~@~ خاص بالمدارس الإنجليزيه فقط ~@~

[حلم الطفولة]

ذكرتيني مشمشه رمانه ... مدرسة الشمس المشرقه تقول وحده مصريه انهم يضبطون الياهل ضضضبططط ولا نتفه يمين ولا نتفه شمال .

 

[um_yoyo]

انا توني مسجلة بناتي في الشمس المشرقة tsk كي جي1 التابعة حق مدرسة الانجليزية في الكويت bsk وليلحين ماعندي خبرة فيها ان شاء الله بس يداومون واشوف شنو المميزات والعيوب وافيدكم وادلو بدلوي ,, وللي عندها عيال هناك ياريت تفيدنا وتدلو بدلوها هنييي...

انا سجلت ولدي فيها بس بري كي جي المدرسه تشرح الصدر و الستاف كله انجليز انا كان ودي ارجع بيبي و ادشها

 

[اثمان]

حببتي أثمان الله يعافيج العفو .. مبروك وسام التميز ومنها لأعلى يالغاليه .
شلونج اثمان من زمان ماسمعنا عنج ..

تسلمين يالغاليه وبرووك وسامج والفوز بمسابقة الكتابه لللأم

:33_1185028183::33_1185028183::33_s142::s142::s142::nbvppw::nbvppw:

انا الحمدلله بخير

ومشكوره وما قصرتى:hjy5jewf:

 

[eng.q8]

سلام
بنات بسالكم اذا بدخل ولدي اي روضه انجليزيه او بريطانيه
لازم يكون من الحضانه عندهم؟؟ويسوون له اختبار لغه؟؟
ولا بس حق الابتدائي ويسلموو

 

[بناتي حياتي]

السلام عليكم
انا بناتي بالكامبريدج اللي بحولي
وحده بأول ووحده برابع وهذي اول سنه لي هناك

والوحيده الي ارتحت لها بعد مغامراتي بالمدارس وتنقيل بناتي من مدرسه لي مدرسه
والحمدلله الله وفقني فيها ووايد بناتي حبوها الحمدلله

واسعارهم حلوه ويشجعون الطلبه على حب الدراسه والمدرسه ويزرعون فيهم حب التنافس الدراسي

 

[مشمشة رمانة]

سلام
بنات بسالكم اذا بدخل ولدي اي روضه انجليزيه او بريطانيه
لازم يكون من الحضانه عندهم؟؟ويسوون له اختبار لغه؟؟
ولا بس حق الابتدائي ويسلموو

على حسب علمي لأ عادي مولازم يكون عندهم من الحضانة لكن وقت التسجيل الاولوية حق اللي عندهم بالحضانة أو اللي عندهم لغة ,, انا بناتي ماكنت مدخلتهم حضانة بس الحمد الله انا كنت مجابلتهم بالبيت :klhfl: وسجلتهم في البريطانية (( الشمس المشرقة)) وسالتني المدرسة اذا كنت مدخلتهم حضانة من قبل ولا لا ,, فاذا مالج خلق اتجابلين بالبيت دخلية حظانة مظمونة تعلمة صح او نفس المدرة اغلبيتهم عندهم حضانة .....

 

[مشمشة رمانة]

انا سجلت ولدي فيها بس بري كي جي المدرسه تشرح الصدر و الستاف كله انجليز انا كان ودي ارجع بيبي و ادشها

يالله مبروك ان شاء الله عقبال اليوم اللي تشوفينة متخرج دكتور يارب يحليلة سلم قلبة الحليييو زميل بناتي ,, بس بناتي أكبربسنة:edbf4317b9: /COLOR]

 

[مشمشة رمانة]

انا سجلت ولدي فيها بس بري كي جي المدرسه تشرح الصدر و الستاف كله انجليز انا كان ودي ارجع بيبي و ادشها

