بتحتر منج علي شنو صج تفكيرج ............
يمكن نيتها زينه ولو قالت لج لاتحملمين بتسمعين كلامها كلمه وقالتها وانتو ياللحريم تفسرون كلام علي كيفكم
احملي وجيبي 10 وعلي شنو بتحتر تري ولدها واكيد بتستانس وتقولين عندها 8 ولو قايله مرات حماج يمكن نصدق انها تحتر بس خالتج ااعوووذ بالله منج صج

 

[@ام ضاري@]

رد : رد: خالتي تقولي لا تحملين خلااااااص...... وماعندي إلا 3

حبوبه الحمل انتى للي بتحملين وانتى بتربين وانتى للي بتحملين مسؤوليتهم
لاقالت لج هالكلام طنشي والا سايريها قولي اى والله تصدقين صعبه تربيه الاعيال
ولاحملتي اسكتي واذا درت قولي تصدقين حملت بالغلط ^_^


اخذيها علي قد عقلها ولاتبينين لها انج متضايقه من كلامها
ويمكن انها مره كبيره لاتاخذين علي كلامها طااف

انا معاها في الرآي

بعدين دام انتي ورجلج متفاهمين بسالفت الحمال

احملي وتوكي على الله وقولي بالغلط

 

[شقرديـه عالطل]

صج ان كثرتهم مامنها فايده بهالزمن
بس القرار راجعلج انتي وريلج مالج شغل فيها
الحمدالله انتي اللي مربيتهم يعني مو تولدين وتقطين عليها

 

[احـ رومانسيـــه ـلا]

رد : خالتي تقولي لا تحملين خلااااااص...... وماعندي إلا 3

مالج شغل فيها

هذي حياتج انتي وزوجج .. وانتوا اللي تقررون

واذا ودج تحملين حملي مالج شغل فيها

وخل تتكلم من الحين لي القرن الياي

وااي ماحب اللي يتدخلون باللي مالهم شغل فيه !!

والله يوفقج انشالله

 

[miss_jamsheer]

رد : خالتي تقولي لا تحملين خلااااااص...... وماعندي إلا 3

مادري حبيبتي اهو كلامها صح هالزمن يخرع مومال واييد 3 وتربينهم احلى تربيهم ويعيشون احلى عيشه بس اذا بتييبين اكثر شي راجعلج مالها شغل قوليلها انا وريلي نبيب وطبعا لاتتكلمين جدامها انج تبين تحملين خوفج اتشيش ريلج ويهون اهو بعد

 

[الصعيريه]

رد : خالتي تقولي لا تحملين خلااااااص...... وماعندي إلا 3

هالشي خاااص بينج وبين زوجج محد له شغل حتى لوكانت امه

 

[الـــ غ ـــلا]

الله يهديكم يا بنات شهالاسلوب هذى خالتها ام زوجها . تعرفون يعني شنو ام . يعني مكانها من مكانة امها . شنو ختولي وطنشيها واحقريها عيب هالكلام . انا بصراحة تطيح من عيني المرة التي ما تحترم خالتها في غيابها او حضورها مهما هذى ام الزوج الغالي ما يصير نتكلم عنها بقلة احترام . يعني لو البنت منزلة الموضوع عن امها مو عن خالتها بتكون هذى ردودكم . الله يسامحكم بس
انا ماقريت كل الردود بس الصقحة الاولى واحتريت .

 

[فطفط نجد]

انا اقولج طنشي بس مايمنع انج تسايرينها لانها ام زوجج

 

[ماما نونا]

صارت هالحركه برفيجة اختي عندها 3 وتحن عليها لا تحملين والحين لما صار عندها مناعه من حبوب منع الحمل تقط نقزات بتزوج ولدها , الخاله ما ينسمع كلامها بكل شي سحبي عليها وكلامها لا يأثر فيج وكل شي بحياتج انتي بتحملين مسؤليته محد شايل هم احد والله يرزقج بالذريه الصالحه

 

[عاشقه رويشد]

مشكله اذا الخاله تدخلت بكل شي امبيه شي راجع لج انتي وريلج مالها شغل اهيا

حملي وما عليج والله يسهل امورج