يالله مبروك ان شاء الله عقبال اليوم اللي تشوفينة متخرج دكتور يارب يحليلة سلم قلبة الحليييو زميل بناتي ,, بس بناتي أكبربسنة
edbf4317b9: /COLOR]
,, والله ظحكتيني اثر موبس انا اللي كان ودي ارجع بيبي مرة ثانية ,, والحلو انة المكان اليهال يحبونة يوم اللي وديت بنات الانترفيو واايييد استانسو هناك وتحسين المدرسات حليووين وايد معاهم يخلونهم يقعدون بالصف ويشاركون اليهال اللي بروضة مايحسسونهم بالغربة عرفتي امة اغلبية المدارس الثانية اللي افتريت عليهم لا من ورا الدريشة تشوفينهم احس موشي ..

 

[الصابرة المحتسبة]

سلام يا أمهات
منو عندها فكرة عن النبراس اللي في بيان

 

[um_yoyo]

يالله مبروك ان شاء الله عقبال اليوم اللي تشوفينة متخرج دكتور يارب يحليلة سلم قلبة الحليييو زميل بناتي ,, بس بناتي أكبربسنة:edbf4317b9: /color]

اميييييييييييييييييين اميييييييييييييييييييين

بصراحه جو الحضانه مميز و راقي و حتى اليهال تحسينهم مستوى يعني ما تحتاتين ولدج بمنو يحتك او منو يرافج انشالله باجر بروح ادفع و اذا الله كتب شهر 4 بسجل وليدي الثاني

 

[rawona]

هلا حلم الطفوله .. مواضيعيج روعه ماشالله عليج ويعطيج الف عافيه ..

بالنسبه لي للحين مادخلت بنتي بس سجلتها بالمدرسة الانجليزية بنات اللي بالسلوى

اهي تبع مدارس الشايع تأسست سنة 1993 يعني تقريبا صارلها تقريبا 16 سنه ..

اهي خاصة بالبنات من الروضة لي الثانوي ..

نظام التعليم فيها بريطاني والناظره "بريطانيه قشره" لووول اتوقع افضل بالنسبه لمدرسة بنات ..


ماعندي فكره عن نظام الواجبات فيها بس بمرحلة الرياض حسب ما سمعت من اهلنا اللي مدخلين بناتهم فيها واجباتهم لهالمرحله اسبوعيه ..


سبب اختياري لها بالدرجة الاولى "انها غير مختلطة" صارلي فتره طويله اسأل عنها وعن مستواها وكل اللي سألتهم شخصيا امدحوها بلا استثناء علشان جذي استغربت من البعض اللي ذمها وهم كله يعتمد على الانطباع الشخصي للاهل عن هالمدرسه وارتياحهم فيها ومستوى عيالهم بكل المدارس بلا استثناء اذا عيالهم ماشين بالمدرسة امدحوها ووصلوها لي السما واذا عيالهم مو ماشين ذموها ونزلوها لسابع ارض :wqedqw:

والله يوفق عيالنا كلنا اللهم امين :e3:
​

 

[حلم الطفولة]

مشكوره وأجمـعين روونا ..

مشكورين كل المشاركات .. ماتقصرون.

 

[حلم الطفولة]

رفع .............

 

[كويتيه عالي سماها]

السلام عليكم
انا بناتي بالكامبريدج اللي بحولي
وحده بأول ووحده برابع وهذي اول سنه لي هناك

والوحيده الي ارتحت لها بعد مغامراتي بالمدارس وتنقيل بناتي من مدرسه لي مدرسه
والحمدلله الله وفقني فيها ووايد بناتي حبوها الحمدلله

واسعارهم حلوه ويشجعون الطلبه على حب الدراسه والمدرسه ويزرعون فيهم حب التنافس الدراسي

ممكن تتكلمين أكثر عنها ..

عندهم سباحه شنو نظامهم المدرسه حلوه ومرتبه عدد الطلبه في الفصل كبير او معتدل

إمممم بعد شكنت بأقول جم أسعارهم مدرسينهم من اي جنسيه

وشلون مستوى عيالج باللغه الانجليزيه

اسلوبهم مع الطلبه شلون طيبين ولا يطقون

وعمرج سمعتي عنها شي زين او مو زين

مختلطه او لااء

انتي ارتحتي لها عشان سعرها ناسبج او عشان عيالج ارتاحوا فيها

آسفه ع التحقيق هههههه بس ودي اسجل ولدي بمدرسه ومحتاره

مشكوره اختي مقدما

 

[حلم الطفولة]

كمبرج أسعارها حلوه ومعقوله .. والانجليزي فيها جيد جدا .. والرياضيات فيها قوي ..
مختلطه .. والعربي عادي مو ذاك القوه ... أتمنى من الخوات اللي عيالهم فيها يفيدونا أكثر ..

 

[حلم الطفولة]

....... رفع .........

 

[حلم الطفولة]

رفع

 

[أم أسيل]

للرفع

 

[عزيزتى]

مدرسة الخليج الانجليزية بالسالمية === بجانب انترناشونال كلينك
انا عيالي فيها من الروضة ممتازة -عدد الطلبة في الفصول قليل - في ورقة خطة اسبوعية للدراسة علشان تعرفين شنو بيدرسون هالاسبوع واذا في طلبات او امتحان قصير خلال الاسبوع
وايد منظمين نظامهم 3كورسات و3اجتماعات لاولياء الامور علشلن تعرفين مستوى عيالج
عندهم انشطة بعد الدوام لمدة ساعة(كرة قدم -سلة -سباحة-طبخ -موسيقى -كمبيوتر------)
في الصف السادس عندهم امتحان نهاية السنة مهم لانهم يدزونة برة للتصليح يعني نفس سنةالتخرج وبصراحة تعرفين مستوى الطالب الحقيقي لان بيكون في شهادتين وحدة من المدرسة اخرشهر 6يستلمها والثانية اخر8يستلمها لما توصل من برة
انشطتهم حلوة مثل اسبوع الكتاب وعادة ايبون لهم كاتب قصص عالمي يحاضرهم ويبيعون لهم القصص ويكتبون قصص ويصممون غلاف للكتب وغيرها
وفي االاسبوع الرياضي والصحي والاسبوع العالمي يتعرفون علي الدول وعاداتهم والاماكن الي فيها حتي الاكل
من الصف الخامس في رحلات خارجية وسفرات اذا تحبون اولادكم يشاركون
في كتلب الواجبات وهو وسيلة تواصل بين المدرس وولي الامر في الواجبات اليومية الي يحلها وشنو يحفظ وحتي لو في مقطع لازم يقراة يكتبون لة شنو يسوي في البيت واي ملاحضات عندج اوعند المدرس حتي اذا الطالب يتكلم او مايهتم بالصف تعرفين اول باول
المدرسة حيل متعاونين اي شى تبين من المدرس تاخذين موعد او تقابلينهم بعد جرس الهدة لغاية الساعة3
فيها سلبييات مثل اجتماع اولياء الامور وقتة قصير بس انا دايما اقابل المدرسين ما انطر الاجتماع خاصة من الصف السابع كل المدرسين يكونون في صالة المسرح وزحمة وازعاج
ساحة المدرسة وايد صغيرة ما كو مكان يلعبون بس اغلب انشطتهم يسوونها بالحديقة الي مقابل المدرسة
الكي جي مكانهم بالسرداب مو حلو وصغير مقارنة في مكانهم قبل بالرميثية كان روعة بس تاسيسهم ومدرساتهم الروضة خبرة ويطلع الطالب منهم ممتاز والقراءة شى اساسى كل يوم قصة يقراها بالبيت
عمموما المدرسة ممتازة

 

[حلم الطفولة]

شكرا عزيزتي